الوحدات الصعبة

الكاتب : shayib80 | المشاهدات : 525 | الردود : 2 | ‏9 نوفمبر 2007
  1. shayib80

    shayib80 بـترولـي نشيط جدا

    193
    0
    0
    B OPERATOR
    MAB REFINERY
    [CENTER]بسم الله الرحمن الرحيم


    يمكن الواحد يسأل ليش سميت موضوعي بالأسم هذا ... فعلا انا اشتغل في وحده من اصعب الوحدات على مستوى الثلاث مصافي... ألا وهي وحدة التفحيم

    ويمكن الناس الي ما مرت عليها هالوحده تسأل شنو اهي الصعوبات الي فيها ؟

    *اول شي مشكله بيئـية. احنا ننتج الفحم النفطي وهو عباره عن آخر منتج من بعد عمليات التكرير الي تصير داخل البرج الرئيسي لعمليات تكرير السلسله الهيدروكربونيه بالتالي ينتج تلوث الغبار النفطي الي يسبب الالتهابات والامراض في الشعب الهوائية

    *مشكله الحراره العالية الي تطلع من الخطوط والانابيب. وتخيلو احنا نشتغل كل يوم في هذا المكان الحار + حراره الصيف ( الي ماتقدر تتنفس في )(حراره الخطوط في هالمكان بس ( 490.55C ) (915 F )
    زيدوا عليها حراره الجوا الي توصل بالصيف 50C

    * الشغل الكثير الي فيها من اول الدوام إلى آخر الدوام سواء كان دوامك صبح أو عصر أو ليل
    هذا بعد لا يحوشك قروب(مجموعة) تعبان ما يحب الشغل وانت تستحي ما تحب تجرح مشاعر احد تكمل( الخلطة وتصير سلطة)

    *الترقيات والعلاوات الي فيها غير مشجعة بالمرة للشباب لذلك الكل يبي يطلع منها ومحد راضي من الوحدات الثانية يروح يشتغل فيها

    *كثر ما أتكلم ما تخلص مشاكلها من نواحي ( المعدات والصيانة والإدارة )

    *حتى اجازات ماتقدر تاخذ بالصيف لان في نقص لازم 2 من 13 شخص يطلعون والباجي يكرفون

    * تخيل انت صايم اييلك وقت الافطار ولا انت تبي تتسحر يكون عندك شغل في هالمكان ، لاااااااااااااااااااااااااااااااااا ترى الشغل مو 5 دقايق وبس لااااااا الشغل عباره عن نص ساعة يوما عباره عن تسكير وفتح مابين 30 صمام إلى 40 صمام (VALVE) مختلفة الاحجام 8" 10" 15" وانت رايح

    *وصدقوني على كثر ماتكلمنا مع المسؤولين عن المشاكل الي تحجيت فيها والي ما تحجيت فيها ماكوا فايده
    اسمع من خمس سنين ان في حوافز وفي مكافآت لكن مع الأسف المكافآت عباره عن 10 إلى 20 دينار عن كل SHUTDOWN و STARTUP حق الOPEARTOR الي كانوا في.لإان مو كل العمال يدخلون SHUTDOWN وSTARTUP ( مجموع عمال الوحده على الاربع شفتات 60 عامل )

    (آخر مره معطين الشباب كوبونات ب 20 دينار منتهيه صلاحيتها )

    انا صوت واحد من الآلاف الي يهمة مصلحة الشركة ومو قاصدي الاستهزاء لكن هذا اللي حاصل ترى مصلحة الشركة من مصلحة البلد

    ماخلص الموضوع في تكمله انشالله .... بس ما ابي اطول اكثر من جذي بعدين الواحد يمل

    تحياتي COKER TR 2
     
    آخر تعديل: ‏9 نوفمبر 2007
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    والله يا طويل العمر هذي المواضيع الي انفتح المنتدى على شانها واظم صوتي لك وادعيلكم بالتوفيق والانصاف

    واستغرب من الاداره الي تدري ان هالوحده بالذات هي اكثر الوحدات ربحيه والي تنقذهم من Vgo والـ Fo الي متكدس بالمصفاه
     
  3. نفطي1

    نفطي1 موقوف

    16
    0
    0
    كلام سليم والله يعين
     
جاري تحميل الصفحة...

مشاركة هذه الصفحة