مهم جداااا لموظفي اوسكو

بسم الله الرحمن الرحيم

اخي الكريم اقسم قسم احاسب عليه امام الله ان النقابة عملت بأكثر مما هو مطلوب منها تجاه الموظفين حيث ان النقابة تأسيسية فقط والانجازات كثيره وموضوع الدورة هذا حسب لوائح الشركة والنقابة طالبت بدورات وترقيات للكل لكن ماتحدد شروط ومافي عضو بالنقابة واحد سعى بمصلحته دون زملائه الموظفين علشان يترقى او يدور مصلحة.. وموضوع الانتخابات يا اخي العزيز متأخر علشان المرشحين السالفة فيها لوائح وشروط واستثناءات علشان الكل يقدر يشارك فيها والا لو الموضوع مصلحة جان الانتخابات صارت من زمان وخذاها المجلس الحالي بكل سهولة وبشروط اللائحة الداخلية للنقابة .. للعلم حتى هاللحظه مافي ولاعضو بالنقابة الحالية بيرد يرشح نفسه ولو بالسالفة مصلحه كان محد هدها

وموضوع سكوت النقابة عن اي ظلم او اضطهاد هذا غير صحيح ولو اي شخص متصل بعضو بالنقابة وطالب من اي وقفة ماراح يقصر فيه حتى ماراح ينطر كتاب او طلب رسمي موجه للنقابة مثل باجي النقابات

السلام عليكم وكفى من يحكي ان ........

 

اخي يحكى ان
كلامك مو صحيح مع احترامي لك يحكى ان جنه اسمك كلام سوالف ليل وناس فاضيه

 

حبيب قلبي قريد 8 مو الدفعة الاولى لعلمك بس ثلاث دفعات حاليا وصلت قريد 8 بس تصحيح لمعلوماتك الاولى والثانية والثالثة وموضوع الاوائل انت تدري وانا ادري والكل يدري ان نصهم ولا يستحقون هالمراكز شلون تبي تحكر الموضوع عليهم وبعدين هم الاقدمية تستاهل حقها مو معقول انت متخرج شهر 7 / 2007 تبي على طول تتساوا مع اللي متخرج شهر 12 / 2005 عدل والا لأ ترى هم الحق حق ولكل مجتهد نصيب والا الموضوع خذوهم بالصيحة .. وبالنسبة للنقابة ماعتقد انك تعرف شنو معنى مجلس تأسيسي اسأل وانت تعرف ان النقابة مكفية وموفية وسلامتك طال عمرك
وارد واقولك ان النقابة مالها دخل بموضوع الدورة تكفا خفف من الاشاعات او وقف اللي يمدك بهالاشاعه وقوله ستوب

 

ياليتنا كلنا مانكون طماعين ومانحسد بعض اذا احد ياله نصيب بترقية ولا نزعل لان لكل مجتهد نصيب وللاقدمية نصيب وللخبرة نصيب وكل واحد بياخذ نصيبه مانبي الطمع والحقد يوصلنا ان احنا انتخرج اليوم من الدوره باجر نبي ننقز بدون وجه حق وبدون تعب فوق كل الناس اللي سابقينا وفوق القوانين ونبي نصير على طول تيمليدريا لا ويمكن ايي يوم انقول ليش ما انتقاعد بسرعه سنة وانتقاعد..

الله يكتب للكل اللي فيه النصيب ويرزقنا خير وانشالله ماينظلم احد ويضيع حقة بشي..

السلام عليكم

 

وصدقني اخي العزيز انا لامتحامل عليك ولاشي لكن اتمنى ان المعلومه توصلك بالشكل الصحيح والله يعطيك العافية عالموضوع

 

كلامك يابو فاطمه عدل اكيد الي بالاقدميه اهي الي تستاهل مايصير واحد متوظف قبل شهرين

ويصعد على ربعه الي بالدفعه الاولى وبعدين مثل ماقلت الدفعه الاولى والثانيه والثالثه خذو غريت 8 صح

ويعطيكم العافيه

 

صح السانك يابوفاطمه هذا الكلام الصحيح وكلامك كل صحيح ومقنع وعشان لحد يقوول شي ترى انا مو من النقابه ولا من الدفعه الأولى بس هذا الحق والحق ينقال.

 

بصراحة يا اخ يحكى ان انا لي هني واوقف انا عرفت انت شتبي توصله وعرفت ان قناعتك ماراح يغيرها الحق ولا راح تقتنع فيه والظاهر ان انت مشكلتك حيل عويصة مع هالنقابة واعضائها والظاهر بينك وبين احد فيهم مشكله شخصية وياليت تحلها واتمنى انك تكون من المجلس القادم للنقابة وتسوي اللي محد قدر يسويه من اعضاء النقابة الحالية.. وعموما الاوائل بالدورات عندهم ميدان عمل والطيب يثبت نفسة بميدان العمل خل عنك الدورة احنا الحين بعمل بميداني وكل واحد من كل الدفعات يثبت نفسة بعملة..
ولا اتحامل علي ياقلبي انا ماقيمت احد ولابقيم احد انا اتحجى بالواقع اللي الكل يعرفة...
وعموما كل واحد بياخذ حقة وخل عنك هالمثل( خذوهم بالصيحة) لانك حيل مطبقة بس ترى مايفيد بشي...
وللعلم انا ماقول كلام اكبر مني وماقول شي غلط وكلامي محسوب 100 % وعارف شقاعد اقول عدل...
وعلى قولتك اللي ياكل حق رفيجة وبحلجة فطيس هذا اللي يبي يصعد فوق ظهور الناس قديمهم ويديدهم علشان مصلحتة واللي من هالنوع معروف وواضح.. ( مع ان هالمثل مالك مكانه مو هني بس يالله )
... الله يعطيك العافية على هالموضوع اللي يعكس فقط وجهت نظرك وكل انسان يشوف وجهة نظره اهو الصحيحة ..

 

بس حلو اخر مقطع( والا شرايك يابوفطوم ) ذكرتني بواحد عزيز علي ؛)

 

كل شي راح يتضح وانا اتفق مع ابو فاطمه في نقطه الا وهي ان البعض من الاوائل هم غير متميزين ومستواهم متدني في الدوره

الواسطات وصلتهم انهم يصبحون من الاوائل واضف لذلك انه اخذ بنسبة الحضور

 

الشركة +نقابتنا = لم ترتق للمستوى المطلوب
وشكرا

 

تاملوا خير واعملوا

 

الاخ العزيز كاتب الموضوع ان الله سبحانة وتعالى لايقبل بالظلم فلاتظلمنا بشيء لم نفعلة ودر النقابة في هذة الامور يقتصر بطلب الدورات وطلب مافيه مصلحة وخير للموظفين وليس التحكم بشروط الدورات وان كنا نتدخل في حال الظلم او عدم العدل في ذلك الموضوع فقط
وان كنا نجرى خلف المصالح الشخصية كنت لتجدنا في تفرغ وظيفي تام وفي البلد الفلاني والمكان الفلاني بحجة العروض وغيرها

لذلك اطلب منك اخي العزيز تحري المعلومات التي تنشرها فان كانت بسيطة بالنسبة لك فهي مهلكة بالنسبه لنا فنحن لم نعمل بالنقابة الا لمصلحتكم اخواننا الموظفين لا لتقصم ظهورنا بسبب الاشاعات وتشوه سمعتنا بسبب عكسيا فنحن في الاخر بشر

السلام عليكم ورحمة الله وبركاته وتقبل اخي العزيز مني ماقلت بصدر رحب

 

يعطيك الف عافيه اخوي نقابي

وان شاءالله تكونون في خدمه الموظفين

 

الله يعافيك اخوي رجل الامن والله يقدرنا على العمل بمافيه مصلحة وخير لاخواننا العاملين في شركة خدمات القطاع النفطي

 

صح السانك بوفاطمة