يا موظفي المصافي ردوا علي

الكاتب : om 3zooz | المشاهدات : 1,259 | الردود : 17 | ‏14 نوفمبر 2008
  1. om 3zooz

    om 3zooz بـترولـي نشيط جدا

    262
    0
    0
    engineerah
    q8
    السلام عليكم ,, عندي استفسار عن طبيعة العمل في المصافي بالنسبة للمهندسات وأي مصفاة أحسن ؟؟
    قالوا لنا أن في بدل خطر هل صحيح هذا الكلام وجم قيمته ؟
    عفيه الي عنده معلومات زياده يبلغني لان دوامي راح يكون بمصفاة وشكرا
     
  2. الاصولي

    الاصولي بـترولـي جـديـد

    8
    0
    0
    مرحبا أم عزوز

    الصراحة وانا لك ناصح ... إذا شهادتك عندك ... روحي الأبحاث احسن لك

    بدل الخطر عندنا 75 دينار ... وإذا جاءك رئيس قسم غلس والله يطلعون عيونك وعيون عيالك ... وإذا حصلت لك تقسيم الدرجات سوف ارفقه إن شاء الله

    انا في المصافي 20 سنة

    اخوك الأصولي
     
  3. om 3zooz

    om 3zooz بـترولـي نشيط جدا

    262
    0
    0
    engineerah
    q8
    يعطيك العافيه اخوي اناااا قبلوني بدون واسطه والحمدالله وفي ناس وايد مقدمين مع واسطاتهم ومانقبلواا اخاف اروح الابحاث ويبون واسطه وما انقبل وبعدها افلس من المكانين انا اقول أمسك مينوني احسن والله كريم
     
  4. VIBRATION

    VIBRATION بـترولـي نشيط جدا

    وعليكم السلام ورحمة الله وبركاته


    طبيعة العمل بالمصافي بالنسبة للنساء يعتبر شاقا ً نوعا ما ولكن على حسب القسم

    مثلا ً قسم المشاريع والمختبر يناسب المرأة

    أما قسم الهنسة والصيانة وقسم العمليات فهو شاق على النساء وهذه وجهة نظري :)

    أما بدل الخطر فـــ على حسب الدرجة
     
  5. om 3zooz

    om 3zooz بـترولـي نشيط جدا

    262
    0
    0
    engineerah
    q8
    شكرا المحامي انا راح اتوظف على الدرجه 12 ... والله كريم انشاءالله يكون المكان مناسب لي :)
     
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أختنا الفاضلة أم عزوز على حسب ما استشفيت من ردودك

    أن الأمر شبه محسوم باختيارك للمكان والعمل ( صاملة للعمل في المصفاة ) لكن سؤوالك هو مجرد تسلية للنفس ومعرفة طبيعة العمل

    لكن خذي عني

    سلبيات العمل في المصافي للمرأة الكويتية :

    1- القيام للعمل في الصباح الباكر لابد التبصيم قبل السابعة صباحا ( لابد من القيام مبكرا في الساعة السادسة صباحا على أقل تقدير ) هذا بالنسبة للرجال طبعا الرجال التجهيز للعمل سهل جدا لا يستغرق نصف ساعة ..أما الموظفات لابد أن تستيقظ قبل العمل بساعتين ) والانصراف من العمل في الثالثة عصرا :)

    2- كثرة الاختلاط بالرجال والنسبة العظمى هم الرجال الذين قدر عليهم عملهم الشاق أن لا يختلطوا بأمثالك من عشرات السنوات
    فأنتي بالنسبة لهم كائن غريب . وستلاحقك النظرات في كل مكان تذهبين له . مما سيسبب لك الكثير من الاحراج والحياء وهذي عادة بنات حواء ( الحياء )

    3- ستلاحظين فقد أنوثتك مع الأيام بسبب كثرة الأعمال والاختلاط بالمصانع والاجتماعات والهنود ..الخ

    باختصار العمل في المصافي شاق جدا ومتعب لم يتحمله الا قلة من الرجال فما بالك بأمثالك من بنات حواء


    تقبلي الحقيقة وأرجو أن لا تأخذين كلامي بحمل آخر
     
    آخر تعديل: ‏14 نوفمبر 2008
  7. Q8-mechanical

    Q8-mechanical بـترولـي جـديـد

    42
    0
    6
    قوه ام عزوز..اعتقد المكان يعتمد على تخصصج..
    مثلا انا مهندس ميكانيكي، اعتقد بقطوني عند الصيانه..
     
  8. om 3zooz

    om 3zooz بـترولـي نشيط جدا

    262
    0
    0
    engineerah
    q8
    وااااااااااااااااااااااااااااااااااااااااااي صج لاعت جبدي كل هذااا يصير بالمصافي ؟؟؟ مشكور اخوي ماقصرت والكل مشكور
    بس انا شسوي اهمااا حاطين لي في ورقة الأوفر ان الراتب عليه زيادة 100 دينار وفي بنات معاي بدون زيادة لما سألت عن السبب قالوا لي العمل في المصفاة ,,, وانا مادري شسالفه !!! المهم ماكو الااا اشوف شسالفه وياريت يحطوني في ال head office
     
  9. WaRiO

    WaRiO بـترولـي مميز

    ام عزوز ........ اختي انحاااشي من البترووول

    ترى والله عيالج راح تنسييين اشكاااالهم

    انتي داومي الحين وقدمي على الابحاث وانشالله يقبلوونج هنااااك

    ترى تعب على الفاضي ..... ماكو تطور للمرأة بالبتروول ؟ ماكو قياديات عندنا كثير والدينصورات وايد

    اذا تقدرين روحي صبحان شوي اهون الشغل هناك وحاولي تروحين الابحاث ولا اي مكان
     
  10. الاصولي

    الاصولي بـترولـي جـديـد

    8
    0
    0
    السلام عليكم ورحمة الله وبركاته


    شكرا لكم جميعا يا أحباب

    الكلام واضح يا أم عزوز ... وأنت إن ما صرتي أم حتى الآن ... فستصبحين أم مثالية ببعدك عن المصافي ... ترى أهم شيء بالحياة الدين ... ومن ثم العيال ...

    ولا تهمك ال 100 دينار زيادة ... وربك غضبان عليك بإختلاطك بالرجال ...

    وأنا آسف على هذه الكلمة ... هناك بعض ضعاف النفوس من الدينصورات ...الخ ( استحي أكمل ) إلا من رحم الله منهم

    انفذي بدينك وعيالك ولا تهمك ال100 دينار ... و الله يعوضك خير ... الزم ما عليك دينك و عيالك وأنوثتك

    وإذا لم تتزوجي ... أي واحد يتقدم يدور أم لعيالة و يرتاح معها ... لا يفضل المرأة التي تخالط الرجال .. وهذا شيء يعرفه الرجال .. ( آسف ) وأكرر أسفي على الموضوع

    أخوك وأبوك الأصولي
     
  11. om 3zooz

    om 3zooz بـترولـي نشيط جدا

    262
    0
    0
    engineerah
    q8
    اخوي الاصولي عندي عيالي وابو عيالي الله يحفظهم لي والحمدالله وصدقني مو علشان ال 100 دينار الحمدالله مو ناقصنا شي بالعكس انا ابي يقصون نص راتبي بس خل يحطوني في مكان اداري وانا صارلي فترة قاعدة في البيت بدون شغل اربي عيالي واكبرهم علشان جذي ابي اشتغل الحين ومليت من القعده بس صح كلامك لازم اروح مكاااان بعيد عن الاختلاط ,,
    لو صايره مدرسه مو احسن لي بدال هاللويه :)
     
  12. Q8-mechanical

    Q8-mechanical بـترولـي جـديـد

    42
    0
    6
    روحي الاسكان
    بتنزل لهم بدلات ومعاشهم حلو
    وترى انا كنت محتار بين الاسكان والنفط عشان ميزاتهم...على فكره الاسكان على طول فاتحين للمهندسين
     
  13. Q8_EnGinEEra

    Q8_EnGinEEra بـترولـي جـديـد

    5
    0
    0
    Civil Engineer
    Kuwait
    انا بعد مهندسة مدنية .... و توه اقبلوني ولما رحت اسوي اجراءات الفحص بعيادة ميناء الاحمدي و سمعت ان المهندسين ما يتوظفون الا بالمصافي و شفت ان المكان ما يلائم المرأة بتاتا فهونت من الوظيفة بالرغم من ضغط الوالد الله يحفظه علي لانه يقدس القطاع النفطي بشكل مو طبيعي ... بس الزم ما علي نفسي و الشاطر بيتميز وين ما يشتغل و مو شرط ان اثبات الذات و القيادية ما تتحقق الا بالقطاع النفطي... مع كامل احترامي و تقديري لهم "خصوصا ان عشنا معاهم عمر بحكم وظيفة الوالد"
     
  14. om 3zooz

    om 3zooz بـترولـي نشيط جدا

    262
    0
    0
    engineerah
    q8
    q8 engineera شبتسوين الحين ؟؟ وشدراج شلون صاير مكان شغلج يمكن مريح اكيد ماراح يحطونج مع الرياييل وترى احنا مو اول مهندسات نشتغل بالمصافي في غيرنا وايد وما استمروا في شغلهم الا علشان اهما مرتاحين انااااا راح اظل واجرب الوظيفه وباذن الله راح استمر واذا شفت هالشي ان راح يأثر على بيتي وعيالي ذيج الساع يحلها رب العالمين :)
     
  15. om 3zooz

    om 3zooz بـترولـي نشيط جدا

    262
    0
    0
    engineerah
    q8
    انا اخترعت من كلام الاخوان صج اخترعت ,بس دقيت على وحده من رفيجاتي تشتغل هناك استغربت من كلامها تقول الشغل حلو ومو كرف الا في اوقات معينه وايام معينه في الشهر فيها ضغط بس باجي الايام عادي ,,, اهي تشتغل بمصفاة ,, علشان جذي انا قلت لازم اجرب حظي واشوف :) بالتوفيق
     
  16. أميرة الرقه والذوق

    أميرة الرقه والذوق بـترولـي نشيط جدا

    287
    0
    0
    حيا الله ام عزوز عسىى الله يخلي لج عزوز (ترى احب اسم ولدج )

    شوفي مع احترامي للي كتبوا ردود لج بس انا اقولج الدوام مافيه أي مشقه وانا بنت واشتغل بالمصافي وقاعده امارس حياتي طبيعيه ومتزوجه والحمدلله مافيه لاتعب ولاغيره

    ودامج مهندسه مدنيه أظن بيحطونج بالمشاريع قولي ان شاء الله شغله ثانيه انا افضل تجربين وانتي تقارنين لاتاخذين بكلام الناس

    اذكر لج مثال صار لي اول ماتوظفت ياني واحد من الموظفين المكتب ومابقى شي ماقاله عن التيم ليدر وانه شديد وانه وانه وانه خلاني اشك انه اسد ووقتها كان بإجازه ورجعت بيتنا ابي استقيل خلاص وبس بجي تخيلي بس ابجي وقلت حق ابوي بطلع من هالدوام والوالد الله يحفظه قالي نطري واذا ماعجبت الوظيفه طلعي من هالمكان وفعلا نطرت لما رجع المسؤول ووالله العظيم انه طلع كلمة عسل شويه عليه تبارك الرحمن الله يحفظه لأهله ويسخرهم له يستحق انه يكون مسؤول

    فعلشان جذي اقولج جربي وانتي بنفسج تتخذين القرار

    وسامحيني ع الإطاله

    تحياتي لج
     
  17. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    أعقب على كلام الاخت أميرة ..

    هالحجي قالج إياه علشان يطفشج واهو ياخذ الدرجة اللى كنتي بتاخذينها منه بحكم انج راح تشدين حيلج وتصيرين أحسن منه

    ما يمدحه لأنه مو محصل شي منه :) لكن لو كان مضبطه جان سواه فارس زمانه ...

    ما عليكم من أحد وجربوا شخسرانين ..

    بالتوفيج يا رب
     
  18. om 3zooz

    om 3zooz بـترولـي نشيط جدا

    262
    0
    0
    engineerah
    q8
    اميره يعطيج الف عافيه حبيبتي ماقصرتي بصراحه بردتي جبدي :) مو علشان شي اقول هالكلام بس بصراحه طلعت روحنا علشان يقبلونا واخر شي نتعنفق ونقول مانبي الشغل انااا وحده بتوكل على رب العالمين وبجرب وبصبر ماكو شي بالساهل :)
     
جاري تحميل الصفحة...

مشاركة هذه الصفحة