احد عنده معلومات عن Schlumberger ؟

الموضوع في 'منتدى التوظيف' بواسطة Bos3ayd, بتاريخ ‏13 نوفمبر 2008.

  1. Bos3ayd

    Bos3ayd بـترولـي مميز

    إنضم إلينا في:
    ‏13 نوفمبر 2008
    المشاركات:
    518
    الإعجابات المتلقاة:
    0
    نقاط الجائزة:
    0
    السلام عليكم :)

    للاسف ما حصل لنا نصيب في الدفعه الي انقبلوا قبل فتره في الشركه و احب ابارك لهم بنفس الوقت :) ، وصراحة انا ما كنت حاط كل امالي على الشركه فقدمت على القطاع الخاص وحبيت استفسر اذا فيه احد عنده اي معلومات عن شركة Schlumberger الالمانيه لان بلغوني اليوم انه عندي مقابله شخصيه بالاحمدي و للاسف ماعندي اي معلومات تفيدني عنهم.

    ياريت الشباب يساعدونا ولو في بعض المعلومات عنها ، يعني مثلا شنو نظام المقابله عندهم ؟ شلون طبيعة شغلهم ؟ لان صراحة سمعت انه يبون مكاين مو اوادم :eek: ، و شنو مميزات الشركه و رواتب الموظفين فيها :) ..
     
  2. alcataloni

    alcataloni بـترولـي جـديـد

    إنضم إلينا في:
    ‏6 نوفمبر 2008
    المشاركات:
    10
    الإعجابات المتلقاة:
    0
    نقاط الجائزة:
    0
    انا انقبلت بالشركة بس رفضت اتوظف عندهم

    اول شي الشركة مو ألمانية الشركة فرنسية

    المقابله الأولى راح تكون مقابلة سريعة مع مدير التوظيف الإقليمي و أسمه ماجد و اهو سعودي اذا ما غيروه طبعا

    بالمقابله الاولى راح يسألك عن جامعتك و شنو تعرف عن الشركة و راح يوريك فيديو بروجيكت عن الشركة و راح يطلب منك تتكلم عن نفسك بالانجليزي شوي

    اهم شي بهالشركة انك تعرف انجليزي مو شرط تكون بيرفيكت بالانجليزي بس تكون ممتاز لانه شغلك ماراح يكون بالكويت ممكن يقطونك بأي دولة بالعالم

    الشركة تحتاج واحد يتحمل الدق لانه عادي تشتغل 30 ساعة متواصلة بس عاد أخذ معاش ... معاشهم اقوى معاش بكل شركات النفط بالعالم

    طبعا نظام الشركة راح انسخلك اياه من موقع انا كنت كاتب فيه قصتي مع الشركة

    بالبداية و حتى قبل لا استلم شهادتي قدمت عن طريق الموقع و حطيت السي في مالي ... الميزة انك تقدر تقدم على شركتهم حتى قبل ما تتخرج بفترة قصيرة بس شرط تكون عارف معدلك


    بعد اسبوعين تقريبا دقوا عليي و كان يوم يمعة و قالولي عندك مقابلة يوم الثلاثاء الساعة 10


    رحت المقابلة .. دخلت المكتب و لا بس واحد يقابلني و كان اهو موظف سعودي اسمه ماجد


    بهالمقابلة يعرفك عن نفسه و بعدين انته تعرفه عن نفسك و يسألك يقولك شنو تعرف عن شركتنا و من وين عرفت الشركة ... و بعدين سألني قالي عندك مشكلة لو تشتغل بفيتنام ... طبعا انا كنت رايح المقابلة كنت كلش مو متشجع اتوظف بالشركة فقلتله لا مابي اروح فيتنام ((طبعا بعدين لما عرفت عن الشركة اكثر تشجعت على الوظيفة )) ... جان يقولي اندونيسيا جان اقوله هم لا مابي ... جان يقولي شنو تبي يعني .. جان اقوله بالخليج ... جان يقولي بالسعودية .. قلتله قولي شنو عرضك قالي 7000 دولار تقريبا ... بس اهو مو متأكد بالضبط جم


    بعدها قالي كلمني عن يومك بالانجليزي .. بعدها شغلي فيديو عن وحدة تشتغل بالشركة عشان يوريك طبيعة الشغل بالشركة

    عقبها قالي خلاص اذا نجحت بهالمقابلة راح نتصل عليك و نقولك متى مقابلتك الثانية


    بعد 10 ايام و هم يوم اليمعة دقوا عليي قالولي تعال الثلاثاء عندك مقابلة ثانية الساعة 7 ... رحت الساعة 7 .. قعدونا بغرفة نفس غرفة اجتماعات و كننا وقتها 10 صبيان و 4 بنات ... دخل علينا موظف السيفتي قالنا اذا صارت حريجة و لا صار هجوم ارهابي شنو تسوون .. بعدها ماجد سوالنا برزنتيشن مدته تقريبا 4 ساعات .. هالبرزنتيشن معلومات عن الشركة و خطة العمل ... بعدها سألنا في احد يبي ينسحب ... محد انسحب


    جان يوزعون عليننا بلسوتات و نظارات و جواتي و خوذ ... سوولنا جولة بأقسام الشركة طبعا الشباب لما شافووا الجو حار ضاق خلقهم ... رجعنا الغرفة اللي سوالنا فيها البرزنتيشن و قال يالله قعدوا تناقشوا بينكم ... عقب نص ساعة جان اييبولنا غدا من بيتزا هت ... عقب ما خلصنا غدا قال ها في احد بينسحب جان ينسحبون 3 صبيان و بنت ... عقبها وزعونا على الاقسام عشان نسوي المقابلة الثانية


    القسم اللي حطوني فيه كان رئيس القسم مشغول فقالولي تعال الاسبوع الياي الساعة 9 ... اللي صادف امس ... دخلت سويت المقابلة كانت سهالات و تقريبا نفس طريقة المقابلة الاولى بس اطول شوي ... خلصت المقابلة قالولي ندق عليك انشالله و نقولك تيينا اذا قبلناك


    الحين بعطيك المعلومات اللي عرفتها من البرزنتيشن او من الأسئلة او من اخوي safrawy اللي صج ما قصر و رايته بيضة



    اللي عرفته ... انه اي مهندس بأي تخصص يشتغل بالفيلد ( الحقل ) ما يهمهم شنو تخصصك بس يبون على قولتهم حس مهندس ... لكن مهندس الكمبيوتر ما ادري اذا يشغلونه بالادارة او لا بس اعتقد ما يشتغل بالادارة


    خطة العمل :
    السنة الاولى : يسمونك trainee ... اول اسبوع تروح ماليزيا او دبي او ابوظبي يعطونك مقدمة عن الشركة و عقبها تروح الفيلد المقرر لك .. و تقعد تشتغل 3 اشهر شغل خرابيط تطبع اوراق تنظف حدايد عشان تدش جو الشركة .. عقبها تروح سكول تكون بأمريكا او الامارات او روسيا او باريس او بريطانيا على حسب قسمك و على حسب المقاعد الفاضية بالسكول تقعد من شهرين لي 3 اشهر و ترجع الفيلد و خلال الفترة الباجية من هالسنة تمر بسكولز وايد .


    السنة الثانية : عقب ما تخلص السنة الاولى يسمونك field engineer .. بفترة هالسنة تشتغل بالفيلد اغلب وقتك .


    السنة الثالثة : عقب ما تخلص السنة الثانية يسمونك senior field engineer ..بهالسنة تشتغل بالفيلد اغلب وقتك .


    عقب ما تخلص السنة الثالثة يسمونك general field engineer عاد اهني خلاص تنفتحلك كل ابواب الراحة .. و تشتغل بالادارة بأي دولة على حسب التخصص اللي تختاره بالادارة


    طبعا هالخطة مو ثابتة يعني لازم تخلص ب 3 سنين .. اهي تعتمد على شغلك يمكن تزيد عن 3 سنين بس بأسوأ الحالات 4 سنين


    انت تقول تبي دولة راقية ... راح تحصل دولة راقية بس ما اعتقد انك راح تقعد بمدينة ... راح يقعدونك بالحقل فعشان جذي الدولة ما تفرق ... لانك تقعد بالحقل ما لا يقل عن 3 اسابيع ... يعن بالصحرا او بين الجبال او بالبحر اكثر من 3 اسابيع


    انشالله اكون افدتك ...
     
  3. blackberry

    blackberry بـترولـي نشيط جدا

    إنضم إلينا في:
    ‏4 سبتمبر 2008
    المشاركات:
    302
    الإعجابات المتلقاة:
    0
    نقاط الجائزة:
    0
    نا

    واااااو .. :eek:

    بصراحه أول مره أسمع بهذي الشركة .. ليش بره الكويت ؟ معقوله وصلنا لهذه المرحله نهاجر من ديره لي ديره ما جنا من دول أوبك !

    والله حرام اللي قاعد يصير فينا .. قبل كنا نطلب الخبراء منهم .. واليوم أهمه اللي يطلبونا ..

    8 شركات نفط حكومية كويتية موقادره توظف 1000 كويتي بالسنه .. و الأجنبي يقول ما عندكم زود !
     
  4. alcataloni

    alcataloni بـترولـي جـديـد

    إنضم إلينا في:
    ‏6 نوفمبر 2008
    المشاركات:
    10
    الإعجابات المتلقاة:
    0
    نقاط الجائزة:
    0
    ^^^^^
    هذي شركة فرنسية عندها عقود تنقيب و استخراج نفط مع 80 دولة في العالم و اهي توظف الخليجيين و تخليهم يشتغلون برة مثل فنزويلا عشان يتعلمون استخراج النفط الثقيل لانه احنا بالخليج ليلحين ما استخرجنا النفط الثقيل و ما عندنا خبرات في استخراجه
     
  5. blackberry

    blackberry بـترولـي نشيط جدا

    إنضم إلينا في:
    ‏4 سبتمبر 2008
    المشاركات:
    302
    الإعجابات المتلقاة:
    0
    نقاط الجائزة:
    0
    لكن أخوي حسب اللي فهمته منك أهمه طالبين أي تخصص هندسي مو شرط بترول .. ويشغلونك في الحقل على قولتك 30 ساعه !

    صحيح احنا نفطنا مو ثقيل .. لكن في شي اسمه دورات يتم ايفاد المتخصصين في هذا المجال .

    الشق عـــــــــــــــود في البلد .. والله انا خايف باجر اللي انشوف فيه كويتيين يكونون رؤساء دول من كثر الإضطهاد اللي قاعدين نعيشه في ديرتنا ..

    الشكوه لله ..
     
  6. سالم الخالدي

    سالم الخالدي رئيس اللجنة الإعلامية فريق الإعلام

    إنضم إلينا في:
    ‏2 أكتوبر 2007
    المشاركات:
    5,137
    الإعجابات المتلقاة:
    0
    نقاط الجائزة:
    0
    الوظيفة:
    مشغل غرفة تحكم - مصفاة ميناء عبدالله
    الإقامة:
    الكويت
    والله يا أخوي قرأت كل كلمة كتبتها


    حبيت اقدم لك باقة ورد على هذا الجهد في توضسح بعض الأمور الغائبة عن الكثيرين

    ماقصرت تقبل تحياتي القلبية
     
  7. Bos3ayd

    Bos3ayd بـترولـي مميز

    إنضم إلينا في:
    ‏13 نوفمبر 2008
    المشاركات:
    518
    الإعجابات المتلقاة:
    0
    نقاط الجائزة:
    0
    اخوي alcataloni ماقصرت و بيض الله ويهك على المعلومات الي سردتها بالموضوع ، تبي الصراحه بديت اتخوف من الشركه اذا على قولتك الموضوع راح يصير سفر و من دوله لي دوله غير الشغل الي ماله اول ولا تالي خصوصا اني قاعد افكر انّي استقر في الوضع الحالي ، على العموم انا ان شاء الله بروح المقابله الي اهي يوم الثلاثه و بشوف شنو الي بيطلع معاي و على قولتهم ^_^ يجيب الله مطر .

    شاكر لك مجهودك ولد عمي و ماقصرت :)
     
  8. Minagish

    Minagish بـترولـي نشيط

    إنضم إلينا في:
    ‏4 يونيو 2008
    المشاركات:
    103
    الإعجابات المتلقاة:
    0
    نقاط الجائزة:
    0
    الإقامة:
    أم الثلاث أسوار
    السلام عليكم

    انا صارلي اكثر من 5 سنوات في شلمبرجير

    حبيت بس أضيف على كلام الاخوان أن ترى دوراتهم مو لعب أو وناسة.
    في خلال الدورة ترى كل يوم تصحى 5 الفجر وتروح الصف وتدرس ليما اترد الفندق الساعة 9 المساء !
    وحط في بالك ان راح يعطونك كمية معلومات غير طبيعية واااااااااااااااااااااااااااااايد وابنهاية الاسبوع راح تمتحن.
    ولااااااااااااااااازم تنجح .. والا افصلونك.

    بالنسبة للمعاش ..أول سنة أكثر من شركات النفط الكويتية اب300 دينار تقريبا .. بس بعد 3 سنوات عادي أطوف 3000 دينار .

    نظام القريد واضح .. لازم اتخلص شغلات معينة ومتى ما سويتها على طول تاخذ قريد.
    حياتك الاجتماعية راح تتاثر وايد..اذا عندك 50 صديق قبل لا اتداوم فانك ابتصفي على 5 ..
    اموفق واتمنى انك موحاط بالك زواج :)
     
  9. ChoColate

    ChoColate بـترولـي نشيط

    إنضم إلينا في:
    ‏22 أغسطس 2008
    المشاركات:
    50
    الإعجابات المتلقاة:
    0
    نقاط الجائزة:
    0
    حلوة من 30 تصفى على 5

    عموما القطاع الخاص كله الواحد اذا دشه ينسى حياته الاجتماعية مو بس القطاع الخاص في مجال النفط

    انزين عفوا عندكم عن الوظائف الادارية ؟؟
     
  10. khaled85

    khaled85 بـترولـي نشيط

    إنضم إلينا في:
    ‏25 سبتمبر 2008
    المشاركات:
    91
    الإعجابات المتلقاة:
    0
    نقاط الجائزة:
    0
    ما شاء الله الشركة نظامها وايد ممتاز بالنسبة حق اللي يبي الشغل يعني دورات وسفر وتشتغل برا الديرة يعني نظام اجانب بس احب اذكر الاخوان لا تنظرون للوظيفة نظرة مادية والله في ناس يا ما قالوا اهم شي الراتب مو مشكلة الدوام وماردهم تحسفوا وشنو فايدة راتبي وشغلي اذا انا كنت بعيد عن اهلي اهوه صحيح ان ظروف الحياة والمعيشة كل ما لها وتصير صعبة لكن بالاخير راحة البال وان الواحد يكون بين اهله وزجته وعياله هذا اهم شي بالحياة اهوه فعلا ماكو شغل من غير مقابل لكن المفروض الواحد يكون قنوع بوظيفة تناسب حياته الاجتماعيه والمعيشيه والشي اللي يجي بسرعه يروح بسرعه وماكو شي اسمه اني اتخرج من الجامعه او المعهد واصير مدير على طول لا كل شي يصير بالترتيب والله ولي التوفيق والله يوفقكم جميعا بجميع مجالات الحياة ... ويعطيكم العافيه
     
  11. dehen_3ood

    dehen_3ood بـترولـي خـاص أعضاء الشرف

    إنضم إلينا في:
    ‏26 سبتمبر 2007
    المشاركات:
    5,228
    الإعجابات المتلقاة:
    0
    نقاط الجائزة:
    0
    الإقامة:
    Ahmadi City
    معلومات جميلة عن الشركة .. وموفقين أخواني وين ما تكونون وقواكم الله
     
  12. كيميائي

    كيميائي بـترولـي جـديـد

    إنضم إلينا في:
    ‏26 نوفمبر 2008
    المشاركات:
    2
    الإعجابات المتلقاة:
    0
    نقاط الجائزة:
    0
    شباب انا مرتين اقدم على الشركة من النت وكله يعتذرون - انا عندي ماجستير هندسة كيميائية
    من يقدر يعطيني عنوانهم بالاحمدي بدز اوراقي بالبريد
     
  13. الوحش123

    الوحش123 بـترولـي جـديـد

    إنضم إلينا في:
    ‏17 يوليو 2010
    المشاركات:
    28
    الإعجابات المتلقاة:
    0
    نقاط الجائزة:
    0
    اببببببببببببببببببببببب
     
  14. Br0nz

    Br0nz بـترولـي نشيط جدا

    إنضم إلينا في:
    ‏26 سبتمبر 2009
    المشاركات:
    291
    الإعجابات المتلقاة:
    0
    نقاط الجائزة:
    0
    أبي اعرف .. شركة halliburton نفس الطريقه ولا أهوون ؟

    لأن اهيه تكون بالكويت مكانها بعد .. طبعا الدورات غير اكيد تكون بالخارج ..

    يا ليت في من ينورنا

    و جزاكم الله خير
     
  15. أبو خالد 112

    أبو خالد 112 بـترولـي نشيط

    إنضم إلينا في:
    ‏25 يونيو 2010
    المشاركات:
    105
    الإعجابات المتلقاة:
    0
    نقاط الجائزة:
    0
    بورنزي الي سامعة من شباب في هلبرتون أن هم أهون من شلمبير
    لأن شلمبر جي مكوشة على كل العقود
    و الي أعرفهم في هلبيرتون مو ناوين يطلعون نفس الشباب الي بشلمبرجي
    شلمبير لااااااا رحمة في الشغل كرافف بمعنا مكراف و طبعا لالمقابل خبرة و فلوس و حلوة لسي في
    هلبرتو و بيكر هيوس أهون من شلمبر
    أذا لك فرصة بالتوفيك أن شاء الله
    أنا عن نفسي هلبيرتون ما أطوف وكل واحد له نظرة و حسبتة :)
    و الله يوفقك
     
  16. Br0nz

    Br0nz بـترولـي نشيط جدا

    إنضم إلينا في:
    ‏26 سبتمبر 2009
    المشاركات:
    291
    الإعجابات المتلقاة:
    0
    نقاط الجائزة:
    0
    يعطيك العافيه يابو خالد ..

    حتى انا ما اطوف الصراحه ..
    شركه تاخذ منها خبره صح و دورات ..

    انزين انا بقدم على شركات من هالنوع بعد .. ما تعرف شركات و كيفية التقديم ؟​
     
  17. أبو خالد 112

    أبو خالد 112 بـترولـي نشيط

    إنضم إلينا في:
    ‏25 يونيو 2010
    المشاركات:
    105
    الإعجابات المتلقاة:
    0
    نقاط الجائزة:
    0
    بيكر هيوسس
    تعبر الثالثة بعد شلمبر جي و هلبيرتون

    قدم أون لان

    http://www.bakerhughes.com/
     
  18. Br0nz

    Br0nz بـترولـي نشيط جدا

    إنضم إلينا في:
    ‏26 سبتمبر 2009
    المشاركات:
    291
    الإعجابات المتلقاة:
    0
    نقاط الجائزة:
    0
    بو خالد ..

    هذا يعقد السايت ..
    شنو اسوي بالضبط ..
     
  19. أبو خالد 112

    أبو خالد 112 بـترولـي نشيط

    إنضم إلينا في:
    ‏25 يونيو 2010
    المشاركات:
    105
    الإعجابات المتلقاة:
    0
    نقاط الجائزة:
    0
    برونزي هذا يعقد عيل :)

    عيل هذا أشلون

    http://www.amec.com/careers.htm

    هذي الشركة يننتني ما ني قادر أسجل فيهاااا من أشهر

    ما تفتح أكاونت ولا شركة قوية تسوي أستشارات أتوقع حق ال KOC

    بكير هيوس حط السي في مالك عندهم بالنت في البروفايل مالك و قدم على وضائف في الكويت و هم يدقون عليك

    أنا طبعا ما دقو :D يمكن أنت الله يوفقك و باجي الشباب
     
  20. الوحش123

    الوحش123 بـترولـي جـديـد

    إنضم إلينا في:
    ‏17 يوليو 2010
    المشاركات:
    28
    الإعجابات المتلقاة:
    0
    نقاط الجائزة:
    0
    اخواني انا حاب اعرف عنوانهم الي اعرفه اهي بالاحمدي ؟؟؟؟
     

مشاركة هذه الصفحة