شلون وضع مهندسات الكمبيوتر بالknpc

الكاتب : muhandesa | المشاهدات : 2,193 | الردود : 15 | ‏12 نوفمبر 2008
  1. muhandesa

    muhandesa بـترولـي جـديـد

    6
    0
    0
    هااااااااااااااااااااااي
    السلام عليكم

    انا توه قبلوني بال knpc كمهندسه كمبيوتر بس بقيت اسال , وين يشتغلون مهندسين الكمبيوتر هل بس بقسم ال it ؟ و شلون الوضع هناك و شلون الشغل ؟ و هل يعطون دوارت نتورك و برمجه لمهندسي الكمبيوتر ولا لا؟ و هل لنا مستقبل هناك ؟

    ياليت مهندس او مهندسه كمبيوتر من اللي يشتغلون هناك يكلموني عن الوضع
    و منو احسن ال knpc ولا مركز الابحاث؟

    شكرا وااااااااااااااااااااايد ووووووووووووايد على وقتكم
    و بالتوفيق للكل
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    و عليكم السلام و رحمة الله و بركاته مبروك القبول
    انا بالكي او سي و ماعندي خبره عن المرضوع بس برد عليج ابنقطه

    طبعااااا الابحااااث احسن :)
     
  3. muhandesa

    muhandesa بـترولـي جـديـد

    6
    0
    0
    الابحاث احسن ؟ صج ؟ ليششش بليزقولي
    الكل يقولي ال knpc احسن بوايد
    انا قدمت للابحاث و القبول الاسبوع الياي و اتوقع انهم راح يقبلوني لاني سويت زين بالامتحان و المقابلات بس انا فضلت النفط :(
     
  4. تايتنك

    تايتنك بـترولـي خـاص

    1,239
    0
    0
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    نصيحة الاخوان في محلها

    الأبحاث أحسن لج
     
  6. muhandesa

    muhandesa بـترولـي جـديـد

    6
    0
    0
    مشكورين على وقتكم وايد و نصيحتكم
    بس يا ليت تعطوني اسباب ليش الابحاث احسن , عشان مو مقتنعه
    اقصد هل مثلا اهناك اريح او معاشهم اكثر او شنو بالضبط :(

    التوفيق للكل :)
     
  7. jinxed

    jinxed بـترولـي نشيط

    63
    0
    0
    اولا: الابحاث احسن

    ثانيا: ليش؟

    للعلم انا كنت موظف سابق بالابحاث و بعدين انتقلت لل Knpc, وللأسف وايد تحسفت و تندمت والاسباب اهيا:

    1. ساعات العمل: الابحاث الدوام يبدأ 8 و ينتهي الساعه 2:45 , لكن ال Knpc من 7 لي 3, يعني ساعات عمل اكثر وهالشي يأثر على الحياة الاجتماعية.

    2. وضع المهندس بالابحاث افضل, هناك تقدرين تكملين دراستج بعد 4 سنوات خدمة ويعطيج البعثة للماستر والدكتوراه وبالتالي يعطيج الترقية المناسبة والمزايا العجيبة اللي من ضمنها مصاريف التعليم الخاص للاولاد والسكن, البترول الشهادة العليا مالها اي معنى وحتى مسمى مهندس ماله اي ميزة او علاوة او كادر لأنه المزايا حسب الدرجة فقط وليس المسمى. والمهندس وايد مظلوم وصوته ضعيف. ولمن تكونين بالابحاث و تكونين كملتي دراستج راح يكون لج فرصه كبيرة انج تنتقلين للجامعة او التطبيقي.

    3. الابحاث موقعة في شويخ او الاحمدي. والغالب اذا انتي مهندسة كمبيوتر راح تتوظفين في الشويخ يعني المسافة وايد اقرب عليج والطريج ما ياخذ منج وقت مثل البترول.

    4. راتب الابحاث افضل من ال Knpc خصوصا بعد الزيادات اللي صارت بالابحاث. البترول حتى زيادة ال 120 ما حصلناها. والحين في مطالب لمساواة الابحاث بالجامعة والتطبيقي يعني انشالله في زيادات اكثر لهم.

    5. بيئة العمل بالابحاث افضل و ارقى بصراحة, والدورات والكورسات اكثر, لمن كنت بالابحاث لفترة 7 شهور خذيت كورسات اكثر من ال Knpc في 3 سنين !!

    6. الابحاث كل ما تترقين تخف الضغوط بالعمل. البترول العكس.


    *لكن في حالتين الابحاث ما راح يكون مكان مناسب لج:

    1. اذا كنتي ما تحبين طبيعة العمل تكون اكاديمية وبحثية يعني نفس جو الدراسة بالجامعة
    تقريبا, وخبرتج راح تكون بحثية اكثر من كونها عملية.

    2. اذا ما كملتي دراستج و ظليتي على مسمى مهندسة ما راح تستفيدين من المزايا القوية وسلم الترقيات راح يكون اصعب (خصوصا الحصول على مسمى باحث , درجة 14 فما فوق). بالاضافة انه معظم التقدير لحملة الدكتوراه, يعني الباكرليوس رايحه عليه.

    انا كنت في نفس موقفج قبل 3 سنين, ونفس الشي الناس كلها انصحتني اني انتقل لل Knpc حتى موظفين الابحاث نفسهم, لكن لمن توظفت بالبترول حسيت بالفرق الكبير وبعد 3 شهور من التوظيف حاولت ارجع الابحاث لكن للأسف ماكو شواغر بالرغم من انه قسمي يحتاجني و يبيني ارجع. انا ما اقول انه ال Knpc مافيها اي مزايا لكن اب صراحة وايد خاب ظني فيها و اتمنا لو اني ظال علي مينوني. ولكن الرآي الاخير بعوووووود الك :)
     
  8. eng.com

    eng.com بـترولـي جـديـد

    20
    0
    0
    اشدراك انه مهندس الكمبيوتر يكون بشويخ مو الاحمدي؟
     
  9. muhandesa

    muhandesa بـترولـي جـديـد

    6
    0
    0
    هاي مشكورين وااااااااااااااااااااااااااااااااايد على مساعدتكم
    بس بقيت اصحح شغله , معاش البترول اكثر من مركز الابحاث و يزيد بنسبه اكثر مع السنوات
    و مركز الابحاث بس يدزون بعثه ماستر , لغو الدكتوراه كانو اول يدزون بس الحين لا
     
  10. ALI 07

    ALI 07 بـترولـي نشيط جدا

    326
    0
    0
    القطاع النفطي ابرك ياختي
     
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    طلعتـــي ماديــه :D

    اللـه يعينـك علي الوضـع المأساوي والي راح تصادفينـه :D
     
  12. زهرة التوليب

    زهرة التوليب بـترولـي خـاص

    اغلب مهندسين الكمبيوتر موجودين في Ho في قسم الit
    دورات خارجيه وكورسات ومستقبل البرول من وجهة نظري وايد افضل من غيره
    واللي يدور الخبره يلقاها في البترول اكيد غير المزايا اللي متوفره في القطاع النفطي

    والله يوفقج
     
  13. oneone

    oneone بـترولـي جـديـد

    30
    0
    0
    انا موظف في الit في شركة الknpc خدمة 17 سنة
    وانا من عشاق الknpc وخصوصا الho وخصوصا الit
     
  14. eng.com

    eng.com بـترولـي جـديـد

    20
    0
    0
    وين مكانك بالاحمدي ولا المصافي؟
     
  15. muhandesa

    muhandesa بـترولـي جـديـد

    6
    0
    0

    looooooooooooooooooooooooool
    شفتي , والله شسوي بهل الوقت اهم شي المعاش
    بس حرام شركه النفط مكان زين ما ادري ليش تقولون عنه شزي :(
     
  16. kahraba_eng

    kahraba_eng بـترولـي نشيط

    71
    0
    0
    السلام عليكم حبيت اسال اذا احد يعرف رقم البداله للشركه ، حاب اتصل و اسال قسم التوضيف عن عقودنا للحين ما وقعناهم . قالو انه المفروض هذا الاسبوع
     
جاري تحميل الصفحة...

مشاركة هذه الصفحة