جـــريــمــة الـــعـــــصـــــــــر ...!!!!

الكاتب : نـCفـOطـK | المشاهدات : 837 | الردود : 5 | ‏11 نوفمبر 2008
  1. نـCفـOطـK

    نـCفـOطـK بـترولـي جـديـد

    28
    3
    0
    "]بسم الله الرحمن الرحيم
    السلام عليكم ورحمة الله وبركاتة
    كان في الكويت قبل النفط وفي منطقة الخليج ككل عندهم اللي يعرف يقرا ويكتب يسمونه او يقولون عنة
    ( فلان كيتب )
    او يقولون شفتو فلان ترا ( ولده كيتب )
    والكيتب اهو مثل ما قلت في البداية اهو اللي يعرف يقرا ويكتب
    فكانت في ذاك الكوت شرف كبير ومفخرة للولد وحتى الوالد يفتخر انا ولدي كيتب..!!
    وكانو في ذك الوقت مميزين ( الكيتب ) وتعرفهم لما تشوفهم
    ( شلون )
    لما تكون في دوانيه او قهوه او سوق يعني بختصار في اي مكان تلقى عليه علامة تميزه وهي ( حبر )
    لان في ذاق الوكت الحبر كانو يجيبونة من الهند وهي عبارة عن اقراص كانو يدقونها ولما تصير بودر يحط عليها ماء
    وبعدين يبلون فيها الاقلام اللي كانت تستخم عندهم وهي عبارة عن ريشة او قلم من خشب ويكتبون فيها
    واذا خلص من الكتابة ينشف القلم في طرف الغترة اللي لابسها او في ثوبة عشان يبين للناس انة كيتب لان اكثر الناس ماشافوه واهو يكتب
    ( مهايط )
    يعني بهذي الحركة يبن للناس انة ( كيتب )
    فما بالك عنهم اذا الشخص حفظ القران عندهم تدرون شنو يسوله
    يلبسون بشت ويفترون فيه بالشوارع ويحتفلون فيه ويعطونه هدايا وعلى مقالو اخوانا الميصرين يكرمونة اخر كرم..!!
    المقصدمن هذا الكلام كلة هو الشرف وتقدير اهل العلم لديهم ..!
    اما في وقتنا الحين شعارهم ياويلك اذا رحت تكمل دراستك بره ..!!
    واذا رحت شوف المطبات اللي راح تواجهك من دوامك او التعليم العالي اللي سالفته سالفه ..!
    لانه يسمح بالدراسة وما يسمح فيها ( شلون )
    انت موظف في القطاع النفطي وتبي تكمل دراسة وتقول ابي افتح ملف في التعليم العالي يعني تبي شغلك رسمي
    تروح لهم وتقول ابي افتح ويصير هذا الحوار معاك:-
    تقول : بغيت افتح ملف انا ابي اكمل دراستي الجامعية
    يقولك : جيب ورقة من دوامك
    تقول: انا موضف في القطاع النفطي
    يقولك : هم لازم تجيب
    تقول :انا اللي اعرفه ان القطاع النفطي عادي ما عنده مشاكل
    يقولك : هذا قبل مو الحين لازم تجيب ورقة لا مانع
    تقول : يالله مو موشكلة اروح اجيب
    ( الدوام )
    تقول : بغيت كتاب لامانع من الدراسة
    يقولك : حاضر ويعطيك الكتاب وانت مستغرب ما فيه تعقيد
    ( التعليم العالي )
    تقول : تفضل الكتاب
    يقولك : اخوي ممنوع ماراح نسجلك ( لان الكتاب مكتوب فيه لامانع من الدراسة في الخارج علما ان الموظف يعمل منوابة ) والفقره الاخير لا تسمح لك بالدراسة اخوي راجع دوامك
    ( الدوام )
    تقول : اخوي عطيتنوني كتابي يضرني ما ينفعني شيلو الفقره الاخيرة
    يقولك : ما اقدر
    تقول : اي ليش ما تقدر
    يقولك : لان التعليم العالي اهو اللي طالب الفقره هذي
    تقول : يعني التعليم العالي مايبينا نكمل دراستنا
    يقولك : وصلت خير!!!!!!!!!!!!!!!!!!!!!!!!!!!!!!!!!
    يعني احنا يا اخوان محاربين من دولتنا العزيزة لاننا مجرمين والجريمة ابي اتعلم
    قبل 100 سنة والناس بقمة جهلهم كان اللي يتعلم يحترمونة ويحطونة في مكانة عالية اهو وابوه واحنا في وقت الحضارة والمدنية نصبح مجرمين لاننا نريد طلب العلم
    في احدى الجامعات الخاصة لدى دولة شقيقة قال العميد احنا فاتحين خصيصا لطلبة الكويت !
    قلتله اذا كلامك صحيح ليش ما فتحتو عندنا بس حق التعب والمشاوير؟
    قالي بغينا نفتح بالكويت بس التعليم العالي رفض يعطينا ترخيص..!!
    يعني جامعة جايتك لي عندك وتبي تفتح لعيال البلد وترفض شيئ عجيب !
    فباختصار السالفة اهي عبارة عن :-
    1- لا تخلون الطبقة العادية تكمل دراستها .
    2- اذا كان يبي خلوه يذلف بعيد برا الكويت يكمل على حسابه .
    3- لا تعطونة مساعدات مالية عشان المصاريف تكسر ظهرة ويهون .
    4- اذا صمل وكمل دراسته وقفو القبول في الجامعة بسبب او بدون سبب .
    5- لا تفتحون اكثر من جامعتين خاصة وخلو رسومها عالية جدا عشان مايسجل فيها وتصير حق عيالنا بس .
    6- لا تبنون جامعات حكومية لان اللي عندنا تكفي وقريبة عند عيالنا ( عيال .... ) لان راح نقبلهم حتى لو جاب نسبة ضعيفة او يختار الدولة اللي يبيها وندزة على حساب التعليم العالي .
    7- تشددو في اختبارات القدرات اللي تصير قبل القبول في جامعة الكويت اللي تصير حق عيال المناطق الخارجية مانبيهم يسون زحمة حق عيالنا .

    يعني المشكلة يا اخوان انا رايح اكمل دراستي على حسابي ومتخسر من حر مالي ومهمل والديني واولادي واخواني وزوجتي عشان اجيب شهادة انفع نفسي وبلدي يسوون فيني هالمشاكل ....!
    وانا من هذا الموضوع اناشد جميع نقابات القطاع النفطي انهم يشكلون لجنة ويطلبون مقابلة الشيخة رشا الصباح ويطلبون منها ان تتجاوز عن هذا البند.
    ( وللامانة )
    ان الجامعات الخارجية في اي دولة فيها الزين وفيها الشين
    ولا نلوم التعليم العالي فيها
    ولاكن يجب على التعليم العالي تشكيل لجان تشرف على هذي الجامعات
    حتى انهم لا يجمعون بالايقاف على الشين والزين

    واذا اصبنا الهدف في هذا الموضوع فهو توفيق من الله تعالى
    واذا اخطانا فهو من الشيطان وتقصير مني
    -<( والسلم عليك ورحمة الله وبركاتة )>-
     
    آخر تعديل بواسطة المشرف: ‏12 نوفمبر 2008
  2. q8security

    q8security بـترولـي خـاص أعضاء الشرف

    الله يعين


    وإلا مايكون في حل


    وربك يفرجها
     
  3. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    شوف انا قاعد اكمل في الجامعه العربيه المفتوحه ولا يبت ورقه من دوامي ولاهم يحزنون وبخلص عن قريب انشالله ولما سألت الخدمات شنو قالو لي قالوو لي ما تنفعك من غير واسطه ييب لك واسطه وتظبط عمرك حلووو الكلام لانه احنا هني بالكويت ماشين على الواسطه والعموم عنده واسطه
    المهم اذا خلصت من الجامعه العربيه المفتوحه بطير مصر وبسجل بجامعة الزقايق انتساب تخصص تجاره دوليه وما راح امر التعليم العالي بروح واذا خلصت ارفع قضيه على التعليم العالي علشان يعتمدون شهادتك هذا الي سمعته وفي ناس سوواا هالشي قبلي وكلهم ربحوا قضية اعتماد الشهاده وبعدها واسطه وعدل وضعك
     
  4. Workers

    Workers إدارة المنتدى

    7,767
    30
    48
    ذكر
    الكويت
    كلامك صحيح وهذا اللي قاعد يصير واكثر قرارات التعليم العالي بدون سند قانوني يعني قرارات مزاجية

    ونحمدالله ونشكره عندنا قضاء عادل .
     
  5. نـCفـOطـK

    نـCفـOطـK بـترولـي جـديـد

    28
    3
    0
    الله يعطيكم العافية على المعلومة
    لا كن انا كان ودي ان البلد ما تحارب عيالها
    لان اللي صاير السنوات الاخيرة من اصدار القرارات اهي ضد المواطن البسيط مثل ما انتم شايفين
    كان الكويت تبي طفشنا عن البلد بس مو لاقية الوسيلة عشا نطلع ...!:confused:[/
    CENTER]
     
  6. تايتنك

    تايتنك بـترولـي خـاص

    1,239
    0
    0

مشاركة هذه الصفحة