دق غلطان ورديت!!!...

الكاتب : نجديه وملامحي حايليه.. | المشاهدات : 948 | الردود : 17 | ‏11 نوفمبر 2008
  1. نجديه وملامحي حايليه..

    نجديه وملامحي حايليه.. بـترولـي خـاص

    1,033
    0
    0
    يرن جوال ساره..

    ألو..
    هلا.. هذا جوال ساره (صوت ذكوري ماتعرفه)
    لا غلطان...
    طيب نوره....
    :: طوط :: تقطع الخط بوجهه

    (( جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف معاه!! ))





    ₪₪₪₪₪₪₪₪
    دانه جالسه بالصاله مع اهلها..
    يرن الجوال برقم غريب..
    خذ يا أحمد _ أخوها الكبير_ رد على جوالي رقم غريب ماعرفه،،
    الو.....
    هلا....
    فيه أحد داق على جوالي!!
    يغطي أحمد السماعه بيده،، دانه انتي داقه عليه!!!!
    لا والله مادقيت!! ولا بالغلط حتى
    (( جوال دانه استقبال!!!!!! ))
    يعود للمكالمه
    هلا متى دقينا على جوالك
    ـــــــــــــــــــــــــــــــــــــــــــــ
    ما شالله والساعه ست ونص!!
    ــــــــــــــــــــــــــــــــــــــــــــ
    لا محد داق يالنصاب ياللي فيك ومافيك
    ياحمار تلعب على بنات الناس
    فيك خير تعال قابلني
    الله ياخذ.... الله .......
    ويسكر أحمد ودمه يغلي ويبدى يرغي ويزبد
    كم مره دق!؟
    قد دق عليك أحد غيره!!
    (( دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!! ))






    ₪₪₪₪₪₪₪₪

    سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،،

    هلا..
    هلا قلبي..
    قلبك مين ياقليل الادب يالي ماتستحي يالي.. يالي.. الخ،،
    أموت عـ المعصبين أنا
    كل تراب،، أنت وش تبي أنت!! من عطاك رقمي!! وليه .. ومن قال... الخ،،
    بعد ان كثر الكلام
    ::: طوط :: تقطع الخط بوجهه
    رجع دق عليها بوقت متأخر من الليل
    أهلين
    انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من ربك!!
    << يدخل ابوها بعد ماسمع صراخها>>
    ( اقفلت الخط خلسه)
    من تكلمين؟!
    وحده من صديقاتي!!
    نامي يابنيتي ولا تكلمين باخر الليل
    يقطع كلامه صوت جوالها يرن
    اخذ ابوها الجوال:
    هلا ياعمري انتي..
    . . . . . . . . . . . . .
    الو..
    . . . . . . . . . . . . .
    ياعسل ردي..
    . . . . . . . .
    (( تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه ومن كل شي لين يجيها عريس الغفله!!! ))




    ₪₪₪₪₪₪₪

    جوال سميه دايم سبيل!!
    مره بالصاله يلعبون فيه اخوانها،، ومره تاخذه اختها تصور،، ومره،، ومره ،،
    نادرا ما يرن ويكون معها!!
    دايم تلقى 5 مكالمات لم يرد عليها!!
    رن.. رقم ماتعرفه.. بكل بساطه ردت
    ..........................................
    الو.. الو.. ( صوت ذكوري لم تألفه )
    ................................
    هيه ردو.. أكلم صنم انا !!
    .........................................
    وترمي الجوال على الكنبه،، وتخلي السماعه مرفوعه وتكمل حياتها عادي...
    واخونا في الله ينتظر احد يرد عليه،، بعدين اعجبته السالفه يسمع سواليف العائله !!
    ساعه وسكّر ... ايه ساعه!!
    يدق..في وقت ثاني..
    وكالعاده،، ترفع الجوال احد ماتعرفه تخليه ينلطع وتروح!!
    (( سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق وابرد حرتي فيه!!
    يرسل لها بعد مدّه اسماء اخوانها،، حتى اسم شغالتهم!!! ))




    ₪₪₪₪₪₪₪₪

    ساره / دانه / سديم / سميه / حصه / منيره / أنا / أنتي.. وكل البنات!!
    يومياً تصير لنا مثل هالمواقف!!











    عزيزتي البنوته / اخي الشاب،،،
    في مثل هالمواقف..
    * برأيكـ /ي وش التصرف السليم؟! << تحتها مليون خط

    ترد! تحقر ! تعطي ابوها او اخوها!

    * ماهو ردّ فعل ( الاخ / الاب ) في مثل هالمواقف؟!

    * دق أحد يعرفكـ /( أختك ) بالاسم وش بتسويـ /ـن؟!
     
  2. سندباد الكويت

    سندباد الكويت بـترولـي نشيط

    84
    0
    0
    opr2
    الكويت
    مدام فيه ثقه بالعائله ما اعتقد احدد يزحزح هالامور


    دام انك تعرف ان اهل بيتك تربوا على الاسلام وعلى قيم الاسلام


    .... فلا يوجد هنااك ازعاج...


    واذا تكررت فى مخافر ,,


    وشكرا على الموضوع
     
  3. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    رن رن رن يا جرس

    لا تشتـــري جوال

    ونظـــام البيــــجـر مزبـــــــوط وخفــيف ولطيـــف مـن بغاها يدق عليها بيجـر وهي أذا تعـرف الرقم بدق وأذا ما تعرفه بتهمله

    بتقولين لازم جوال بقولك لا والله مهب لازم جوال

    إن كانها بدوام عندها تلفون الدوام وإن كانها بالجامعه الله ماكثر التلفونات بالجامعه

    بتقولين بتروح السـوق تروح مافيه مشكلة وبيكون معها واحدن من أهلها زوجها أو أخوها أو أمها وكلهم معهم جوالات

    بتقـولين بتكون بمكان منقطع مافيه جوال برد عليك وبقول كل الأماكن فيها جوالات وتلفونات

    وش لها بعوار الراس

    يا زين الهــدوء


    أو بأختصـــــــار أذا صار معها جــوال وجاها رقـــم غريــــــب لا تــرد عليه وتخليه يدق لين يخيب ثنـــاه وأذا سكرته يكون أفضــل ولا تفتحه ألا وقت الــــــعازه


    والسلام ختــام
     
  4. MamLOoO7a

    MamLOoO7a بـترولـي مميز

    صارت معاي بس بتلفون البيت واذوني لدرجه اني فكرت اشتكي عليهم >> بس المسامح كريم

    وبالنسبه للغلطان اول شي احسن النيه بالمتصل يمكن صج غلطان واذا تكرر الرقم ما ارد مو شي ضروري ارد عليه :)
     
  5. أميرة نجد

    أميرة نجد بـترولـي جـديـد

    4
    0
    0
    ياكثر ماصارتلي

    بس اللي يبي يرتاح

    لا يرد على ارقام غريبه

    واذا هي وحده تعرفك

    اكيد بترسلك مسج

    تقولك ردي يافلانه انا علانه<<مثال مدري

    وش يبي من الحياه:D

    تقبلي مروري

    أميرة نجد
     
  6. a7mad2000

    a7mad2000 بـترولـي نشيط

    120
    0
    0
    نرد ونقول البنت اهيا الاساس لفتح المجال للشباب ....الفضول وحب المعرفه وفتنه الشيطان اساس للخراب ....ولما البنت تشتري الموبايل لازم يكون عند البنت مبدأ ..اكون او لا اكون..ولا تفكر ولا تحلم ولا تسمع اي كلمه تهز مشاعرها او تسد النقص اللي فيها والغيره من بعض البنات ومضيعه الوقت والتفكير بالضحك علي الشباب فقط والتسليه...البنت ممكن يكون لها عذر ......بس صدقوني غير مبرر اطلاقا .........الوحده و نقص الحب .والعاطفه المفقوده وحب الاستطلاع والاسلوب المميز وفارس الاحام يكون سبيل للنهايه المؤكده...وكلمه ورا كلمه وهمسه ورا همسه .ويمكن نظره والشيطان ما يقصر بعد .اكيد ما يقصر...الي النهايه الاكيده......والندم والاحساس بالذنب ........وما في شاطر ....لا البنت ولا الولد .......الشيطان شاطر
     
  7. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ما يبيلها شي اللي اييها رقم غريب لا ترد و اذا دق وايد تعطي التلفون حق اخوها و لا ابوها ......

    اما هذا اللي يشير ارقام البنات حده فاضي و ما عنده سالفة


    انزين انا ليش محد يدق علي بالغلط عاد صوتي اينن هههههههههه .
     
  8. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    يـا آلهـي عـاد أنـــــــت فـي بـالي بدق عليــك وبزعجـــك بس أنطـرنـي خني أطلـع الخــط الجديد مـن الأتصـــالات الجديده وأدقلــك مـس كـول ونقـول حكـي رومانســـي :D:eek:
     
  9. dehen_3ood

    dehen_3ood بـترولـي خـاص أعضاء الشرف

    رقم غريب وغير اللي عندي بالـ Contact List ينسى أرد عليه :)

    ويا مال العافية يا نجدية على هالموضوع الشيق ..
     
  10. العابر

    العابر بـترولـي خـاص

    أنا عن نفسي ومن وجهة نظري المتواضعه
    البنت بدون تلفون أحسن لها وأبرك وش لها بجوال وفاتوره وعوار راس
    تروح مع اخوانها ولا ابوها وترجع معاهم وينتهي الموضوع
    أشوف قبل الجوالات ماتصير حتى بيد الفلبيني والهندي كنا عايشين احلى يعني البنت تروح المدرسه والكليه والدوام وترجع بدون ماتدق على اخوها وتقوله انت وينك وعند اي باب
    خلاص تقوله الساعه الفلانيه خلك عند هالمكان وتنتهي المشكله


    وشكرا
     
  11. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    انت دق و مالك شغل راح ايننك بالحجي الحلو :p بس يا خوك الخنجر اللي حاط صورته ما يساعد :D
     
  12. نجديه وملامحي حايليه..

    نجديه وملامحي حايليه.. بـترولـي خـاص

    1,033
    0
    0
  13. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    لا تخضع له بالقول و في أمان الله
     
  14. مشكوره على فتح المجال للجميع بالمناقشه

    انا من وجهة نظري ماترد بالمرررره اذا ماتعرف الرقم

    واذا كرر الاتصال تعطي الرقم احد من رجال البيت

    انا وانا رجال ما ارد على ارقام غريبه استغرب من البنات الى يردون على ارقام غريبه

    اذا احد يبيها ضروري وماعنده تليفون يرسلها مسج يقولها انا فلانه وخلاص انتهى الموضوع

    اصلن ليش تكلم بالتليفون اذا هي 24 ساعه بالبيت :)
     
  15. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    انا ايد كلام اخوي جونم جقرم
    وهوو عين الصواب يعني رقم غريب يعني مال امه داعي ترد البنت عليه
    خله يدق يدق يلييين يصكر واكييد صديقاتها اذا غيروا ارقام تلفووناتهم راح يدزون مسج ويعرفوون بنفسهم اذا ماكو رد
    اما ترد البنت ع رقم غريب ف جذيه البنت راح تفتح باب كبير عليه ويخليها
    معرضه للوقووع في الخطأ
    ف شباب ما شاء الله وقت الفراغ ما يخلوون رقم ما يشيررووونه علشان يقزرون وقتهم
    هذا بدال ما يكون مجلسهم فيه منفعه وفايده لهم
    صار التعرض لبنات الناس شى عادي وروتين يومي
    وهذا بالنسبه للبعض من الشباب واللي هم حاله شاذه قاعده تكثر في مجتمعنا
    وشكرا ع الاطاله
    :)
     
  16. om 3zooz

    om 3zooz بـترولـي نشيط جدا

    262
    0
    0
    engineerah
    q8
    لي الحين في ناس فاضيه تشير الرقم وتأذي الاوادم ؟؟؟ بصراحه اي رقم غريب مارد عليه ,, صارت معاي وطلعت روح وايد ناس من اهلي يقولون لي ليش ماتردين ,, الي يبيني يدز مسج ومشكوره نجديه :)
     
  17. زهرة التوليب

    زهرة التوليب بـترولـي خـاص

    انا قبل كنت ارد اذا احد غلطانه اقوله النمره غلط واسكر الخط
    يعني كلمتين ورد غطاهم لا اخذ ولا اعطي فلان موجود ؟ لا اخوي النمره غلط وخلصناا

    بس بعدين صارت الاتصالات مو بس من الغلطانين ؟؟ صاروا اللي يتصلون يسوون دعايات واعلانات حق منتجات ومكاتب سياحه وخرابيط مالها اول ولا اخر

    لين زهقت ولاعت جبدي وقمت اطنش الرقم الغريب
     
  18. نجديه وملامحي حايليه..

    نجديه وملامحي حايليه.. بـترولـي خـاص

    1,033
    0
    0
جاري تحميل الصفحة...

مشاركة هذه الصفحة