هل للواسطة دور في قبولكم بالتوظيف الأخير

الكاتب : Khalidq8 | المشاهدات : 3,544 | الردود : 34 | ‏11 نوفمبر 2008
  1. Khalidq8

    Khalidq8 بـترولـي جـديـد

    22
    0
    0
    السلام عليكم

    ودي أبارك للجميع ... المقبولين ... ومنها الى الأعلى أنشاء الله ....

    ولكن ودي تناقش هل قبولك تم بناء على الواسطة ... أو أن الأداء كنت مقتنع منه ... ومهو دور الواسطة معاك


    ولكم الشكر
     
  2. alcataloni

    alcataloni بـترولـي جـديـد

    10
    0
    0
    تي و الله نبي نعرف عشان نظبط أمورنا حق التقديم الياي
     
  3. geo_saroona

    geo_saroona بـترولـي نشيط جدا

    219
    0
    0
    حديثة التخرج من العلوم
    q8
    شوفوا

    والله العظيم انه ولا واحد من خوالي ما زفني وقالي ليش مو حاطه واسطه حتى جم مره اتهاوش معاهم تدرون شنو ارد عليهم؟؟؟

    طبعا واحد منهم يقولي هذا ويهي اذا قبلوج من صجج رايحه من غير واسطه والعالم شغاله واسطات ؟؟؟

    جان اوقف جدام اهلي كلهم واقوله بلى حطيت واسطه واقوى منها ماكو تدري منو ؟؟؟

    قالي منو؟؟

    قتله رب العالمين

    ماكو اقوى واحسن من هالواسطه عندك بعد رد على هالشي ؟؟ تبي تتطنز بعد ؟؟؟

    والله انه سكت ولا كلمه تكلم

    وقتله راح انقبل تدري ليش ؟؟ لانه ايماني بالله قوي

    والله احسن من كل الواسطات

    لانه يامه ناس حطوا واسطات عاليه وقويه والله مانقبلوا لانه الله سبحانه مو كاتبلهم ومالجأوا حق الله ولجأوا حق غيره من البشر

    وطبعا الصدمه الكبرى لمن انقبلت كلهم قالولي والله كلامج عدل وزين سويتي ماحطيتي واسطه

    عندي وحده من رفيجاتي والله معدلها عالي حييييل وححاطه واسطه حدها قويه وواصله

    لكن تدرون انهم ماقبلوها ؟؟؟

    وانا اللي معدلي عادي وماحطيت لا واسطه ولا شي وانقبلت والحمدالله

    نصيحتي لكم الجأوا حق الله سبحانه ترا اهو الواسطه ماكو احسن منها وبتشوفون التوفيق اشلون صاير
     
  4. K.P.C.K

    K.P.C.K بـترولـي نشيط

    83
    0
    0

    كلام سليم و عين العقل .. عن تجربة شخصيه

    و الله الشاهد علي انه اخواني كلمولي اكثر من عضو مجلس امه و موظف داخل المؤسسة

    لدرجة اني قلت انا مقبول خلاص

    و مسوين كتاب موقعه الوزير و خاتم عليه سعد الشويب

    و النتيجة !!!!

    ما انقبلت

    تبون الدليل شوفوا الملف المرفق

    قالوا ما انقبلت لامور تخص الاجراءات و تحولت اللامانع الى لا مانع وفق الاجراءات

    توكلوا على الله مع بذل الاسباب و الاسباب انك تكون بالانجليزي قوي و بالمقابله تادي بشكل جيد و بالاختبارات تبدّع

    هذا درس من دروس الحياه

    و ادري محد يسوي مثلي و يحط صورة الكتاب لكن .. عشان اللي ما يصدق يصدق
     

    الملفات المرفقة:

  5. Workers

    Workers إدارة المنتدى

    7,767
    30
    48
    ذكر
    الكويت
    احسنت اخوي K.P.C.K وماقصرت والله يوفقك بوظيفة افضل منها ان شاء الله
     
  6. K.P.C.K

    K.P.C.K بـترولـي نشيط

    83
    0
    0
    اجمعين مراقبنا

    و الحمدلله على كل حال

    و يعلم الله اني مو متذمر كلش

    لاني مقدم و انا في منتصف دراستي الماجستير و ما باقي الا الرساله حاليا

    ادعولي بالتوفيق :"> :cool:

    <- باعها حط صورة مرفقة راح تغيّر قناعات الاغلبيه :D
     
  7. geo_saroona

    geo_saroona بـترولـي نشيط جدا

    219
    0
    0
    حديثة التخرج من العلوم
    q8
    :) الله يوفق الجميع انشالله
     
  8. MR.ZR1

    MR.ZR1 بـترولـي جـديـد

    43
    0
    0
    الف مبروك حق الاخت geo_saroona

    وأحب اكد على كلامج واقولج اعرف ناس قدمت بدون واسطه ولا شي وانقبلت وفي ناس واسطتها قالت له خلاص مبروك انتوا منقبلين واسمكم بالكشف وليمن الحين لادزوا لهم مسج ولا ايميل!!و نفس الي صار حق وحده اهني بالمنتدى قالت انه اسمها كان بالكشف بس في واسطه قويه شالت الاسم وحطت اسم غيره!!!

    انا اتوقع انه بالوظائف الادارية يمكن يكون موضوع الواسطه مهم بس بالوظائف الفنيه او الهندسيه ماراح تلعب دور قوي, يعني فكروا فيها الحين احنا دوله تعتمد على النفط وهذه اهم شي عندنا مو معقوله بنوظف ناس لا معدل ولا فاهمين بس على اساس خذا الشهاده بالاسم وعنده واسطه وبعدين نوظفه ونخليه يمسك اشياء حيويه ومهمة والي تعتبر عصب الحياة, يعني باجر لو واحد مشغلينه بالواسطه في مكان حيوي ولا سمح الله تسبب بكارثه بالاخير الموسسة والدوله اهي الي راح تنضر...


    الله يوفق الجميع والي ما انقبل ان شاء الله يحاول مره ثانيه واذا الله كاتب له يدش راح يدش حتى لو ييب 50 عضو واسطه والوزراء كلهم والله مو كاتب له يدش ماراح يدش . (( لو تجري جري الوحوش غير رزقك ماتحوش)).
     
  9. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    تخبط ما بعده تخبط !!! وبسكم مجاملات !!!



    أحييك أخي الكريم
    K.P.C.K
    لوضعك الدليل بالصورة لكتابك الموجه للسيد الوزير "العليم" كي يستنير بها من لم يقنع بعد...؟!!!

    وما أنت إلا حالة من حالات كثر لم تجد طريقها إلى القطاع النفطي...
    وتعثرت لأسباب عدة في إدارة القطاع لا نريد أن نسردها لأننا مللنا من ذكرها... !!!!!!!!!!!!

    شنهو بعد بقى ؟!!!!

    وهؤلاء الشباب... شباب الكويت ومن خيرة الشباب, وقد إجتازوا كل الإختبارات المطلوبة منهم وبجدارة, حتى يفاجؤا بالرد الصاعق وهو عدم القبول, ومنهم من فقد وظيفته الأساسية معتقداً بعد كل خطوات النجاح في الإختبارات أنه موظف حتماً في النفط... $$$!!!@@@
    لكن وبكل حسرة صار القطاع طارد للكفاءات الوطنية وهذا ما نلمسه الآن,

    شنهو اللي قاعد يصير في التوظيف والعدد المطلوب في الإعلان الوظيفي لقطاع النفط في الصحف غير الفعلي...؟؟؟؟؟؟!!
    فالعدد المعلن للتوظيف كبير, إنما وفي المقابل نجد عدد المقبولين قليل !!!@@



    السؤال: شنهو اللي قاعد يصير... وشالسالفه ... ؟!

    الجواب: !!! تخبـــط مـــا بعـــده تخبـــط !!!
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    عسا الله يكتبلك الي فيه الخيــر

    والدراسة بها الفتـرة أخيرلك من الوظيـفة وأنت الحيـن ماشالله مثـل ما تفضلـت تحمـل المـاستـر وأذا أمـكن تكمـل الدكتـوراه :)

    ونشـوفـك أكـاديمـي بالجـامـعة ;)

    لو ناخذ كتابك ونعطيه لواحد من الربع بس نغير الأســـم تهقـي يمشـي حـاله :p
     
  11. pink_engineera

    pink_engineera بـترولـي نشيط

    61
    0
    0
    hi all

    form me ana qadamt min `3air was6a w enqblt el 7mdellah bas i guess el main reason bel qbool eho el major etha kan m6loob wayed or la2...thani shay el english test cuz my interview was sakah :p
     
  12. CpE

    CpE بـترولـي جـديـد

    5
    0
    0
    اخوي بس حبيت أوضح شغله يمكن تختلفون معاي فيها
    خل اقولك وضعي و انتا احكم اوكي
    انا تخصصي هندسة كمبيوتر و امتياز و خريجه جامعة الكويت
    و تتوفر فيني كل فرص أولوية القبول
    و الحمدالله انا ضامنه الاختبارات الانقلش و الماث و التخصص
    شلون تقولي ضامنه اقولك الحمدالله انا معاي توفل و ماخذه فوق 500
    و لمن قدمت الانقلش كان سهل بالنسبة لي و لله الحمد
    و التخصص يشهد لي معدلي و كانت اسئلة حلوة
    و القدرات اساساً ماله درجه بس الحمدالله قدمته عدل حليت اغلب اسئلة الماث
    لأن الحمدالله انا وايد احب الماث و شاطره فيه و كنت الاولى بالثانوي ع المنطقه بأولمبيات الماث
    و باجي الأسئلةكانت أسئلة بديهة
    قولو ماشالله :eek:
    و لمن رحت قدمت اختبار التخصص سألني الموظف اللي كان موجود ها اشلون الاختبار
    قتله الحمدالله قالي جم معدلج و قتله معدلي
    قال لا تطمني انتي قبول فوري و هالاختبارات بس جذي اجراء شكلي
    انا ما قلت هالديباجه اللي فوق عشان اتشيحط او شي لا والله حشى
    بس ابي اوصل شغله آنا اشوف عمري الحمدالله انسانه كفء و جديره اني آخذ مكان بهالمؤسسة
    بس للأسف ما كنت من ضمن الناس المقبولة
    و الحمدالله على كل حال انا مو ندمانه و لا شي لأني مستخيره ربي
    و الخيره فيما اختاره الله و انا راضيه بهالشي كل الرضى

    بس امس بصراحه انصدمت من شغله لمن دريت ان اثنينا اعرفهم تخصص كمبيوتر و جان زين هندسة لأ دبلوم
    و معدلهم مو عالي و لا شي انقبلو بالمؤسسة لأن عندهم وااااااسطه و واحد نفس الوضع هندسه
    و اهما يعترفون بهالشي
    فاللي اتصوره ان الواسطه مليون بالإميه العبت دور بتخصصنا
    و اللي يقولي ليش ما حطيتي واسطه!
    انا أساساً ضد هالمبدأ و اعتبرها جنها طراره سوري ع الكلمه و حاطه براسي شغله وحده
    اذا ابي مكان ابي شهادتي و كفاءتي اهيا اللي تدخلني هالمكان
    لأن اذا ما كنت جديره بهالمكان أكيد في غيري أكفأ مني و يستاهل هالمكان و آنا نصيبي في مكان ثاني بإذن الله
    بس للأسف الديره صايره كلها واسطات و ما يندرا منو الكفء و منو اللي مو كفو
    تدرس و تتعب بالهالبروجكتس و الريبورتس و الهوموركات و غيرك ناجح بالدز و بالواسطه قاع يدخل مكانك
    و ما زلنا مع ذلك ثابتين على مبدأنا :)
    والحمدالله و الحمدالله و الف الحمدالله على كل شي

    سوري ع الطواله :eek:
    خذيت راحتي أدري :D
     
  13. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    آخــر كلمـة وشهـي؟؟ :D:D
     
  14. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    Congratulation for being accepted in Oil Sector


    Dear pink_engineera, first of all i give you my regards for being a colleague in the oil sector
    secondly you deserve to pass the test if you did well in the exams that you had. Hope you get the right place. Start work and be optimistic, looking to celebrate your achievements
    :)

    Regards,

    Q8 Oiler
     
  15. MR.ZR1

    MR.ZR1 بـترولـي جـديـد

    43
    0
    0
    ممكن اعرف معدلج اذا مافيها احراج لج؟

    لانه اذا معدلج عالي المفروض قبول فوري هذه الي سمعته(فوق 3.5).

    ولمعلومات اكثري راجعي هالصفحه
    http://www.q8ow.com/vb/showthread.php?t=14931
     
  16. blackberry

    blackberry بـترولـي نشيط جدا

    302
    0
    0
    أختي CpE

    أزيدج من الشعر بيت .. ترا خريجين الأردن و مصر و البحرين كانوا من أغلب المقبولين من بعد جامعة الكويت .. أما اللي متعب نفسه ومتخرج من جامعه بآخر الدنيا ( أمريكا - بريطانيا - أستراليا ) فهذول الله يكون بعونهم من قلب .. الكفاءة اللي الكل يتكلم عنها أقولها و بكل صراحه لم تكن المعيار في التوظيف ( مو بس في البترول في كل مكان ) .

    اللي يقول أنقبلت من غير واسطة هم من قالبية التخصصات النادرة و المطلوبة وهم ( البترول - ميكانيكا - كيمياء ) وبعض تخصصات الدبلوم .

    اللي عجبني في كلامك مبدأج اللي متمسكه فيه وهو أنج تنقبلين من غير واسطة .. لأني كنت أقول نفس كلامج .. لكن على كثر الأماكن اللي قدمت فيها و أعتبريها نصيحه أخويه أنه هذا المبدأ ما راح ينفع في الكويت مع الأسف .. يمكن تحسين بشعور من الضعف بسبب هشي لكن اللي بحصل في النهاية ترا اللي راح يتوسطلج باجر بيج وبيطلب مساعدتج .. وترا هذي الدنيا الناس للناس و الكل بالله ( مثل كويتي قديم لايزال يطبق ) .

    الواسطة مو مالعبت دور بس .. كانت كل شي .. وهذي اجابتي على سؤال الموضوع .

    **********
    MR.ZR1

    لا يوجد شرط في الإعلان بقبول فوري للأصحاب المعدلات العالية .. وهذي مجرد أخبار تنقل مثل غيرها اللي نسمعها و في النهاية تكون مجرد أحلام وردية لدى البعض .
     
  17. Al-Mousawi

    Al-Mousawi بـترولـي نشيط

    78
    0
    0
    نظام القبول الفوري للمعدلات 3.5 فما فوق كان موجود قبل لما كان التقديم لكل شركة بروح اما اخر اعلان اللي نزل من المؤسسة لكافة الشكرات لغوا القبول الفوري للمتفوقين .
     
  18. MR.ZR1

    MR.ZR1 بـترولـي جـديـد

    43
    0
    0
    الأخ العزيز Al-Mousawi وضح هالنقطه ومشكور على التعقيب اخويblackberry

    يعني الي مالحق قبل الاعلان ومعدله فوق 3.5 نقول له هارد لك وبالاخص الأخت العزيزه CpE
     
  19. pink_engineera

    pink_engineera بـترولـي نشيط

    61
    0
    0
    ya3ni they gave me hard time bel interview w 6l3t minhom 7dy sick wallah :p
     
  20. pink_engineera

    pink_engineera بـترولـي نشيط

    61
    0
    0
    Thx alot n sweet of u dear :) el 7mdelleah i was accepted in KOC the place that iam lookin forward 2 join since long time...... :)

    BeSt ReGaRds
     
جاري تحميل الصفحة...

مشاركة هذه الصفحة