النقابة والعبيد وبعض المواضيع

الكاتب : ابو فاطمة | المشاهدات : 1,264 | الردود : 16 | ‏29 أكتوبر 2008
  1. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    السلام عليكم ورحمة الله وبركاته

    اولا للعموم اشلونكم انشالله طيبيين

    وثانيا عندي جم تعليق على بعض المواضيع وبعض الامور لأني كنت قاطع عن المنتدى فتره طويله

    1- ياجماعه خفوا شوي على اخوانا في نقابة شركة الخدمات بأنتقاداتكم وخلوكم لهم سند بدل لاتضعفون فيهم وانشالله انهم شادين حيلهم لخدمة الموظفين وانا بصراحة ملاحظ في بعضهم جديتهم بخدمة الموظفين والوقوف مع حقوقهم واداء دورهم النقابي بشكل جيد

    2- لنقابتنا الاعزاء واهم اخوانا وزملائنا اقول لهم هدوا شوي وخففوا من اسلوب الهجوم على الاداره واتبعوا السياسه اولاً في التعامل مع الشركة وتحديدا الادارة العليا علشان تكسبون تعاونهم بمافيه مصلحة للموظفين وابتعدوا عن نظام العفرته والقوه لأنه مايجيب نتيجه بكل الاحيان

    3- بالنسبه لبعض الكلام والطعن في الاخ علي العبيد اسمحولي اعلق عليه بأن الطعن في هذا الشخص مو بمحله واللي يتعامل معاه شخصيا راح يعرف شنو معدنه ,, بصراحه هالانسان قمة في الاخلاق والرقي في التعامل وانسان خايف ربه هذا برايي فيه وحسب ماشفت منه من خلال تعاملي معاه كنقابي سابقا وكموظف عادي حاليا ولحد يحط في باله ان امدح فيه لمصلحه لا والله وانما شهادة حق

    4- كلمة موجهه للمسؤولين في الشركات اللي فيها موظفين اوسكو ,, خافوا الله بموظفينا وقيموهم بما يرضي الله ترى الظلم برقبتكم ولاتسوون نفس اللي قيم ابو الغياب المستمر والطبيات بامتياز واللي يكدح بجيد وحرمه من ترقيته بس لانه مايحبه ياجماعه ترى في رب بيحاسبكم والحساب وقتها عسير

    5- للاداره طلعوا بجولات شوفونا احنا موظفينكم شوفوا شناقصنا وشوفوا وضعنا وخلوا عنكم مراسلات الشركات والكتب تراها حبر على ورق ولاتوكل عيش الظلم زايد عالموظفين وبعض المسؤولين الله يهديهم مايشوفون موظفين الاوسكو شي بعينهم

    6- ياجماعه ترى الله ماخلق الموظفين عبيد وموحرام لو كان في ادوات تسليه في بوابة الامن او غرفة المراقبه او ماشابه في الاوقات الميته مثل الليل تحديدا ,, ترى التلفزيون او اللاب توب احسن من النوم عالاقل في شي يلهيه ويخليه صاحي مو تطق جبده ويا ينام والا منحاش من الزهقه واللوعه المخ يوقف واخرتها تلومونه

    7- ياجماعه اللي ينقص راتبه قبل اي شي يمر ال كي بي سي بالاحمدي اذا قريبه له في هناك كمبيوترات تقدرون تجيكون على الباي سليب والخصومات وعلى الراتب من الاوراكل حتى قبل لاينزل الراتب وبسهوله


    8- للادارة تحديدا وخصوصا منجر الامن ترى الله مايرضى بالظلم بطل ملفات الدفعه الاولى اللي ماترقوا وعيدوا النظر ترىهالشي برقبتك يابوناصر ومنت مبري الذمه من ظلم الموظفين سواء من الدفعه الاولى اليوم والا باجر من الدفعات الثانيه

    9- ادارتنا عجلوااا بفتح مكتب الاحمدي وعطوه الصلاحيات ترى مكاتبكم بالصالحيه طريجها تعب وبعيده على اكثرنا وموقعها مومناسب

    .... للحديث بقيه وسامحوني اذا بدر مني شي موبمحله او يزعل وعلى قولت بوعيده الصوت يوصل :) وانا عارف اللي بkoc بيوصله الحجي والي بknpc والعموم من المسؤولين بجميع الشركات والظالم عارف نفسه والعادل عارف نفسه

    ولاتبوق لاتخاف :) اخوكم سلمان الهندال -= نقابي سابق =-
     
  2. Gunners

    Gunners بـترولـي جـديـد

    47
    0
    0
    S.G
    kuwait
    بارك الله فيك وكلامك منطقي وصحيح اخوي

    وانشالله عاد يحسون فينا الاوسكو ... بس عندي سؤال لك اخوي .. كيف اقدر ادش من كمبيوترات الـ koc عشان اشوف معلومات معاشي والطبيات وماشبه ذلك ..؟ للعلم فأنا موظف اوسكو واداوم بالـ koc ...؟؟؟

    ومشكووووووووووور
     
  3. ما اروعك

    ما اروعك بـترولـي نشيط جدا

    455
    0
    16
    كلام صحيح وحبيت اكد على كلامك اخي الكريم بخصوص الاستاذ علي العبيد فقد سمعت عنه كل خير واخلاقه عاليه وليس هذا

    المدح تملق ولا تزلف لا والله ولكن شهادة حق والرجل يستاهل كل خير

    وبقية كلامك اخي الكريم على الراس والعين ونحن معك قلبا وقالبا وبالاخص ظلم الشركات الاخرى لموظفي الاوسكو هذا شي كبير

    وينبغي لهم ان يتفطنوا ويتنبهوا لذلك

    وبالنسبة لسؤالك اخي الكريم قنرز تستطيع ان تذهب الى مبنى التدريب البترولي kpc هناك توجد اجهزة كمبيوترات تستطيع ان

    تتاكد من معلوماتك الشخصيه بخصوص الراتب والطبيات والاجازات وماشابه ذلك وهو مايسمى بنظام الاوراكل

    بارك الله فيكم وتحياتي لكم جميعا
     
  4. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    اخواني قنرز وما اروعك شاكر مروركم وتعليقكم, وقنرز مثل ماقلت و ماقال مااروعك عندك الكي بي سي بالاحمدي والبرنامج واضح
    وسلامتكم
     
  5. القعقاع

    القعقاع بـترولـي نشيط جدا

    345
    0
    0
    يعطيك العافيه

    بس شلون ادخل على راتبي عن طريق الkpc
     
  6. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي

    عزيزي القعقاع في عدد 3 كمبيوترات عند رسبشن المؤسسه في الاحمدي لهذا الموضوع , تروح هناك ويوزرك اهوا رقمك الوظيفي والرقم السري اخذه من الشركه او دزلي عالخاص افيدك
     
  7. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    يعطيك العافيه ..


    ماقصرت على جميع النقاط اللي ذكرتهاااا

    وشكرا

    تقبل مروري
     
  8. e3lamy

    e3lamy بـترولـي جـديـد

    24
    0
    0
    أي والله

    أي والله

    كلام نابع من خبرة نقابية سابقة
     
  9. BRONZI

    BRONZI بـترولـي نشيط

    146
    0
    0
    بوفاطمه انا من زمان مو كاتب بالمنتدى بس انا عرفت من كلامك انك انسان
    بصاااااااااااام

    تقبل مروري
     
  10. abonasser

    abonasser بـترولـي نشيط

    82
    0
    0
    ابو فاطمه

    ياليت كلامك جاء قبل تصريح النقابه ضد الشركه


    القصد : حتي لا يفسر بكلام ثاني مثل الان

    اسمحلي وضعت نفسك في وضع للاسف سئ

    توقيت خطأ بكتابة مثل هذه المواضيع

    مع احترامي لشخصك الكريم طبعا
     
  11. دسمان

    دسمان بـترولـي نشيط

    141
    0
    0
    بلش العجاف عند ابو فاطمه...
    لانه طول الفتره الماضيه كان من أشد المدافعين عن الشركه.. بس بعد ما عطوه عكسيه بالترقيه ووقع الظلم عليه ماقدر يقنع نفسه بنفس الأعذار الي كان يقولها لزملائه المظلومين والاسطوانه المعروفه أنها شركه جديده وتو الناس وعطوها فرصه ياسبحان الله... والعبيد رجل إصلاحي ولا ينتقده وينتقد مدير دائره... إذا كان العبيد إصلاحي ويخاف الله خله يرد حقوق الناس الي إنظلمت وانت واحد منهم....
     
  12. خميس الخامس عشر

    خميس الخامس عشر بـترولـي خـاص أعضاء الشرف

    كاااااااااااااااااااااااك قال بصام قال..


    ياخي رايه ولازم نحترمه سواء كان ايجابي او سلبي...

    يعني لازم نلعن خير البشر شتم وسب وطعن عشان اصير بطل... ومثل ماذكر في كتب السلف الصالح فإنك إن لعنت شيئًا لا يستحق اللعن رجعت عليك اللعنة حتى لو كان الملعون ريحًا مسخرة.. وقال الرسول عليه افضل الصلاة والسلام ليس المؤمن بالطعان ولا اللعان ولا الفاحش ولا البذيء...

    ياخي اذا عندك شي موثق قدمه مو بس سب ولعن وطعن بالناس..

    ياخي الرئيس او الفراش له سلبيات وايجايبيات ... اذا شفت الغلط قول والساكت عن الحق شيطان اخرس..

    والنقابه مافي احد يربط لسانك لاتكلمهم اذا شفت الخطأ مع ان الخطأ وارد..

    قبل فتره اشتكو عند العبيد على الرواتب وقعدو النقابه مع الماليه بحضور العبيد وطلعو لهم غياب البشر المشتكين من خصم رواتبهم واجازاتهم اللي ينخصم منها بدل الطريق وغيره من البدلات ولا احد بطل حلجه واقنعوا النقابه انه مافي افتراء على احد.. طيب معاشك مخصوم؟؟ حسب نفسك لاتحاسب البشر بأخطائك عند شكوى قدمها خطيه للنقابه وشوف اذا لك حق او لا .. لانصير مع الخيل ياشقرا اللي نكرهه لشخصه نحط فيه مليون عيب وعيب ونطعن بذمة البشر.. اسال نفسك اذا انخصم من معاشك بروح لمعاش غيرك؟؟

    ليش مانتقى الله بانفسنا قبل البشر مو نلعنهم ونسبهم وبس وهم اصلا مادرو عن هوا دارك وين..

    ابتلى هالقطاع في بعض الناس فأصبحوا لا يتذاكرون إلا باللعن والسباب والاستهانة بسباب ولعن الآباء والأمهات لفلان وعلان وغيره ، مع أن ذلك من الكبائر كما أخبر النبي صلى الله عليه وسلم: "من أكبر الكبائر أن يشتم الرجل والديه". قالوا: يا رسول الله وهل يشتم الرجل والديه؟ قال: "نعم، يسبُّ أبا الرجل فيشتم أباه، ويشتم أمه فيسب أمه".

    و للتذكير فقط وان كنت قد خرجت عن الموضوع لازم نعرف جميعا إن الوالدين وهما سبب وجود الولد في الحياة لا ينبغي إيذاؤهما ولو بإبداء الملل والتضجر أمامهما ولو بكلمة (أفٍ)، فما بالنا بمن يلعنهما؟ إنه لعظيم جرمه استحق أن يدعو عليه النبي صلى الله عليه وسلم: "لعن الله من ذبح لغير الله، ولعن الله مَن آوى محدثًا، ولعن الله من لعن والديه..."

    اعتقد ان كلامي واضح ولا يحتاج توضيح...

    اقسم بالله اقسم بالله واقسم بالله ثلاث مرات لالي مصلحه ومع العبيد ولا النقابه ولا كائن من يكون في اوسكو بس اثارني الموضوع وكثر ماسمعت شتم للعبيد وغيره في هالشركه .. قلت كلمة حق...
     
  13. BRONZI

    BRONZI بـترولـي نشيط

    146
    0
    0
    اقول انا من زمان واقول بيني وبين نفسي انك ديد ديييييييد اشدخل هذا بلي انا كاتبه صج انك ديد دييييد
     
  14. خميس الخامس عشر

    خميس الخامس عشر بـترولـي خـاص أعضاء الشرف

    شنو هاللغه؟؟

    اقول الله يهديك بس انا رديت عليك لانك طعنت بالريال وقلت عنه بصام وهو اثنى على قيادة الشركة والظاهر ماعجبك كلام الحق والموضوع كله في طعن بقيادات الشركه بس الظاهر انك ماتعرف تجمع اطراف الموضوع وتفهم اللي بين السطور...


    تسمحلي انزل لمستوى حوارك عشان يمكن تستوعب واعطيك رد على كلامك..

    طربط طاط يالحبيب
     
  15. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    السلام عليكم ورحمة الله وبركاته

    BRONZI
    برونزي ليش انا بصام يابابا !!!
    ماعجبك رايي صرت بصام :)
    ياخوي ماشوف نفسي تمصلحت ولفيت ودرت علشان مصلحتي والا قلقست وصرت عبود للمسؤولين نفس بعض الناس ولاخذيت حق غيري بشي .... والله مشكله لو تكلمنا الحق صرنا مانعجب :)


    abonasser
    بالنسبه لك ياخوي ما جى بوقته لكن بالنسبه لي بوقته وهذا رايي مايهمني التفسير الخاطئ له ولاهو وقت سيء بالعكس
    واتمنى ان كلامي يفيد ويغير شي بصريحات الاخوان في النقابه مستقبلا

    دسمان
    اي عجاف ياخوي شالمصلحه اللي ابيها !!! ومن منو ؟؟
    وانا كلامي كله واضح وبالحق قاعد ارد والانتقاد مو دايم ولا الخطأ دايم ونظرتي غير عن نظرتك ورايي بالعبيد مايغيره الكلام واشكرك لأنك متابع ظروفي واحوالي وظلم الشركه لي على قولتك :)
    وياخوي شعكسيته قاعد العب طق انا:)

    بروووونزي والله انت اللي دييد دييييييد :) مشفط ولا تدري وين الله قاطك <--- خليتنا انزل مستوانا الله يهديك
    واللي مايعرف الناس معرفه شخصيه لا يطعن عالفاضي

    يقولون مظلوم ويتمصلح ويقلقس ويبصم وخذا مصلحتة ...... وباجر ---> وصار وزير النفط ويبي يصير رئيس مجلس ادارة الخدمات وووو

    الله يعين
    وعموما شكرا للي علقوا على كلامي
     
  16. (عين الصواب)

    (عين الصواب) موقوف

    44
    0
    0
    بسك تمجيد يابوا فاطمه لالحين تبي التقرب من العبيد العبيد حنى منطعن في ذمة بس لاتمجده أكثر عارف ليش أو لانه كل راعي مسأول عن رعية وحنا في ذمة العبيد لانهوصله كل الأمور والشكاوي اللي عندنا ولم يفعل شي ولاتقولي أنه الشركه توها جديده مثل مايقولون لانه المطالب ماقلنالهم نبي نفتح مصنع لا نبي تنزل الرواتب في وقتها ونبي يكون التقييم سوي ونبي تكون بعض اقسام الايداره في الأحمدي لانها مركز تجمع الموظفين ولايكلفهم شي في ذالك لانه الشركة مستأجره في مجمع أغلامن الازم والشركات الكبار لم تفعل مثلها ولاكن هذا الاسراف بعينه وأنه تقول خفوا عليهم لا لانهم لم يأتونا من الشارع ليكونوا مدراء بل لديهم خبره في عملهم سابقا ولم لايحلون مشاكلنا كم الله تعالي(لايصلح الله قوم حتى يصلحوا ما بأنفسهم) ولانقول أنهم ليسى مصلحين باليقولون لنا مالمشكله حتى نساعدهم عن طريق أعضائنا وشكرا لكم ولهم من عمل صالح
     
  17. مشمش_طري_مبلول

    مشمش_طري_مبلول بـترولـي جـديـد

    13
    0
    0
    بوفاطمه انت عارف نفسك وقدرك ومواقفك مشهوده عند كل الناس وماعليك ارفع راسك يا الغالي والله يوفقك انشالله لانك رجل والرجال قليلو يا بعد جبدي فديتك :)
     
جاري تحميل الصفحة...

مشاركة هذه الصفحة