السلام عليكم أسعد الله صباحكم شلونكم؟ بصراحه التكييف في المبنى وااااااااااايد بارد والكل يشتكي منه حتى امر عالمكاتب اشوف البعض حاط له شالات وخصوصا من تصير الساعه 12 الظهر احس انه يبرد اكثر واحنا كل يوم الثاني نازلين العياده من البرد ما يصير جذي حتى توزيعة المكاتب تحت فتحات التكييف غلط يعني اكو مكاتب فوقها فتحين او 3 وبعضهم ولا فتحه ويقولون ميتين حررر وحاطين لهم مراوح بعد وناس مثلجه من البرد والواحد بعض المرات وده يتنفس هوى بره يعني بالعربي الفصيح " نريد فتح النوافذ" بالمبنى اللي ما فيه نوافذ والله ساعات انزل اطلع بره شوي عشان ادفى واشم هوى تحسون مافي تجديد حق الهوى الداخلي وقمته وساعات تطفح بواليع الحمامات وانتو بكرامه والريحه تلوع الجبد الله لا يوريكم وتظل الريحه بالدور ونحط من هالخلطات والشموع وملطفات الجو وفوق هذا تعالي شوفو لي ياووكم بعض الموظفين من بره عرقانين ويمرون جدامكم تخنقكم الريحه نبي حل حق هالمشكله يعني بيموتونه قبل حتنّا على قولتهم (قبل وقتنا)
اوكي وبعدين؟؟ عبالج بيسمعون كلامج يبي معاج هوا من بره كل يوم علشان تشمينه وريحي نفسج؟؟ وليش محد راد عليج لان معروف مايدرون شيقولون لج؟؟ شكرااااااااا
حتنا حتنا وانتوا بعدكم ما حتيتوا ترم تريرم التكييف المركزي مشكلته مشكلة (لا طبنا ولا غدا الشر) يا صاير تنور اللهم ياكافي .. يا متقرفطين من البرد قته وقمته ولا هواء نقي متجدد (حق الأمراض) الله يعينكم على هالحالة إللي ما ينسكت عنها !! البراد كاهو بالطريج بطفون التكييف واتمتعون بهوا الله .. إشـفيه هوا الله يا زينه ويا حلوه لما تبطلون الدرايش والهوا يكفخ بالويه من صباح الله خير
الظاهر اللي بنى مبانكم اهو نفسه اللي سوا المبنى الرئيسي حق الknpc والله نفس الشي عندنا مكان بااااااااااااارد ومكان حااااااااااااار التوزيعات غلط والكل يشتكي ما ادري منو المسؤول عن كالأخطاء اللي صايره !! وليش مافي رقابه على المبنى بعرف الفلوس اللي سووا فيها المبنى وين راحت دام المبنى متروس عيوب !!
اللي بنى مبنى المجمع النفطي يختلف عن اللي بنى مبنى KNPC كل واحد له مهندس مختاف و مفاول مختلف و مشكلة البرد هذي مشكلة ازلية من اول ما سكنا المبنى .... دقوا على ال help desk اهم ايون اضبطون لكم التكييف لان لازم كل الدور يتعدل مو بس مكان معين بالدور
ويلي مسكر كل وحدات التكييف فوق راسه وبعد ما انتشر الامراض وصارنا نلبس شتوي داخل الدوام وخصوصا بشهري 7 و 8 تقول قاعدين بصالة التزلج مو المؤسسة تبين لنا بان كمية البرود عندنا زايدة عن حده يعني اذا درجة الحرارة 20 البرودة يلي تطلع من الفتحات عند درجة حرارة 5 وهذا كله ليش علشان عندنا موظف علاقته زينة باحمد الغريب اللي بدوره قام واعطى تعلميات حق ملوت التكييف بتطنيش كل الاتصالات يلي تطلع من عندنا على هذا الموضوع اختي راجعي موضوع يلي تحت عنوان المجمع النفطي نعمة ام نقمة ؟؟؟
انا بصراحه ماني عارف شنو مشكله التكييف كل يومين ولا ثلاثه يعملون صيانه ولا فى مشكله بالتكييف هل اهو فعلا فى خلل ولا الموضوع تنفيع الى المقاول؟
الصراحه التكييف وايد بارد صاير فريزر مو تكييف ... مساكين البنات امثلجين المفروض هالوقت ليش الجو بره تعدل وخف الحر اسكرون التكييف وخلونه على الهوا بس علشان ما ننقمت ليش ماكو درايش.
والله شحلات الجو هالأيام لو يطفون التكييف ونبطل درايش جان احسن لنا بس اول مره اشوف مبنى مافيه درايش مادري شحسبالهم
ما نقدر مكاتب السوبرفايزر غير مكاتب الاداريين غير مكاتب المساعدين ويلي اكثر شي يبردون هم السوبرفايزر هههههههههه الظاهر كل ما ترقى الواحد زاد درجة حرارته
