قصيدة تشكي حال الوطن ... عبدالله الردعان

الكاتب : الجوهرة | المشاهدات : 821 | الردود : 10 | ‏26 أكتوبر 2008
  1. الجوهرة

    الجوهرة بـترولـي خـاص أعضاء الشرف

    3,136
    1
    0
    لشاعر / عبد الله مبارك الردعان

    خمسين عضو يمثل الخمس خمسين

    ياليت تدري وين حد الازاله

    بداية المشروع هدم الدواوين

    نهاية المشروع مجهول حاله

    ما يعني اني ضد فرض القوانين

    بالعكس ابيها بالتساوي عداله

    ما يختلف بالمجتمع راي الاثنين

    على نظام الحكم والعز فاله

    البورصة طاحت برووس المساكين

    وش حيلة اللي فاقدٍ راس ماله

    تدهور البترول والمصدر الزين

    السعر لنعاش المواطن كفاله

    مشاكل المصفاة والجيم والسين

    يا رب مررها سلام وسهاله

    اضراب واستنفار بالعسر واللين

    تشجّع الفاعل يمسس حباله

    تهديد باستجواب والعلم بعدين

    ولا تقدّم يا الوزير استقاله

    ارباك للموقف من العام والحين

    والمستريح اللي ضمير صحاله

    والأمن يقمع فكر عقل الشياطين

    بالأنس شيطانٍ تزايد هباله

    قذف المذاهب لصحافه عناوين

    الجهل يفتن بين عمه وخاله

    رياضة الالعاب والهم همين

    كن التفاهم بالبلاد استحاله

    اسعار جمعيّاتنا والدكاكين

    مصت جيوب اللي على قد حاله

    الخ ونقوط وفواصل وقوسين

    حاول تكمل خافيات الرساله

    الشعب ما يدري تعدي على وين

    يصبح ويمسي ليل مشغول باله

    تاريخ مجلسنا على الراس والعين

    كلٍ تذكر بالمواقف رجاله

    اليوم يوم اللي على العهد وافيين

    هذا وطنّا كثر الله حلاله

    اقسم قسم ما يحمل انسان قلبين

    حب الوطن يكبر بقلبٍ صفاله





    تاريخ النشر 26/10/2008 جريدة الوطن
     
  2. SAD_SHU

    SAD_SHU بـترولـي خـاص

    2,276
    0
    0
    صح لسان كاتب القصيدة
    وسلمت يد من نقلها
     
  3. like.no.other

    like.no.other بـترولـي مميز

    594
    0
    0
    صح لسانه وهذا صاير حال الشعب الكويتي

    تسلم ايدج على النقل
     
  4. dehen_3ood

    dehen_3ood بـترولـي خـاص أعضاء الشرف

    صح لسان قائلها وتسلم إيد ناقلها​
     
  5. a7mad2000

    a7mad2000 بـترولـي نشيط

    120
    0
    0
    صح السانك ياللي قايلها............تحياتي
     
  6. K.P.C.K

    K.P.C.K بـترولـي نشيط

    83
    0
    0
    ترجمة للواقع

    صح الله لسانك و لسانه

    مشكور على النقل

    ابداع و ذوق يختار بابداع
     
  7. ناصر knpc

    ناصر knpc بـترولـي جـديـد

    23
    0
    0
    قصيدة تحكى الواقع ونقل مميز شكرا الجوهره وفى انتظار المزيد من أبداعاتك
     
  8. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    تحية للشاعر عبدالله الردعان الزميل أثناء الخدمة الإلزامية

    و شكرا للجوهرة
     
  9. ALI 07

    ALI 07 بـترولـي نشيط جدا

    326
    0
    0
    السلام عليكم اثريك عود يا ستاذ عبدالله وانا حسبك شباب صغير
     
  10. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    تحيه للشاااعر على هالقصيده
    وتسلم يد اللي نقل القصيده

    تقبلي مرووووري
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    إعتبرني أخوك الصغير :) يا أستاذ علي
     
جاري تحميل الصفحة...

مشاركة هذه الصفحة