مستوى الادارات في الشركة

الكاتب : KingLear | المشاهدات : 960 | الردود : 2 | ‏23 أكتوبر 2008
  1. KingLear

    KingLear بـترولـي نشيط

    السلام عليكم جميعا،

    صارلي فترة افكر واقولب ببنات افكاري يمين ويسار لما قررت في الاخير اطلب مشاركتكم في هالموضوع.

    الحين كوفبك صارلها تغييرات بسبب الاستقالات لاسباب متعددة (منها الزين ومنها الشين)، وطبعا تعيينات جديدة، فينا الراضي وفينا اللي مطقوق راسه بالطوفة (انا منهم :eek: )

    بس لو حبينا ننتقد ادارة او قسم معين، ليش؟ وشلون ننتقده؟ واي ادارة ممكن ننتقدها؟

    اعتقد ان الاقسام الخاصة بالعمليات ممكن تكون خارج الحسبة لسبب بسيط، هاذي الاقسام مرتبطة في اطراف خارجية وعوامل احيانا تكون سياسية او مالية ولها مقياسها الخاص من حيت الربح أو الخسارة.

    اللي يهمنا في هالموضوع هو الادارات اللي ترتبط فينا كموظفين، لأني شايف ان من حقنا نحاسب ونطالب باللي لنا مثل ما شركتنا منشفه ريجنا على الواجبات اللي علينا.

    انزين! استبعدت الاقسام المرتبطة بالعمليات، ومسكنا الاقسام المرتبطة فينا، شنو هالاقسام (صاروا وايد)؟

    - الموارد البشرية
    - الخدمات العامة وتكنولوجيا المعلومات
    - المالية (احيانا)

    بس وين مكان الادارة العليا؟ على الاقل الرئيس والنائب المختص بالادارة والمالية ايضا معرضين للنقد، قولولي ليش؟؟

    لأن احنا بالكويت و مو من المستغرب ان احلامهم اوامر.

    الحين لو نسيت الاشخاص وحاولت اقيم ادارة معينة (على سبيل المثال)، هل اقيم مديرها؟ موظفينها؟

    لا ما اعتقد الحسبة صح، صحيح ان المدير يرفع ويخفس في الادارة والنتيجة تعود علينا (يا كثر ما شفنا منهم)، وهم صحيح الموظفين يتربون وتعلمون عدل من مديرهم (البعض مو الكل)، على سبيل المثال، الحفار (ياكثره) والتصيد (الله يكافينا شره) يطلع ويعشعش لأن في فرص صالحة للاستغلال، لأن ما فيه شفافية، لأن ما فيه نظام عادل يطبق على الجميع، خطين تحت يطبق بليز.

    بس هاذي عوارض وعلامات ان في مرض في القسم وقد يؤثر على تقييم الادارة، بس ماهو مقياس.

    انا اعتقد المقياس هو مدى تنفيذ ماهو مطلوب من هالقسم، شنو رؤية القسم، شنو الهدف اللي تسعى له هالادارة؟ وفي بحر كم سنة؟

    انا عتبان على بطء الانجاز في الشركة، وعلى استمرار التخبط اللي حطتنا فيه ادارات سابقة، وكان عشمنا بربعنا الحاليين، بس العشم صارله فترة وما شفنا الزلزال اللي كنا متوقعينه.

    نرجع للموضوع، الحين شنو رؤية الشركة؟ رؤيتها الخاصة بمستقبلها ومستقبل مواردها النفطية والبشرية؟ وشنو دور كل ادارة في الموضوع؟ ما هي القيمة المضافة لكل ادارة علشان توصل الشركة لهدفها؟

    يا ريت احد يقوللي بليز، بس لا تنقلون من الكتاب السنوي لأني حافظه والكلام كله ما تغير من 2001، انا ابي المستقبل من 2009 وطالع، لأن المستقبل في هالكتاب السنوي صار ماضي اليوم.

    اعتقد ان ما في امكانية لتقييم عادل ومنصف وحقيقي لأداء الشركة او اي ادارة الا اذا شمروا الليدرز الحقيقيين في الشركة وحطوا لهم اسم ما ينسونه الموظفين والناس مثل ما كتب العربيد اسمه و صارله جيل ذهبي ما ينسى.

    انا ما حبيت اتحلطم، بس حبيت انقل افكاري من قلبي للكمبيوتر، يمكن الاقي احد يضيفلي ويضيف للموضوع.

    مشكورين
     
  2. The^Queen

    The^Queen بـترولـي نشيط جدا

    288
    0
    0
    وعليكم السلام والرحمه بس ماكو جميعا لان ماشوف احد قاعد يتحرك او يعطي من عمره بالقسم غير ناس تنعد علي اصابع اليد الواحده :)
    ويعطيك العافيه علي الاهتمام والتساؤول

    السؤال الاهم ليش نتنقد؟ :confused:


    الاقسام اللي مسؤوله عن العمليات اهي البروفت سنتر عندنا
    اهي اللي تستكشف وتنتج يعني ربح الشركه مرتبط بشكل اساسي بعملهم مايصير تفصل السلطه التشريعيه عن التنفيذيه
    والعوامل الخارجه عن الحسبه شي بسيط ما تخلينا نسبتعد هالادارات من التقييم
    لاتنسا ان مشاريعهم وعملهم مخطط له قبل اي خطوه يخطونها وبالبلان مالت الشركه
    اذا استبعدت الريجنز
    والنيو بي دي
    يعني استبعدت اهم مراكز النشاط بالشركه
    واذا اداء الشركه وربحيتها وتقييمها مارتبط بمركز نشاطها والمراكز المسؤوله عن التطبيق مايصير التقيم والمحاسبه عادله !
    هذا من ناحيه تقييم تحقيق الاهداف والخطط


    افا افا في جم قسم تفنشو !

    وين الدائره القانونيه
    وين الدائره التجاريه
    وين قسم العلاقات اليديد !





    اوكي اهني رسميا ضعت!
    شنو المقصود بالتقييم!!!!!!!!!!!!!!
    لاني فهمت من الموضوع ان التقييم تقييم الموظف او تقييم الاداره ومدي مطابقه الخطه للعمل والاداء الوظيفي
    بس لما قريت هالفقره تهت شويه ! لان شكلنا نتكلم عن موضوعين مختلفين




    ا


    حرااااااااااااااااااام الصور بالكتب صارت احلاااااااااااااااااااااااا:D:D:D
    علشان تعرف القيمه المضافه من كل اداره علشان توصل الشركه لاهدافها الاستراتيجيه
    لازم كل موظف يعرف دوره بالاداره وارتباط وظيفته بتحقيق الهدف المطلوب من ادارته
    وشنو البلان مالته ماقصد خطه الترقيه او الكارير باث
    اقصد شلون عمله يرتبط بتحقيق الهدف من ادارته يعني لو تاخر او تكاسل او سوا شغله بدون تركيز شنو يصير؟ لو بذل مجهود اكبر شنو يصير ويكافئ المتميز و الصراحه ماودي يتعاقب المتكيسل لان كلنا تينا عرات:cool:
    بس هالكلام كلام اللي مفروووووووض يصير مو شرط يكون واقعي
    لان اغلبنا نؤدي شغلنا لان مطلوب منا وبسرعه بسرعه بسرعه ويالله وتسليم وتاريخ ونضيع بطوشه فلان وفلنتان ويالله وليش ماليش وماندري شنو تاثير الشي اللي نسويه ولايحس الشخص بقيمه وظيفته اللي ياديها




    .


    اقين
    اند اقيييييييييييييييييييين


    لازلت اعتقد اني اشغل لاني ابي اشتغل مو لان الليدر مشمر عن ذراعه واشتغل علشان ارضي نفسي
    صج نتحبط نمل وكل اللي بكوفبك شعارهم ملينا من هالشركه بنطلع بنطلع بس الحمدالله مشاكلنا مقدور عليها وامورنا مو شي يفوق الوصف وسيئه لانقدر علي التعايش معها :cool:


    مشكور اخوووووووووووووووووي واتمني ان تتقبل رايييي
     
  3. سمراء kufpec

    سمراء kufpec بـترولـي جـديـد

    من متابعين الموووضوع:)


    ياريت تكملوجهة نظرك......
     

مشاركة هذه الصفحة