كادر المحاسبين

الكاتب : Failakawe | المشاهدات : 10,535 | الردود : 28 | ‏23 أكتوبر 2008
  1. Failakawe

    Failakawe بـترولـي نشيط

    96
    0
    0
    السلام عليكم ...

    حبيت اتكلم في موضوع ممكن مايهم كل العاملين بس يهم فئة معينة في الشركات النفطيه وهو كادر المحاسبين

    احنا موظفين في قطاع نفطي وهو الاقرب الى قطاع الحكومة يعني المفروض يساوونه بالكوادر اللي موجوده في الحكومة .. موظف القطاع الحكومي يمشيله كادر محاسبة والقطاع الخاص يمشيله دعم عمالة ... بس السؤال هو موظف القطاع النفطي المحاسب ليش مايمشيله كادر مع انه بقطاع تابع للقطاع الحكومي وهي شركة حكومية تتملكها الدوله ؟؟

    ومع العلم انه بالحكومة حتى 6 ساعات مايداومون وكل واحد حاط ريل على ريل ,,, واحنا اللي دوامنا 8 ساعات ويمكن اكثر في بعض الاوقات حتى كادر مالنا .. يعني حتى مساواة بينه وبينهم مافي .. يعني اهم محاسبين واحنا شنو ؟؟

    وشاكر لكم
     
  2. Q825

    Q825 بـترولـي مميز

    500
    0
    0
    كلا حسد بهالديره شوف مميزاتك بعدين طالب بمميزات الحكومه

    استقيل وروح الحكومه لو مو عاجبك النفط

    غيرك يتمنون النفط

    قول الحمدللله
     
  3. Failakawe

    Failakawe بـترولـي نشيط

    96
    0
    0
    وشنو مميزاتي ؟؟ انت ماتعرف لا انا قريد جم ولا وظيفتي شنو عشان تتكلم عن المميزات .. صحيح انه في مميزات بالقطاع النفطي لكن هالمميزات تيي بعد عدة سنوات مع القريدات العالية

    ثاني شي احسد منو على شنو ؟؟ عيل انت لاتطالب بالخمسين عشان الناس لاتقول تحسدهم وانت شكلك لا لك شغل بالمحاسبه ولا تعرف عنها شي بس اذا اقروا الكادر لنا راح تقول اي شمعنى اهم

    الحمد لله على كل حال
     
  4. K.P.C.K

    K.P.C.K بـترولـي نشيط

    83
    0
    0

    اعذره يالفيلكاوي الرجال ترى ينتظر نتيجة قبولة بالنفط عشان جذي انفعل شوي :D

    و فعلا الرجال مو محاسبة .. الرجال نظم معلومات جنه

    و اللي ايده بالنار مو مثل اللي ايده بالميّه

    الله يوفقكم و يرزقكم بالكادر انشالله

    موفق حبوب
     
  5. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الله يوفقكم و يكتب لكم الكادر اللي يخصكم و يميزكم إن شاء الله و موفقين يا محاسبين
     
  6. بترولي حر

    بترولي حر بـترولـي مميز

    775
    22
    18
    يا اخي ما يجوز ترد على زميلك بهالطريقة ؟؟؟ قل خيرا او اصمت ...وكلامه صحيح مية بالمية..قارن محاسبين وزارة

    المالية بموظفي القطاع النفطي وشوف ...من قريدات ترقيات علاوات بوصنات سنوية وربع سنوية وسفرات

    ودوام قليل ....وبعدين تعال تكلم ...
     
  7. blackberry

    blackberry بـترولـي نشيط جدا

    302
    0
    0
    ممكن اذا عندك فكره اتقولي شنهي مميزات المحاسبين في الحكومة ؟ ممكن تذكرلي جم كادر المحاسبين في الحكومة ؟ .. لأنه وبصراحه لا يقارن مع البترول ..

    في البترول انت محاسب و انا مهندس اثنينا سواسيه على القريد 12 واللي حوالي يكون 1228 د.ك ناهيك عن باقي ميزات البترول من بونس سنوي و زيادة سنوية للراتب و تذاكر سنوية و و و و و و ...

    مادري اي الكادر اللي تقصده لكن اللي اعرفه فيه كادر لإدارة الخبراء التابع لوزارة العدل وهو مطبق للمحاسب و المهندس .. علما انه مع هذا الكادر فإنه الراتب لن يصل الى راتب الجامعي لحديث التخرج واللي ذكرته لك .. الا اذا قصدك من ناحيه الراحه في ناحية الدوام فأنا اتفق معك في هذه النقطه فقط .

    ياليت تقولي كادر المحاسبين اللي يستلمونه الحكومة اذا امكن ..

    واذا المحاسبين زعلانين من وضعهم .. تعال شوف وضع المهندسين وقارنهم مع دول الخليج ( ويارب يقرون كادرنا ! ) .

    ويا اخوان .. خلو الحوار بطريقه حضارية .

    واتمنه يقرون كادركم .. والفال لنا يا رب .

    دمتم ..

    ملاحظه :

    ليش ما تروح ديوان المحاسبة ؟ :)
     
  8. مطيري

    مطيري بـترولـي جـديـد

    14
    0
    0
    علي طاري راتب المحاسب في البترول.. !!

    راتب دبلوم محاسبه في البترول للي تو متعين كم ؟وعلي أي قريد ؟



    وشكرا
     
  9. Future man

    Future man بـترولـي نشيط جدا

    180
    0
    0
    المفروض يقرون كادر المحاسبين والمهندسين والقانونيين حالهم حال الجهات التابعة لديوان الخدمة المدنية

    ومؤسسة البترول جهة تابعة لديوان الخدمة المدنية

    بس الأمور اللي من صالح الموظف ما يطبقونها مثل الكوادر وعدم إحتساب الجمع من الإجازات

    والأمور اللي مو من صالح الموظف يطبقونها مثل الإستئذانات والمرضيات
     
  10. blackberry

    blackberry بـترولـي نشيط جدا

    302
    0
    0
    وهذا اللي حصل .. تم رفع قضية للإقرار هذه الكوادر في القطاع النفطي .. لكن خسروها . ( للمزيد )

    والكل عينه على جلسة الإستئناف بتاريخ 17-11-2008 .. ولكن أعتقد بعد أزمة البورصة و نزول سعر النفط محد بشوف شي في هلفتره .

    والله يحفظنا في الأيام القادمة .
     
  11. المنصور

    المنصور بـترولـي خـاص أعضاء الشرف

    بالنسبة للقطاع الحكومي ما يصير تجمع بين كادرين

    وراح اعطيك مثال حي على هالموضوع

    بالنسبة للموظفين في جامعة الكويت

    تم اقرار كادر للموظفين في جامعة الكويت

    ومن ثم تم اقرار كادر للمحاسبين وللحاصلين على شهادات المحاسبة لكن ما يشغلون وظائف محاسبية

    واللي صار فعلا ً انهم قارنوا بين الكادرين وتم اعتماد الاعلى قيمة فقط
     
  12. blackberry

    blackberry بـترولـي نشيط جدا

    302
    0
    0
    المنصور .. حبيبي أنت :D

    أعتقد الفيلكاوي مو مقتنع أنه المحاسب في البترول راتبه أعلى من الحكومة .. بس منو اللي كادره كان أعلى قيمه الجامعة أو المحاسب ؟
     
  13. المنصور

    المنصور بـترولـي خـاص أعضاء الشرف

    كادر موظفين الجامعة اعلى
     
  14. blackberry

    blackberry بـترولـي نشيط جدا

    302
    0
    0
    لووول .. الله يكون في عون المهندس .
     
  15. Failakawe

    Failakawe بـترولـي نشيط

    96
    0
    0
    انا اتفق مع وايد منكم ... بس خلونا ناخذها شوي شوي ... كادر المحاسبين بالقطاع الحكومي 170 حق الجامعي هذا شي .. ثاني شي صحيح ان الجامعي بالنفط ياخذ اكثر من اللي بالحكومة بس ترى مايفرق شي يمكن 100 دينار .. ولو تحسبها حق المتزوج راح يكون دوامه بالحكومة احسن لانه بيستلم بدل ايجار 150 اللي احنا نستلمها هني من ضمن المعاش ... ودواميه يفرق 3 ساعات .. قريد الخريج اللي توه متعين اداري 11 مو 12 والراتب أقل من الف حق العزوبي ...
    بعدين الناس تقول النفط والنفط احنا بقطاع حساس وفي اي دولة بالعالم رواتب القطاع النفطي لازم تفرق عن الحكومة والمميزات كذلك ولا انا غلطان ؟ خو مايصير انا اقولك لا انت لاتستلم بدل ايجار لانك تاخذ بدل سكن وغيرك يستلم ويوصل معاشه اكثر منك واهو مرتاح ريل على ريل ويداوم اقل صح ولا لا ؟
    والاخ اللي يسأل عن الدبلوم المحاسب يتعين على قريد 8 والراتب الاجمالي 750 تقريبا
     
  16. net1

    net1 بـترولـي نشيط جدا

    229
    0
    16
    ممممم

    انا احب اقولكم عن تجربتي الشخصيه انا عندي دبلوم محاسبه واشغلت بالحكومه وبل القطاع الخاص والحين انا بالنفط خلوني اقولكم شنو الفرق : (( على فكره انا لما كنت بل الوزاه كنت شغال على الرواتب وبعدين في احد البنوك ))

    1- في الحكومه طبعااا في سنه 2005 اذا ماني غلطان اقروو لهم كادر للمحاسبين على ما اعقتد 60 للدبلوم و160 للجامعي وقبلهاا كانت ال50 سنه 2003 على ايام الشيخ جابر الله يرحمه (( انا ما حاشني الكادر لاني كنت بالبنك بس حاشتني ال50 ))

    2- في البنك كان في دعم العماله(( الى اهي تعتبر علاوه اجتماعيه تعطى للاعزب والمتزوج)) الى اهي كانت للدبلوم 169+50 مالت الشيخ جابر والجامعي كان 190+ال50

    3- والحين في النفط طبعاا قصوو علينا بالكادر (( اقصد المحاسبين )) طبعااا الدبلوم الى على قريد 8 راح ينظلم لانه العلاوه الاجتماعيه راح يستلم 155 بينما في الحكومه 169 وهم بل القطاع الخاص 169 . اما الى قريده 9 تقريبا راح يكون مقارب للوازاه اول ما يشتغل بعدين الله كريم .بعدين اهني بالقطاع النفطي ماكو ال50 مالت الشيخ جابر الله يرحمه مادري وينهاا مادري دخلوها مع الكادر ولا وين راحت مادري وحتي ال50 اليديده الى حق الرواتب اقل من 1000 لما لحين مافي خبر عنهاا والكل متجاهلها (( لانه اغلت الى يشتغلون عليها رواتبهم اكثر من 1000 فا ما تهمهم ))

    *وعلى فكره الجامعي وخريج محاسبه في الحكومه الكادر الى يستلمه اول ما يشغل 160 دينار ويزيد حسب الدرجه طبعا هذا في الوزارات العاديه اما وزاره الماليه او ديوان المحاسبه فاا الله يرزقهم ويوفقهم اكثر من الباجي*

    * والجامعي خريج المحاسبه بل القطاع النفطي يعتيين على قريد 11 وليس 12 *

    وراتب دبلوم المحاسبه يتعين على قريد8 والراتب الى يتحول البنك 675 بالظبط :)


    *
     
  17. مطيري

    مطيري بـترولـي جـديـد

    14
    0
    0
    دبلوم محاسبه ومتزوووج ؟؟
     
  18. Failakawe

    Failakawe بـترولـي نشيط

    96
    0
    0
    مطيري .. دبلوم محاسبة ومتزوج تستلم صافي بعد الخصومات 790 دينار
     
  19. koc-76

    koc-76 بـترولـي مميز

    591
    0
    0
    ياجماعه بعد زياده القطاع النفطي اللي اعتبروها علينا كادر لاتتوقعون الموافقه على اي مطالبه بكادر ​
     
  20. محاسب

    محاسب بـترولـي جـديـد

    4
    0
    0
    بسم الله الرحمن الرحيم....

    يعطيكم العافيه ..


    ابي اسأل خريج دبلوم محاسبه اول ما يتوظف بوزاره جم يكون معاشه..؟؟؟







    وخرج جامعي محاسبه اول ما يتوظف جم يكون معاشه؟؟؟



    وجزاكم الله خير
     
جاري تحميل الصفحة...

مشاركة هذه الصفحة