من طرائف العمل بشركة نفط الكويت

الكاتب : 3eFLanGi | المشاهدات : 2,379 | الردود : 34 | ‏8 نوفمبر 2007
  1. 3eFLanGi

    3eFLanGi بـترولـي جـديـد

    1
    0
    0
    وصلني هذا الخبر من صديق وضحكت وايد لما سمعتة وحبيت اشارك اخواني واخواتي علية ، في تيم ليدر(من اللى صاور رؤساء بالغوترة والواسطة طبعا) فى احد فرق العمل الادارية بالشركة مو هامة بالشغل غير الدوام الساعة سبع ، ويا ويله اللى يتأخر ولو حتي خمس دقايق ،في يوم من الايام قام وكلم أحد موطفين بفريقه وقاله:

    التيم ليدر : ليش ياي متأخر اليوم على الدوام
    الموظف : والله با بو فلان طق عندي بنشر
    التيم ليدر : واحنا كل ما سالناكم ليش متاخرين ما عندكم غير هلاعذار االمكشوفة يالا اثبتلي ان تأخيرك كان من البنشر

    وهده ومشى ، الموظف اهني انقهر وقام يفكر شلون يرد علية ، راح الموظف السيارة وبطل الدبة وطلع التاير المبنشر وحطه على الارض وصور التاير بكاميرة التلفون ورد مكتبه وطبعها ودزها حق التيم ليدر وكتب على الصورة " مرفق صوره التاير المبنشر سبب تاخيري صباح اليوم ...... وذلك للعلم ولعمل ما ترونه مناسبا". "طبعا التيم ليدر اندقر وسكت وما رد عليه

    تري هذي القصة حقيقية مو من تأليفي ومن المضحك المبكي ان هذا الموظف يشهد له بالكفاءة والحضور المبكر والتيم ليدر نفسه يضرب فيه المثل للموظفين الأخرين بالقسم ولكن اذا حصللك مثل نوعية صاحبنا التيم ليدر اللى يهمة الدوام اكثر من الشغل ماكو احسن من رد هالموظف عليه وعلى قولت المثل الشامي ( هيك ناس عاوزه هيك معاملة).

    ارجو من اخواني واخواتي ان يشاركونا بتجاربهم الطريفة اللى تحصل معاهم بالدوام

    ودمتم
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    كاااااااااااااااااك
    أسمع هذي مره داومت متأخر ويدق علي مسؤوول النوبه الي اهو الكنتروولرر وقاالي وينك ليش متأخر قلتله ولدي كان مريض ووديته المستشفي ورديت رد وقالي شلي يثبت ها الشي
    واقووم وادق علي المداام وخليتهاا تبجي الولد واقووم واسجل صووته وادزه بلووتووث حق الكنتروولرر اهني اقتنع انه كان مريض

    وتقبل تحياااتي
     
  3. LaRambla

    LaRambla بـترولـي خـاص أعضاء الشرف

    2,041
    3
    38

    قال رسول الله صل الله عليه وسلم

    ((لاتتمارضوا فتمرضوا فتموتوا))

    لا تفاول على ولدك على شان تأخير
     
  4. Mr. Engineer

    Mr. Engineer بـترولـي مميز

    662
    0
    0
    و الله آنا لو من الموظف أنادي واحد من هالبنغالية يشيل التاير بكبره و يدخله على مكتب التيم ليدر!!!:D

    بس ودي أشوف النظرة على ويهه من الفشلة.

    شكراً للمشاركة الجميلة
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يا عزيزي الفااضل اولا الله يبعد عنا وعنك وعن كل شخص الشر والمكروه ثانيا انا فعلا كنت صادق بكلامي وأعتقد انك مافهمت موقفي فديتك
    ع العموم مشكور ((:)

    وتقبل تحياتي
     
  6. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    انا اقولكم موقف ما بعده موقف بس طبعا كاصار بالقطاع النطي صار بالجيش واحسن من عذره ما فيه

    واحد غاب عن الدوام اسبوع كامل وبعد اسبوع جا العسكري للدوام متراهي يتمشى على كيفه


    ناداه االضابط وقاله شحقه صارلك اسبوع مو مداوم

    رد عليه العسكري ببرود اعصاب والله كنت نايم

    عصب الضابط وقاله انت اكيد تستعبط ولازم اصرحك من الجيش

    عصب العسكري اقولك نايم مو مصدقني


    قاله الضابط اثبتلي انك نايم اسبوع والله ما تدخل العقل اسبوع نايم

    رد العسكري يعني انت مو مصدق اني نايم السبوع

    الضابط اكيد مو مصدق

    رد العسكري

    يعني انت مصدق ان اهل الكهف نامو 309 سنوات ومو مصدق اني نايم اسبوع

    فضحك الضابط وسامحه والقصه واقعيه وحصلت بالكويت بالجيوان
     
  7. LaRambla

    LaRambla بـترولـي خـاص أعضاء الشرف

    2,041
    3
    38


    انا اسف اخوي فهمت غلط على بالي السالفة تمثلية على شان التاخير وصدقني انا ما رديت هالرد الا خوفا عليك وعلى ولدك الله يحفظكم كلكم ان شاءالله


    تقبل اعتذاري
     
  8. العندليب

    العندليب بـترولـي نشيط جدا

    164
    0
    0
    مشكلة بعض المسؤولين أنه وللأسف أنه يعتقد أنه يداوم في شركته الخاصه وعلى باله أن كل شي له حكم أو سلطه فيه الله يهديهم ويصلحهم ما جنهم كانوا موظفين حالهم حال غيرهم.........لكن ياجماعه اللي يتأخر على الدوام أهم شيئين ماينساهم : الأول لاتسرع ولاتقود السياره بسرعه فوق المعدل الطبيعي ولاترتبك ولاتحاول توصل بالوقت المحدد أهم شي سلامتك وسلامةالأخرين وماراح تطير الدنيا يعني وكافي اللي نشوفه كل يوم من حوادث وترى الدوام لله سبحانه وشنو يعني لو تأخرت أحنا بشر. والشي الثاني لاتختلق الأعذار الغير صحيحه خلك صريييييييييييييييييييح وقول عذرك الحقيقي بكل صراحه حتى لو كان غير مقنع لكن كن صريح وترى محد راح يقطع راس أحد ولا أحد راح يوقف معاشك والصدق أهم من أني اكون كذاب أو أكتسب ذنب عشان أرضي أو أقنع مسؤولي.

    وشكرا
     
  9. Mr. Engineer

    Mr. Engineer بـترولـي مميز

    662
    0
    0
    كلام سليم جداً،

    ذاك اليوم سمعت واحد يسولف إنه راحت عليه نومة شوي، قام يدوس فوق 160 علشان ما يتأخر عن الدوام،

    يبا خير يا طير، حتا لو تأخرت شبيصير يعني، أقصى ما فيها راح تسمعلك جم كلمة من المسؤول، بس عادي طوف.

    يعطيك العافية.
     
  10. العندليب

    العندليب بـترولـي نشيط جدا

    164
    0
    0
    مشكور أخوي Mr. Engineer على مرورك ومشاركتك...
     
  11. المهندس

    المهندس بـترولـي خـاص

    1,305
    8
    0

    صارت سالفه حق زميل لي يشتغل في النورث - لمن صار التسريب في النورث واهوا في الاحمدي - المنجر يدق عليه كل دقيقتين - ووينك ما صلت ويللا بسرعه ومادري شنو - ولانه صاحبي مجتهد وقلبه عالشغل كان يدوس بسرعه يعني فوق المعدل اذا مو 180 - المهم وصل الريال وخلصو المشكله وقتها 24 ساعه ما نام وعقبها رد البيت - بس من التعب نام في الطريج - المهم وقتها قالي عالسالفه قتله انت وراك عيال شنو بيفيديك المسئول لو طق معاك بنجر وصارلك حادث - يعني تذبح نفسك علشان مسئول كل دقيقه يدق يقولك وصلت واللا لا- صج انك مطيور- الشغل ما راح يخلص وانت راح توصل .. الولد عقبها تسنع وقام يفكر في عياله قبل لا يطير الشغل...

    ودمتم
     
  12. موظفة

    موظفة بـترولـي جـديـد

    24
    0
    0
    قلت موظفة
    الكويت
    كلامك عين العقل والصواب يعطيك الف عافييييييييييييييييييييييييييييييييييية ياعندلييييييييييييييييييييييب المنتدى:)
     
  13. الغالية

    الغالية بـترولـي خـاص

    1,035
    0
    0
    عندنا تيم ليدر .. يستانس اذا جانا الشتاء .... تدرون ليش ؟!!


    عشان من تتعدى الساعه 7 .. طلع للمواقف ويحط إيده على السيارات .. واللي سيارته حارة معناها توه واصل !!!


    اي شي .... هههههههههههههههههههههههههههههههههههههههههههههه
     
  14. العندليب

    العندليب بـترولـي نشيط جدا

    164
    0
    0
    هههههههههههههههههههههه والله ضحكتيني الغاليه عن جد الحمدلله والشكر على نعمة العقل لكن سبحان اللذي زين البشر بالعقل... شكرا أختي موظفه على مرورك والله يحفظنا أجمعين
     
  15. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0


    خوووووووووووووش تيم ليدر وخوش حركه

    سوالف المسئولين ماتخلص وماندري هم الصح ولا احنا
     
  16. Shoomy

    Shoomy بـترولـي خـاص

    عيل احلى طرفه لمن التيم ليدر يشتكي عليك عند المنجر عشان طالع من الدوام 5 دقايق مبجر

    صج صج تحفه هالتيم ليدر
     
  17. المشاكس

    المشاكس بـترولـي خـاص أعضاء الشرف

    998
    1
    0
    اهي بس راده على لتيم ليدر حتى المشرف (السوبرفايزر) فيهم وايد مو صاحيين وخاصة الي ترقوا آخر سنتين مو مصدقين طبعاً مو الكل ...

    والمشكلة أكثر التيمليدرز والمشرفين مايفتهمون بالأمور الأدارية شي ولما تحاججهم بالقانون يضيعون ويدشون لك في موضوع ثاني عن الفشلة

    والصراحة في بعض التيمليدرز ماينلامون .... بعض هم في بعض الموظفين ماينعطون وجه ويطلعون أعذار مادري شلون صايره ... خاصة ألي اييك يقولك .... انا باجر ماني مداوم ... تقوله ليش ...؟ يقولك ... عندي عشى بالبيت .... زين يعني ماتعرف تعزم الناس إلا بزام الليل ....... شي عجيب
     
  18. Mr. Engineer

    Mr. Engineer بـترولـي مميز

    662
    0
    0
    عيل سمعوا هذي،

    فيه واحد كان تيم ليدر، الحين صار مانيجر، كان بعد الساعة 7:15 يقفل باب الدوام،

    و عاد شوف الموقف الموظفين متكودين بره و هو مو راضي يدخلهم،

    صج لي قالوا العقل زينة
     
  19. موظفة

    موظفة بـترولـي جـديـد

    24
    0
    0
    قلت موظفة
    الكويت
    واللة وفى مدراء ---------مايدرون------من جا ومن راح-------------------بارك اللة فيهم
     
  20. الغالية

    الغالية بـترولـي خـاص

    1,035
    0
    0
    هههههههههههههههههههههههههههههههههههههه

    تيم ليدر .. مركب كاميرات مراقبه على الباب .. ويشوف منو اللي داش ومنو اللي طالع !!
     
جاري تحميل الصفحة...
مواضيع مشابهة
  1. المحرر النفطي
    الردود:
    2
    المشاهدات:
    8,233
  2. المحرر النفطي
    الردود:
    4
    المشاهدات:
    1,335
  3. المحرر النفطي
    الردود:
    1
    المشاهدات:
    1,432
  4. Yousef Mubarak
    الردود:
    1
    المشاهدات:
    535
  5. المحرر النفطي
    الردود:
    1
    المشاهدات:
    1,123

مشاركة هذه الصفحة