اليوم دقيت عليهم وسألتهم عن موعد نتايج حديثي التخرج اصدمتني وقالت لي الاسبوع الياي قلت لها الحين انا داق من اسبوعين قلتو ان هالاسبوع اكيد قالت اي بس حصل تأخير سألتها انزين اي يوم بالضبط الاسبوع الياي قالت مادري اخر شي قلت لها جيكيلي بس عالاقل اذا اسمي مع المقبولين ولا المرفوظين قالت والله الاسامي مو عندي قسما بالله ملينا يعني بيعدي شهر الحين بعد العيد وهذيل الباردين للحين معلقينا
لووول واللي يقولك انا داق بعد قالولي بعد سبوعييييييييين !!!! الاسامي متأخره ماتدري تاخد الكلمه من منو .. كل موظف يقولك شي ..
صدقني محد يعطيك معلومة مثبتة 100% عشان جذي انت مو متطمن لان جميع المعلومات تفقد عنصر مهم و هو المصدر مع بيان مصداقيته و مكانته المتعلقه بالموضوع او لا .. لا تتعب نفسك .. صدقني فجأه بتجيك المعلومه و بتكتشف ان الجو اللي عشت فيه في المنتدى مجرد سحابة اوهام تقبل تحياتي و تقديري .. موفقين
دائما يجب التحقق من المعلومة يا شباب في نقل أي خبر وتعريف المصدر ... وهذا هو ما يعمل به في المنتدى حرصاً منا في الأمانة والمصداقية لكم تحياتي وتقديري... وتقبلوا مروري
تصدقون انا وصلت لمرحله انه موفارقه معاي سواء قبلوني او لا .....خلاص طقت جبدي تعبت من المحاتاه يعني شنو اذا مااشتغلت بالنفط ماراح ادش الجنه مثلا .... بعدين والله لو نفكر منطقيا بالامر نجد انا ناسيين امر مهم وهو الخيره ...ترى الخيره محد يعرفها الا الله سبحانه وتعالى يقول الله تبارك وتعالى (وعسى أن تكرهوا شيئاً وهو خيراً لكم وعسى أن تحبوا شيئاً وهو شر لكم والله يعلم وأنتم لا تعلمون) ... والله يمكن نستذبح على هالوظيفه وبالاخر تطلع مو زينه لنا او ماتناسبنا ....فو الواحد يحمد ربه على كل شىء ويقول الحمد لله على كل حال ... ورزقك بيجيك واللي كاتبه لك الله بتشوفه .... ومثل ماقالو الاخوان ...اهم شىء التوكل تحياتي لك الناطرين ...
والله يا خوي المشكله مو بالقبول او الرفض .. المشكله ان العمليه ما فيها تنظيم .. يعني موقع المؤسسة او الشركات التابعه المفروض يكتبون التاريخ او الموعد ونرتاح كلنا ... حاطين ارقام تليفونات وللاسف اللي يردون ما يدرون شسالفه بس انشالله يطلع لنا اي احد يكون عنده خبر اكيد او مقارب ويريحنا اللي الله كاتبه راح يصير .. موفقين
