هل يسوي لموظف في الكي أو سي ينتقل للخفجي؟

الكاتب : كي أو سي مان | المشاهدات : 1,394 | الردود : 15 | ‏8 أكتوبر 2008
  1. كي أو سي مان

    كي أو سي مان بـترولـي جـديـد

    37
    0
    0
    هل يسوي لموظف في الكي أو سي جريد 15 (مهندس كهربائي) يستقيل ويتوظف في عمليات الخفجي؟ يرجى ذكر الأسباب سواء نعم أم لا.

    ومشكورين.
     
  2. SALEH

    SALEH بـترولـي نشيط

    63
    0
    0
    حسب علمي الدوام في عمليات الخفجي مكانك ثابت على طول اما في الكى او سي يوجد روتيشن كل سنتين في مكان
    واذا انت تبي معاشك بالنسبة لعلاوة الطريق ثابت روح الخفجي اما اذا ماتفرق معك خلك في مكانك احسن
     
  3. كي أو سي مان

    كي أو سي مان بـترولـي جـديـد

    37
    0
    0
    مشكور أخوي - للتوضيح فقط: الدوام في الأحمدي. بالأساس ما في بدل طريق.
     
  4. محمد حطاب العنزي

    محمد حطاب العنزي بـترولـي نشيط

    الي اعرفه ان المعاش اقوى بالخفجي ويعتمد بدل الطريق اذا متزوج350 واذا عزابي 150
     
  5. كي أو سي مان

    كي أو سي مان بـترولـي جـديـد

    37
    0
    0
  6. عمليات الخفجي

    عمليات الخفجي بـترولـي نشيط جدا

    349
    13
    18
    نعم تستيطع انك توظـف


    على حسب خبرتك الي ترفقها ..

    الخبره السنـه بــ 400 ريال زيادة فوق الراتب

    ويمكن اذا كانت خبرتك 3 او 4 سنوات يعطونك قريد يعني

    تعين على قريد 22 بالخفجي

    وكل 3 سنوات يعتببر لك قريد بس ما ظنتي يعطونك اعلى

    من قريد 23 لان قريد 24 اداري ( مشرف ) ولازم يكون له تعين

    من قبل المدير التنفيذي ..

    واكيد ما يجي اداري الا فاهم العمل

    بعمليات الخفجي المشتركة

    والادارة اريح بووواجد عن العمل بالميدانـي ..!! والله يعينك

    وحاضرين عن اي سوال >> من طفش الشركـة الي نداوم فيها :)
     
  7. كي أو سي مان

    كي أو سي مان بـترولـي جـديـد

    37
    0
    0

    أشكرك ياالغالي

    أنه لي خبرة أكثر من 8 سنوات ولي 4 أطفال وعندي سيارة من الكي أو سي.

    السؤال اللي يطرح نفسه: لو وافقوا الخفجي على تعييني على جريد 23 فهل هناك زيادة ملحوظة بالراتب؟ يعني تسوى السالفة سياقة ساعة ونص بدل حوالي 40 دقيقة مع الأحوال الجوية السيئة وشراء سيارة تتحمل بالمقارنة مع الزيادة اللي من الممكن تحوشني؟
     
  8. SALEH

    SALEH بـترولـي نشيط

    63
    0
    0
    حبيبي دام انك بالاحمدي نصيحه اذا تقدر تروح الخفجي روح ولا تشاور احد وهذي نصيحة محب الزياده انشالله حوالي 600 دينار وعلى فكره الخفجي اقرب من الروضتين واحسن ....... روح الله يوفجك روح وادعيلي بس نظام العمل ما ادري اذا كان مريح او لا بس الزياده تسوى
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    نصيــحه أخـــويـه بدال ما تروح للخفــجي

    حـول من دائرتك الي بالأحمدي لدائرة العمليات ( قسم الصيانة ) بالحقول

    والفرقيــه بأذن الله طيبة , غــير الدرجه الي أنشالله بتاخذها (16 ) كبير مهندسين

    وتمنياتي لك بالتوفـــيق
     
  10. كي أو سي مان

    كي أو سي مان بـترولـي جـديـد

    37
    0
    0
    جونم ....

    تعتقد من السهولة الانتقال من الأحمدي للحقول؟؟؟

    أنا حاولت سنين ولكن من دون فايدة :(

    إذا ما عندك فيتامين واو سنعة ماكو فايدة.

    أرجوا من الله فقط أن يحل أموري (طبعاً مع الحركة ففيها البركة).

    وشكراً.
     
  11. hdlan

    hdlan بـترولـي نشيط

    95
    0
    0
    اخي العزيز كم تستلم راتب بالكامل
     
  12. كي أو سي مان

    كي أو سي مان بـترولـي جـديـد

    37
    0
    0
    أخوي العزيز ...

    أستلم بعد الاستقطاعات حول الـ 2,200

    ومشكور مقدماً على السؤال.
     
  13. hdlan

    hdlan بـترولـي نشيط

    95
    0
    0
    بالنسبه لي درجتي 10 استلم من الخفجي 1070 دك ومن النفط 450 دك ومن نفط الخليج بالكويت بحدود 720 دك سبعة اطفال المجموع 2240 دك بالنسه لك إنشاء الله أكثر بس التامينات ماتحسب لنا الراتب بالكامل تخصم ال 450 وبعد الدرجه ممكن ال كل 4 سنوات او أكثر يعني الترقيه عندك افضل ما عندنا ال القرض وعليه كلام يمكن تتقاعد وماحشك الدور
     
  14. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    والله كلامك علي عيني وراسي

    وأنا عارف دون الفيتامين مكانك راوح

    ولكن مابعد الصبر ألا الفرج
     
  15. كي أو سي مان

    كي أو سي مان بـترولـي جـديـد

    37
    0
    0
    والله إنك أصيل يالغالي hdlan

    على العموم ننتظر نتايج الخفجي وإذا الله كاتب لنا القبول راح نشوف العرض ونقارنه مع الكي أو سي ولكن راي الغالي/ SALEH على راسي وإذا هذي حالتي بالكي أو سي شكلي رايح رايح للخفجي.
     
  16. كي أو سي مان

    كي أو سي مان بـترولـي جـديـد

    37
    0
    0
    والله على المشاكل اللي قاعده تواجه موظفي الخفجي الله يستر؟

    واللي قاعد أشوفه من ردود الأخوان وربعي أن نقابة نفط الخليج تشتغل بس حق ربعهم في الوفرة !!!!!

    يمكن حالتي بالكي أو سي أرحم من اللي قاعد أشوفه يصير بالأخوان في الخفجي الله يعينهم.

    الله المستعان.
     
جاري تحميل الصفحة...

مشاركة هذه الصفحة