اعتماد العلاج بالخارج؟

الكاتب : cool_engineer | المشاهدات : 5,698 | الردود : 28 | ‏7 أكتوبر 2008
  1. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
    سؤالي هل العلاج بالخارج يحتاج واسطه كما في وزاره الصحه او يسافر على طول اذا كانت حالته تعبانه؟
     
    آخر تعديل بواسطة المشرف: ‏7 أكتوبر 2008
  2. المنصور

    المنصور بـترولـي خـاص أعضاء الشرف

    ما اعتقد ان فيها واسطة

    اذا كان العلاج غير متوفر فـ الشركة على طول تسفر المريض مع مرافق او مرافقين

    عندنا اكثر من موظف طالعين علاج على حساب الشركة او مرافقين مع مرضاهم سواء الابن او الزوجة
     
  3. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    زهب واسطتك قبل اللجنه


    زهب واسطتك قبل ما تدش أوراق المريض لجنة العلاج في الخارجالجواب بخصوص سؤالك أخي الكريم "كول إنجينير" بسيط و واضح... شوفلك عضو أو شخص متنفذ أو عضو منتدب في القطاع النفطي أو كلش كلش ظبط لك أي واحد من الدكاتره الموجودين في اللجنه... وإذا تعرف الدكتور السوري اللي توه صار كويتي "غسان زين" اللي هو دكتور العيون, ترى هو الكل في الكل يعني إذا تعرفه أعتبر شغلك خالص لو حتى مافيك شي أعتبر نفسك طايف لجنة العلاج بالخارج وشغلك ماشي:eek::eek::eek::D:confused:...
    هذا الكلام واقع يا خوي الواسطة موجودة في لجنة العلاج في الخارج... وإذا ما تعرف أحد :mad::mad::mad:.................فالله يعينك أجر وعافية وما تشوفون شر

    أخوك
    كويت أويلر
    مرافق مريض سابق
     
  4. كنبس

    كنبس بـترولـي مميز

    814
    0
    0
    اخوى حط اكبر واسطه عندك او كثر من الواسطات
    اخذها منى تجربتين فاشلتين مع العلاج بالخارج
    وتوصل الواسطه الى الدكتور رئيس اللجنه عماد العوض ويقولك اوكى وابشر
    ولكن هو من يرفضها والسبب متكبر و متعجرف الى اقصى درجه ممكنه
    ويقول السبب العلاج متوفر بالمستشفى واتحداه وين العلاج المتوفر !!!
    صدقونى لازم واسطه من عضو امه له مكانته وقوته الواسطيه
    او من توصيه من اكبرها بالشركات البتروليه كما علمت
    والمستشفى وخصوصا هالقسم علاج بالخارج متنفذ قوى يبيله كسر من قلب
    والله اخوى كويت اويلر تقول الدكتور غسان يمشي اقولك لا للاسف
    الدكتور عماد العوض وهو رئيس اللجنه يرفض توصيه مدير المستشفى وحصلت معاى شخصيا اعطانى ورقه الدكتور غسان
    الى عماد العوض وتفائلت كثيرا ولكن النتيجه مرفوووضه
    وحتى لو اكبر دكتور باللجنه مايسوى لك شي لازم من فوق مثل ماقلت لك
    والله يشافي مريضك اخوى ويقومه بالسلامه والله يعينك على ما ابتلاك
    واتمنى ان تبحث عن مواضيع المستشفى بالبحث عن المواضيع حتى تقنع وتشوف كلامى باكثر من موضوع سابق
    تقبلو تحياتي
     
  5. جهراوي نت

    جهراوي نت بـترولـي نشيط جدا

    208
    0
    0
    الله يعينك لاباس طهور ان شاء الله
     
  6. نجديه وملامحي حايليه..

    نجديه وملامحي حايليه.. بـترولـي خـاص

    1,033
    0
    0
    مايبيلها سؤال ..



    في شي بدون واسطه ؟؟؟


    ياخوفي بكرا ما ننام الا بواسطه !!!
     
  7. yaqoub banyan

    yaqoub banyan بـترولـي نشيط

    92
    0
    0
    مشغل حقل
    كويت
    انزين سوال شنو هي الحالات التروح بدون الحاجة الى الواسطة وهل الكل راح حق العلاج بالخارج ياب واسطة
     
  8. ahmad2606

    ahmad2606 بـترولـي نشيط

    69
    0
    0
    الله يشفي مرضانا ومرضاكم ،،، اللهم أمين

    أول شئ أبسجل كلمة شكر للجنة العلاج بالخارج بمستشفي الاحمدي،حيث أن اللجنه قرارها يكون بالتصويت ولذلك عند وجود حالة مرضية (السرطان ،أمراض القلب ) وغيرها والدكتور المعالج ينصح بالسفر للعلاج بالخارج علي طول توافق اللجنة ، اذا حالات عادية طبعا لازم واسطة واغلب الحالات ترفض من اللجنة أو وجود لامانع من الوزير.

    أقسم بالله العظيم أني جبت واسطة عضو مجلس أمة ماردوا عليه وبعد ماوصي الدكتور المعالج أن الطفل محتاج للعلاج بالخارج بلغوني بالموافقة وكانت يوم سبت تعاطفا مع الحالة وجزاهم الله كل خير.
     
  9. salayoubi

    salayoubi بـترولـي جـديـد

    6
    0
    0
    العلاج بالخارج في مستشفى الأحمدي مافيه واسطة و رئيس اللجنة و أعضاءها لا غبار عليهم، و الدكتور غسان يساعد كل الناس باللي يقدر عليه و يساعد و يهتم بالكل و باللي يستاهل العلاج بالخارج. لاتحطون بذمتكم حرام الظلم.
     
  10. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    أتمنى أن نكون نحن المخطئين وأنتم الصواب
     
  11. راشد عمر

    راشد عمر بـترولـي جـديـد

    2
    0
    0
    السلام عليكم
    بخصوص الحالات اللي تسافر بال koc بدون واسطه اشهد بالله حالات السرطان و حالات الاطفال اللي مالها علاج مو الصحه اذا كان فيك سرطان ماتروح واذا عندك واسطه ;يودون اللي فيه جيوب انفيه;)
     
  12. الحره

    الحره بـترولـي جـديـد

    24
    0
    0
    اظن اسم اللجنه ( لجنة العلاج بالواسطه بالخارج) يعني ما عندك واسطه مالك نصيب وخلك علاج بالداخل وزحمة الاحمدي وسوء خدماته والجلوس بالساعات عند الصيدليه للحصول على علاج ومو بعيد لمن يصل دورك يقول لك الصيدلي الدواء هذا غير متوفر حاليا
     
  13. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
  14. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    شناطرين يتحرولون كل عمال الشركة !!!!

    والله طاحت بلاعيمنا وحنا انتكلم عن سؤ الإدارة والحال المزري في مستشفى الأحمدي...
    بس عمك أصمخ...!!!

    مادري شناطرين يتحرولون كل عمال الشركة...
    والأدهى والأمر إن في ناس تقول "لا حرام عليكم لا تظلمون فلان ولا تحطون في ذمتكم... ولا ولا ولا....
    إيه طيب آمنا بالله... بس حنا موقاعدين نجيب كلام من عندنا ياللي قاعد تمدح في إدارة المستشفى!!!

    هذا حجي الناس اللي قاعده تروح المستشفى وتشوف بعينها...@@
    أنا بسأل سؤال يعني لي متى هالوضع التعيس في مستشفى ميزانيته الماليه شئ وشيات؟ لي متى شنو ناطرين بعد أكثر من جذي وكل هالشكاااوي اللي قاعدين نشوفها ونقراها في المنتدى

    سؤال مجرد سؤال؟!!!!

    والله من وراء القصد.
     
  15. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    يفرجها ربك ....


    لهم الدنيا ولنا الاخره انشالله
     
  16. The_Employeee

    The_Employeee بـترولـي نشيط

    135
    0
    0
    انشالله
     
  17. om 3zooz

    om 3zooz بـترولـي نشيط جدا

    262
    0
    0
    engineerah
    q8
  18. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    أقسم بالله العظيم ويشهد علي ربي عشان محد يقول "حرام تظلمون أحد"

    يا جماعة الخير بقولكم شي واحد وبإختصار شديد وهذا على لسان الدكاتره أنفسهم اللي في المستشفى عن لجنة العلاج بالخارج

    ((جيييييييييييييييييب معاك واسطتك قبل لا تدخل أوراق مريضك على اللجنة))

    وللأسف هذا هو الوضع ومازال واللي يقول غير هالكلام إما يعرف أحد وأموره طيبه أو حظه زين و سلكت أوراقه !!!

    فهمتوا ولا بعد نقول ؟!!!
     
    آخر تعديل: ‏12 يناير 2009
  19. Workers

    Workers إدارة المنتدى

    7,767
    30
    48
    ذكر
    الكويت
    لي صديق متسكره عنده خمس شراين قلب راح على حساب وزارة الصحة
    سوى ثلاث شرايين ورجع الكويت وله موعد بعد سنه علماً ان الاثنين الباقين
    وضعها اصعب من الثلاثه اللي سواها وما يصير يسوي الخمسه كلها مايتحمل
    المهم ان السفره الثانيه يصعبونها وزارة الصحة يبيلها واسطه بعد !!
    راح لمستشفى الاحمدي يفكر ان وضعه راح يكون سهالات والتقارير تثبت
    انه ضروري يسوي الشرايين المتبقيه ونسبة تسكيرها عاليه ماتتحمل التأخير
    طبعاً كانت العملية اللي سواها قسطره على يد افضل الاطباء في العالم كان فرنسي
    و قابل استشاري القلب في الاحمدي مادري شنو اسمه يقول هو رئيسهم
    وكان رده الرفض بسبب انه يقدر يسوي العمليه له .. شلون يسويها ؟!
    بالجراحة وفتح الصدر واجراء الازم !!!! طبعاً هو موكفو يسوي هالعمليه
    ويدري ان المريض راح يرفض فكانت شماعة يستخدمونها للتصريف وبس !
    عملية القسطره هي الحل الامثل له ويسويها الطبيب الفرنسي بكل سهوله
    وخلال عشرة ايام بالكثير وهو راد للكويت ويمارس حياته الطبيعية ..
    اللي حصل بعد رفض مستشفى الاحمدي لعلاجه بالخارج
    عرف ان الواسطة لابد منها فالافضل يخلي الواسطه توديه لفرنسا
    لنفس طبيبه الاول عن طريق وزارة الصحة .. احسن من koc مايدري وين يودونه


    الاجراءات في وزارة الصحة تأخذ وقت وخلال هالفتره توفي وهو جالس مع اطفاله وزوجته
    في حديقة منزله .. رحمة الله عليه واسكنه فسيح جناته ... كان اليوم اللي كاتبه رب العالمين له



    مستشفى الاحمدي يحتاج واسطة :eek:


    ===========

    ولي صديق آخر .. احد الاطباء في مستشفى الاحمدي عرض عليه العلاج في لندن وخلال يومين يقدر يسافر
    لدرجة ان صاحبنا خاف من طريقة اهتمام الدكتور انه يسافر بسرعة .. وصاحبنا يقول علاج هالحاله
    يقدر يعالجها في مستوصف طيبه اللي في صباح السالم .. والطبيب يقول رد خبر خلال اسبوع
    وبعدها ما اقدر !!
    صاحبنا صار يتشرط يقول حق الدكتور مابي لندن ابي اي مستشفى في الرياض !!!!
    والدكتور رفض وقال مافيه غير لندن وعند دكتور يعرفه بعد .!!



    مستشفى الاحمدي مايحتاج واسطة :)

    ===========


    ما الوم الاخوان والاخوات اذا تعارضت ردودهم واختلفت .. لأن ماذكر اعلاه هو التناقض بعينه !!!!



    {مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ} (سورة ق-18) .
     
  20. برميل نفطي

    برميل نفطي بـترولـي نشيط

    55
    0
    0
    يا سحر ، ألحين العلاج بالخارج ما فيه واسطة وأعضاءها لا غبار عليهم ........ وألخ ، ما قول غير الله يعطيج على نيتج انتي وأعضاء اللجنة كلكم وتشوفون اللي سويتوه بالناس ، اللهم آمين .
     
جاري تحميل الصفحة...

مشاركة هذه الصفحة