عااااااااد عيدهااااااااا

الكاتب : القائد | المشاهدات : 360 | الردود : 4 | ‏6 أكتوبر 2008
  1. القائد

    القائد بـترولـي خـاص

    2,089
    0
    0



    (1) عاد عيدها


    عاد عيد اللي علي مدري وش اللي مزعله
    عاد عيد اللي علي ينفض عصاه من الزعَل

    عاد عيد اللي عليه آفزّ من حُرّ الوَلَه
    يا جعل من لامني به سوّ بقعا يا جعل

    من كثر ما احبّ غضّ العود حبيت آهَلِه
    من غلاه آطى على روس القتاد بلا نعل

    في عيوني منه نار وفي خفوقي زلزله
    وفي شعر راسي عليه مْشوّك الشيب اشتعل

    كل صعب في رضا نور العيون استسهله
    من كثر ما اطرد رضاه تقول اطارد لي وعل

    ومن غلاه انهيت كلّ المسأله قبل اسأله
    من مخافة هرجةٍ مضمونها (ليت)و(لعل)

    كم نجندل في رضاه من الفوارس جندله
    وكم أسَدْ غابٍ لأجل عينه نؤدّب به ثعل

    الحبيب اللي على شانه حللت المعضله
    من يدي في راس بقعا _كلّ ما فرّع_ كُعل

    آتنشّد كلّ ريحٍ عنه جتني مشمله
    وآتحرى عنه في راس الطويل المشْمَعِلّ

    عيطموسٍ هجولت بي في هواها هجوله
    لين من شين السهر عيني تحضّنها بعل

    يا حمد لو شفت طالع لي على الراس نْخَلَه
    لا تعجّب يا حمد هذا الغرام وما فعَل

    يا حمد طول التعب مقدور بس المشكله
    إنّ خلي ما يرى للحب طعم بلا زعل









    ناصر الفراعنه







     
  2. الجوهرة

    الجوهرة بـترولـي خـاص أعضاء الشرف

    3,136
    1
    0
    يعطيك الف عافيه يالغلا ما قصرت

    ومن جد كلمات رائعه

    يسلموا
    تقبل تحياتي

    الجوهرة
     
  3. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    صح لسان من قالها

    الله يعطيك العافيه يالقائد
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    لاهنت وتسلم يمناك ع النقل

    وسلملي علي فرعـــــــــــون الشعــــــــــــــر
     
  5. القائد

    القائد بـترولـي خـاص

    2,089
    0
    0

مشاركة هذه الصفحة