بدلات المترجمين

الكاتب : ريم | المشاهدات : 2,054 | الردود : 13 | ‏5 أكتوبر 2008
  1. ريم

    ريم بـترولـي جـديـد

    23
    0
    0
    هل للمترجم بدل في القطاع النفطي؟ وين ممكن يتعينون؟
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    جميع المسميات والمهــام الوظيفـــيـة لها بدلات وعلاوات وتختلف من مسمي لمسمي

    والمترجميـــن أغلب تعييـــنـهم يتم في ( مركـز التدريــب البترولــي )
     
  3. ريم

    ريم بـترولـي جـديـد

    23
    0
    0
    شنو طبيعة العمل في مركز التدريب البترولي؟
     
  4. blackberry

    blackberry بـترولـي نشيط جدا

    302
    0
    0
    بنسبة للمهندسين ما هي بدلاتهم عدا بدل الطريق - بدل الخطر و بدل الشفت ؟ وهل يوجد بدل خاص لمسمى المهندس ؟ اللي أعرفه لا يوجد .

    السموحة على المداخله
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    عزيزتي الفاضلة

    بالعكس مداخلتك عزيزه وغالية

    بالنسبة للمهندسين ليس لديهم كادر خاص لهم بعد الكادر والزيادات التي أقرت للقطاع النفطي كافة

    لهم بدل خطر ولكن يختلف من مهندس لمهندس وكذلك بدل الطريق فقط للمهندسين المتواجدين بالحقول أو يكون مجال عملهم خارج نطاق مدينة الأحمدي

    هناك طبعا زيادة علي الدرجة والمهندس درجته 14 الأساسية


    وللأمـــــــانة أفضل المهندسين المتواجدون بالحقـــــــول

    أمــا المهندس الي يداوم بالأحمدي وأداري فا مقطوع من أغلب العلاوات
     
  6. blackberry

    blackberry بـترولـي نشيط جدا

    302
    0
    0
    شكرا على الرد السريع ..

    ومعاك أخوك ..

    طيب بنسبة لمهندسين مؤسسة البترول في شويخ فهل يشملهم بدل الطريق ويحسب بعده من الأحمدي ؟

    وهل من المعقول المهندس راتبه مثل المحاسب مثلا ؟ شنو فايدة دراسة الهندسة و التعب ؟ اين العدل في هذه المسأله ؟ ( طبعا السؤال موجه لنقابة و مجلس الإدارة ) .
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أنـا آسف طال عمرك :D

    لأ طبعـا

    التعقــيب الي كتبتــه لك يختص فقط بمهندسين شركة نفط الكويت ( koc )

    عندنا بالشركة بعض موظفين حملة الدبلوم بالحقول راتبه أعلي بخطوات من مهندس بالأحمدي

    الأعتماد الكلي علي الموقع والدائرة
     
  8. blackberry

    blackberry بـترولـي نشيط جدا

    302
    0
    0
    بصراحه هذا ظلم .. يمدحون الحكومة جنه .. :D

    لا دوام ولا تعب وراتب أعلى أو يعادله تقريبا ( أنا اتكلم عن المهندسين إلي يشتغلون في الإداره ) ناهيك عن زيادة الخمسين الأخيره .
     
  9. المنصور

    المنصور بـترولـي خـاص أعضاء الشرف

    اخوي بالنسبة لبدلات المهندس

    للتوضيح

    اذا كان يعمل بنظام النوبات فله علاوة الشفت + علاوة 42 ساعة (Forty Two Hours)

    وفي بدل طبيعة العمل ومقسمة لأربع فئات (A, B, C & D)

    وكل فئة بحسب طبيعة عمل المهندس وايضًا كل فئة لها مبلغ

    وفي بدل طريق واسمة الصحيح (Travil Time)

    واهو يحسب للموظف اللي يداوم في بعض الامكنة مثل شمال الكويت أو غرب الكويت او جنوب وشرق الكويت وكل مكان له تقسيمات فرعية ومسميات مثل (برقان ، المناقيش ، الجزيرة الصناعية ،الروضتين.. إلخ)

    وتحسب بعدد الروحات اي الـ Trips وكل مكان تختلف قيمتة وكل ما صار ابعد من مدينة الاحمدي.. كل ما كانت القيمة اعلى

    واذا كنت تقصد بدل انتقال وقيمتها 54 دينار فهي تصرف لجميع الموظفين في مؤسسة البترول والشركات التابعة

    يعني موظف المؤسسة اللي يداوم بمبنى الشويخ ياخذها حالة من حال اي موظف يداوم بشركة ثانية في مدينة الاحمدي

    وفي اماكن ووظائف لها علاواتها الخاصة وتفرق من مسمى إلى مسمى آخر

    اتمنى انك وجدت اجابة لتساؤلك
     
  10. blackberry

    blackberry بـترولـي نشيط جدا

    302
    0
    0
    المنصور ..


    شاكرلك على الشرح الوافي .. وبصراحه فهذا تجاهل واضح للمهندس اللي يشتغل في الإدارة ومساواته بباقي المهن مع كامل تقديري .. والحكومة جنها وايد احسن من ناحية الراتب و راحة العمل لأنه مافي فرق كبير من ناحية الراتب .. خصوصا مع الزيادات الأخيرة ( غلاء معيشة + الخمسين ) .
     
  11. المنصور

    المنصور بـترولـي خـاص أعضاء الشرف

    يمكن هالكلام صحيح لكن لازم تشوف هالموضوع من منظور ثاني او كما يقال من زاوية اخرى

    صحيح ان في تساوي بالدرجات بالنسبة لبعض الوظائف مثل:

    مسمى كبير المهندسين ودرجتة 16 + كبير المحاسبين ودرجتة 16 ايضًا.. إلخ من المسميات

    ولكل شخص اختصاصة ومجال عملة ومافي وجه مقارنة بين المهندس والمحاسب لأن التخصصين مختلفين

    لكن تعال نحسبها مع بعض

    طبعًا حظ المهندس بالمراكز القيادية اكبر من حظ الاداري

    واغلب رؤساء مجلس الادارة او المناصب الادارية العليا راحت لمهندسين

    ومنهم رئيس مجلس الادارة والعضو المنتدب لشركة نفط الكويت السيد/ سامي الرشيد

    وايضًا منهم رئيس مجلس الادارة والعضو المنتدب لشركة البترول الوطنية الكويتية السيد/ فاروق الزنكي


    نفترض ان نظرتك مو إلى هالبعد

    المهندس بالقطاع الحكومي مو مثل المهندس في القطاع النفطي

    بتقول شلون؟؟

    بقول لك من ناحية الاهتمام فيه

    من ناحية الدورات اللي تطور منك والـ Duty اللي راح تمثل الشركة فيهم وامور كثيرة ماراح تعرفها إلا لما تصير موظف

    وايضًا من ناحية الشغل

    بتقول القطاع الحكومي راحه وماكو دوام وتزريق وتاخير والمعاش ماشي

    بهالطريقة انت تقتل نفسك لأنك مو قاعد تأدي ولا قاعد تنتج مع انك درست وتعبت على مؤهلك واخرتك بتذبل

    اكثر من شخص عقب ما توظفوا واشتغلوا قالوا "احس اني آدمي"

    بترك لك هالمقوله علشان تفكر فيها وبالاخير هذا الاختيارك وانا بس ابديت رأي مو اكثر

    بالتوفيق
     
  12. blackberry

    blackberry بـترولـي نشيط جدا

    302
    0
    0


    كلامك هم صحيح..بس ليش أشتغل بنفس الراتب تقريبا ؟ اتفق معاك من ناحية تطوير المهندس وتدريبة من احد ميزات النفط الكثيرة .. لكن المشكلة في الراتب و هذا اللي في النهاية اللي بخلينا نشتغل لا حبا في العمل ولا هم يحزنون خنكون واقعيين .. انت شفت كادر المهندسيين الحكومي جم ؟ لو يقرونه بتشوف الإستقالات بتتحذف من كل مكان .. هل مهندسين النفط لهم نصيب من هذه الزيادة ولا كلعاده ؟ هذا السؤال صارلي شهر من سألته ولا أحد من مسئولي الإدارة المالية قدر يجاوبني .. والله ظلم .
     
  13. Q825

    Q825 بـترولـي مميز

    500
    0
    0
    blackberry احبك في الله ومن الناس المميزين بالمنتدى :)

    بس اختلف وياك لمن اتقول حرام اتقارن بين الهندسه والتخصصات الثانيه :mad:

    اسمحلي ترا في تخصصات اهم واكثر صعوبه من بعض تخصصات الهندسه ومطلوبين اكثر من كثير من فروع الهندسه

    تخصصات مثل علوم كمبيوتر ومحاسبه والطب والفيزيا والفيزيا النوويه والصيدله مطلوبه اكثر واصعب من بعض تخصصات الهندسه وهم يدرسون اكثر من دراسة الهندسه ويتعبون اكثر منك ولا تزعل مني من وجهة نظري التخصصات الي تقدر اتقول عنها فيها تعب بالهندسه اهي فقط هندسه كيميائيه والميكانيكيه والكهربا والبترول والكمبيوتر اما باجي من تخصصات الهندسه اسهل من دراستهم ماكو.

    وصدقني هالتخصصات علوم كمبيوتر ومحاسبه والطب والفيزيا والفيزيا النوويه والصيدله يتعبون اكثر من المهندسين ويستحقون كوادر اكثر من الهندسه بس مشكله ما وراهم جمعيه قويه مثل جمعية المهندسين تدعمهم وطالب لهم بكوادر.

    وانشاااللله ماتزعل من كلامي.
     
  14. blackberry

    blackberry بـترولـي نشيط جدا

    302
    0
    0
    جزاك الله خير ومشكور على الكلام الطيب ..;)

    بختصار ومن الآخر أي جامعي في النفط يتعين على القريد 12 .. وبأي تخصص .. تعتقد هاذي مافيها ظلم بنسبة لي و لك و لغيرك ؟ وعلى فكره كثير من المهن لها كوادر حاليا مثل الصيادلة و الأطباء وسمعت بعد حتى الحقوقيين عندهم كادر أو قاعدين يطالبون فيه .. إلا المهندسين وكل اللي تشوفه في النفط ترا تعتبر بدلات وليس كوادر وحتى الزيادة الأخيرة للقطاع النفطي هذه اقرت بشكل بدل وليس كادر يعني الحكومة أحسن لسبب أنه في مطالبات منهم للإقرار كوادرهم سواء مهندسين أو غيرهم .. إلا النفط اللي الكل متوقع تكون أكثر ! وقريت مره في المنتدى أحد الأخوه كاتب خوش موضوع يشرح فيه أنه موظفين شركات النفط في الكويت يعتبرون من أقل الرواتب في الخليج ! .. اعتقد الزيادات الأخيرة اللي أقرت للحكومة حطت البترول في وضع محرج واتوقع إنه موظفين النفط ماراح يسكتون وراح انشوف اضرابات و احتجاجات في الأيام القادمة ..
     
جاري تحميل الصفحة...

مشاركة هذه الصفحة