مبروك للموظفين علي إلغاء شركة الخدمات

الكاتب : دسمان | المشاهدات : 1,189 | الردود : 8 | ‏5 أكتوبر 2008
  1. دسمان

    دسمان بـترولـي نشيط

    141
    0
    0
    صرح العضو المنتدب لشئون الماليه والإداريه لمؤسسة البترول الكويتيه السيد / علي عامر الهاجري في مقابله صحفيه لجريدة الراي العام.. بما يلي

    ومن مشروعاتنا «مشروع الرؤية» الذي يهدف الى اعادة هيكلة القطاع النفطي الكويتي، ويشمل أساسا دمج الشركات النفطية ضمن شركة جديدة واحدة بهدف تطوير أداء القطاع وزيادة القيمة المضافة للدولة، وتحسين عملية اتخاذ القرار بما يتماشى مع الشركات النفطية العالمية. وتعطي المؤسسة هذا المشروع أولوية كبيرة في التنفيذ لما سيعود منه عليها وعلى القطاع النفطي ودولة الكويت بصفة عامة من فوائد كبيرة.
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    يبون المركزيه و طبعا يحطون من ربعهم عشااان .......:)
     
  3. الهيلاني

    الهيلاني بـترولـي نشيط

    89
    0
    0

    أخي العزيز ، لم يأتي الخبر بشيء جديد ، دمج شركات القطاع النفطي من زمان وهو متداول ، ولم يجرؤ أحد على تطبيقه ، لعدم جديته في نظر ( الحرامية ) ...............




    دمت بود
     
    آخر تعديل: ‏5 أكتوبر 2008
  4. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    اخوي مافي بلخبر شي مذكور عن شركة الخدمات واذا على كلامك يبي يلغونها شراح يصير بلموظفين الي فيها وشراح يصير بلمسؤلين الكبار فيها صعبة اتوقع يقولون حق المسؤلين طلعو بره مانبيكم ونبي بس موظفينكم عدل ولا انا غلطان واذا في شي انا مو فاهمه احب تفهموني اياه لاني انا كنت سامع انه بيدمجون المطافي كلهم القدامى والجدد والسيكورتي بعد بيدمجونهم بشركة الخدمات ممكن تفهموني وشكرا
     
  5. دسمان

    دسمان بـترولـي نشيط

    141
    0
    0
    هلا وحياك الله.... وبالنسبه للمركزيه وربعهم لا تعليق.....
     
  6. دسمان

    دسمان بـترولـي نشيط

    141
    0
    0
    هلا اخوي الهيلاني... كلامك صحيح لأنه كنا نسمع أنه فيه توجه من هالنوع ولاكن.. هذا خبر رسمي وتصريح من مسئول بالمؤسسه يعني الكلام عن دمج الشركات حقيقي وليس كلام متداول...وشغالين عليه الجماعه.
     
  7. دسمان

    دسمان بـترولـي نشيط

    141
    0
    0
    هلا وغلا أخوي عبدالله.. انا اقولك الخبر هذا بالرأي العام مالت اليوم لقاء صحفي مع الهاجري وكلامه واضح علي جميع القطاع النفطي راح يكون شركه وحده أي بمعنا انه مافيه شركة النفط ولا شركة البترول الوطنيه ولا نفط الخليج ولا أي شركه من الشركات النفطيه الي موجوده بالوقت الحالي... أي بمعني انه سوف تلغي جميع مجالس الإدارات الحاليه وتكون مجرد إداره تتبع رئيس مؤسسة البترول علي طول يعني الشركات الي شغلهم نفس المجال راح يصيرون إداره وحده ويتبعون رئيس واحد يعني مثال نفط الكويت ونفط الخليج والإشتكشافات البتروليه راح تصير إداره ومديرهم واحد وأسم إدارتهم إدارة الإنتاج والإستكشاف.... والبترول الوطنيه وكافكو وناقلات النفط والبترول العالميه راح تصير إداره وحده والخدمات إداره وحده.... يعني اول شركه راح يبدأون فيها شركة الخدمات البتروليه لأنها ليست أقوي من نفط الكويت او شركة البترول الوطنيه الي راح يلغونها ويدمجون قطاعاتها....وسامحني علي الإطاله أخوي عبدالله والسلام ختام......
     
  8. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    اي موظف تابع لأي شركة نفطيه تابعه لمؤسسة البترول في حال الغاء الشركه التي يعمل بها يرجع موظف في مؤسسة البترول .اللي هي الشركه الام ... وهي بدورها تحطه بأي شركه قائمه تابعه لها ... ودمتم
     
  9. ما اروعك

    ما اروعك بـترولـي نشيط جدا

    455
    0
    16
    والله اتوقع والله اعلم اذا حلوا شركة الخدمات ان يثبتوا الموظفين في اماكن عملهم هذا ظني لان مثل ماقال اخوي عبدالله العوضي

    مايصير يقولون حق الموظفين طلعوا برا مانبيكم

    ومانبي الا الاصلح لنا والله يستر من الاوضاع

    وتحياتي لكم جميعا
     
جاري تحميل الصفحة...

مشاركة هذه الصفحة