سؤال ...؟

الكاتب : recruit | المشاهدات : 1,266 | الردود : 13 | ‏3 أكتوبر 2008
  1. recruit

    recruit بـترولـي نشيط

    87
    0
    0
    يا اخوان هل في احد اختبر جميع الاختبارات بس ما تمت مقابلته ؟؟؟؟

    هل عندما تتم مقابلتك يعني نجاحك في الاختبارات؟؟
     
  2. blackberry

    blackberry بـترولـي نشيط جدا

    302
    0
    0
    اللي أعرفه أنه أهم إختبار هو الإنجليزي .. وهم سمعت من مراقب في أحد الإختبارات يقول لأحد المتقدمين إنه إذا نجحت في جميع الإختبارات راح ينادونك للمقابلة .. لكن الكلام الرسمي عند الأخوه المراقبين و إنشالله ما يقصرون معاك .
     
  3. خميس الخامس عشر

    خميس الخامس عشر بـترولـي خـاص أعضاء الشرف

    المقابله تعني اجتيازك في كل الامتحانات..

    اختبار الانجليزي مهم جدا و يتم تصليحه في مركز التدريب في المؤسسه..

    عن طريق شركه بريطانيه موجوده برا الكويت وتحديدا في الرياض..

    والمقابله تعتبر نهائيه واللي قابل يعتبر نفسه مقبول باذن الله..

    بالتوفيق للجميع..
     
  4. blackberry

    blackberry بـترولـي نشيط جدا

    302
    0
    0

    الله يسمع منك إنشالله .
     
  5. NokiaCity

    NokiaCity بـترولـي نشيط جدا

    والله جان زين كلامك صحيح .. ماودي احبطكم لكن للأسف هالكلام ماتوقع صحيح لأن انا كان موعد مقابلتي قبل اختبار الانجليزي + القدرات!!!!

    بس ان شاء الله باذن الله كلنا ننقبل

    بالتوفيق للكل
     
  6. خميس الخامس عشر

    خميس الخامس عشر بـترولـي خـاص أعضاء الشرف

    لا ياعزيزي هذا البروسيجر اللي ماشيه عليه الاداريه ويقابلونك 3 اشخاص مدير الدائرة اللي فيها الشاغر او البوكس الشاغر او من ينوب عنه ومدير الشؤون الادرايه او من ينوب عنه وشخص ثالث حسب تخصصك او يكون عادةمن التدريب يتابع خطة تدريبك وتاهيلك للعمل باكمل وجه حسب مايقول مدير الدائره المعنيه من احتياجاتك للتطور الوظيفي.. بعد المقابله يتم وضع الملاحظات من الثلاثه على المتطلبات اللي تحتاج لها وتكون في ملف المقابله ويختارون من يكون متطلبات تدريبه اقل يعني يكون مؤهل جاهز... اما الانجليزي فهو مهم ومهم جدا واللي ماعنده لغه او لغته مش ولابد يحرك فيتامين واو احسنله اما القدرات فهو يعتمد عليه جاهزية المتقدم للوظيفه من الناحيه العلميه وليس العمليه لان قليل من يعمل في مجال تخصصه.. او نقول ان يختلف اختلاف كلي دراستك مع واقع عملك.. على سبيل المثال قانوني ممكن تعمل في قسم المناقصات ادراي ممكن تعمل في العلاقات مهندس ممكن تعمل بادارة المخاطر او التخطيط يعني مو شرط انك تعمل في تخصصك الدراسي.. شرايكم بكالوريوس اخراج تلفزيوني في دائرة... الله يستر عليه او عليها لا ودائره مهمه يعني شلون ماتدري الله يعزج يا ام الخير ترزين اللي ماينرز...

    يجوز ان تم وضع مقابله مبدئيه ولكن الانطباع بالمقابله المبدئيه شي مهم جدا.. يعني ماراح يتعين واحد من ذوي الاحتياجات الخاصه في المؤسسه او شركاتها او واحد اطرم او اصمخ مايسمع او مايشوف.. والا واحد داش عليهم سكران والا واحد نجري يتهاوش مع نفسه والا واحد مايعرف يتكلم او يتعامل مع الناس لانك بتشتغل مع فريق مو بروحك

    لكن حط في بالك انه راح يتم مقابله نهائيه ويتم السؤال فيها باسأله متخصصه من مدير الدائرة اللي فيها الشاغر قبل توقيع العقد معاه اثنين.. وهذه اللي تقول لنفسك مبروك بعدها الا اذا عطوك الفحص الطبي وطلع فيك شي لاسمح الله..

    بالتوفيج...
     
  7. knpcman

    knpcman بـترولـي نشيط

    70
    0
    0

    أسمح لي

    كلام غير صحيح ... نهائيا ... ان من تم مقابلته ... يعتبر نفسه مقبول ..

    بعض التخصصات ... مطلوب منها فقط 15 .... وتم مقابلة فوق 200 شخص

    المقابلة ... ماهي الا تكمله ,,,, الأختبارات و هي مهمة جدا ... وعليها درجات حالها حال أي أختبار أخر ولكن بدرجه أكبر بالتقييم

    عموما ... كلها أيام ... وتتضح الروية .. النهائيا

    ولكن نصيحة أخ ... من لم يتم قبوله ,,,, فاليحمد الله سبحانه وتعالى ... لأنها قد تكون خيرة له ...
     
  8. شيخ^بنيدر

    شيخ^بنيدر بـترولـي نشيط

    66
    0
    0
    قـــانــونــــي
    Kouwat , kuwait ,Кувейт ,科威特,कु
    يا اخوان اخذوا الكلام الصحيح مني الظاهر صار لبس في كلمة ((المقابله))
    في البدايه جميع المتقدمين يخضعون لإختبارات تتكون من اللغه والقدرات واختبار التخصص والمقابله المبدئيه وهي بالاحرى يشوفون شخصيتك .... وبعد ماتتم جميع هذه الاختبارات يبدون بالفرز...
    ولا يشترط ان الواحد ينجح في كل اختبار عشان يوصل للثاني لا جميع المتقدمين يخضعون للاختبارات هذي سواء نجح بالانجليزي او سقط ... وعلى فكره كان يمي واحد باختبار الانجليزي ماحل ولاااااااااااااااااااااااااااا سؤال لأنه مايعرف انجليزي ومع هذا اختبر التخصص وقابلوه ... لكن خميس الخامس عشر قصده بالمقابله الي تصير نهائيه بعد مايشوفون درجاته ممتازه في كل الاختبارات ذيج الساع عاد ينادونه ويقابلونه مقابله جديه ... ارجوا اني اكون فد وضحت الموقف
     
  9. blackberry

    blackberry بـترولـي نشيط جدا

    302
    0
    0

    مقابلة مبدئية ومقابلة جدية ؟؟ بصراحة أول مره أسمع فيها .. هل المقابلة الجدية معناتها القبول ومنها يتم تحديد الإدارة اللي بتعين فيها و إستلام العقد ؟ أم مقابلة حالها حال المقابلة اللي الكل راحلها ؟ بنسبة اللي ماحل ولا سؤال بالإنجليزي فهذا عنده واسطه أكيد لأنه مافي واحد بالنفط ما قالي إنه أهم شي عندهم اللغة خصوصا اللي يتعاملون مع الأجانب ., يعني شلون يكلمهم بالإشارة ؟؟ :p

    يقول خميس الخامس :


    مو القصد إني زين بالإنجليزي .. لكن هذا الكلام المنطقي ..


    فال الله ولا فالك .. :D
     
  10. Electrical-Engineer

    Electrical-Engineer بـترولـي نشيط

    137
    0
    0
    مهندس
    الكويـت
    السلام عليكم

    انا قاعد بالقهوه ومعاي 3 شباب ..

    اثنين في ال knpc وواحد في koc

    كلهم يقولون ماكو مقابله ثانيه .. فقط مقابله وحده اللي الكل راحلها ..

    والكل يختبر اختبار الانجليزي والقدرات والتخصص ويروح للمقابله ..

    بالاخير يشوفون الدرجات .. طبعا لازم اجتياز اختبار الانجليزي عشان القبول لان اهم اختبار ..

    وبعد المقابله .. ننطر وراح يدقون عليك ويقولون لك وين تروح للفحص الطبي ..

    هذا كلامهم

    والتوفيق للجميع
     
  11. blackberry

    blackberry بـترولـي نشيط جدا

    302
    0
    0
    هممممممم ... ومنا إلى مراقبين المنتدى أو اللي يشتغلون في المؤسسة حاليا .. :rolleyes:
     
  12. المنصور

    المنصور بـترولـي خـاص أعضاء الشرف

    كلام صحيح

    هذا الدارج وصار له سنين

    اما بالنسبة لكلام اخونا خميس اعتقد ان النظام اللي تكلم عنه اهو النظام القديم

    الحين صار تطور وتقدم في كل شي ودوام الحال من المحال

    وانظمة التوظيف تتغير من حين إلى آخر

    أي ماكو نظام ثابت
     
  13. Q8_85

    Q8_85 موقوف

    55
    0
    0
    ياكثر كلامكم وحجيكم في هل موضوع كل واحد قاعد يألف من عنده وكل ماقال شي قال يقولون ويقولون وقالي واحد يشتغل مادري وين ولا مادري وين؟؟؟؟؟
     
  14. barca

    barca بـترولـي جـديـد

    20
    0
    0
    المقصود بالمقابلة المبدئية هي الاسئلة في السكشن الأخير بامتحان القدرات... يسالون عن شخصيتك و شلون تتصرف بمواقف مختلفة
    التوفيق للجميع انشالله
     
جاري تحميل الصفحة...

مشاركة هذه الصفحة