مهم جدا جدا

زين ليش ما يسون مثل عندنا في المبنى الرئيسي

موظفين الشركه مصافطهم تكون قريبه
والمقاول ابعد شوي

لأن موظف الشركه أحق من المقاول بالمصافط !!

في المبنى الرئيسي المقاول مسافطهم بعيد وايبونهم في باصات
بس موظفين الknpc مصافطهم قريبه وعند المبنى

 

تقريبا هذا الشيء حاصل بأغلب الشركات الأولوية لازم لموظفين الشركة وبعدين عمال المقاول

 

يا حوي يا ذياب الاحمدي الكلام اخذ وعطى وعلى فكره المنتدى عذا لطرح المشاكل اللي نعاني منها في هذا القطاع ، وفعلا ترى بالنسبه لنا يا بنات صفاة ميناء الأحمدي ما لنا ماقف قريبه من البوابه والسبب الآن بسبب كثرة البنات الجدد ونقترح ونتمنى أن يكون في مواقف طوابق وحتى لو تكون برسوم سنويه والله موافقين ولا بهذلتنا والمشي بعز الصيف وقلنا تعودنا على حر ديرتنا ميخالف بس بالشتا والله نتبهذل بالجو البارد ولا بامطر والسيارات نصفطها بعيد عن البوابه ، وانت الظاهر يا اخي الكريم من الناس اللي ضامن موقفه يعني ما تحاتي شي لا ويمكن تدخل بسيارتك داخل المصفاة بعد فلنا رجاء واتحدق بالنيابه عن اغلب بنات مصفاة الاحمدي بأت تجدو لنا حل بهذه المشكله ولكم جزبل الشكر

 

اسمحلي اللي وصفكم بالذ يابة مايعرف يوصف .

 

حرام عليج ليش هذا كله

 

;( ليش يعني إنزين عيل خلو مصافط البنات قريبه وline كامل بس حقنا على العدد وكل وحده تصفط في مكانها وحطو أسامينا على المظلات وباقي المصافط لكم بس على الحروف الأبجدية شرايكم

 

اختي انا ما قلت شي غلط

هذا اللي حاصل عندنا في المبنى الرئيسي (دار الوطنيه )
مسافط القريبه حق موظفين KNPC
والمسافط البعيده حق المقاول
والباص يوصلهم لي باب المبنى

حرام علي شكو ؟؟

ليش انتي مو موظفه شركة؟ والا مقاول ؟

اذا موظفه شركة المفروض ما تزعلين من كلامي بالعكس تفرحين لأني قاعده اقول يخلون موظفين الشركه لهم الأوليه بالمواقف

اما اذا مقاول فيعينج الله

 

إلى الأخوات الفاضلات مع التحية والاحترام...العنصر النسائي (( الحريم )) اللواتي يُطالبن المساواة مع (( الرجال )) في جميع المناصب والمجالات وحقوق الإنسان مُحلو وغير مقبول التذمر شنو الفرق بين الصف الاول أو الثاني أو حتى الثالث والكل عارف ظروف الطقس في بلدنا الحبيبة..........صدق الله تعالى حيث قال : { وقرنا في بيتوتِكنّ } وهو العليم الحكيم...والله يحفظ الجميع ...

 

انا ايدك اخوي..........بس حلوه الحريم بالون الوردي

 

أولا
و للعلم
فقط

فيه سكرتيرة (مقاول بعد)
و سيارتها كحيانه (جدا)

تصفط مع المدراء في ميناء الأحمدي

ثانيا
تقارنون نفسكم يالكويتيين و الكويتيات بموظفين المقاول؟؟؟؟!!!!
لأ .. يبه
المقاول .. أهم .. وايد
ما فيه مقارنه ..

إنتوا .. شنو .. بالنسبة للمسئولين؟
أنا أقول لكم ...

أنت/إنتي
موظف كويتي ابتلشنا فيه إما بالواسطة عند التعيين أو لسد الشواعر الكويتية (لرفع نسبة التكويت) أو استجابة لضغوط سياسية ..
يعني بالنهاية .. إنتوا الكويتيين عبء كبير و ثقيل على كاهل هؤلاء المسؤولين..
تراددون
تطالبون
تضربون
مرضيات
تبون دورات (خارجية)
تبون سيارات
تبون تذاكر
تبون تأمين
تبون علاج
تبون بيئة نظيفة
تيون خدم
تبون وجبات
تبون أثاث
تبون أجهزة
تبون مخيم
تبون نادي
تبون .. و تبون .. و تبون ..

و النتيجه؟؟!!

ما تعرفون تشتغلون ..
و ما تغطون على أخطاء المسؤولين..
و تفضحونهم بالجرايد...
و الدوانيات..
و شاي الضحى...


شيبون فيكم تصفطون عندهم ..
إنتوا .. (وزن زائد)

كلامي صج ... و إلا .. لأ ..

 

صح 100 %.........

 

انا اقول مسكين يا الكويتي ويا الكويتيه والله يكون بالعون حتى المواقف صار فيها واسطه والله زين

 

شتأيدك .... شدريلك .... يعني تقولي تبي المرأه تقعد بالبيت وما تساعدك ؟؟؟؟

صج الناس أجناس