ذكريات العيد

الكاتب : Blue angel | المشاهدات : 903 | الردود : 12 | ‏30 سبتمبر 2008
  1. Blue angel

    Blue angel بـترولـي خـاص

    [​IMG]


    كل عام و انتم بخير خواتي و اخواني و عيدكم مبارك ، و تقبل الله طاعتكم ، حبييت ارد و اشارك بموضوع خاص بالعيد ، يا ليت كل عضو يقول لنا عن احلى ذكريات العيد ؟؟؟؟؟؟

    انا راح ابدي احلى ذكرى عندي كانت بعيد الاضحى سنه 2003 ، كنت احن ابي اسافر بس اهلي ما اهتموا بالموضوع بس تفاجأت قبل العيد بيوم امي قالتلي جهزي جنطتج بنساااااااافر باجر :D
    كانت احلى مفاجأه و خصوصا اني كنت محتاجه اغير جو و استانس و صج كانت احلى سفره :)

    يلا دوركم قولولي :)
     
  2. SAD_SHU

    SAD_SHU بـترولـي خـاص

    2,276
    0
    0
  3. مزيون

    مزيون بـترولـي نشيط جدا

    328
    0
    0
    مكانيكي بالقلب
    في أي قلب طيب
  4. brilliant

    brilliant المـراقب الـعـام

    8,477
    0
    0
    Engineer
    Kuwait
     
    آخر تعديل بواسطة المشرف: ‏16 فبراير 2015
  5. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بلو و الله من توظفت و العيد ماله طعم اقضية بالدوام : ) .... بعدما عدينا 20 صار العيد مناسبة للتواصل بين الاهل و الاصدقاء بعد ما كان كله مرح و ونااااسة .
     
  6. Workers

    Workers إدارة المنتدى

    7,767
    30
    48
    ذكر
    الكويت
    أنتم فرحة العيد [​IMG]

    انا لا أشعر بطعم العيد القديم لأن الفرح الطفولي الكبير والبريء تناقص مع تقدّم العمر وتغيّر مذاقه القديم

    والاحساس بالعيد وفرحته لاأشعر به إلا حين رؤية الأطفال صباح العيد وأراقب لعبهم وفرحتهم بملابسهم الجديدة

    و اراقب كل تفاصيلهم الصغيرة وأشعر لحظتها بذكريات العيد القديمة

    وصدّقوني الأطفال هم العيد وهم أقرب خلق الله للعيد

    كل عام وأنتم بخير و عيدكم مبارك .


    [​IMG]
     
  7. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا يا بلو على هذه المساحةالحوارية و التعبيرية عن احوال العيد في السابق و العيدية :)

    أنا مثل اخوي الاسد الليث مداوم ليل ، قدرت أمر على الأقارب بسرعة بسرعة و ييت الدوام

    و مثل ما قال من صادها عشى عياله ، من داومت و طعم العيد غير

    كان العيد فعلا عيد في السابق ، كانت الحياة بسيطة لكن كل شيء كان حلو

    دشداشة العيد و قماشها (خامها) كان طيب و نوعية جيدة و كرمكم الله الحذاء كان من الماركات

    الطيبة و صناعته فاخرة و قصدي إن البضاعة اللي كانت بالأسواق كلها صناعات اوربية و ما كان وقتها

    في صناعات آسيوية إلا نادرا و كنا بهاللبس نروح نلعب بالديارف و نشتري جراغيات و صعاديات و كان

    العيد عيد ، مقالب و ضحك و لعب و جد و حب شمسي :)

    ما كانت الشوارع مزدحمة مثل الحين و ما كان في أماكن و مجمعات مثل الحين لكن الناس كانوا

    يزورون بعض و يتعازمون من اول لثالث العيد كل يوم عند ناس من أهالينا و عقبها طلعة بسيطة

    و أحيانا نروح كشباب لمدينة الملاهي اللي كانت في جنوب السرة أو خيطان ماني متاكد

    المهم كانت الأيام هذيك حلوة و الحياة ابسط و كانت العيدية ربع دينار او 150 فلس و اللي يكرمنا

    يعطي نص دينار :) و عقبها نعد العيادي كل واحد كم حصل .

    من كبرنا و داومنا صار العيد للصغار مثل ما قال مراقبنا الفاضل بو عبدالله ، صرنا نهتم

    نسعدهم و نشتري لهم و صارت بهجة العيد ذكرى تدق في عالم النسيان

    طولت ، أعطي المكرفون حق غيري

    شكرا بلو على الموضوع
     
  8. MisS_BrOnZ

    MisS_BrOnZ بـترولـي نشيط جدا

    378
    0
    0
    عاطله عن السمع والبصر والنطق أيضا
    Lovely KuWaiT
    شكرا بلو على الموضوووع

    للأمانه ماقمت احس بنكهة العيد وطعمه مثل السابق

    ... بهالوقت كل شي متوافر عندنا ... كل يوم نلبس ثوب جديد .. كل يوم نروح المجمعات ونطلع ونستانس
    في السابق لمن نشتري بدله العيد نعيش حاله من السعاده لاتوصف .. ونزهبها من الليل حق يوم العيد ونخطط بالعيد وين بنروح اي مجمع او اي ملاهي ... فعلا كان له طعم خاص .. كنا ننطر ايام العيد نطره

    بس حاليا .. وناسه العيد صارت للأطفال
     
  9. Workers

    Workers إدارة المنتدى

    7,767
    30
    48
    ذكر
    الكويت
    نسيت اذكر بعض الذكريات



    اتذكر ذلك العيد في طفولتنا الشقية .. في ثقل مانلبس على اجسامنا النحيله . فالغتره تقع ويسقط العقال عليها

    والقحفيه او الطاقيه يجب ازاحتها الى الخلف كي لاتقع .. الدشداشة تمتليء بالنقود " الخرده "

    فالكل يحب هذه الابتسامه على محيانا .. زرعوا فينا حب الماده :)

    كنا نخطط كاطفال من يملأ مخباته الى الاخير من الحلويات كنا نحتال على براءتنا فنحتال على امهاتنا كي يملأنها

    لكل ماهو لذيذ وحلو << جميل العيد بنظرات الاطفال وابتساماتهم وكشخة ملابسهم واتساخها في وقت قياسي :D



    [​IMG]
    [​IMG]

    كل عام وقلبكِ عامر بكل ماهو جميل [​IMG]
     
    آخر تعديل: ‏1 أكتوبر 2008
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    شكرا عزيزتي بلو ع الموضوع

    وكل الذكريات سعيدة بالعيد السعيد
     
  11. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    مشكوره وتسلمين على هذا الموضوع يالملاك الأزرق

    ودائما أيام العيد جميله
     
  12. Blue angel

    Blue angel بـترولـي خـاص

    الله يعينك يا أسد ميخالف تكبر و تنسى ، عيدك مبارك :)

    ايامك سعيده و منا و منك صالح الاعمال ، ما قصرت مزيون :)

    مشكور بريلنت على الفيديو الحلو ، كل عام و انت بخير :)

    الله يعينكم على دوام الشفتات يعطيكم الف عافيه ، يظل العيد فرحه حتى لو كبرنا ، الفرحه بالقلب و مع يمعه الاهل ، عيدك مبارك شركه ، و مشكور على المرور :)

    و انت بخير و صحه و سلامه و ايامك سعيده ، كلامك عدل pickw فرحه العيد اتشوفها في عيون الاطفال ، مشكور على المرور الجميل :)


    هلا بوصالح اشكر مرورك الجميل دايما مشاركاتك تعطي لاي موضوع طابع خاص و مميز ، عيدك مبارك :)

    اي كلامج صح حبيبتي مس برونز ، كل عام او انتي بخير و مشكوره على المرور الكريم :)
    اشكر تواجدك الطيب مره اخرى بموضوعي ، يشرفني مشاركتك و حضورك ، الف شكر :)
    تسلم اخوي جونم على المرور و حياك الله :)
    الله يسلمك من كل شر و حياك الله ، مشكور على التواجد الطيب :)
     
    آخر تعديل بواسطة المشرف: ‏16 فبراير 2015
  13. الهماش

    الهماش بـترولـي نشيط

    شكرآآآآآآآآآآآآآآآآآآآآآآآآآآآآآآآآآآآآآآآآ BLUE آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ



    على طرح هذي القصة وعسى الله يعيدة علينا وعلى


    الأمة الأسلامية بالستر والعافية



    تقبلي مروري
     
جاري تحميل الصفحة...

مشاركة هذه الصفحة