قصيدة ,,,إهداء لموظفي الخفجي الاشاوس

الكاتب : بوراكان | المشاهدات : 848 | الردود : 8 | ‏25 سبتمبر 2008
  1. بوراكان

    بوراكان بـترولـي نشيط جدا

    281
    0
    0


    سأخبرك عن نفسي ,,, يامن تسألني​

    أنا المحسود على الإرهاق والسفرُ

    الفجر والخط الطويل والجمرك يعرفني​

    والظلم يلاحقني وربعي الخمسمائة نفرُ

    فالجانب السعودي يزيد ابناءه ويهملني​

    وزيادة الجانب الكويتي لي ,,, صفرُ
     
  2. القطاع النفطي

    القطاع النفطي بـترولـي نشيط

    79
    0
    0
    لاحول ولا قوة الا بالله...


    يا خوي يا بو راكان


    اسمع نصيحة اخوك الصغير

    لاشك اننا كلنا ننتظر الكادر بفارغ من الصبر

    ولكن اسلوب الشفاح نترفع عنه لأن رواتبنا


    والحمدلله مكفيتنا وزيادة

    واقل واحد فينا يالخفجي اكثر من مدير ادارة في وزارة


    لكن كل يوم تصبح وحاط لك قصيدة اعتقد مو حلوه في حقك

    ولا في حقنا .. يقولون الناس اهل الخفجي مشفح

    خل الزيادة سكاتي بدون للعالم كله يدري اننا بتجينا زيادة

    ليش من عيون الناس وانك تترفع عن بعض الامور

    التي يمكن يراها البعض تصغير للنفس وذله


    اسمح لي على صراحتي معاك ...
     
  3. Eng.Vampire

    Eng.Vampire بـترولـي خـاص

    أتوقع لو موظفي الخفجي يزيدون رواتبهم 10 أضعاف الرواتب الحالية هم في بعض الناس مو عاجبهم ولا يترس عينهم شي :p

    وراح يزيد التحلطم أكثر وأكثر ......
     
  4. جابر

    جابر قــلــم بــتــرولــي أعضاء الشرف

    افا ..مصاص دماء استعمارى:D

    ياخوى أهل الخفجى مظلومين ..فيه ناس توهم متوظفين ..وبالتالى الضرر اللى عليهم بسيط (نسبيا:eek:)
    لكن فيه ناس خدمتهم فوق العشرين سنه ..والضرر مترااااااكم ...من درجات ومناصب الى رواتب:mad:

    فى ذاك الوقت الزوجيه والطريج لهم صفر والشركات الكويتيه تدفع من 600 - 1000 دينار ..وتزايديه بعد
    احسبها على عشر سنين وانت تشوف كم (إنباق) منهم :eek:

    تعتقد ان مو من حقهم أى تعويض .:eek:...ولا أى زياده :eek:

    كان فيه وقت الشركات النفطيه ناس (ثانويه) تستلم من 700 - 1000 دينار والشغل جدام البيت
    واللى بالخفجى يستلم (500) دينار ...ومحد قال انتم مانستحقون

    حاليا طبعا الرواتب ..الفرقيه بالراتب فيها للخفجى ...لكن المستقبل والدرجات والمراكز للى بالكويت

    ظروف العمل بالخفجى ....ميت اجتماعيا خمس ايام باسبوع...ما تعتقد انها تستحق (أكثر) من اى موقع ثانى بالكويت :confused:

    وبعدين ياخوى ...حنا مانطالب يأخذون منكم والا يقصرون عليكم ويعطونا..حنا نطالب بحقوقنا:)

    ابسط حقوقنا عليكم كزملاء....ان كنتم تعلمون أننا على حق .. انكم (تعينونا) على مطالباتنا
    أما إن كنتم تشكون فى أحقيتنا ...فعلى الأقل ..لاتعينون أهل المصالح والأداره علينا ..وتقولون اننا طماعين ومالنا حق:eek:.

    طبعا كلامى أعلاه موجه لك و للناس اللى تناقش ومالها مصالح (بكتم) أى مطالبات لنا :) ..

    اما من له مصلحه فى تسكير أبواب المطالبات ..فالكلام ضايع معاه ;)

    وسلامتك ..وكل bite وانت بخير :p
     
  5. بوراكان

    بوراكان بـترولـي نشيط جدا

    281
    0
    0
    ننتظره دون فعل شيء ؟؟
    يعني مطر هو ,,, مالنا دور في المطالبه بحقوقنا ؟


    الشفاح ؟؟؟


    قايل قصيده خفيفه ساخره وذا طابع كوميدي

    رواتبنا مكفيتنا ! الناس تاخذ اكثر من الفين في الكويت وانت حاسدنا
    وتتميلح على حسابنا


    ليش مدير بوزارة ؟ ليش ما تقارننا بمدراء في الخفجي ياخذون بدل طريق اكثر من الف دينار
    ويرفضون تطبيقه على الموظفين بحجة حماية المال العام !!!
    ولا ناس وناس ؟


    شلون تصغير للنفس ماني فاهم

    وتترفع عن شنو ,,, عن المطالبه ؟

    اجل المفروض النقابات مالها داعي ليش ما تترفع عن المطالبه ؟



    وهذي ما هي صراحه هذي مزايده واضحه
     
    آخر تعديل بواسطة المشرف: ‏27 سبتمبر 2008
  6. بوراكان

    بوراكان بـترولـي نشيط جدا

    281
    0
    0
    ياليت تطبق توقيعك الجميل والذي يحمل قصيدة المتنبي في "العدل" ,,, على نفسك

    " يا أعدل الناس الا في معاملتي"
     
  7. abusalem

    abusalem بـترولـي نشيط جدا

    226
    0
    0

    غريب امرك ياالقطاع النفطي المطالبة بالحقوق صار شفاح وحقوقنا الضايعة من اكثر من عشرين سنة صارت مطالبتنا لها شفاح والله الظاهر انك نايم في العسل وشلون اخلي الزيادة سكاتي وشلون تبينا نترفع عن المطالبة ونجعلها تصغير للنفس .

    اقولك خل عنك الدفاع الاعمي والتعصب وطالب النقابة بالتصريح وقول اى شى بخصوص اللي قاعد يصير لنا .
     
  8. بوراكان

    بوراكان بـترولـي نشيط جدا

    281
    0
    0
    لا تدوخ نفسك معاهم يابوسالم

    واحد يقول الكادر بيجينا ... ما يدري ان الكادر جانا من زمان وناقص

    وبعدين يقول رواتبنا مكفيتنا ,,,



    الكثير ما يدرون ان زيادات العمليات تصاعديه تزيد مع الراتب
    و مربوطه فيها كل حسبات الفوائد من حقوق الى قروض ... الخ

    قد اسمعت لو ناديت حيا ,,,,لكن لا حياة لمن تنادي

    لا تستغرب يا بو سالم ,,, اذا راحت الفرصة علينا ,,, يقومون هذولا نفسهم ويبدأون يطالبون

    ترى الوضع هذا يتكرر ,,, وقت "الصجيه" يخذلونك ولما تنتهي السالفه ,,,يصحون


    تحياتي​
     
    آخر تعديل بواسطة المشرف: ‏27 سبتمبر 2008
  9. recruit

    recruit بـترولـي نشيط

    87
    0
    0
    ورزقك الحق بين الكاف والنون........فلا "خشتي" ولا "دشتي" ولا "زيدٌ " ولا" عمرُ"
     
جاري تحميل الصفحة...

مشاركة هذه الصفحة