اتق الله يارئيس قسم بالعمليات بمصفاة عبدالله

الكاتب : كنبس | المشاهدات : 1,455 | الردود : 14 | ‏18 سبتمبر 2008
  1. كنبس

    كنبس بـترولـي مميز

    814
    0
    0
    السلام عليكم
    كلنا استبشرنا واستانسنا على اجازه ال 10 ايام الى تسمى C P
    وكانت ماشيه تمام وحسب الاصول واذا خلصت الايام العشر تاخذ من رصيد اجازاتك
    للحين تمام
    لكن وآه من كلمه لكن
    فيه رئيس قسم بالعمليات بمصفاة ميناء عبدالله الله يسامحه ابتكر وابدع للموظفين للاجازه هذى وعممها على باقى رؤساء الاقسام الاخ يبي يطلع فيها جدام مسؤلينه

    وهى :
    يحذر رؤساء الاقسام من عدم اعطاء الموظف ايام بعد انتهاء ال 10 ايام !!!
    ليش يا الحبيب ؟ ليش يا اخينا بالله ؟
    ما سالت نفسك ان الموظف هذا قدم الاجازه لوجود احد اقاربه بالمستشفى او عنده موعد مسبق من كم شهر ؟
    ولا تحسب الموظفين مثلك يقدر يترخص ولا يزرق ويطلع على كيفه مثلك انت ورؤساء الاقسام ؟؟؟؟؟؟؟؟
    ولا انت ماعندك واحد من اهلك يدخلون المستشفى ولا يراجعون ؟
    اعتقد حرام عليك الى سويته والابداع الى وصلته لانه شي يعيبك ويفشلك للاسف
    ولا بعد رئيس ورديه يقول زودتوها بالسي بي .
    اخوى هم تعميم نازل فيها وموثق ورئيس الورديه مو عاجبه !!!
    مع العلم تم سؤال شؤون الموظفين وقال احنا ماعندنا مانع نمشي الاجازه ولا نردها
    لكن من بعد توقيع رئيس القسم واعتمادها منه
    فالى اقوله يا اخونا اتق الله اتق الله
    واعذرونى على حدة كلامى وطول الموضوع لانه شي يقهر وتصرف فردى
     
    آخر تعديل بواسطة المشرف: ‏18 سبتمبر 2008
  2. wal3li

    wal3li بـترولـي نشيط

    116
    0
    0
    لا تبي زياده سكشن هد يقول ليش حاطين هالتعميم جدام الموظفين شيلوه ترة يستغلونه واهو اذا عنده موعد او كان نايم متأخر ماله خلق يقوم الصبح قال عنده شغل ومايجي الدوام عادي اما موظفين الي صج يحتاجون الcp يقول عنهم يستغلون ما اقول الى الله يالزمن اللي يرفعهم وودوووهم امريكا يدرسون على حساب الشركه لولا الشركه جان للحين يطحسون بالوحده
    المشكله انه اغلبهم كانوا يشتغلون FO والحين مايعرفون تنكر ووووو كل شي عندالله مايضيع
     
  3. كنبس

    كنبس بـترولـي مميز

    814
    0
    0
    والله ياخوى صح كلامك
    والى عنده اضافه عالموضوع خل يقول ويكتب خل الناس تعرف رؤساء الاقسام الى ماعندهم شغل
    الى قطو شغلهم على البلانق والبروسس الهنود هم الى يضبطون الشغل مع الشفت كنترول والليدر
    ولا هم يخافون ياخذون اى قرار ولا يعطونك حل الا يقولون خل نكلم البلانق و البروسس انجنير يعلمهم شغلهم
    وين السكشن الهيد الى عنده قرارا كله خوف ولا مايبي يتحمل مسؤليه ويقطها على الهنود !!!
    الله يرحم ايام السكشن هيد كانو بدون بلانق
    والله يخلى الشفت ليدر والشفت كنترول الى شايلين شغل السكشن هيد الى مايدرى عن وحدته
    وكلنا نعرفهم واحد واحد ومعروفين عند مدير العمليات
    والساكت عن الحق شيطان اخرس !!!

    لكن مانقول الا حسبي الله ونعم الوكيل
    لكن الله يمهل ولا يهمل
    وماخفى أعظم والله
     
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    للأسف مدراء العمليات هم دائما سبب تعاسة المشغلين في المصافي ولديهم فكرة أن المشغلين أهل تلاعب ويستغلون القرارت للهروب من العمل

    لكن نذكرهم بدعوة النبي عليه السلام
    على ولاة الأمور العسرين على أمته بالعسر في الدنيا والآخرة
    والميسرين أن ييسر الله عليهم في الدنيا والآخرة

    يسروا على المشغلين فانهم يسهرون وأنتم تنامون
    فانهم يتعرضون للحرارة وانتم في صالات الاجتماعات عن البرد والحر بعيدين
    يسروا على المشغلين فانهم بين الأخطار يعيشون


    أشكر الأخ القدير كنبس على طرح الموضوع
     
    آخر تعديل: ‏19 سبتمبر 2008
  5. VIP OIL

    VIP OIL موقوف

    802
    0
    0
    السلام عليكم جميعا
    يالأخ كنبس إذا تعرف إسم رئيس القسم إكتبه عشان نعرفه وإهو صاحي ولأ مو مضبوط هذا سي بي حق قانوني غصب عنه وإذا ماوقعه في أحد غيره فوق يوقع عادي والمفروض تكتب شكوى للنقابه جماعيه
     
  6. VIP OIL

    VIP OIL موقوف

    802
    0
    0
    وإذا قصدك عن الأيام الإجازه اللي تمددها بعد السي بي فهذا بصراحه جعص حده شكله يدور وين درب اللعانه يطلع له شغله فهذا أعتقد دواه شغله وحده كل شغلكم عند التيم ليدر ودرعمو عليه وإذا سأل قولو الحنطور يتنحطر بشغل الإجازات الرسمية اللي أصلا روتين العمل والظروف الإنسانيه لها وضع إنساني وليس كما يفعل هذا الحنطوري
     
  7. بترولي حر

    بترولي حر بـترولـي مميز

    775
    22
    18
    سوا اضراب من كيفكم بلا تنسيق النقابة عشان لا يستغلون مطالبكم ويسوون صفقات من صالحهم
     
  8. السراب

    السراب بـترولـي نشيط

    105
    0
    0
    لاتسكتون عن حقكم المكتسب و لا تصير سابقه وياخذون كل حقوقنا منا
    الله وياكم وبعدين صج درعموا كلكم على التيم ليدر ترى بعضهم يسمع منكم
    ولا وده يتفشل لا ناداه مدير العمليات ولا مدير المصفاه
    وبعدين ترى الكل يقرأ المكتوب بالمنتدى من اكبر قيادي لاصغر قيادي
    خلو رئيس قسمكم يعلق التعميم لا اتصل عليه مدير المصفاة ولا فاروق الزنكي كاهو يقرأ الحين بس حددوا لنا اي مصفاة.....وانتوا الصف الاول يالعمليات بواجهة الشركه وقواكم الله
     
  9. oprator

    oprator بـترولـي جـديـد

    10
    0
    0
    شكلك حاقد على اعضاء النقابه بس ياليت تذكر لنا دليلك انهم استفادوا من الاضراب لمصلحه شخصيه ----واهم شى فى هذا المنتدى ان يكون الحوار هادف وبناء لمصلحه جميع العاملين ولا ان نظلم احد--اما بالنسبه للاضراب الى عملوه الكنترولر استفادت منه النقابه بحيث انها ارفقت معه مطالب العاملين الاخرى ومها درجات الصيانه والمختبرات وغيرها بيض الله وجيهم على وقفتهم الشجاعه-- اما المطلوب من النقابه انها تزيد التواصل مع قضايا الموظفين وترد على الاستفسارات فى المنتدى -- لكى نكون على علم وبينه فى ما تقوم به النقابه----------------------------------------------------حسبى الله ونعم الوكيل ---------------------------
     
  10. سعود السبيعي

    سعود السبيعي بـترولـي نشيط جدا

    227
    0
    0
    أنا مافهمت الموضوع . المعروف أن ال Cp حق مكتسب للموظف وكحد أقصي 10 أيام خلال عام من التعيين وليس لرئيس القسم الحق في منع الموظف من هذا الحق ولكن أيضا يجب علي الموظف أتباع الطريقه الصحيحه للحصول علي هذا الحق أن وجد تعسف من المسئول وأول هذه الطرق أن يبلغ قبل يومين عن هذه الأجازه
     
  11. unit-20

    unit-20 بـترولـي جـديـد

    19
    0
    1
    اخي الكريم اذا ما رضى على الاجازة بعد الـ Cp اطلب مقابلة مدير العمليات وخلك متمسك بكلامك وانت ان شاءالله راح تأخذ حقك
     
  12. تايتنك

    تايتنك بـترولـي خـاص

    1,239
    0
    0
  13. feed gas

    feed gas بـترولـي خـاص

    --اما بالنسبه للاضراب الى عملوه

    [


    الاخ ابريتر...انا ما لى فى العير ولا النفير كما يقولوووون بس شدنى كلامك لما قلت (--اما بالنسبه للاضراب الى عملوه الكنترولر استفادت منه النقابه بحيث انها ارفقت معه مطالب العاملين الاخرى ومها درجات الصيانه والمختبرات وغيرها بيض الله وجيهم على وقفتهم الشجاعه-- اما المطلوب من النقابه انها تزيد التواصل مع قضايا الموظفين وتر)....

    يعنى الى استفادو ربع الصيانه وانت تدرى شنو يعنى ربع الصيانه بالنسبه لبعض اعضاء النقابه....ما كان الاولى ان يستفيد الخوان المشغلين الى هم ساس المصفاه؟؟!! مع احترامى للجميع بس الحق حق والى يستحق الاخوان المشغلين الى ذبحهم البرد من تجميدهم علا قريدات واطيه... وتقبلى تحياتى اخ ابريتر
     
  14. كنبس

    كنبس بـترولـي مميز

    814
    0
    0
    قواكم الله واشكركم على ردودكم الطيبه ومتابعتكم للموضوع
    تقبلو تحياتي
     
  15. Neilz

    Neilz بـترولـي نشيط جدا

    242
    0
    0
    شكرا لك يا اخ كنبس على طرحك هالموضوووع .....

    اهمه قاعدين بالبراد ومخلينا بالحر وانا اتحدا اي واحد تساله عن اليونت والله ما يعرف شي طبعا انا اتحجى عن البعض ما اعم الكل

    لا والله في بعضهم ينحطون عالجرح يبرى ..كلمة الحق تنقال الصراحه

    بس السي بي غصب عن اللي ما يرضى تاخذه حتى لو خلصت تاخذ من اجازتك ومحد يمنعك لا السوبر فايزر ولا فوووقه وصلها فووق اذا تبي ماكو ا مشكله

    والله يا جماعه ترا محد حاااس بمعاناتنا الا احنا ...

    بس الله كريم شنسوي بعد هذا المكتوووب علينا ..

    ومشكورين ماقصرتوا اسمحولي على الاطواله..
     
جاري تحميل الصفحة...
مواضيع مشابهة
  1. Toxic
    الردود:
    8
    المشاهدات:
    939
  2. المحرر النفطي
    الردود:
    0
    المشاهدات:
    1,007
  3. المحرر النفطي
    الردود:
    0
    المشاهدات:
    591
  4. المحرر النفطي
    الردود:
    0
    المشاهدات:
    644
  5. operator_6
    الردود:
    26
    المشاهدات:
    11,386

مشاركة هذه الصفحة