السايق

الكاتب : green heart | المشاهدات : 409 | الردود : 9 | ‏7 نوفمبر 2007
  1. green heart

    green heart بـترولـي جـديـد

    22
    0
    0
    صبحكم الله بالخير جميعا عندى مشكله وساعدونى امس السايق ودا اليهال المدرسه مع الخدامه حلو بنشرت السيارة

    وقام يصلح فيها واليهال يقولون دق على بابا مس كوول يعنى والهندى مطنش بالمرة اليهال كل واحد يمشى لمدرسته على كيفة المسافه تقريبا كيلو والبنت شافتها مدرستها وركبت معاه مع الصغير اللى بالروضه عقبها خلص الهندى ورد البيت وانا اخر من يعلم شلون اتصرف معاة

    والله العظيم ربى حفظ لى اولادى امس والله جان حصل مكروووووه




    يا اخوان ويا اخوات استفيدوا من اخطاء الاخرين وبالذات من الخدم والسواقين لانهم يتعاملون مع فلذات اكبادنا اللى تمشى على الارض
     
  2. Shoomy

    Shoomy بـترولـي خـاص

    بصراحه الله يعينك
    انا لو منك اطقه طق لين يقول... بابا خلاااااااس ودي مكتب انا مايبي شوقول هني في بيت مال انته

    ولا سفره

    ياخوي هذول عيالك اذا انت ماتحط بالك عليهم والله محد بيحط باله ترا

    وبعدين تاخر نص ساعه ولا ساعه على الدوام بس على الاقل تكون مرتاح .. وصلهم بنفسك .. بتحس بحلى وطعم لمن انت بنفسك تودي عيالك
    واهم بعد تتغير نفسيتهم من الصبح

    الله يخليهم لك ويخليك لهم ويحفضكم انشالله

    تقبل مشاركتي

    تحياتي
     
  3. green heart

    green heart بـترولـي جـديـد

    22
    0
    0
    مشكووره يا شوومى والله وكيلج امس بالدوام ما كو انتاج 8 ساعات قاعد افكر شنو صار على اليهال وصولوا المدرسه ولا لأ وهم ماابى ادق على المدرسه ما ابى اسوى ربكه لهم ع الساعة 2 دقيت على البيت وتطمنت
     
  4. زهرة التوليب

    زهرة التوليب بـترولـي خـاص

    حسبي الله عليه من سايق

    شنو هذا مخلي اليهال يروحون المدرسه مشي؟؟
    لو صاير فيهم شي لا سمح الله ؟؟

    خصموا من معاشه علشان ما يعيدها التعبان
     
  5. Catalyst

    Catalyst بـترولـي جـديـد

    33
    0
    0
    عندك عقال ؟
    و إلا سفري؟

    قطع العقال على ظهره .... و لازم يعرف ليش طقينه ...
    على شان يفكر ألف مرة .. إذا بغى يسوي حتى الشئ الصح ... يتصل فيك..


    هذا الموضوع ما فيه تهاون ..

    و إذا ما تلبس عقال

    قوللي

    , انا أوريك فيه
     
  6. brilliant

    brilliant المـراقب الـعـام

    8,477
    0
    0
    Engineer
    Kuwait
    الطق مو حل في العماله

    لكن كلمه وانت معصب عن السبب الي خلاه يسوي هالشي وزفه وهدده اذا صار باليهال شي ,,, وخله يتعود على الاتصال عليك في اي شي يصير له

    بعدين انت ذكرت ان الخدامه وياه ,,, تاكد اذا كان مصرف اليهال ويتفرغ مع الحب
     
  7. bznschya

    bznschya بـترولـي جـديـد

    10
    0
    0
    ديري بالج

    الله صج حفظلج عيالج .. الله يخليهم لج ..

    ديري بالج .. و الله السواق ينخاف منهم .. والله و الخدم أكثر و أكثر ...

    و اذا في إمكانية ان تودينهم ، اذا كان دوامج مبجر قنعيهم ان كل واحد ياخذ معاه شي المدرسة يتسلى فيه الصبح اذا راح يروحون امبجر يعني، كتاب قصة أياً كان .. اذا بينتيلهم ان احبكم ابي انا اوديكم راح يتقبلون انهم يروحون امبجر ..

    او اذا تنسقين بينج و بين ابوهم ،، انتي شوفي شلون خايفة عليهم و تحبينهم و اهما السبب الي انتي عايشه عشانه ، و اهما صغار ، فميخالف لازم نتحمل شوي عشانهم .. لأن موسهل ان اودي و اييب اليهال : ) بس الحب يعمي عن كل شي و لا شرايج ؟

    الله يخليهم لج و يقر عينج فيهم : ))
     
  8. مختبرجي

    مختبرجي بـترولـي نشيط جدا

    196
    0
    0
    KOC
    الطق يورد الحقد
    انا سويت طريقه والحمدالله جنيت نتايجها صج اني خسرت شوي بس بعدين ارتحت
    وطبعا الطريقه سويتها مع الخدم والسواق بس طبعا على شي جايد
    يعني مثلا عندي خادمه باقت ذهب زوجتي وصدتها وديتها المخفر وسفرتها
    وعندي سايق يتفلسف ويقول انا مايبي يشتغل في بيت انتا قلت له اوكي عباله بوديه المكتب او ابيعه لاحد ثاني وهم سفرته .
    من جذي اول ما اييب خادمه او سايق على طول خدم اخواني يقولون للخادمه اليديده ديري بالج ترا هذا بابا على طول يسفر مافي مكتب ولا بيت ثاني عشان جذي يحسبون لي الف حساب
    بس عشان لاتتوهق دبر لك خادمه او سايق قبل لاتسفرهم
     
  9. Omdah

    Omdah موقوف

    64
    0
    0
    من أمن العقاب
    أساء الأدب
     
  10. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    الله يخليهم لك ويخليك لهم ويحفظكم ان شاء الله
     
    آخر تعديل بواسطة المشرف: ‏15 نوفمبر 2007

مشاركة هذه الصفحة