قالت منت بحلو

قالت ترى منت بحلو قلت رجـال

والزين ماهو من شروط الرجولـه


الزين يلقى عنـد لباسـة الشـال

والرجل زين ان كان زانت فعولـه


قالت علامك تلبس شماغ وعقـاال

انت بدوي؟ قلت بدوي ومن حموله

ما ألبس بناطيل لها الوان واشكال

وامتر الشارع بعرضـه وطولـه

قالت اجل راعـي معاميـل ودلال

شرب القهاوي تحسبونه بطولـه

كيفي يابنت الحضر دله وفنجـال

وحليب خلفـه بالمـراح معقولـه

وحب الكرم والجود وعلوم الابطال

مغروس فينا من زمان الطفولـه


قالت ترى بنت البدو حظها مـال

قلت احذري حذرا تكوني جهولـه

بنت البدو يابنت مضرب للامثـال

فوق الجمال وطاعة الله خجولـه

ماحطة اصباغ ولا حطـت ظـلال

ولا سيرة بالسوق سيـر مهبولـه

هي مهرة تصعب على كل خيـال

وانتي ومثلك عسفهن بالسهولـه

قالت تغزل بي وشف حبة الخـال

ناظر عيوني والرموش الكسولـه


قلت العفو مايجتمع حـب وهبـال

ولكـل ذوق فالمزاييـن جـولـه



قلتي وقلت وكلمة الصدق تنقـال

الزين ماهو من شروط الرجولـه




هذى القصيده اعجبتني ونقلتها لكم
بس ارجو ان لا تاخذوها بحساسيه وحزازه نفس
والله من وراء القصد

 

شاكر مروركم يا الحبايب
اخوى الشومى انا عارف انه راح تصير سوالف لذا حطيت التنبيه والتنويه
لذا اقتضى التنويه
واكيد مثل ماقلت كلنا اخوان وكلنا اعيال مزنه و رقيه و كل من يعرف اخيه (ضيعت بالمثل )
تقبلو ارق التحايا

 

اوكى اختى انا اسف على بالى اخوى
النك مو واضح مايدل على انه لانثى ... ماعليه

 

والله يا بوشوكه لاتحرجنى ناسي من زمان عندى مخزنها

 

ياهلا والله بمروركم الكريم شرفتوووووو

 

صح بدنك ... وحياك الله

 

حاضرين وتستاهلون
وتقبلو ارق التحايا

 

صحتين صحتين على بدنك خيوووووو