قالت منت بحلو

الكاتب : كنبس | المشاهدات : 884 | الردود : 19 | ‏7 نوفمبر 2007
  1. كنبس

    كنبس بـترولـي مميز

    814
    0
    0




    قالت ترى منت بحلو قلت رجـال

    والزين ماهو من شروط الرجولـه


    الزين يلقى عنـد لباسـة الشـال

    والرجل زين ان كان زانت فعولـه


    قالت علامك تلبس شماغ وعقـاال

    انت بدوي؟ قلت بدوي ومن حموله

    ما ألبس بناطيل لها الوان واشكال

    وامتر الشارع بعرضـه وطولـه

    قالت اجل راعـي معاميـل ودلال

    شرب القهاوي تحسبونه بطولـه

    كيفي يابنت الحضر دله وفنجـال

    وحليب خلفـه بالمـراح معقولـه

    وحب الكرم والجود وعلوم الابطال

    مغروس فينا من زمان الطفولـه


    قالت ترى بنت البدو حظها مـال

    قلت احذري حذرا تكوني جهولـه

    بنت البدو يابنت مضرب للامثـال

    فوق الجمال وطاعة الله خجولـه

    ماحطة اصباغ ولا حطـت ظـلال

    ولا سيرة بالسوق سيـر مهبولـه

    هي مهرة تصعب على كل خيـال

    وانتي ومثلك عسفهن بالسهولـه

    قالت تغزل بي وشف حبة الخـال

    ناظر عيوني والرموش الكسولـه


    قلت العفو مايجتمع حـب وهبـال

    ولكـل ذوق فالمزاييـن جـولـه



    قلتي وقلت وكلمة الصدق تنقـال

    الزين ماهو من شروط الرجولـه





    هذى القصيده اعجبتني ونقلتها لكم
    بس ارجو ان لا تاخذوها بحساسيه وحزازه نفس
    والله من وراء القصد
     
  2. Shoomy

    Shoomy بـترولـي خـاص

    صح لسانك ياكنبس

    تدري لو ماكنت حاط التحذير اخر شي جان ردي ماكان بيكون جذي

    بس صج صج يعطيك العافيه على النقل
    وماكو فرق بين حضر وبدو كلنا اخوان

    تقبل مروري

    تحياتي
     
  3. dehen_3ood

    dehen_3ood بـترولـي خـاص أعضاء الشرف

    الزين ماهو من شروط الرجولـه


    يا مال العافية ويسلمووو على هالمشاركة الحلوة
    وبنتظار جديدك ..



    [​IMG]
     
  4. حمد بوزيد الهلالي

    حمد بوزيد الهلالي بـترولـي جـديـد

    13
    0
    0
  5. كنبس

    كنبس بـترولـي مميز

    814
    0
    0
    شاكر مروركم يا الحبايب
    اخوى الشومى انا عارف انه راح تصير سوالف لذا حطيت التنبيه والتنويه
    لذا اقتضى التنويه
    واكيد مثل ماقلت كلنا اخوان وكلنا اعيال مزنه و رقيه و كل من يعرف اخيه (ضيعت بالمثل ) :)
    تقبلو ارق التحايا
     
  6. Shoomy

    Shoomy بـترولـي خـاص

    انا اختي مو اخوي :(

    حلوة عيال مزنه ورقيه
    كااااااااااااااااااااااااك

    لاعادي خيووو ماكو حزازيات انشالله
     
  7. ابوشوكه

    ابوشوكه بـترولـي نشيط

    شاكر لك اخوي كنبس على هذي القصيده الرائعه بس نبي نعرف منو قايلها ؟
     
  8. كنبس

    كنبس بـترولـي مميز

    814
    0
    0
    اوكى اختى انا اسف على بالى اخوى :)
    النك مو واضح مايدل على انه لانثى ... ماعليه
     
  9. كنبس

    كنبس بـترولـي مميز

    814
    0
    0

    والله يا بوشوكه لاتحرجنى ناسي من زمان عندى مخزنها :)
     
  10. المهندس

    المهندس بـترولـي خـاص

    1,305
    8
    0
    مشكوووووووووور عالجيصييييده الحلوه المزيونه - يا ليت الحريم يفهمن
     
  11. engineera

    engineera بـترولـي مميز

    626
    0
    0
    مشكووووووووور يا حلو قصدي يا كنبس :p
     
  12. PANADOL

    PANADOL بـترولـي نشيط جدا

    176
    0
    0
    طيار في شركة الب اي سي :)
    الكويت
    عزاه من وجه دبل جبد راعيه **** اسحت من السحت وماله رفيجات


    [​IMG]
     
  13. كنبس

    كنبس بـترولـي مميز

    814
    0
    0
    ياهلا والله بمروركم الكريم شرفتوووووو
     
  14. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
  15. كنبس

    كنبس بـترولـي مميز

    814
    0
    0
    صح بدنك ... وحياك الله
     
  16. م.محمد

    م.محمد بـترولـي خـاص

    صح لسانك ولد خالي

    لا يوقف
     
  17. كويتي

    كويتي بـترولـي نشيط جدا

    صح لسانك ولد عمي؛

    و عطنا من أشعارك؛
     
  18. كنبس

    كنبس بـترولـي مميز

    814
    0
    0
    حاضرين وتستاهلون
    وتقبلو ارق التحايا
     
  19. اطفائي طموح

    اطفائي طموح بـترولـي نشيط جدا

    175
    0
    0
  20. كنبس

    كنبس بـترولـي مميز

    814
    0
    0
    صحتين صحتين على بدنك خيوووووو
     
جاري تحميل الصفحة...

مشاركة هذه الصفحة