الفساد الاداري في ادارة الغاز

الكاتب : بوعبدالله الكويتي | المشاهدات : 1,407 | الردود : 18 | ‏7 سبتمبر 2008
  1. بوعبدالله الكويتي

    بوعبدالله الكويتي بـترولـي نشيط

    72
    0
    0
    تحية طيبة وبعد

    كل عام وانتم بخير


    الموضوع عن ادارة الغاز وخاصة في برقان

    الكل يعرف ان الترقيات الاخيرة في الغاز حلوة وعجيبة ولكن هل تعرف الناس الفساد والمصائب اللي تسويها الادارة ؟

    الفساد هو :

    1- تم ترقية ناس من مشغل 2 الى مشغل 1 وفي غيره وغيره يستاهل المكان ( الواسطة فوق اي اعتبار )

    2- احد الكنترولية المجتهدين في عملهم خاصة في عمليات الغاز تعب سنين هو يدرب الناس على الخطوط ويدربهم على العينات والحسابات والكشط ولا يعطونه اي اعتبار ولا اي دافع للتدريب وفي كل مرة يواعدونه على قريد وعلى تقرير نهاية السنه ولا في اي كلام وصايرله 5 سنين في برقان

    3- احد الكنترولية الفاهمين في عمليات الغاز شفت صايرله 5 سنين في برقان وغيره وغيره راحوا الروضتين والمناقيش

    4- الانستنف صار بالدورية علشان ( ..... ) (.....) ( .....) ... الخ يحصلون عليه طبعا هذولي لا شغل ولا مشغله واذا فهم 10% من شغله زين

    5- قبل رمضان حول جزء كبير من مشغلين 2 الى الصباحي ، فتم ترقية مشغلين 1 وراحوا الدورة ظل مكانهم فاضي فتم نقل من كان عنده واسطة طبعا اذا انت سئلته يقولك في اولوية للكان من زمان في الصباحي انزين في 3 راحوا الشفت وكانوا بالشفت و اكثر من سوبر فايزر يقول لنا ييبو واسطه للعدواني تروحون بالشفتات

    وينقل ان نقلت الشباب الى الصباحي لتقليل الميزانية على الشركة علشان تدش في بطن ادارة الغاز في نهاية السنه

    اذا الادارة بالواسطة تمشي فقول على الغاز والكويت السلام


    ويبقى الحب لل KOC
     
    آخر تعديل بواسطة المشرف: ‏10 سبتمبر 2008
  2. عامل نفطي غيور

    عامل نفطي غيور بـترولـي نشيط جدا

    402
    10
    18
    أحوي أبوعبدالله ليش زعلان سبق وأنك شاركت في موضوع سابق

    حول ترقيات العاملين بدائرة الغاز وحينما وضحنالك الحقيقه والرانكنج

    والترقيات التي تمت تمت بتقارير وشهود المشرفين جميعا خرجت

    لنا بموضوع أخر الساد الأداري بدائرة الغاز حلاص عطني رقمك الوظيفي

    لكي نرقيك أنت ومن تريد لكي لم يكن فساد؟
     
  3. الصريح جداً

    الصريح جداً بـترولـي جـديـد

    18
    0
    0
    صبحك الله بالخير يا بو عبدلله
    وانا بصراحه عضو جديد على المنتدى واشتركت بخصوص مواضيعك اللي انت تتكلم فيها واللي دائما تطرحها في المنتدى
    وكله تتكلم عن الظلم وعن الفساد وعن الواسطه وانا المشكله توظفت معاك بنفس الدوره وبنفس القريد يعني عمري ما سمعت
    عن اللي انت تتكلم عنه يا اخي انت لسه موظف جديد و الرزق جايك بالطريق يا أخي طول بالك و وسع صدرك ولي ربك كاتبه يبي يصير
    و كل اللي ترقوا واللي خذوا انسنتف يستاهلون وعليهم بالعافيه وحنا ما اخذنا انسنتف لأن تقاريرنا جيد لازم انكون جيد جدا

    يأخي الناس حسدينا على دائرتنا واذا مو عاجبتك هالدائره قدم نقل على اي دائره ثانيه وفكنا من شرك
    وعلى فكره الناس عرفينك وزهقنا من مواضيعك

    والله العظيم ما اخذت انسنتف ولا تقرير زين وداومت شفت و وداومت صباحي والحمدلله على كل حال

    والطريج جدامنا طويل والخير جاي
     
  4. وجهة نظر

    وجهة نظر بـترولـي جـديـد

    16
    0
    0
    إلى الأخ ****** .. أو مثل ما أنت ماسمي نفســك .. بوعبدالله الكويتـي ..

    أنت ما صارلك عندنا سنـه .. وذبحتـنـا كل يوم بسالفة الفساد والفساد .. محطوط تحت التدريب وكل يوم تكتب بالمنتدى عن هالقصه وكأنهم ماكلين حقك صج ..

    والحين يرقون العالم وجاي تقول فيه ناس يستحقون وماترقوا .. أنت قولي منو مستوفي الخدمه ويستحق الترقيه وماترقـا ..

    وبعدين أنت أساساً شنو ؟؟ عشان تحكم على الناس هذا يستاهل وهذا مايستاهل .. شنو الخبره اللي عندك عشان تحكم على العالم من ناحية الفهاميه .. ومن ناحية الإستحقاق .. أنت شغلك ماتـقدر تقـوم فيـه ..

    والحين شان حمله على ربعنا اللي بالشفتـات ليـش ؟؟

    أنت ودوك محطة 150 محد أشتكى عليك ولا أحد تكلم ..

    لعلمـك أنا سجلت أسمك بس عشـان يعرفـونك النـاس ويدرون أن هذرتك وكلامك واجد .. وحتى لو لاقدر الله بغوا يحطونك بشفت .. يصير عند ربعك اللي بتداوم وياهم علـم أنك راعي شكاوي وسوالف وتحلطم وهذره ... ويوخرون عنك أو بالأحرى يرفضونك ويختارون أي واحد غيرك ..

    ودام هذي بدايتك بالشركه .. أعتقد أنك راح تتعب حيل ..

    خلك مثل باقي ربعك .. لأن أغلبيتهم سمعتهم طيبه .. وأحترم نفسك .. يحترمونك الناس .... يالـكـويـتـي !!!!
     
    آخر تعديل بواسطة المشرف: ‏10 سبتمبر 2008
  5. abo saud

    abo saud بـترولـي جـديـد

    29
    0
    0
    ..............

    مشكور اخوي الصريح جدا ً على رايك الاكثر من رائع وانا معاك بكل كلمة قلتها
    وازيدك من الشعر بيت
    بو عبدالله لو ان اللي ترقوا واسطات ليش الاسامي اللي تعرفهم رفضوا دام انها واسطات
    يعني يسوي واسطه ويرفض شنو لعب عيال هو

    ويا جماعه اتمنى الطرح يكون موضوعي مهما اختلفنا

    وشكراً
     
  6. بوعبدالله الكويتي

    بوعبدالله الكويتي بـترولـي نشيط

    72
    0
    0
    الى الاخ وجة نظر

    [والحين يرقون العالم وجاي تقول فيه ناس يستحقون وماترقوا .. أنت قولي منو مستوفي الخدمه ويستحق الترقيه وماترقـا ..

    في الكثير يستاهلون الترقية في واحد منهم بالابريشن صباحي والثاني في محطة 140 وغيرهم وغيرهم

    وبعدين أنت أساساً شنو ؟؟ عشان تحكم على الناس هذا يستاهل وهذا مايستاهل .. شنو الخبره اللي عندك عشان تحكم على العالم من ناحية الفهاميه .. ومن ناحية الإستحقاق .. أنت شغلك ماتـقدر تقـوم فيـه ..


    انا شنو انا موظف بالشركة ومسماي op2 احكم على الناس من دوامي معاهم ومن كلام القدامى عنهم ، اما بالنسبة لي شغلي اقدر اقوم فيه و عارف شنو قاعد اسوي والحمدلله بشهاة مسؤوليني


    أنت ودوك محطة 150 محد أشتكى عليك ولا أحد تكلم .. أنت ليش حسود وحقود ؟؟

    انا الحمدلله مرتاح بالصباحي ومابي الشفتات لو ابي جان يبتها من فوق وانا صايرلي فتره بالصباحي ومتعود عليه


    خلك مثل باقي ربعك .. لأن أغلبيتهم سمعتهم طيبه .. وأحترم نفسك .. يحترمونك الناس .... يالـكـويـتـي !!!!


    والحمدلله انا محترم وبشهادة الجميع

    والحمدلله السمعه طيبة

    بس انا اللي مضايقني انكم تاخذون جزء من الموضوع وتردون عليه

    انا اعتراضي على الترقيات ان في ناس احسن من اللي ترقوا
    انا اعتراضي على في ناس تتعب من ( القدامي ) ما تاخذ انستنف وغيره من القدامى الجدد ياخذون الانستنف هاذي فيها اذنك خشم ولا تقول لا مافي



    ويبقى الحب لوجة نظر
     
  7. فهد شموه

    فهد شموه المـراقب الـعـام

    2,712
    25
    38
    ذكر
    Production Engineering Mechanics
    ☀Q8 دار الفخــر والعــز☀
    مهما اختلفنا في مواقف نختلف


    مهما اختلفنا في مواقف نختلف
    هذي الحقيقة نقر فيها ونعترف
    وان اختلفنا يبقى صافي حبنا
    رايك وراي ما هو ذنب نقترف
     
  8. بوغدير

    بوغدير بـترولـي مميز

    814
    0
    0
    بنظري ان دائرة الغاز افضل دائره انا بالانتاج 00والغاز في كلام قوي انها راح تتوسع00ويكون في ترقيات كثيره يستاهلون 0
     
  9. فهد شموه

    فهد شموه المـراقب الـعـام

    2,712
    25
    38
    ذكر
    Production Engineering Mechanics
    ☀Q8 دار الفخــر والعــز☀
    مهما اتفقنـــا في مواقف نختلـــف

    الغاز والإنتاج والصيانة .... وكل شباب ال KOC المكافحين في جميع الدوائر والأقسام بدون إستثناء يستاهلون...بس الله يهدي المسئولين أصحاب القرار ويعم العدل الجميع


    مهما اتفقنا

    مهما اتفقنا في مواقف نختلف
    هذي الحقيقة نقر فيها ونعترف
    وان اختلفنا يبقى صافي حبنا
    رايك وراي ما هو ذنب نقترف

    أصل العلاقة بيننا أخذ وعطا
    لا تسمح لموجة خلاف وتنجرف

    لا تنسى إني متفق في كل شي
    واللي بنيناه بعمر ما ينسف
    نبع المحبة نروي منه قلوبنا
    من عذب ما يوم زلا له نرتشف

    لو نختلف وياك ولك وجهة نظر
    روحك وروحي بالمحبة تأتلف
    ممكن نحب ونختلف أنا أعترف
    فكر بعد انت وحاول تعترف
     
  10. بوعبدالله الكويتي

    بوعبدالله الكويتي بـترولـي نشيط

    72
    0
    0


    اشكرك يا خوي على المرور والمشاركة

    واشكرك على القصيدة الجميلة

    والله يوفق الجميع



    ويبقى الحب للكويت واهلها
     
  11. المشاكس

    المشاكس بـترولـي خـاص أعضاء الشرف

    998
    1
    0
    من المعروف عن إدارة عمليات الغاز عدم الحياديه بالتعامل والواسطة والمحسوبية تلعب دور كبير في هذه الدائرة وأهل مكة ادرى بشعابها....

    التذمر من إدارة الغاز بلغ الذروه ....

    نعم هناك واسطة بالترقيات ومن رفض الترقيات الحاليه أغلبهم كانوا رافضينها من قبل ...
    أدري راح تقولون مادام هم رافضين من قبل ليش يحطون أساميهم مره ثانيه ,,,,, ؟

    لأن القانون يوقول .... ألي يرفض الترقيت الحاليه يجب ترشيحه في كل مره يتم فيها الترقيات ويعاود الرفض مادام موجود في الدوام

    الفساد الإداراي في عمليات الغاز ليس على مستوى الترقيات والأنسنتف فقط بل على جميع المجالات ... هذا مايضنه البعض

    انا اقول هناك ... جهل إداري .... وليس فساد إداري في بعض القوانين مما يسبب ربكه في بعض القوانين...
     
  12. وجهة نظر

    وجهة نظر بـترولـي جـديـد

    16
    0
    0


    أنا أحـد موظفـي دائـرة الغـاز .. والحمـدلله ماعـانينـا طول فتـرة خدمتـنـا من أي نـوع من أنـواع الظـلم ..

    بالعـكـس الناس بالدوائـر الثانيـه حاسديـنا على اللي حنـا فيـه .. ولاكـن فيه نـاس تحب تسـوي .. سـوالـف ..
    مثـل الأخ المشـاكـس .. اللـي موعاجبـه شـي وعلـى شنو .. ما أدري .. يعنـي أنت بروحـك شهـادتـك إبتدائـي ومعطينـك
    كنتـرولـر .. باللـه بـأي دائـره بالشـركـه صـارت هالسـالفـه ..

    عـلى العمـوم أحمـدوا ربكـم علـى النعمـه .. وتـرى النعمـه زوالـه .
     
  13. Future

    Future بـترولـي نشيط

    85
    0
    0
    يا جماعة الخير النوعيات موجودة في كل دائرة.
    في نظرهم انهم الافضل والافهم والمظلومين والغير ترقى بواسطة وما يفهم
    اللي له حق لا يسكت عنه ويجي بالمنتدى وصار وصار

    واذا تكلموا يتكلمون بلسان الجميع وهم 6
     
  14. Q8 BO HAMMOD

    Q8 BO HAMMOD بـترولـي نشيط

    128
    0
    0
    1- تم ترقية ناس من مشغل 2 الى مشغل 1 وفي غيره وغيره يستاهل المكان ( الواسطة فوق اي اعتبار )
    اقول حق بو عبدالله الكويتي00 منو اللي طلع وما يستاهل؟ ومنو اللي غيره وغيره اللي يستاهلون المكان وما طلعو؟ يعني بالعربي انت معترض علي منو بالضبط؟
     
  15. kuwaiti_965

    kuwaiti_965 بـترولـي جـديـد

    38
    0
    0
    تضامن

    ابو عبدالله الكويتي

    انا بتضامن معاك

    وانشاء الله اليوم راح اتصل بالعدواني او ارسله ايميل لكن ابحاول اني اتصل فيه او اطلب مقابلته

    وراح اذكرله كل الامور اللي اشرت عليها حتى تيدارك ما يمكن تداركه ويوقف الفساد اللي انت تتكلم عنه

    بس اذا تمسحلي

    ممكن اذكرله اسمك الحقيقي اذا توافق ما عندي مانع واذا ما تحب الشيء هذا راجعلك

    انا انتظر ردك وادري انك اليوم موجود بالصباحي

    اذا توافق اذكرله واذا ترفض ماعندي مشكلة ماراح اذكرله اسمك الحقيقي

    طبعا اذا ما رديتلي خبر راح افهمهما انها موافقه منك

    وان شاء لله اكون طيبت خاطرك
     
  16. الرأي الآخر

    الرأي الآخر بـترولـي جـديـد

    14
    0
    0
    اللـه يعطيـك العافيـه .. يا أخ kuwaiti_965 ويجزاك خـير ..

    الأخ هـذا من كثـر ما هو مظلـوم .. كسـر خاطـري صـراحـه .. وبطريقتـك هذي راح ترجـع لـه شويـه من حقـه .. وتـرفع عنـه الظلـم اللي أعتقـد أنه مو مخليـه ينـام باللـيـل ..

    وأعتقـد أنه راح يطيـر مـن الفـرحـه لمـا يسمـع هالكـلام منـك .
     
  17. فهد شموه

    فهد شموه المـراقب الـعـام

    2,712
    25
    38
    ذكر
    Production Engineering Mechanics
    ☀Q8 دار الفخــر والعــز☀

    هذا العشم فيكم اخوان وعلى قلب واحد...
    بادره طيبه منك مشكور وجزاك الله خير يا خوي kuwaiti_965
    وبالتوفيق لأخينا ابو عبدالله الكويتي

    "في الستر على الرجل وعون الرجل لأخيه" ... ومن يسر على معسر يسر الله عليه في الدنيا والآخرة , والله في عون العبد ما كان العبد في عون أخيه
     
  18. بوعبدالله الكويتي

    بوعبدالله الكويتي بـترولـي نشيط

    72
    0
    0


    اشكر جميع الاخوان اللي شاركوا بالموضوع

    واشكر بالاخص الاخ المشاكس على ايضاحه الجيد والايجابي ان هناك جهل اداري وليس فساد اداري



    ويبقى الحب للربع كلهم
     
  19. قحطه

    قحطه بـترولـي جـديـد

    7
    0
    0
    السلام عليكم .... دائما صارت المشاركات تصفيه حسابات دون تقديم ادله حقيقيه على التجاوزات وهذا شي مرفوض .... دائرة الغاز من افضل الدوائر بالشركه ... واللي يعارضون او اقصد اللي يبون يصفون حساباتهم من غير دليل يروحون يشوفون طلبات النقل لدائرة الغاز ...
     
جاري تحميل الصفحة...

مشاركة هذه الصفحة