أفضل قارئ!!

الكاتب : المنصور | المشاهدات : 953 | الردود : 6 | ‏6 سبتمبر 2008
حالة الموضوع:
مغلق
  1. المنصور

    المنصور بـترولـي خـاص أعضاء الشرف

    السلام عليكم ورحمة الله وبركاته

    طرا على بالي هالموضوع وحبيت اطرحه علشان تعم الفائدة بيننا

    مثل ما تعرفون اخواني ان احنا في شهر القرآن

    وانا واحد من الناس دائمًا انتظر رمضان بعد رمضان لأني استمتع بصلاة التراويح وقيام الليل في العشر الأواخر

    الحمدلله احنا في الكويت الاجواء عندنا مهئية لهذه العبادة وعندنا افضل واجمل القرّاء والأئمه اللي يخلونك تتدبر القرآن بتلاوتهم الجميلة

    وطبعًا بعضهم معروف وبعضهم غير معروف

    فـ احب ان اي واحد جرب يصلي في مسجد معين وعند قارئ معين وصاحب صوت وقراءة جميلين انه يفيد اخوانه في موقع هالمسجد لأن ساعات الشخص يصلي بمسجد وما يخشع لأن صوت الإمام او القراءة ما يخلونك تخشع وما يكون عارف ان في مسجد قريب أو بنفس منطقتهم فيه إمام من احسن ما يكون فـ نبي نفيد غيرنا علشان نحث ونشجع على هالعبادة

    وانا راح ابدي بنفسي

    انا اصلي بمنطقة الفيحاء بمسجد أحمد بن حنبل عند الشيخ/ داود العسعوسي

    وبصراحه اهو من افضل القرّاء وصاحب قراءة جميلة ويحرص على ختم القرآن في كل رمضان

    اتمنى تفاعلكم ومشاركتكم اخواني
     
  2. الناهض

    الناهض بـترولـي خـاص

    2,144
    0
    0
    شركة نفط الكويت
    حاليا أصلي بمسجد سالم الصباح بالعارضيه خلف الأمام والقارئ مشاري العفاسي

    مدت أسبوع فقط

    بعدين بروح مسجد بمنطقة جابر العلي خلف القارئ مشعل مطر

    وفي مسجد الصباحيه ق3 خلف القارئ بدر ماجد المطيري لو ماتعرفه على طول راح تقول السديس بدون تردد
     
  3. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    صوت القارىء بدر ماجد المطيري يذكرك بالشيخ سعود الشريم
    بصراحه صوته ما شاء الله عليه يخليك تخشع بالصلاة
    بس لو تكييف المسجد يهتمون فيه وزارة الاوقاف او المسئولين في صيانة المساجد
    يكون افضل
    واتمنى من اخواني انه يمدونا بأسماء المشايخ اللي يخلون الواحد يخشع بصلاته ويحطون العنوان بالتحديد
    وشكرا
     
  4. المنصور

    المنصور بـترولـي خـاص أعضاء الشرف

    اشكركم اخواني على التفاعل

    فعلا ً انا سمعت قرائة بدر ماجد المطيري في رمضان اللي فات او اللي قبله واذا ماني غلطان كان يصلي بالقرين
     
  5. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    بدر المطيري يصلي بالصباحية ق3 مسجد عمرو العاص
     
  6. بن عامر

    بن عامر بـترولـي خـاص

    1,159
    0
    0
    k.o.c
    kuwait
    الشيخ ماجد العنزي يصلي في مسجد بالعدان أعتقد اسمه مسجد العز بن عبدالسلام صوته جدا جميل و يخليك تخشع غصب حبيت أبلغكم و تقبلوا خالص الشكر .
     
  7. المنصور

    المنصور بـترولـي خـاص أعضاء الشرف

    شاكر لك على التفاعل اخوي

    والله يعطيك ألف عافية

    ويجزاك خير


    وللتوضيح: انا كنت اقصد ماجد العنزي - اهو اللي يصلي بالقرين مو بدر ماجد المطيري


    ماعدى السهو والخطأ
     
حالة الموضوع:
مغلق

مشاركة هذه الصفحة