حدوته : لغز الغرفه المغلقه

الكاتب : جابر | المشاهدات : 859 | الردود : 8 | ‏3 سبتمبر 2008
  1. جابر

    جابر قــلــم بــتــرولــي أعضاء الشرف

    حدوته رمضانيه ..;)

    شوية موظفين أنقفل عليهم الباب قبل الفطور ..
    والشخص الوحيد اللى برا ..صاحبهم ورئيسهم تبرع أن يجيب لهم الفطور

    قفل عليهم الباب بموافقتهم ..ونيته سليمه :eek:

    لكنه تأخر عليهم وطالت الساعات
    وضرب مدفع الأفطار ..وصلّت الناس المغرب والعشاء
    وريّسهم ماجاء ولا سمعوا عنه شى

    بدأوا يحسون بالضيق .كانوا أول الأمر مستحين ..لكن هالحين حسوا بالخطر
    وبدأوا يصيحون هل من منجد لهم ..السالفه ماصارت ..صيام ..وماكو فطور ومقفول عليهم ..

    يكثر صياح الموظفين من الداخل ...و الغريبه إنه توصلهم رسايل من تحت الباب ...
    كأن اللى يوّصل الرسايل مايسمع صياحهم ..أو مطنشهم

    الرسايل محتواها ..فلان تزوج وفلان مريض وفلان ترقى ..
    توصلهم رسايل..حتى تقول مبروك عليكم شهر الصيام ..

    لكن لا رئيسهم جاب الفطور ..ولا الباب أنفتح ..معزولييين تماما

    انقسم الموظفين اللى بالغرفه المغلقه فريقين ..
    منهم من يقول خلانا .. سواء كسل والا رده شى كبير ونسانا ..
    ومنهم اللى يقول بالطريق ..واكيد عند الباب يحاول يفتح القفل ..وهالحيييييين راح يدش وبيده الفطور

    شلوون عند الباب ..اللى يوصل للباب ماراح يسمع الصياح وأول شى يسويه يطمّن اللى داخل
    وبعدين كل هالوقت عند الباب ...مانسمع أى صوت مفاتيح....ماكو حركه كلش..

    وبدأ اللى بالغرفه بالنقاش وأشتد بينهم ..يجى الفطور والا مايجى .....
    وانشغلوا عن حل المشكله الرئيسيه
    ان الباب مقفول عليهم ..واللى عنده المفتاح ...لسبب أو لأخر ..لايستطيع الوصول لهم ..
    وخسارتهم يمكن تكون أكبر بكثير من مجرد فطووووور :eek:
     
  2. جابر

    جابر قــلــم بــتــرولــي أعضاء الشرف

    الحلول المطروحه لحل المشكله :

    • يتوقف الموظفين عن الصياح ويوكلوون أمرهم لله سبحانه وتعالى :eek:
    • (يخلع) الموظفين الباب ..وهذى فيها خساير ..لأن هناك من سيحاول منعهم من زملائهم ..ويمكن مايقدرون بدون مساعدة الجميع.. :(
    • يستمر الموظفين بالصياح ...لعل وعسى أحد يسمعهم ..وينجدهم :D
     
  3. الخليجي 2008

    الخليجي 2008 بـترولـي جـديـد

    4
    0
    0
    الأمل بالله كبير والصبر مفتاح الفرج
    لكل شي بالدنيا حدود وأحنا نأمل أن الرئيس بعد هالصبر
    يكون جايب الفطور والحلا وموصيهم بعد على السحور
     
  4. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    مو يمكن الرئيس قاعد يسوي فطور وغبقة وسحور .. يمكن
     
  5. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    لا هذا الرئيس ذكي يبي يعرف منو الي يصبر من موظفيه
    بس الظاهر ما يدري انه راح يموتون وبعدين

    اهوووو يموت وراهم والسبب .............!!!!!
     
  6. جابر

    جابر قــلــم بــتــرولــي أعضاء الشرف

    يعطيك العافيه الخليجى 2008 & واحد فاهم

    بس الوعد كان على الفطوور ..واذا كان يبى يجيب زياده ..على الأقل يدق ويطمن ربعه ..:)
    يقول لاتحاتوون تراى ما تأخرت عليكم الا علشان (ازيد الفطور) وأطلبلكم حلى ..:)
    وانا ترى عند (المطعم) الفلانى ...وكلها كم دقيقه وأوصل ..جهزوا سفرتكم :D

    مو يتركهم يحاتوووووووون...وصياحهم واصل لأخر الممر :eek:

    الله يستر ..لايفلس هالموظفين من الفطور وغيره ;)....ويجى موعد الأمساك ..وبعدها ماتنفعهم فتحة الباب ..
    أويصبحون أضعف من أنهم حتى يكسروون باب الغرفه ..ويهلكوون داخلها..
    ويصبحوون مضرب الأمثال فى التردد والضعف :mad:
     
  7. ~غيور~

    ~غيور~ بـترولـي جـديـد

    19
    0
    0
    سؤال ؟

    عندهم موبايل ؟

    إذا عندهم ما يقدرون يتصلون على احد يفكهم ويستفسرون ليش هالرئيس مو سائل عنهم ؟ وإذا ما كان عندهم موبايل يكسرون الباب احسن وبلا عوار راس
     
  8. جابر

    جابر قــلــم بــتــرولــي أعضاء الشرف

    للأسف ..(الموبايلات ;)) مع المجموعه اللى تعااااااااااارض كسر الباب ..وماتبى تتصل ..
    العذر : مانبى نشغله ..يمكن قاعد يطلب الطلب و(نشوشر) عليه ..

    والمجموعه الباقيه ..ماتبى تحاول تكسر الباب بدون ماتضمن ان (قوتهم) كافيه ..تحسبا للفشيله :eek:

    وبالتالى ..هالتردد ..خلا الصيااااااااااح هو الحل المتبقى :D

    الخوف ان الرئيس ..(ضيّع الدرب) ..والا (مامعاه فلووس) ....ومستحى يتكلم من الفشله .:eek:..

    وينطر ...يمكن ربك يفرجها ...:eek: ...ونسى أن خسارة أخوياه ..اكبر بكثييييييييير من مجرد فطوور

    ينطر ...يمكن ربك يفرجها ..ويفك عمره من هالعزيمه اللى طلعت عليه أغلى من بيع السوووق :eek:
    وهو كان يحسبها تساهيييييييييييييل :eek:
     
  9. نقابي 7*

    نقابي 7* بـترولـي نشيط جدا

    227
    0
    0
    الامل بالله قوي
    انا مستغرب من الناس الي تقول ان النقابة اخذت وعود من الوزير بخصوص الزياد مثل الجانب السعودي
    يا اخوان ليش ما في تصريح من النقابة او وصل فيه البخل انهم يا يجيبون فطور وحتى ما يصرحون
    انا اعتقد انهم ممنوعين من التصاريح حسب اوامر المؤسسة
    انزين ليش رئيس الاتحاد ما يصرح حتى هو ممنوع من التصريح
    يا جماعة ضاعت لحانا بين حانا ومانا والله يستر ما تكون نكسة ثالثه حق موظفين الخفجي
     

مشاركة هذه الصفحة