النفط الكويتي

الكاتب : 1980 | المشاهدات : 4,166 | الردود : 31 | ‏30 أغسطس 2008
  1. 1980

    1980 بـترولـي نشيط

    السلام عليكم ورحمة الله وبركاته ,

    [​IMG]

    حقول النفط الكويتيه وبدون حقول الشمال لأنها لا تستخدم

    حقول الشمال مساحتها شمال الكويت

    تأخذ 80 % من مساحة شمال الكويت

    واللي يروح البر يشووف الشبك من وين يبدأ ووين ينتهي

    راح يعرف ان الكميات الموجوده كبيره جدا

    وشركة النفط اكدت ذلك

    السلام عليكم ورحمة الله وبركاته ,

    يا اخوان لماذا هذا التشاؤوم ؟؟

    نعم لقد لا حظت بالاونه الاخيره كثرة تشاؤم اهل الكويت من احتياطيات النفط ؟؟؟

    يقولون يبي يخلص بعد 30 سنه ومدري شنو من هالكلام الفاضي ؟؟؟

    يا ناس تتذكرون الشيخ جابر الله يرحمه لما قال لشركة النفط بسنة 1988 لازم نسووي اجراء ونقدر احتياطيات النفط الكويتي قالوا مو مشكله ووسوا تقديرات ع كل الحقول النفطيه انذاك وقدرت 100 مليار وكم مليون

    وفعلا كان كلام صحيح وواقعي وليس تلفيق او كذب وبهتان

    واللي يأكد كلامي ان الوزير بنفسه اكد هالاحتياطي وبشهادته بعد وشهادة الشركه

    واللي يأكد هالكلام اكثر بعد ؟؟

    لما جاء الغزو وراح والله لا يرد ايامه ان شاء الله

    راح مليارين من احتياطي الكويت النفطي

    وبسنة 1994 سوووت الشركة فحص للأحتياطي النفطي وطلع 96 مليار ونص

    وفعلا كلام صحيح

    لأن بسنة 1988 بشهر 11 يعني 1989

    كان الاحتياطيات 100 مليار ونص

    والغزو خسرنا فيه مليارين من احتراق الابار

    وسنة 1992 و1993 خسرنا مليارين من التصدير

    لأن معروف ان دولة الكويت تصدر تقريبا مليار كل سنه

    وصار فعلا الاحتياطي 96 مليار ونص

    وبعد ذلك اكتشفت حقول جديده مثل حقل ام نقا وحقل الصابريه بشمال الكويت

    فيهم كميات كبيره من الغاز وبعض الكميات من النفط

    وحقول لا تعلن عنها الكويت لأسباب سياسيه

    والسبب الرئيسي ان الشركه الامريكيه اللي ما عندها سالفه قالت ان احتياطيات الكويت 24 مليار بس ولا و مو مؤكده بعد :eek:

    حقل برقان بروحه الاحتياطيات اللي فيه 55 مليار وشلون تقوول ان احتياطي الكويت 24 مليار بس ؟؟؟؟

    كلام ما يدخل العقل وتقرير هالشركه هو سبب احباط اهل الكويت وتشائمهم من الاحتياطي النفطي

    وبعدين حقول الشمال العظيمه

    لو تستغلها دولة الكويت وتباشر العمل فيها راح تصبح دولة الكويت ثالث اكبر دوله بالمخزون النفطي بعد السعوديه والعراق نعم هذا اكدته دراسات وهو صحيح لأن هالحقول ما استثمرت من اول ما اكتشف النفط بالكويت

    ولا تنسون عامل الهجره النفطيه وهو السبب الذي ادى الا عمل منطقة مقسومه بين الكويت والسعوديه

    والحين الاحتياطي اصبح 82 مليار لاننا في سنة 2008

    وقلنا بسنة 1994 الاحتياطي كان 96 مليار ونص

    عشان جذي نقص الاحتياطي لأننا صدرنا نفط لمدة 14 سنه

    والاحتياطي الحين 82 مليار والكويت تنتج كل سنه مو مليار

    بالظبط 760 مليون برميل يعني ما يوصل لمليار

    وهذا الاحتياطي بدون حقول الشمال

    وهي معروفه انها حقول نفطيه كبيره ونوع نفطها ثقيل وكثافتها عاليه لذلك الشركه ما تقدر تستثمرها الا بوجود شركات عالميه لأنها حقول عميقه

    واعضاء مجلس الامه رفضوا هالشئ هذا لانهم متخوفون من سرقة النفط الكويتي مثل ما حدث ايام الانتداب البريطاني ..؟

    ولو نلاحظ ان الحقول بالكويت :

    حقل برقان -حقل المقوع-حقل الاحمدي-حقل المناقيش-حقل ام قدير-حقل كراع المرو-حقل الكويت-حقل الدره البحري-حقل لولو البحري-حقل ام نقا -حقل الصابريه-حقل الروضتين-حقل الوفره-حقل السالمي اللي بغرب الكويت -وحقل الرتقه -حقل فارس السفلي -حقل شرق الكويت بالبحر نسيت اسمه والله .

    وحقول كثيره ناسيها

    وحقول الشمال احتياطياتها هائله ويمكن تدبل الاحتياطي الموجود وهو 82 مليار برميل

    وقلنا ان هالاحتياطي يكفي الكويت اكثر من 90 سنه تقريبا لأن الكويت ما تنتج الا 760 مليون برميل سنويا

    واكثر من 90 سنه بعد

    بس الخوف الكبير ان الكويت تدبل انتاجها النفطي بدال مليونين باليوم الى 4 ملايين وهذي خطة شركة النفط

    وراح تنقلب الموازين بالطريقه هذي

    ولكن نأمل ان الانتاج يبقى نفس ما هو مليونين

    والله يزيد من خيرات الكويت وثرواتها

    والحمدلله والشكر لك يا رب ع نعمك


    والحمدلله الخير كثير بس وين اللي يحمد ربه ويشكره ع هالنعمه ؟؟

    الحمدلله والشكر لك يارب على نعمك


    وهناك حقول ما اكتشفت ؟؟

    جزيرة بوبيان فيها نفط بس الكويت ما بينت ان فيها نفط وما اعلنت لأحد

    خوفا من الاستيلاء عليه

    مثل الحقول البحريه اعلنوا عنها ولكن ربك ستر وتقاسموها الكويت والسعوديه بدل ما تأخذها ايران

    ونفط غرب الكويت لم يكتشف الى الان

    وحقول راح تكتشف بعد وتزيد من الاحتياطي

    وقبل منو كان متوقع اننا نحصل غاز بالكويت وشووف ربك اكتشفنا حقلين للغاز ونفط بعد

    وكلها راح تزيد من الاحتياطي

    والله كريم

    ولازم نحمد ربنا ونشكره ع النعمه هذي

    والله العظيم ثرووه كبيره واحتياطيات نفطيه ضخمه


    بس وين اللي يشكر ربه ع النعمه ؟؟

    تقارير وكلام اي شركه او شخص او اي شئ كان اجنبي

    اسمعوه بأذنكم اليمين وطلعوه بأذنكم اليسار

    لأن مثل كلام الشركه اليابانيه اللي قالت ان النفط بالكويت راح ينتهي ببداية التسعينيات

    وراحت التسعينيات وما خلص النفط

    وصار لنا 8 سنين بالالفين وما خلص

    وكلام الشركه الامريكيه اللي قالت ان الكويت راح تصير فيها زلازل عظيمه وطبقات جوفيه كبيره تؤدي الى انخسافها بالارض جراء الحفر بحقل الكويت

    ولما سمع بالخبر الشيخ عبدالله السالم وقف الحفر والتصدير من هالحقل

    وقالوا محد يصلح هالشئ الا الشركه

    عشان يستفيدون ويربحون من ورا هالنفط

    يعني الشركه ما يهمها احد اهم شئ ارباحها

    تطلع كلام عشان ينصدمون فيه الناس وبعدين يقولون راح نساعدكم ونبعد هالمشكله عنكم

    مثل التاجر اللي يطلع اشاعه طبعا يوصي ناس عليها على بضاعة غيره عشان بضاعته يبيعها ويربح منها والتاجر الثاني يخسر

    ونعلم ان الشركات النفطيه تموت على عقود الاكتشاف بحقول الشمال عشان سرقة النفط

    ولكن هيهات ثم هيهات

    ندري ان فيه احتياطيات كبيره وضخمه جدا

    ولكن لن نكرر غلطة الانتداب مره اخرى

    لا يلدغ المؤمن من جحر مرتين

    والله الهادي الى سواء السبيل

    مع التحيه ,,,

    ملاحظه : بعضكم يظن اني كتبت هالموضوع عشان اطمنكم بس

    ولكن يعلم الله اني كتبت هالموضوع وهو صحيح 100 %

    وهذا الكلام الواقعي

    والله على ما اقول شهيد


    ملاحظه اخرى : النفط ما صار من سنه ولا سنتين

    النفط تكون من ملايين السنين

    يعني في حقول متكونه من قبل 220 مليون سنه

    يعني بعد فتره طويله ينتهي هالنفط حسب كمية الاستخدام

    ومع التحيه
     
  2. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    في احتياطات نفطية
    ولكن هل في احتياطات بعد ما يخلص النفط
    هنا يمكن السوال
    ولا نكش ذباب ليما يخلص النفط
    ونتسكع على راس العايل
    ونتحرش بنت الفريج
    بالعربي الفصيح نرد لما قبل النفط

    وتذكر يا زمن كلامي بعد جم سنه
     
  3. 1980

    1980 بـترولـي نشيط


    هلا فيك اخي الكريم

    نعم هناك احتياطيات لما بعد انتهاء النفط

    ولكن ما نقوم فيها حاليا

    نقوم فيها بتخزين الاحتياطي

    عندما يقترب موعد نضووب النفط

    يعني الحين مو وقته

    بعد ما تنتهي هالــ 82 مليار برميل ويبقى منها بس مليار او مليارين نبدأ نخزن

    لأن النفط يطول مده كبيرا تتخطى 90 سنه

    لان الكويت تصديرها بالسنه 760 مليون برميل يعني ما وصل لمليار

    لذلك اخي الكريم

    تو الناس على تخزين احتياطي النفط .

    وتذكر ان الاحتياطيات النفطيه بالكويت ضخمه جدا

    وحقول الشمال بعد كميات كبيره جدا جدا

    وحقول سوف تكتشف

    اذن فلماذا الاستعجال على التخزين ..؟

    وان شاء الله الكميه الموجوده تكفي اكثر من 100 عام

    ولكن الخوف من الاوبك تطالب الكويت بزيادة الانتاج لأن مليونين يوميا شئ طبيعي ومناسب

    اما زيادة الانتاج راح تؤدي الى ان تصبح الكميه بدال ما تكفي 100 عام تكفي تقريبا 70 عام

    ونتمنى عدم زيادة الانتاج

    واملنا كبير بقادتنا

    مع التحيه

    واسف ع الاطاله
     
  4. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اوكي قعدنا 100 سنه احفادنا شنو راح يسوون
    انته فكر لجدام
    ديرة عندها فائض بس الخوف من اللي يبووق الفايض ولا يبووق الكويت
     
  5. 1980

    1980 بـترولـي نشيط


    انا معاك بالنقطه هذي

    ما تدري الاكتشافات كل يوم ندور ونبحث عن اكتشافات جديده

    يمكن نكتشف اكتشافات نفطيه كبيره تكفي لأكثر من 100 عام

    وتذكر ان الاحتياطي الموجود يكفي الكويت اكثر من 100 سنه بدون حقول الشمال

    وحقول الشمال روح شووف من وين بداية الشبك مالها لوين

    كميات كبيره واحتياطيات ضخمه من النفط

    تكفي اكثر من 100 سنه بعد


    اما بخصوص البوق

    والله وانا اخوك

    كل رجال وذمته

    انا مهما تكلمت عن هالسالفه محد يسمعني


    انا قلت لك عن الاحتياطيات والحقيقه


    مع التحيه
     
  6. 1980

    1980 بـترولـي نشيط

    كل الشكر لمروركم
     
  7. 1980

    1980 بـترولـي نشيط

    كل الشكر لمروركم

    .
     
  8. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    الله يعطيك العافيه على موضوعك
     
  9. 1980

    1980 بـترولـي نشيط

    الله يعافيك

    للأسف 34 مشاهده

    فقط ردين ؟؟
     
  10. brilliant

    brilliant المـراقب الـعـام

    8,477
    0
    0
    Engineer
    Kuwait
    موضوع ثري وقيم بالمعلومات مشكور يالغالي
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    موضوع كافي و وافي يا أخي الكريم 1980 ، و واضح فيه جهدك في صياغة المقال المميز

    شكرا لك على الموضوع و أقول مثل ما قلت إن هذه النعمة يبيلها حمد و شكر لله

    الآية " لئن شكرتم لأزيدنكم " ، نطمئن إن شاء الله على ثروة البلد فهي موجودة

    بفضل الله ، و الأهم أن نكون واعين و نخاف على مصلحة الكويت و ما نفرط بالثروة

    و لا نفرط بأمن البلد ، و شاكر لك الموضوع المطمئن يا 1980
     
  12. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    كل الشكر لك عزيزي الكريم

    وعسا الله يزيدنا من نعيمة


    [​IMG]
     
  13. فهد شموه

    فهد شموه المـراقب الـعـام

    2,712
    25
    38
    ذكر
    Production Engineering Mechanics
    ☀Q8 دار الفخــر والعــز☀
    أخي الفاضل 1980 موضوعك جد مفيد وما يحتويه من شرح مميز... الله يعطيك العافية... وعسى الله يفكنا بس من هالشركات الأجنبية اللي ما همها غير مصالحها و قاعده تعطينا معلومات مغلوطة وغير دقيقة عن إحتياطياتنا النفطية...
    والخير موجود بسواعد الشباب الكويتي عيال الديره وحنا أبخص بشغلنا ومخزونا النفطي.
     
  14. 1980

    1980 بـترولـي نشيط

    شكرا شكرا

    لكل الموجودين هنا

    ولكل من مر ع موضوعي

    واعلموا يا اخوان ان الشركات الاجنبيه لو بأيدها الموضوع

    تسحب نفط الكويت كله وما تخلي فيه قطره وحده

    وكلنا نتذكر سالفة الانتداب وشلون سرقوا النفط

    ولايهمكم كلامهم لأن مثل ما قلت لكم همهم الربح

    يطلعون اشاعات لكي نثبت فيهم الثقه ومن ثم يقومون بسرقتنا

    مع التحيه

    وكل الشكر لكل من مر ع الموضوع

    والله يزيدنا من خيره ونعيمه

    اخوكم
     
  15. تايتنك

    تايتنك بـترولـي خـاص

    1,239
    0
    0
    شكرا علي اثارة الموضوع جدا مهم واتمني من كل قلبي ان تعدد بلدنا الحبيب من مصادر الدخل ولاتعتمد علي مصدر ناضب وعلي كلن ربنا مثل ما رزقنا اكيد ماراح ينسي احفادنا .
     
  16. 1980

    1980 بـترولـي نشيط

    هلا فيك اخي الكريم

    الموضوع فعلا مهم لأنه يعتمد على اقتصاد دولة وحياتها المعيشيه

    بالطبع لا نستطيع ان نعتمد على مصدر ناضب

    ويجب ان نبحث عن حلول بديله

    ولكن ليس الأن

    بل عند اقتراب نضوب النفط

    وانا سبق وقلت لك الاحتياطي 82 مليار برميل

    من غير حقول الشمال اللي يوجد بها ابار عميقه

    وبحقول الشمال تصبح الكويت ثالث اكبر مخزون نفطي بالعالم

    يعني كميات كبيره تكفي اكثر من 90 سنه قدام

    يعني تو الناس ع الحلول البديله

    مع التحيه الطيبه

    وشكرا لمرورك
     
  17. بوغدير

    بوغدير بـترولـي مميز

    814
    0
    0
    **مشكور على الموضوع المهم....عندي تعليق بخصوص صندوق الاجيال القادمه..!!!الصندوق متى الاجيال القادمة تستفيد منه ؟؟**والكلام على نضوب النفط كلام فاضي..؟؟!!الاكتشافات النفطية ولله الحمد كبيره.......بس سالفه تنوع الدخل للبلد مو عن طريق دخل الفرد...(الضرايب..))..!!!
     
  18. 1980

    1980 بـترولـي نشيط


    هلا فيك اخي الكريم

    العفوو وهذا من واجبنا تجاه وطنا الحبيب وتجاهكم

    الصندوق على ما اعتقد انه يفيد الاجيال القادمه بعد نضوب النفط

    يعني نعتبره حل من الحلول

    والحمدلله ان الاكتشافات النفطية ولله الحمد كبيره واحتياطيات ضخمه جدا

    بس يعني نظرتهم مستقبليه بحته

    عشان جذي

    لازم نسوي هالصندوق

    وما عليك الضرائب ما راح تفعل

    لان الدستور منعها

    مع التحيه :)
     
  19. عبدالحميد دشتي

    عبدالحميد دشتي بـترولـي مميز

    782
    0
    0
    موضوعك رائع جدا و لكن من الأولى على الدولة مواكبة التطور واللحاق بركب التكنولوجيا لانتاج طاقه متجددة غير ناضبة و في نفس الوقت غير مضرة بالبيئة و تساعد على تقليل الاحتباس الحراري كالطاقة الشمسية والنووية مثلا فقد تصبح الكويت دولة مصدره للطاقه الكهربائية لجاراتها بدلا من اظهار عداد ترشيد على فضائياتها و أيضا توفي الاستهلاك المحلي للكهرباء بدلا من حرقل ملايين البراميل يوميا والتي من الأولى تصديرها للخارج

    و اسمحلي على المداخلة :)
     
  20. 1980

    1980 بـترولـي نشيط

    الاروع مرورك الطيب

    نعم فدول الخليج قدمت طلب بالطاقه النوويه

    والى الان لم يتم الرد عليهم .

    وان شاء الله مثل ما قلت لك ان الاحتياطيات و الكميات الموجوده عندنا ان شاء الله تكفي لمدة طويله

    تتجاوز 100 عام

    مع التحيه الطيبه

    والحمدلله والشكر لك يا رب على نعمك
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    7,951
  2. المحرر النفطي
    الردود:
    0
    المشاهدات:
    2,407
  3. المحرر النفطي
    الردود:
    2
    المشاهدات:
    3,588
  4. المحرر النفطي
    الردود:
    0
    المشاهدات:
    1,217
  5. المحرر النفطي
    الردود:
    2
    المشاهدات:
    5,626

مشاركة هذه الصفحة