غرفة لتدخين السيدات بالسرداب

الكاتب : brilliant | المشاهدات : 4,155 | الردود : 48 | ‏6 نوفمبر 2007
  1. brilliant

    brilliant المـراقب الـعـام

    8,477
    0
    0
    Engineer
    Kuwait
    السلام عليكم

    اليوم الصبح وانا نازل السرداب طبعا اسفط بالدور الرابع وادش المبنى من السرداب تجنبا من رياح الشتاء ورطوبة الصيف
    بس اليوم شفت منظر الصراحة يظحك ((( غرفة لتدخين السيدات بالسرداب ))) ومسوينها من زجاج

    صاحب هالفكره الصراحه شخص مبالغ فيه

    اول شي من هالحرمه الي بتنزل السرداب على شان ادخن وترد مكتبها
    ثاني شي اصلا السرداب مفتوح للهواء الخارجي يعني مايحتاج غرفه
    ثاث شي اصلا الغرفه مو مستوره يعني فظيحه

    كل يوم نشوف شي عجيب بهالمبنى :confused:
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    قد يسأل شخص قديم و مغبر مثلي :

    - في حريم تدخن ؟
    - لا و وين بالسرداب ؟ يالظالم بالسرداب هههه
     
  3. K KPC

    K KPC بـترولـي جـديـد

    20
    0
    0
    اي والله شهالزمن الاغبر اللي فيه الحريم يدخنون وين الانوثة صراحة اتصير وشفت بعيني وايد بالمؤسسة مو بس اجانب لا حتى كويتيات ، ياأخي مايصير جذي شنو هذا الحلج خايس من الصبح والله كفو بنت ناس كويتية
     
  4. الاندلسي

    الاندلسي بـترولـي جـديـد

    1
    0
    0
    حطو غرفة للمدخنات تتحلطمون وان ماحطو للمدخنات غرفة قالو شمعنه ما سويتو غرفة للحريم والله ارضاء الناس غاية لا تدرك
     
  5. عبدالله عمهم

    عبدالله عمهم بـترولـي جـديـد

    8
    0
    0
    بعد حريم اخر زمن يدخنون
     
    آخر تعديل بواسطة المشرف: ‏12 مارس 2008
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    بس أخوي السؤال هل أنت متأكد من الموضوع لو كان الموضوع صحيح نتمنى تجيب لنا صورة حتى يراها الجميع



    وحنا نوريك فيهم



    اما بهذه الطريقة محد راح يصدقك

    أشكرك على الحرص
     
  7. حمد بوزيد الهلالي

    حمد بوزيد الهلالي بـترولـي جـديـد

    13
    0
    0
    ههههههههههه صحيح مدخنين بلبسهم اي والله
     
  8. Element_X

    Element_X بـترولـي نشيط جدا

    اى خل يدخنون بغرفه تدخين اشفيها ليش نسيت انت مره بالصالحيه يوم يحترق حمام السيدات والسبه جم وحده بالحمام تدخن ولا نسيتو؟
     
  9. jajs04

    jajs04 بـترولـي نشيط جدا

    ما شاء الله مساواة بكل شي
     
  10. Element_X

    Element_X بـترولـي نشيط جدا

    والله ترى مكبرين المسأله على الفاضي انتو لا تنسون فى اجنبيات يعطون محاضرات بالتدريب وين تبيهم يدخنون وبعدين الحين يعني اسكت بنات المؤسسه وايد منهم يدخنون ولا يشربون شيشه بعد
     
  11. حمد بوزيد الهلالي

    حمد بوزيد الهلالي بـترولـي جـديـد

    13
    0
    0
    بعد نحطلهم قنفات يتكون عليها مثلا ويشيشون ؟
     
  12. brilliant

    brilliant المـراقب الـعـام

    8,477
    0
    0
    Engineer
    Kuwait
    مهما كانت اخلاق البنت ومهما كانت جنسيتها

    المجتمع الكويتي له اعراف وله قيم لازم يحترمها الاجنبي

    الدول الاجنبيه تفرض اعرافها وقيمها وعاداتها غصب علينا اذا سافرنا برا ولا نقول شي

    حتى دورات مياهم فيها عادات عندهم ويفرضونها علينا وقوانين يفرضونها علينا

    لازم يكون لنا عرف ونمشي عليه الكويتي والاجنبي ومانساعد الحريم على هالآفه
     
  13. Element_X

    Element_X بـترولـي نشيط جدا

    ترى انتو شطيتووووووووو بالموضوع بعيد بدي بغرفه وبينتهي باعراف مجتمع وعاداتهم خلكم بالموضوع نفسه
     
  14. لولو

    لولو بـترولـي جـديـد

    4
    0
    0
    اذا هالحجي صح ( لازم تسحكون زقاير نطروا لما تردون البيت وستروا على روحكم والا هذا ادمان )
    إذا الحجي تلفيق ( اقول : ترى ماكو دخان بدون نار )

    والله يهدي الجميع
     
  15. إعلامية KPC

    إعلامية KPC بـترولـي نشيط

    139
    0
    0

    زين وين المشكلة بتدخين المرأة
    هل هي حرام شرعا ؟؟؟؟؟
    الحين تلاحقون المرأة لانها تدخن وما تلاحقونها اذا كانت من غير حجاب
    والله امركم عجيب
    تبون الاجانب يمشون على عاداتكم من ناحية التدخين
    بس اللبس والماكياج مش مهم
    اييييييييييييييييييييييييييه يلي بيته من زجاج لا يضرب بيوت الناس

    على العموم هذه الغرفة بالصدفة انا شفتها اليوم وما استغربت
    لانها للمتدربات الاجانب او حتى لزوار المبنى
    بس فعلا الغريب انها خارج المبنى وما لازملها غرفة
     
  16. Element_X

    Element_X بـترولـي نشيط جدا

    يا جماعه لا تستغربون انا برا المجمع وحاطينها بغرفه اشفييييكم فى تعميم نزل بخصوص التدخيل امنعو فيه التدخين برا الدوام بالهوا الطلق يعني لو قاعد اتمشي بروح سيارتي ممنوع ادخن ما ادرى شنو الحكمه من المنع هذه علبالهم بمصفاه
     
  17. brilliant

    brilliant المـراقب الـعـام

    8,477
    0
    0
    Engineer
    Kuwait
    المؤسسة ماحطت اعلانات يا بنات لا تلبسون حجاب ولا شاركة في عملية فصخ الحجاب ,,, بس ساعدت على التدخين

    وبعدين هالاجنبيات الي يدخنون ترا مو فارقه معاهم يدخنون ويا الرجال او بالسرداب المكشوف


    الصوره مرفقه وموقعها بالسرداب مسافط P1 مقابل مسفط الوكيل المساعد لوزارة النفط

    [​IMG]
     
  18. Element_X

    Element_X بـترولـي نشيط جدا



    حبيبي انت عندك خبر جم وحده تدخن بالمجمع النفطي ما اقصد الكويتيات باقي الجنسيات عندك خبر ولا لا ؟

    وبعدين اهي الشغله يمكن بناء على طلبهم ... ويمكن انه المسؤولين ما يبونهم يدخنون مع الرياييل بنفس الغرفه لانه المرأه مرأه قالو خل نحطلهم غرفه ثانيه.
     
  19. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    سبحان الله



    هذا بالكويت


    ؟؟؟؟؟؟؟؟؟
     
  20. غيوره جدا

    غيوره جدا بـترولـي نشيط جدا

    249
    0
    0
    Specialist
    Virtuous City
    والله مادري شالحكمه ..

    بال knpc اذا في وحده تدخن تروح غرفة التدخين مافي للرجال او السيدات !!

    واشوف وحده اجنبيه تطلع بره تدخن جدام ال parking ..

    يعني الحين ال work stations مشتركه و مختلطه و ماكو privacy .. و نشرب قهوه و لا شاي جدام الموظفين ولاناكل بسكوته و نغص فيها !!

    و التدخين حسبتوله حساب .. نبي غرفه عيل حق السيدات ناكل لقمه بسلام .. بدال ما المسؤول يطل فجأه جيكي مادري ايش
    مره طل علي بقى يزر عقلي .. انكت الكابتشينو منه:(
     
جاري تحميل الصفحة...

مشاركة هذه الصفحة