نقابتنا ...مشكلتنا

الكاتب : جابر | المشاهدات : 1,392 | الردود : 20 | ‏25 أغسطس 2008
  1. جابر

    جابر قــلــم بــتــرولــي أعضاء الشرف

    أولا :

    منو يعرف أى شى جديد عن التصريح اللى نسب لرئيس مجلس الوزراء ..

    مادام ممثل النقابه والعليم وسمو رئيس مجلس الوزراء ..كانوا مع بعض ..اكيد تم تداول اجراءات معينه ..

    هل التوصيه بحل مشاكل نفط الخليج كلها ..وبوقت معين ..او بحل حادثة التحقيق مع عضو النقابه ..ومشاكل مدير الدائره القانونيه .

    النقابه تعودت ترسل لنا نسخ من اللقاءات الصحفيه ...وهذا حقها فى أبراز عملها ..:D
    لكن ماسمعنا شى عن محتوى الأجراءات اللى راح تنفذ من الوزير بناء على رغبات سمو رئيس مجلس الوزراء :(.

    ثانيا :
    القضايا اللى صدر فيها أحكام ..مثل حكم أحقية تطبيق قانون العمل الكويتى ..منو يتابعه ..وشنو صار عليه


    للعلم : تجرى اليوم مناقشات مع الأداره العليا ..ويمكن ربك يرزقنا بزياده تغنينا عن كادر أبو خمسه :D
     
  2. Workers

    Workers إدارة المنتدى

    7,767
    30
    48
    ذكر
    الكويت
    الله يعطيك العافية اخوي جابر

    واعتذر منك تم حذف رد الاخ نمر

    وردك شفته بعد الحذف وانجبرت احذفه :eek:


    ياخوان نعيد ونكرر تعديل ماراح اعدل احذف الرد بالكامل

    فمن اراد ان يحتفظ بمشاركتة فيجب الاهتمام بقوانين المنتدى

    ولايتعدى احد على زميل له وان يعرف الفرق بين النقد والتجريح

    اثق بتعاونكم ..وشكراً
     
  3. جابر

    جابر قــلــم بــتــرولــي أعضاء الشرف

    عااااااااااااادى تمون ...دربك خضر ...والله يعينكم :d
     
  4. نقابي مفصول

    نقابي مفصول بـترولـي نشيط

    79
    0
    0
    لا منو قال .. ربعك يقولون انه تم الغاء زياده الخفجي واذا كان فيه اجتماع اليوم ما اتوقع عن الزياده لانه النقابه قالت فيه زياده في شهر رمضان موعودين فيها وانت عندك كلام النقابه دائما غير صحيح اما غيره صحيح ولا انا غلطان اخوي جابر
    وانا معاك ضد النقابه اي شي تقوله مو صحيح بس غيره لو يأشر او يذكر انجاز قبل خمس سنوات نقزنا انا وياك بيض الله وجهه على طول ولا شرايك



    خمنت وحاسبت واتهمت

    شفت ليش احبك ياخي
     
  5. نمر بن عدوان

    نمر بن عدوان بـترولـي نشيط جدا

    268
    0
    0
  6. عامل نفطي

    عامل نفطي بـترولـي نشيط جدا

    288
    0
    0
    العنوان اتهام خطير جدا للنقابة .... الله يعينهم ..

    المهم ..

    اصداء خبر الاجتماع المحتمل بين النقابة ورئيس مجلس الوزراء او وزير النفط ... اصداء كبيرة ..

    الادارة ... او بعض الاطراف في الادارة يهمها ان تعرف ما هي اجندة النقابة مسبقا ... لكن النقابة ليست بهذة السذاجة ..

    الاخبار سوف تأتي كالعادة بعد ان يتتحق أي مطلب ... وترسل بالبريد للجميع ...

    ومن لديه استفسار يذهب للنقابة مباشرة ... فالشباب ما يقصرون فهم فاتحين ابواب النقابة على مصراعيها للجميع ...

    الله يوفقهم في المرحلة القادمة المهمة و الحرجة ...
     
  7. جابر

    جابر قــلــم بــتــرولــي أعضاء الشرف

    ماأدرى أنت شتكلم عنه ولا أدرى جدك من هزلك ..مع إن المشرف نبّه أكثر من مره إن الرد على المواضيع مو الأشخاص ...لكن مادام استفساراتك وتلميحاتك مقبوله (أدبيا) ;) ..ارد برحابة صدر:D

    أنا اللى طرحته أسئله شرعيه وصحيحه ..والتصريح تم نسبه الى مصادر نيابيه ..وانا بنفسى ساعدت بتنزيل الخبر....ومن باب حسن الظن بالنقابه أعتبرنا اللقاء تم ..وسألت عن نتيجته ....ما أعتقد حرام ...يعنى أنا ماقلت جذب ولايدرون عن شى ..ركّز معاى واقرأ بتجرررد;)

    وحتى محد يلف ويدور ..كنت أحط شنو نبى نسمع ..حتى محد يقول ..ماصار الا الخير وتشوفون بعدين ..هذا سر :mad:

    ما أعتقد فى هالأسلوب اى شى ..بس أنت شوى حساس من أى سؤال للنقابه الحاليه ، خصوصا الأسئله الصعبه:D

    بالنسبه لأجتماع اليوم ..هذا كان بس الجانب السعودى ..حسب علمى....وبعدين منهم ربعى اللى قالوا الغيت أم لا .كان فيه حجى أن الزياده راح تلغى لأن الرئيس انشال قبل مدته ;)..بس ان شاءالله أن هالحجى مو صحيح والزياده أقرب مالها ستقر ..إن شاءالله...لكن مافيه شى أكيد .:mad:...أجتماع اليوم كان لتقديم الرئيس الجديد ويمكن مناقشة الزياده ليقرها الجانب السعودى (توقعات طبعا)...ويقولون ارامكو الأم أقرتها وزياداتهم حلوه خصوصا الجونيرز ...اما الجانب الكويتى فأعتقد أجتماعه الأربعا ء بعد بكره ..والعلم عند رب العالمين..

    بالنسبه للأحكام ..صح ..المقصود هو الحكم اللى أخذه السبيعى ..شسوّت عليه النقابه ..هل فيه أحد يتابعه ..حتى تعمم نتيجته على موظفين الشركه ..والا مركون على طرف وليش ;) ..الحكم من قبل حادثة التحويل للتحقيق وماسمعنا عن أحد تحرّك ..صح:)

    بالنسبة للأنجازات ..انا ماظلمت أحد ولما شفنا النقابه تابعت وانجزت فرق العمله وبنتيجه أفضل من المتوقع ..كلنا فرحنا ...لكن ياخوى مانرضى بتكميم الأفواه ..عندنا أسئلة ونبى أجابه عليها ..لاتتهمونا بالتحيز لمجرد إن الأسئله محرجه ..:mad:

    وأخيرا بالنسبه للنقابه ..الروحه مثل قلتها ..محد مستعد يتكلم ...حتى لاتتم محاسبته ..محد راضى يعطى أى معلومه ..الا ..يصير خير وان شاءالله ..بس أصبروا ..عطونا فرصه ..
    هالكلام ينعاد من خمس شهور :D

    وسلامتك
     
  8. جابر

    جابر قــلــم بــتــرولــي أعضاء الشرف

    وياك أجمعين يانمر ..ويعطيك العافيه على هالدعوه :d
     
  9. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    الله يعينك يا جابر على ........................................؟
     
  10. جابر

    جابر قــلــم بــتــرولــي أعضاء الشرف

    اجر الجهااااااااااااااااد إن شاءالله ..لا وداخل علينا رمضان ..يعنى دبل :D
     
  11. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    ههههههههههههههههههههههههههههههههههههههههههههههههههههههههههههههه
    ما اقووووول الا الصبر الصبر الصبر على رمضان وعلى .........................؟
     
  12. KGOC_Khafji

    KGOC_Khafji بـترولـي نشيط

    124
    0
    0
    Mechanical Engineer
    يا حكيم المنتدى يا جابر :

    إصبر قليلا فبعد العسر تيسير
    وكل وقت له أمر وتدبير
    وللمهيمن في حالاتنا نظر
    وفوق تدبيرنا لله تدبير

    إن للصابر أجرا
    وسموا لدرج
    ليس في الصبر عناء
    من بلاء وحرج
    فهو سر مستسر
    وهو مفتاح الفرج


    فليكن شعارنا الصبر على نقابتنا:rolleyes: .... وعسى الله يجيب العواقب سليمة والله يوفق الجميع :D

    بصراحة يا الربع : إن حلت النقابة الحالية قضية العقود سنكتب اسم القائمين عليها بحروف من ذهب وسيخلد ذكر أعضاءها للأبد

    فيا نقابتنا الله يوفقكم انشاء الله

    وأقول:

    إني أرى رقم البلا في رأسكم قد نزل
    وأراكم تعثرون دائما في كل يوم بالعلل
    والشيب والعلل الكثيرة من علامات الأجل
    فاعملوا لنفسك أيها الزملاء في وقت العمل
     
  13. العوضي

    العوضي بـترولـي خـاص

    1,054
    3
    0
    راح يكون في تصريح من النقابة فيما بعد
     
  14. جابر

    جابر قــلــم بــتــرولــي أعضاء الشرف

    هذى الردود الى نبى نسمع (مشابه) لها ...مو ..:mad:..
    دايما مفييييييييد يالعوضى ..بس متى .. يوم ، اسبوع ، شهر :)
     
  15. جابر

    جابر قــلــم بــتــرولــي أعضاء الشرف

    الله يرضى عليك KGOC_Khafji...محد وده يخسر زملاء له ..و مستعدين نصبررررررررر ...بس شوىة معلوماااااااااااااااات مو معقوله كل شى سرى ..

    واذا طلبنا المعلومات ...انهدوا (ربعهم ) يكيلوون التهم ..يعنى لاتسأل والا نقول عنكم (مصاحب) الأداره..ونقول أنت قصدك تبّين للأداره خططنا .:mad:

    شوى شوى ..وينقال كنا ناوييين ونحتل مبنى الأداره بالأحمدى ونجيب حقوقكم غصب ، بس المنتدى (كشف) استراتيجيتنا :D

    ابسط انواع الرقابه ..طلب معلومات ...مانبى تفاصيل (المساومات)...لكن .يعنى صعبه ينقال ..والله نتابعها بالمحكمه ..وهذا رقم القضيه ..او ان شاء الله خلال شهر نبلغكم بكل تأكيد عن سالفة العقود ...

    شلوون تحاسب (اداره) أو (نقابه) ..اذا مو مستعده تقولك هى شتسوى.. ولا مستعده توعدك بأى شى ..ولا ترسل لك الا اعلانات ....يعنى لازم تنطر انتهاء المده القانونيه لها ..وبعدها تكون الطيور طارت بأرزاقها :mad:

    يقولون أصبر وحسن النيه ..نقولون سمعنا وأطعنا ..وطار الكادر..
    وصار الرد الرسمى (احمدوا ربكم ..انتو اصلا مالكم شى غير 120)

    وفرق العمله كان بقضيه ..يعنى مو نتيجة مساومات مع الأداره ..يعنى لو كان بمساومات والله لنشيب ماحصلناه :mad: ...جزالله خير اللى أسس وتابع وانجز ..

    الناس اللى تقول إن الحصول على المعلومات سهل من النقابه ...صدقنى (يجاملوون;)) ..لو سهله ..مو من خمس شهور نطالب فيها ..وهم ويانا (معارك وهواش) ..ومحد فيهم قدر يوصل ويجيب شى ...

    ندرى أن الصبر زين ..لكن مافيه شى يحيى قلبهم الا اذا فيه ناس تسأل ..ولا سلم على العقود مثل ماسلمنا على الكادر ...
     
  16. نقابي مفصول

    نقابي مفصول بـترولـي نشيط

    79
    0
    0
    القلوب الحيه موجوده لكن وين اللي يفهم واللي يجتهد .. لاجيبو لي معلومات في المنتدى

    جابر هذي مصلحتك والنقابه بروحها ماتسوي شي بدونا (اعضاء الجمعيه العموميه ) انا وانت والثاني والثالت نجتهد مع النقابه لمصلحتنا نعمل زياره لهم ونشوف شنو عندهم ونتناقش معاهم ونطلب منهم ونقترح عليهم


    واقسم لك بالله ياجابر انه مالي ولد عم ولا قريب ولا بعيد في النقابه لكن قلوبهم مفتوحه للجميع ندخل عليهم ونطلع ونسأل عن اللي نبيه وبالعكس من تدخل تحس انه هناك ناس تعمل خليه نحل الله يبارك فيهم ويعطيهم على قد نيتهم ويوفقهم لما يحبه ويرضاه وبنوقف معاهم الى النهايه الى ان تتحقق مطالبنا



    جابر صف نيتك وريحك بالك وعط مصلحتك بعض الوقت واسعى مع اخوانك وساعدهم انه يجيبون حقوقك

    والسلام ختام



    ردي عليك بالاحمر والازرق بعض الاحيان وشكرا واسف على الاطاله
     
  17. جابر

    جابر قــلــم بــتــرولــي أعضاء الشرف

    عادى خذ راحتك ..وان كانك عقدتنى ;) ..شلوون أبى أرد عليك بشكل منظم ..أضمن فيه أن كل أستفساراتك مجاب عليها ..راح أرد على اللى قدامى هالحين ...داخل النص بالأحمر
     
  18. جابر

    جابر قــلــم بــتــرولــي أعضاء الشرف

    تعبتنا معاك ..يانقابى مفصول ..بس حتى مانخسرك ..حاولت أرد على كل أستفساراتك مع أن بعضها ماعجبنى طريقة كتابته:eek:
    ردودك بالأزرق وردى بالأحمر

    ياجابر يعني كل التصاريح اللي في الجرايد اللي كل يوم تنزل في المنتدى ماوصلت لك اي معلومه
    الامور اللي وصلت لها النقابه مع الشركه من صدام وتصعيد ولحد الان لم تصلك اي معلومه


    ماقلنا شى ..قاعد توصل لنا صور التصاريح ..ومعلومات أجتماعيه ..شى حلو ..يوضح أهتمام النقابه بالجانب الأعلامى ..وهذا حقها .....لكن هذى تصاريح ..حنا أتفقنا (انا وأنت) أن هناك أمور كثيره وانت نقابى ومن أهل الخفجى
    اذا تصر وتبينى أعددها لك ...راح أغير نظرتى فيك ;) ...لكن أهمها العقود ...التصاريح اللى ترسل أنا أشوفها يوميا بالجرايد مهى معلومات حصريه..


    ياجابر لازم تفهم انه كل نقابه ولها طريقتها في اداره الامور ولها سياستها في التعامل مع قضاياها
    قضايا نفط الخليج شائكه بسبب اشتراكها مع شركه اخرى وفي دوله اخرى وايضا في الوفره لها شريك
    اللي يهمك مصلحتك كعامل وحقوقك ولا انا غلطان


    كلام جميل ماادرش أقوووول حاجه عنه :D

    النقابه قاعده تشتغل والكل شهد لها بذلك الا انت ياجابر ماهو المطلوب عشان يرضون خاطرك

    الكل يشهد بأنجاز فرق العمله ..عباره صحيحه ..
    الكل يشهد ..ان فيه حركه كبيره ..بعد حادثة أحالة الكندرى ..هم عباره صحيحه ..
    لكنى (مثل غيرى) أبى أعرف شيشتغلوووون عليه ...عقودنا ..حلالنا ..والا حلال غيرنا
    :D

    قلنا لك اعمل زياره للنقابه مثل ماعملنا واستفسرنا عن كل مانريد وجلسنا مع الاعضاء واطلعنا على سير العمل وبعض المستندات لكن انت ياجابر فيه شي يردك ولا اعلم هذا النظره التشائميه من ناحيه اخواننا في النقابه ولا اعلم سر عدم اقتناعك بزياره النقابه .. ياخي هذا حقك وهم يعملون من اجلك روح وشوف وناقش وحاسب واقترح وقول كل اللي في خاطرك قوله.....

    تم الرد عليه بمكان أخر

    سوالك في المنتدى ماهو سوال وماهي ملزمه النقابه بالرد على اسألتك في المنتدى وماهي الحجه لالزامها بالرد عليك في المنتدى


    صح ..مافى أحد يقدر يلزم أحد ..لكن اللى ماعنده شى يخفيه ..ليش يمتنع ..واللى له علاقات ممتازه مع النقابه الحاليه ليش ياترى مايردون بدلا عن مهاجمة صاحب السؤال :rolleyes:

    سوال لك هل حاولت الاتصال باحد الاعضاء اذا انت ممتنع عن الذهاب للنقابه ارجو الاجابه بكل امانه وصدق؟

    ماكو داعى للزمه الأخيره ;) : رحت مرتين وكلامى ..كان مع العسكر شخصيا ..لأن أهل الوفره عارف مسبقا أن مصالحنا فيها تعارض مع مصالحهم ..الرجل كان مؤدب ..لكن ماحصلنا علم ينقل أو يستفاد منه ..

    أنت تقول : شوى شوى ..وينقال كنا ناوييين ونحتل مبنى الأداره بالأحمدى ونجيب حقوقكم غصب ، بس المنتدى (كشف) استراتيجيتنا ...هذا انت ياجابر بدأت تستهزأ باخوانك في النقابه وتتمسخر عليهم ....

    هذا رد مقصود فيه شخص قام يلمز على انى أطلب المعلومات بالمنتدى علشان أوديها الأداره ..شتبينى ارد عليه :D

    ياخي البيانات اللي ترسلها النقابه لايميلك في الدوام موعاجبتك عن القضيه السابقه وهي قضيه فرق العمله وما اتوقع فيه قضيه للعقود في المحكمه عشان ترسل لك معلومات عن رقم القضيه اما اذا عندك معلومات عنها نورنا

    نأخذها بحسن نيه :D: فرق العمله أتفقنا عليه ..شغل ميه ميه
    بس تعال : ليش مافيه قضيه على العقود ..النقابه مو عندها حكم جاهز بأسم فارس ومفروض يكون فيه أولويه على تعميم الحكم على كافة الموظفين :mad:..لو عندى معلومه ..ماراح أقول تعال لى البيت واشرب فنجال قهوه واقول لك ..أو أدزها على الخاص ..كنت راح أحطها للجميع ..يستفيدون ويدعون لى بالخير ...وانت أقرب منى للمصدر ;)


    تقول : "شلوون تحاسب (اداره) أو (نقابه) ..اذا مو مستعده تقولك هى شتسوى.. ولا مستعده توعدك بأى شى ..ولا ترسل لك الا اعلانات ....يعنى لازم تنطر انتهاء المده القانونيه لها ..وبعدها تكون الطيور طارت بأرزاقها" ..ماهي المده القانونيه ياليت تنورني ... منكم نستفيد

    بدينا نزعل منك :D : المده القانونيه لها ...(لها) تعود على مدة مجلس النقابه المتبقيه ...

    تقول : "يقولون أصبر وحسن النيه ..نقولون سمعنا وأطعنا ..وطار الكادر..
    وصار الرد الرسمى (احمدوا ربكم ..انتو اصلا مالكم شى غير 120)"
    ياليت تزودنا بهذا الرد الرسمي ليطلع عليه الجميع اخوي جابر .. اكون شاكر لك


    هذا مربط الفرس وأهم شى بهالردود كلها ..سالفة وعذر علشان محد يجاوبنا ..وكل واحد يدزك على مبنى النقابه...تروح للنقابه ..و تسأل ..يجاوبونك ...تحط الرد...يطلع أحد فى المنتدى ..ويقولك أثبت أنهم قالولك ..طيب أنتو جيبوا الرد ;)..يقولك لا ..أنت روح بنفسك ..الله يعينا عليكم ياعسل :D..

    تقول :"وفرق العمله كان بقضيه ..يعنى مو نتيجة مساومات مع الأداره ..يعنى لو كان بمساومات والله لنشيب ماحصلناه ...جزالله خير اللى أسس وتابع وانجز .."رجعت مره ثانيه تستهزأ بعمل النقابه مع انها جابته بنتيجه افضل من المتوقع بجهود مستشار النقابه النشيط حلمي حلاوه وبمتابعه الاخوان الاعضاء وحرصهم على تحقيق الافضل للعمال ولم تنكر النقابه من اسس هذا الانجاز وذكر في بيانها .. لكن هذا اكبر دليل على ان قناعتك بان النقابه الحاليه لاتصلح مهما عملت ومهما حققت

    مافيه أستهزاء.. أنت اللى حساس ..هذا سرد لواقعه ..وفرق العمله محد أنكره عليهم ..والفضل الأكبر (برأى الشخصى) لهم وان كان من بذر البذره له بعد فضل ...والا هذى غلط سبحان الله فى طبعك :D

    سلامتك اخوي جابر اسهل منه مافيه فنجال قهوه وقعده ربع ساعه في النقابه وتاخذ اللي تبي لكن اللي ماخذ موقف ويتمنى الفشل للنقابه يقول هذا الكلام

    مالى مصلحه شخصيه بفشلهم ...بالعكس فشلهم يمكن يحملنا تبعات فى السنوات القادمه صعب تنحل ..ونتمنى لهم التوفيق ...لكن مانغمض عيوننا عن عيوبهم الا اذا عرفنا أنها بسيطه مقارنة بالمكسب العمالى..مانبى ننقاد لحفره مثل حفرة الكادر ..

    بعدين المعارك والهواش مع منو .. كلها في المنتدى ومنو اللي ماقدر يوصل ويجيب شي ..بيانات وتصاريح ولا وصلك شي

    المعارك مع مؤيدى النقابه اللى مستعدين يهاجمون أى شخص ..قبل لايفهمون شنو يبى ..بمجرد مايعرفون أن السؤال عن كفاءة النقابه أو أشاره لنقص فيها ..والمنتدى مترووس:D..اما التصاريح ردينا عليها بمكان ثانى أكثر من مره

    والسلام ختام :D
     
  19. KGOC_Khafji

    KGOC_Khafji بـترولـي نشيط

    124
    0
    0
    Mechanical Engineer

    صح الله لسانك يا جابر ومشكور عالرد
    كلامك صحيح وما عليه خلاف
    للأسف النقابة أصبحت تساوم على حقوقنا وأكبردليل على هالشي هو انجازهم المخيب للآمال كادر بوخمس دنانير
    يالربع هذي حقوقنا ورزقتنا ورزقة عيالنا أرجوكم حافظوا عالأمانة ترى الوضع لا يستحمل لأي مساومات أخرى

    وإذا على إنجاز الرائع "فرق العملة" لهم جزيل الشكر والعرفان على المتابعة والتنفيذ والكل يشهد لهم وهذا إحدى ثمرات المجالس السابقة والشكر موصول لهم بعد ونتمنى يكونون على نفس الوتيرة بالرغم ان هالانجاز كان بحكم محكمة مومساومات

    الزوبعة الإعلامية الأخيرة :
    كان لازم تصير للإظهار قوة وقدرة النقابة وتوجيه الرأي العام صوب مشاكل موظفين نفط الخليج عموما والخفجي خصوصا كونها مادة دسمة وواضحة
    ومشكلة الكندري خذت أكبرمن حجمها رغم إن التحقيق وقف (suspend) كان لازم إستغلال هالوضع وذكر صريح بنقاط مرتبة بالمشاكل اللي يعانون منها الموظفين والتصريح بالأعلام والصحف المحلية وأيضا توصيل الأمر أمانة مجلس الوزراء وشد انتباهم مو بس للتحقيق مع الكندري لكن للمشاكل بشكل عام والتهديد برفع قضايا إن استدعى الأمر

    وعتبنا على النقابة إنها ماهي واضحة في توجها العام والأولويات لم يصرح عنها لغاية هاللحظة وأغلب الالقاءات اللي تمت معاهم أقصد فرد فرد "كل واحد له كلام غير عن الثاني والواضح إنهم منقسمين ولا شنو تفسير كل واحد يدلي بتصريح غير عن الثاني وهذا يدل على إن سلم الأولويات غير منظم

    الدعوة للتواصل:
    أعتقد يالربع النقابة دائما تذكر هالعنوان وهذا شيء طيب
    وأعتقد بعد إن هالمنتدى وسيلة للتواصل
    انزين شنو اللي يمنع نتواصل من خلال هالمنتدى من غير مانعني نفسنا للأحمدي ونشوف الشباب
    ومنها أشوف دعوة الحكيم جابر " واسمحلي يا جابر أطلق عليك هاللقب" سليمة وما فيها شي غلط وما تستدعي كل هذا الهجوم الغير مبرر مجرد إن الحكيم جابر طلب من اللي عنده معلومة يفيد زملاءه فيها ويحطها في المنتدى


    يصاب الفتى من عثرة بلسانه
    وليس يصاب المرء من عثرة الرجل
    فعثرته في القول تذهب رأسه
    وعثرته بالرجل تبرا على مهل
     
  20. عامل نفطي

    عامل نفطي بـترولـي نشيط جدا

    288
    0
    0
    الاخ نقابي مفصول ... اعانك الله..

    النقابة تقوم بدورها على أكمل وجه ... حتى الآن .. وهم مجتهدين والله يوفقهم ...

    الجميع يشهد للنقابة مخالفين ومؤيدين على انها حصلت على مكتسبات في فترة وجيزة 4 شهور .. والبقية سوف تأتي تبعا بإذن الله ..

    الأدارة منذ البداية ترغب في الصدام وليس في حل المشاكل العالقة ... وكان درس النقابة لهم قاسي ..

    مسألة العقود لم تحلها النقابات السابقة في 4 سنوات ... ومطلوب من النقابة الجديدة حلها في 4 شهور .. هي وغيرها من القضايا الشائكة ...

    من لديه استفسار يذهب للنقابة مباشرة .. وسوف يحصل على التوضيح الكامل .. حتى لو اراد ان يطلع على المرسلات و المتابعات و القضايا فسوف يطلع عليها ..

    من اراد ان ينتقد النقابة فهذا من حقة .... ومن اراد ان ينتقد النقابة دوما فلن تغير رأية ... فهو مبرمج على ذلك ..

    ردودك دائما تعجبني .. لذلك رديت عليك ... وتقبل تحياتي ..
     
جاري تحميل الصفحة...

مشاركة هذه الصفحة