من ولده .. منو تعرف بالشركة ؟؟!!

الكاتب : طموحة | المشاهدات : 2,031 | الردود : 27 | ‏23 أغسطس 2008
حالة الموضوع:
مغلق
  1. طموحة

    طموحة بـترولـي نشيط

    130
    0
    0
    مرحبا يا اخوان

    عندي سؤال ..

    ليش بالمقابلة يسألون اذا لي اقرباء يشتغلون بالمؤسسة و الا لأ

    انا اللي راح اشتغل و الا اهلي .. !

    بصراحة ماني عارفة يعتبرون افضل يكون لي اقرباء بالمؤسسة و الا لأ ..

    لا و بالاعلان الحين .. حاطين .. هل والدك او والدتك يعملون بالمؤسسة ؟ و ما هو الرقم الوظيفي ؟

    شنو الهدف من السؤال ؟!

    انا ابوي كان مهندس بالشركة بس متقاعد ..و الله يسلمه مثالي وايد مو راضي يشوف لي واسطة :( يقول ما اعرف احد ربعي كلهم تقاعدوا

    اتمنى تشرحون لي ..
     
  2. MAB12

    MAB12 بـترولـي مميز

    يسئلون السؤال هذا يبون يشوفون يصيرون لج مسؤولين كبار ولا لاء ؟

    اذا اجابتج نعم بقولون لج سلمي عليهم واحنا ماراح نقصر .... واذا اجابتج لاء ( الله يعينج )

    سلميني على الوالد ( الله يطول بعمره ) وقولي له بدون فيتامين واو ماراح تمشي الامور


    اسف حبطت فيج


    تقبلي مروري
     
  3. خميس الخامس عشر

    خميس الخامس عشر بـترولـي خـاص أعضاء الشرف

    والله شوفو اولا السؤال اذا يصير لك احد.. اللي يسالون عنه هل هو مرضي عنه والا ضدهم
    لان المؤسسه منقسمه حزبين الآن قسم يتبع الرئيس وقسم يتبع احد الاعضاء المنتدبين اللي عروقهم في
    في قاع المحيط ...

    فاذا انتي راح تكونين تبع اي حزب لاضبط؟

    وبعدين الواسطه يفضل تكون حدسيه عشان تتسلك الامور بسرعه عند الوزير او سعد الشويب فقط لاغير ولاتعبين حالك لاحد غيرهم..
    ومهم جدا ممن ليست من مهاجمين السرقه اللي يسمونها المصفاة الرابعه...


    وبعدين الشهاده والقدرات من لغه وخلافه..

    الاهم اذا الله كاتب لج رزق راح تلاقينه .. اسعى ياعبدي وانا اسعى معك..

    موفقه خير انشالله ..
     
  4. طموحة

    طموحة بـترولـي نشيط

    130
    0
    0
    مشكورين عالرد اخواني

    و الله كريم و عسى الله يكتب اللي فيه الخير و يوفقنا جميعا

    و الله ما عندي واسطة غير ربي ,, و عسى الله يرزقنا ان شاء الله
     
  5. خميس الخامس عشر

    خميس الخامس عشر بـترولـي خـاص أعضاء الشرف

    ادعي ربج في رمضان اذا فيها خير الله يكتبها لج واذا فيها شر الله يردها عنج...

    مع اني ما احبذ وظيفة البنت في القطاع النفطي لانها تحرمها من ترابطها الاسري ورعاية الزوج والاولاد لانه فيه دوامات من 8 الصبح الى 4 العصر وهذا اذا ماتاخرت في اجتماع او لجنه او ظروف عمليه اخرى... وهذا رايي الشخصي

    والله اني لك من الناصحين القطاع النفطي مو مثل اول صار احزاب ومؤامرات وحفر وخبث عملي وتحقير وتجميد مايتصوره الا اللي في داخل القطلع او حاشه طشار .. الكويتي دائما مذموم سواء كان كفاءه او غيره والاجنبي هو اللي ياكلها والعه.. ياهندي والا فلسطيني والا مصري المهم انه قريب من المسؤليين ويريحهم لا بل يعتمدون عليه كليا بالعمل ويثقون به ثقه عمياء..

    الله يسهل امرك اختي وانشالله ندعو لج بالتوفيق...
     
  6. MAB12

    MAB12 بـترولـي مميز

    والنعم بالله

    وانتي قدمي وخلي املج بالله سبحانه وماراح تاخذين اللا نصيبج

    بالتوفيق انشالله

    تقبلي مروري
     
  7. NokiaCity

    NokiaCity بـترولـي نشيط جدا

    انا ما سألوني هالسؤال .. مع ان هالسؤال الوحيد اللي كنت اتمنى يسألوني اياه .. لوووول
     
  8. MAB12

    MAB12 بـترولـي مميز


    يعني الواسطه مضمونه عندك :D ... بالتوفيق انشالله
     
  9. طموحة

    طموحة بـترولـي نشيط

    130
    0
    0
    و الله معاك حق اخوي الدوام المتأخر ياخذ النهار كله و الواحد يصير منقطع عن الدنيا

    الله يكتب اللي فيه الخير ان شاء الله

    و الف شكر لك على الدعوة الحلوة و ادعو لك بالمثل و احسن ان شاء الله

    شاكرة مرورك
     
  10. طموحة

    طموحة بـترولـي نشيط

    130
    0
    0
    اي و الله يا اخوي صحيح كلامك

    و المثل يقول لو تكد كد الوحوش غير رزقك ما تحوش

    شكرا لمرورك الكريم
     
  11. النوخذه

    النوخذه بـترولـي مميز

    517
    0
    0
    مراقب
    الكويت
    السلام عليكم
    السؤال هذا طبيعي والي عنده اقارب له الاولويه وهذي ميزه بالقطاع النفطي مو مثل ماتفضلوا فيه الاخوه علشان الواسطه وانتي ابوج متقاعد يعني عندج اقارب من الدرجه الاولى حتى لو متقاعد . يعني لو في وحده مسجله معاج وعندها نفس مميزاتج ومعدلج هني انتي راح تفرقين عنها لان عندج اقارب ان شاء الله وصلت المعلومه والله يوفقج
     
  12. knpcman

    knpcman بـترولـي نشيط

    70
    0
    0

    كلام سليم 100 % ...

    الأولوية للتوظيف للأبناء العاملين في القطاع النفطي ....
     
  13. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    إلى الفاضلة "طموحة"


    أنا متفائل خير لأن نكج "طموحة"
    إن شاء الله يقبلونج...
    كوني طموحة دائما أختي الفاضلة والله يكتب لج إللي فيه الخير وتكونين زميلة لنا.

    أخوك الطموح/ كويت أويلر
     
  14. brilliant

    brilliant المـراقب الـعـام

    8,477
    0
    0
    Engineer
    Kuwait
    الهدف من السؤال ان هناك قانون يمنع وجود اقرباء من الدرجه الاولى في قسم واحد

    الهدف من السؤال انهم مايحطونك مع احد اقربائك من الدرجه الاولى في قسم واحد
     
  15. طموحة

    طموحة بـترولـي نشيط

    130
    0
    0
    و عليكم السلام

    الله يسمع منك يا النوخذة و الله يكتب اللي فيه الخير

    شاكرة مرورك اخوي و عسى الله يوفقنا و اياك


    الله يسمع منك

    مشكور لمرورك الكريم
     
  16. طموحة

    طموحة بـترولـي نشيط

    130
    0
    0
    مشكور اخوي على رفع المعنويات و عسى الله يوفقك و ان شاء الله نشوفك بأعلى المراكز


    و انا فعلا طموحة .. و رشحني ديوان الخدمة بوزارة الشؤون و رفضت و رشحني بوزارة الداخلية و رفضت مع اني محتاجة الوظيفة .. بس والله مو هاينة علي نفسي اقعد ورا مكتب و آكل و سوالف و شغل وزارات

    احب اشتغل و ارضي نفسي بمكان زين :)




    شكرا للمعلومة اخوي و الله يعطيك العافية

    الله يوفقنا لما فيه الخير أجمعين

    شكرا لمرورك الكريم
     
  17. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    أنا أسمع بهالقانون بس ما شوفه مطبق عندنا 100% والدليل يوجد أب موظف عياله عنده وزاد عليهم عيال عمهم وعيال خالهم وخالتهم وبعد ما بقولك العايلة كلها تقريبا... وأعتقد لو تشوفون إصدارات مجلة الشركة راح تلاحظون هذا الشي و وجود الكثير من صلات القرابة من الدرجة الأولى والثانية وفي قسم واحد (يعني مو شرط عاد يكونون بنفس المكتب) يعني مثلا" مثلا" إخوان بنفس القسم بس واحد يداوم زام النهار والثاني يداوم بشفت الليل أو واحد يداوم بالوست وأخوه الثاني يداوم بالنورث... أخي الفاضل يا ريت تحط صورة من القانون عالمنتدى عشان نوري المسئولين عساهم يتقيدون فيه بس.

    ومشكور يا خوي بريليانت
     
  18. Q825

    Q825 بـترولـي مميز

    500
    0
    0
    بالعكس انا ماشوف لها ميزه وايد

    والله قدمت السنه الي طافت وابوي ب koc واخوي الكبير ب kpc مهندس وغير عمامي وخوالي بالنفط ومعدلي 2.8 وتخصصي علوم كمبيوتر وماخذوني واعرف ناس معدلهم بس نقطتين وماعندهم احد بالنفط وخذوهم ونفس تخصصي وخذوهم فهالميزه مالها شغل :(
     
  19. knpcman

    knpcman بـترولـي نشيط

    70
    0
    0
    أتوقع هذي السنة فقط ... تم تطبيق ... الأولوية لأبناء العاملين بالقطاع النفطي ..


    أما اذا معدلك 2.8 .. و أختارو ناس أقل منك .... وجميعكم ناجح بالمقابلة و الأختبارات ,,,,

    شي مرفوظ ... ومالك الاا السكوا لله سبحانه ....

    و أنشاء الله خيره لك ........
     
  20. Q825

    Q825 بـترولـي مميز

    500
    0
    0
    كنت اسمع نفس هالكلام سنه الي طافت اولويه حق عيال موظفين ولا خذوني

    اللله يسمع منك يطبقونه هالسنه
     
جاري تحميل الصفحة...
حالة الموضوع:
مغلق

مشاركة هذه الصفحة