بشرى ساره لجميع مرضى السكر ( تعويض 63 الف دينار)

الكاتب : فيصل العجمي | المشاهدات : 6,030 | الردود : 58 | ‏21 أغسطس 2008
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    بشرى ساره لجميع موظفي القطاع النفطي

    تعويض لجميع مرضى السكري بمبلغ 63 الف دينار كويتي

    الكلام أعلاه ليس ضرباً من الخيال ,, بل هي حقيقة ,, فمن المعروف ان جميع الموظفين سواسيه في القطاع النفطي ولا يوجد هناك تفرقه بين موظف وأخر .. وبما ان الكثير من موظفي القطاع النفطي مرضى سكر فرأينا أنه من الواجب ابلاغهم بهذه البشرى الطيبه.. فقد تم تعويض موظف في شركة البترول الوطنية بمبلغ 63 الف دينار كويتي بسبب إصابته بمرض السكر المزمن (يمكن قبل لا يتوظف بعد) طبعا قرار المجلس الطبي بالموافقة كان لسبب مقنع جدا جدا وهو / مضاعفات مرض السكر على أعصاب المريض.

    طبعا هناك إشكاليه وحده قد تواجه الكثير من المستفيدين من هذا التعويض .. وهي ان أول شخص تم تعويضه يعمل بوظيفة طبيب في إحدى عيادات مصافي شركة البترول الوطنية .. أحد اعضاء المجلس الطبي وهي طبيبه من نفس جنسيته وابن أخوها يعمل صيدلاني في احدى عيادات المصافي وحصل على بونص هذه السنه مع انه يعتبر أخر صيدلاني يتم تعيينه وهناك من هم أقدم منه وأحق منه .. ولكن هذا البونص كان بمثابة رد الجميل لعمته التي قامت بالواجب وزيادة مع صاحبنا مريض السكر اللي اخذ تعويض وللأسف لم يطلع تقاعد.

    من يقرأ هذه القصه قد يعتقد أننا في بلد أخر غير الكويت .. ولكن للاسف ان هذه الأمور تحدث في الكويت ومن موظفين من جنسية عربية نحترم شعبها ولكنهم شكلوا مايشبه اللوبي في القسم الطبي.
    فإن كان هناك عدل ومساواة لدى شركة البترول الوطنية وباقي شركات القطاع النفطي فإن أبناء البلد مرضى السكر أولى بهذا التعويض .

    ونحن من هذا المنبر نوجه نداء للسيد سعد الشويب والسيد فاروق الزنكي للتحقيق في هذا الأمر وإعطاء كل ذي حق حقه .. وللعلم فهناك المزيد والمزيد من التجاوزات في القسم الطبي سنقوم بطرحها لاحقاً إن شاءالله.
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    هذه الاخبار الدسمة يا بو عبدالله ، و الله يكافينا وياكم الأمراض و فعلا المساواة أو التحقق من الامر
     
  3. كنبس

    كنبس بـترولـي مميز

    814
    0
    0
    تسلم لنا على البشرى هذى
    وكلنا فينا سكر الحين وراح نطالب اسوه بهذا المتمارض الى قبض بالواسطه
    وراح نطالب ونوصلها للاعلى ان شاء الله
     
  4. dehen_3ood

    dehen_3ood بـترولـي خـاص أعضاء الشرف

    خوش بشارة والله .. عسى الله يبشرك بكل خير إن شاء الله

    وعسى الله يكافينا وإياكم شر الأمراض ..
     
  5. frfosha

    frfosha بـترولـي مميز

    753
    0
    0
    Q8 خل اقول حق مسؤولي عيل لانه قاعد يبني بيته واكيد تنفعه 63 الف دينار ، والله فوضى والله خراطه السالفه والله لو انما منك يا بو عبدالله اقول اسم الدكتور وباي مصفاة عشان نقدر انقول ونتحجى عن التجاوزات ،تدري شنو 63 الف كويتي يعني اذا كان مصري شرى الاهرام واذا كان لبناني شرى يمكن الاشرفيه واذا كان سوري شرى 3 محلات بنجرجي وعاش مبسوط ، الله يعينك يا الكويتي اللي 63 الف يمكن تروح فيهم الصين حق بيتك ويالله تقدر تخلصه
     
  6. ابيك ترتاح

    ابيك ترتاح بـترولـي نشيط

    86
    0
    0
    ابشركـم مدام انه هذا الدكتور غير كويتي ما راح يصير شي

    ربعنا بس يطلعون شطارتهم و فلسفتهم على الكويتيين

    الاجنبي يكسر خاطرهم
     
  7. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    الأمر بسيط يا أخوان .. ضبطوا علاقاتكم مع المجلس الطبي وخلصوا لهم معاملات او ضبطهم في مجال عملك وراح تاخذ التعويض اللي تبيه.. طبعا الأولوية لغير الكويتي لانه مايسولف واجد:)
     
  8. ابيك ترتاح

    ابيك ترتاح بـترولـي نشيط

    86
    0
    0
    اي والله و انت الصــاج Q8

    بس يا خوي مال الحرام ما يدوووم

    تستانس فيه يوم او يومين او شهر او حتى سـنة و تخلص الفلوس

    بس المصيبـة لمن يطلع هالحرام بمرض حقيقي فيك

    او في اهل او عيالك .. ساعتها ملايين الدنيا ما نفكك
     
  9. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    اذا كان هذا الأمر حصل في القطاع النفطي
    فنطالب فقط بالمساواة لكل زملائنا المرضى الذين يعانون من هذا المرض المزمن
    وأيضا نطالب لمرضى الضغط .. هذا من مبدأ المساواة
     
  10. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للعلم يا اخوان السالفه ماصار لها شهرين
     
  11. man2003

    man2003 بـترولـي جـديـد

    14
    0
    1
    أعتقد هذا طبيعي جدا...

    انت في الكويت...

    و الحاصل على التعويض غير كويتي...

    ووراه ظهر قوي و ربما يكون قوي جدا...

    يعني ما نقول حق الكويتيين الا اكلو خـــ....... و اشتغلو و انتو ساكتين أحسن لكم...

    والا نييب غير كويتيين يشتغلون بدالكم و انحطكم على الرف...

    لا ، ونحطهم مسؤولين عليكم بعد سواء كان يستحق والا ما يستحق...

    و التاريخ خير دليل على ذلك...

    نسيتوا لما كان الغير كويتيين يحصلون على بدلات مدارس لعيالهم...

    نسيتوا لما الغير كويتيين كانوا يحصلون على تأمين صحي لجميع افراد اسرهم...

    نسيتوا لما كانوا الغير كويتيين كانوا يحصلون على نهاية خدمه أكثر من الكويتيين نفسهم...

    والا اذكركم أحسن...

    لا حول و لا قوة الا بالله...

    وحسبنا الله و نعم الوكيل...
     
  12. ابيك ترتاح

    ابيك ترتاح بـترولـي نشيط

    86
    0
    0
    اشطر ناس بالعالم بالكلام الكويتيين

    و احسن ناس نحترم الاجانب و نفضلهم على انفسنا

    و بالنهايــة شنو محصلين ولا شي

    والله لو انت بديرتهم جان سووا فيك علوووووووووم

    شوف الترقيــع اللي راح يصير حق هذا الدكتور و يطلعونه مثل الشعرة من العجين

    و لو كويتي جان يتلقفونه و ما يدري منو طقاقـة
     
  13. العود

    العود بـترولـي جـديـد

    20
    0
    1
    نفط الكويت
    كويت العز
    الله يسامحك حق عوار القلب مشكور اخوي علي الخبرية وانشالله ربعنا يستفدون مثلهم
     
  14. كنبس

    كنبس بـترولـي مميز

    814
    0
    0
    بس بس بسسسسسسسسسسسس
    ترى رفعتو السكر عندي
     
  15. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    ترى كل مارتفع كل مازاد التعويض:)
     
  16. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    أملنا ان شاءالله كبير في السيد سعد الشويب والسيد فاروق الزنكي
    واتمنى من جميع الأخوان المشاركين ان يتفائلوا بالخير ان شاءالله

    الكويت واهلها مازالوا بخير وان شاءالله مثل هذا التلاعب لن يمر مرور الكرام
     
  17. ابيك ترتاح

    ابيك ترتاح بـترولـي نشيط

    86
    0
    0
    كنبس اشعليك بيطلع لك 63 ألف بس مو دينار تومان لانك كويتي

    اذا اجنبي تاخذ المبلغ بالدينار
     
  18. frfosha

    frfosha بـترولـي مميز

    753
    0
    0
    الوسام عاش من شافك يا خوي اشلونك وشخبارك اختك لصغيره فرفوشا ،، وي الحين يقول كبرتيني
     
  19. موكل على الله

    موكل على الله بـترولـي جـديـد

    6
    0
    0
    يا جماعه بسكم حسد

    والله ماذبحنا في ذالديره الا الحسد والنميمه والحقد والقلوب السوداء

    يمكن فيه قانون يعوض المصابين بالسكر ما تدرون عنه

    و الله يرزق المسلمين
     
  20. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    اخي الكريم نحن طالبنا بالمساواة ..فإن كان هناك قانون فليطبق على الجميع
    وان لا .. فلتتم محاسبة المخطئ
     
جاري تحميل الصفحة...

مشاركة هذه الصفحة