هل تستطيع مواجهة مسؤولك ؟

الكاتب : frfosha | المشاهدات : 970 | الردود : 14 | ‏21 أغسطس 2008
  1. frfosha

    frfosha بـترولـي مميز

    753
    0
    0
    مرحبه على الجميع ، اليوم فاجأني ايميل يطلب منى المواجهه مع مسؤولنا لمناقشة الظلم بهذا القسم وبصراحه عجبني جرأة من هم اتفقو للاجتماع بمسؤول القسم وطرح بعض المواضيع وراح يكون اجتماع صريح جدا والى الامام يا شبابنا ولا تسكت على من ظلمك ، سؤالي الآن من منكم يستطيع مواجهة مسؤوله وقول الحق لو كان على قص رقبته ؟؟؟ أتوقع الاغلب راح يقول مافي مشكله اواجه بس الكلام غير والفعل شي ثاني ولكم الاجابه يا اخوان ويا خوات
     
  2. كنبس

    كنبس بـترولـي مميز

    814
    0
    0
    مرحبا فيج اخت فرفوشه
    نعم للمواجهه ولا للذل
    مادام انتى على صح ووتشوفين شغلج صح بدون اى غلط سيري ولا يهمج منهم
    اما المواجهه مع المسؤل فتتم عن طريق الكلام والاثباتات بادله حتى يكون موقفك اقوى منه
    حتى لو يحطون اللوم عليج فلا تضعفى ولا تخافي منهم لانج ماشيه بطريق الحق
    واتمنى لو نعرف اسم المسؤل هذا حتى يعرفه الزملاء ويكون حجوه وعلج بحلوج الموظفين ويعرفون مدى تفاهته
    وحتى يعرف نفسه ويعرفونه عدل الناس ويعرف مدى ظلمه
    تحياتي لج اخت فرفوشه
     
  3. frfosha

    frfosha بـترولـي مميز

    753
    0
    0
    كنبس تابع مواضيعي وراح تعرف منو المدير اللي الكل يقصده بهالدائره وشكر جزيل على مرورك
     
  4. السراب

    السراب بـترولـي نشيط

    105
    0
    0
    مايقص الراس الا اللي ركبه

    البلد بلد مؤسسات و قوانين ودستور .......ولا يضيع حق لمظلوم وصاحبه بس يتوكل على الله .....والله يافيه ابواب بتنفتح ....فيه حواجز من ورق بتتمزق ..


    لاصار الله وياج وهو اللي بيده مفاتيح الارزاق وهو اللي بيده ارواح البشر

    خلاص انتهت عيل لا عرفتي ان الحق من الله وينزعه منهم وياخذهم اخذ عزيز مقتدر
    هذا كافي

    وبصراحه حلوه هالفكره
    لو كل قسم نادى فيها والله ترتاح النفسيات المثقله التعبه من هموم الشغل .....

    يبه اهم يبون الشغل احنا نشتغل ولا شي ثاني ...ما يطالبونا فيه ولا لهم حق فيه ابد احنا احرار ملك لانفسنا
     
  5. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    والله يافرفوشه يا أختي الحجي مو هل نستطيع مواجهة مسؤولينا ، المصيبة هل مسؤولينا يقدرون يواجهونها ؟ لأن بعض مسؤولينا ياخذون هذه المواجهة من جانب شخصاني لا موضوعية وفيها مصلحة العمل
    وإهني المصيبة يا فرفوشه
     
  6. الرحا

    الرحا بـترولـي نشيط جدا

    491
    0
    16



    الصراحه اختي فرفوشه شدني السؤال وكنت ناوي اجاوب

    بس بعد ماقريت المظلل باللون الاحمر ....قلت شنو الفايده من جوابي

    بما انك توقعتي ان اقوال الاغلبيه لا تترجمها افعال ..

    علي العموم بالتوفيق في مواجهة مسؤولك واتمني ماتكونين من مجموعة الاغلبيه اعلاه :)

    دمتي بخير
     
  7. السراب

    السراب بـترولـي نشيط

    105
    0
    0
    اعتقد ان المواجهه اللي ما يكون فيها ليش رقيت فلان.....زميلنا وليش فضلتوه علي .. ولايهمني يزعل ولا مايزعل يعني اطلع آنا فاشل جدام اهلي وربعي بره اني ماترقيت من مدة كم سنه ....... وهو يطلع بطل عند ربعه واهله.......التيم ليدر اللي قبل كان يسكت الناس ويقول لا فيه لجان تقييم ومفاضله هذا ولى زمانه ...يافرفوشه التيم ليدر الضعيف شخصيه اللي الواسطات تجيه من بره وتفاضل بين موظفينه . ويوقعونه على قرارلجنتهم الصوريه الغير عادله هذا اتركي موضوعه ووصليه بالتسلسل ......او روحي المحكمه الاداربه
     
  8. frfosha

    frfosha بـترولـي مميز

    753
    0
    0
    سؤال بو حنونه وايد عجبني واتمنى لتوفيق للجميع
     
  9. السراب

    السراب بـترولـي نشيط

    105
    0
    0
    كلام الاخ بوحنونه دايم طيب وكلامه ونقاشه دايما عقلاني مع اني ما اعرفه بس الله يخلي له حنونه و تشرفني معرفته

    الحاصل ان المواجهه يجب ان تكون مواجهه ومكاشفه كشف اوراق وحقائق اما ان شاء الله السنه اليايه او اليايات افضل من الرايحات لا اختي فرفوشه مايمشي لانه اللي مايستحي منك لاتستحي منه
    المشكله طيبتنا الزايده وحياءنا اللي توارثنا عن اهالينا وعدم تقبلنا مضرة الناس وهم يحسبون الطيبه ضعف
    المسئول النذل مثل المدرس النذل نذل واكال حق واذا جاء يتقاعد يصير شحليله .... ضحكني مره مسئول كان يخصم حتى الخمس دقايق بعد الساعه 7 صباحا ....تدرون شنو قال بكلمة الوداع قال اطلب من المسئولين انهم يرفعون درجات موظفينا زملائي . ايا النذل الحين صاير شريف الاحمدي.
     
  10. mtm

    mtm بـترولـي نشيط جدا

    419
    0
    0
    انا بصراحة بمكاني لا اشوف المسؤولين ولا يدرون عنا

    بس ان حصل وقابلته راح اقوله اي سلبية عندي وبدون ما اتردد

    لانه مثل ما انا موظف اهو موظف بس موظف مسؤول

    وشكرا
     
  11. Workers

    Workers إدارة المنتدى

    7,767
    30
    48
    ذكر
    الكويت
    وجواب الرحا وايد عجبني واتمنى لتوفيق للجميع


    واعجبني ايضاً مشاركات الاخوان كلها .. وشكراً
     
    آخر تعديل: ‏23 أغسطس 2008
  12. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    بلعكس انا بلنسبة لي والحمدلله اكلم المسؤول وكلي ثقة ولا احب الف وادور وان سالني وين كنت ووين رحت اجاوبة بصراحه واقولة كنت بلمكان الفلاني وبلعكس احس كلما قلت له الصج وماجذبت يقدرني ويعفو عني انا مره سالني مسؤولنة المدير علينه البيلة:) قالي وين تروح ماشوفك وذيك الفتره كنت ازرق جن اقوله ايي الساعه 7 والساعه 7ونص اطلع لانه ماكو شغل انصدم مني ومن صراحتي بعدين قعد ينصحني لا خصم علي ولا فصلني والحمدلله في ناس تقدر الانسان الصادق:d
     
  13. السراب

    السراب بـترولـي نشيط

    105
    0
    0

    اخوي عبدالله كلامك طيب ......لكن شرايك باللي يزرقونه باذن رسمي سنتين يخلونه يدرس بدورات المعاهد مع انه دوامها الساعه 4 يعني يمديه يريح ساعه بس اسم الله عليه بامر مدير الدائره له هالاذن ..وغيره كل شهر حصيلتهم من خصومات البصمه حتى 4 دقايق والله يحسبونها؟ شتسمي هذا في زمن سعد الشويب اللي يقولون مايخاف الا ربه ....وسمو رئيس الوزراء الشيخ / ناصر المحمد الاحمد الصباح فاتح بابه بينما علشان توصل للخصم الحكم اللي هو المدير.....يبي لك من مراقب ليما تيم ليدر ليما توصل له شوف عاد منو منهم مو مربوط ريموته مع المدير
     
  14. frfosha

    frfosha بـترولـي مميز

    753
    0
    0
    عفوا انا قصدي عجبني سؤال الرحا اسفه على الخطأ
     
  15. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    يعطيك العافية اخ السراب حبيبي احنه بديرة ماتمشي الا بلواسطة يعني الا عنده مدير ويزرقه مايداوم ويقزرها والي ماعنده يداوم 8 ساعات احنه بقسمنه واحد يمكن 3 سنوات مايداوم ليش لانه المدير موصي عليه مادري من جماعته شفت هل شخص بس مره وحده كانو شادين ويا قدم اجازه ووقعله المدير نفسه وراح بس ديرتنه من غير واسطه انت مسكين:mad:
    وشكرا
     
جاري تحميل الصفحة...

مشاركة هذه الصفحة