ممكن احد من قسم It يدش

الكاتب : Q825 | المشاهدات : 1,046 | الردود : 9 | ‏18 أغسطس 2008
  1. Q825

    Q825 بـترولـي مميز

    500
    0
    0
    السلام ...

    ياجماعه بغيت اسأل اشلون قسم IT (قسم الكمبيوتر) عندكم زين ولا لا

    اشلون المسؤولين بالقسم

    وعلى شنو يشتغلون وهل يعطون دورات حق الي بقسم It

    وشنو اكثر شي القسم هنود ولا سعوديين ولا كويتيين ولا شنو.

    شنو في مميزات خاصه حق قسم It.

    شغلهم وايد ولا اشويه ومكاتبهم زينه ولا لا.

    ويريت احد يجاوبني على هالسؤال واهو اهم سؤال شنو طبيعة شغلهم انا مقدم على وظفة محلل نظم شنو طبيعة شغل اكثر شي برمجه ولا شبكات ولا شنو.

    وشكرا لكم ...
     
  2. جابر

    جابر قــلــم بــتــرولــي أعضاء الشرف

    مدام تقول محلل نظم ...يعنى قبولك (حسب علمى) فى قسم التطبيقات Application ..يعنى مالك شغل بالشبكات.
    لاتهتم بالزين واللى موزين ..اختلاطك مع قسمك وقسمك ان شاء الله افضل قسم وكله حركه
    المكاتب كلها راح تتغير خلال سنه ومبانى جديده لنك ..

    الخبر الزين ..ان حسن العجمى (كويتى وخوش ولد ) اعلى درجه هناك ويمكن يستلم القسم (قول امييين)..:D

    شغلهم حاليا كله على الساب ...والبرمجه الموجوده (خاصه بالساب) ...

    يعنى ما أعتقد شخصيا أنهم يتوقعون منك ..الا مخ نظيف وقدرة تعلم عاليه :D

    اذا صنّفت ضمن المشروع (قسمك كله شغال على المشروع) الكورسات راح تجيك من مدير المشروع (سالم البشر - كويتى و خوش ولد ) حسب الحاجه

    وحياك الله , هييييييييييييييه ...زدنا واحد :D:D عقبال مانكون أغلبيه :D:D
     
  3. Q825

    Q825 بـترولـي مميز

    500
    0
    0
    اخوي جابر مشكور على ردك يريت تتحملني شوي عندي بعد شغلات ابالي وطمعان بكرمك وكرم شباب القسم والمنتدى:)

    مكاتب الي بسوونها وين بكون مكانها

    ومكاتبهم الحاليه اي صوب حاليا قريبه من دائرة التدريب ولا لا وهل زينه مكاتبهم ولا لا

    وانته تقول يصنفوني ضمن مشروع هل معناته لو ماصنفوني بالمشروع وين يصنفوني لو ماحطوني بالمشروع

    وانته هل تشتغل بIT ولا لا يعني تنصحني اشتغل عندهم لو قبلوني

    ولو اشتغلت عندهم هل تقول راح احصل منهم خبره زينه لو مثلا اشتغلت عندهم سنتين.

    وكورساتهم وين اكثر شي اتكون بالكويت ولا بالسعدويه بالشركه نفسها ولا دوله ثانيه.

    ما في مميزات خاصه حق قسم IT وشنو في بدلات خاصه حق قسم IT.

    الموظفين غالبيتهم سعوديين ولا كويتيين واكثر شي بتعاملون بالانقليزي ولا عربي ماقصد ككتابه يعني كتحدث بين الموظفين وليش اتقول هيييه ذدنا واحد هل قسم مافيه كويتيين :)

    والقسم هل فيه عنصريه ولا الي يشتغل ياخذ حقه.

    ماتدري جم يكون معاشي تقريبا موشرط بالظبط يريت اتقولي بدون الزياده ومع الزياده المنقوصه جم يكون مع علم انا تخصصي بكالوريوس علوم كمبيوتر computer science.

    ولمن اداوم على طول اشتغل ولا يعطوني دورات يهياوني وراها يدخلوني الشغل.
     
  4. مفيد فوزي

    مفيد فوزي بـترولـي جـديـد

    29
    0
    0
    الله يهديك تبي تقرير كامل عن كل شي ناقص بس يصورون لك المكاتب ومنو الفراش اللي يسوي الشاي وهل يضبط الشاي ولا يخليه خفيف
     
  5. جابر

    جابر قــلــم بــتــرولــي أعضاء الشرف

    هذا اللى أعرفه ...فوق بالأحمر .واسمحلنا على القصور.
     
  6. Q825

    Q825 بـترولـي مميز

    500
    0
    0
    مشكور عالاجابات بس وضحلي هالنقطه اكثر

    انا حاليا اشتغل بمكان حكومي حمداللله المكان زين ومريح بس معاش 850 وانا مو متزوج بس ماكو طموح ولا مستقبل بس الي يحوشني كل سنه علاوه 10 دنانير وبونصنا انسميه اعمال ممتازه 200 ومرات يحوشني ومرات لا هال200 يعتمد على ميزانية الدوام اما كتعامل مسئولين لك عليه وهذا الي يخليني ودي اطلع.

    انته اتقولي لااحرق نفسي بالخفجي شنو تقصد فيها اذا قصدك عالدرب انا عادي عندي بيتنا بالمنطقه 10 وراعي بر فما يفرق معاي الدرب بس يمكن عيبه زحمة الجوازات الي موزينه بالشركه بس اعتقد المعاش يغطي على هالشي فودي اعرف شتقصد لا احرق نفسي بالخفجي من اي ناحيه تتكلم فيها مع العلم انا اشتغل بمكان حكومي.

    واخر شغله هل في اوفر تايم حق قسم IT ولا لا.

    وشكرا على تجاوبك معاي والله كثر من امثالك
     
  7. جابر

    جابر قــلــم بــتــرولــي أعضاء الشرف

    مادام إنك شغّال بالحكومه ..حيّاك الله ..لاتطوّف هالفرصه ..توكّل على الله

    انا توقعت إنك بشركه نفطيه ..او قدامك فرصه مضمونه بشركة نفطيه أخرى....
    قلت ماتسوى عليك (برأى الشخصى) تجى للخفجى ...
    دوام الخفجى يعتبر فعليا (12) ساعه وبالتالى معظم الناس اللى تداوم (بجد) ميته إجتماعيا :eek:


    وأى شغله بسيطه ..صعب تأخذ أذن أقل من 4 ساعات.. .على عكس الكويت ممكن تزرق ساعه وتخلص شغلك ويمكن محد درا عنك ..او لاسمح الله اذا أحد من أهلك أحتاجك بضروره والا أنت بنص ساعه عندهم ....هذا غير مشاكل الحدود ..والسياره خربانه ولازم توكيل على سيارة أخوك حتى تطلع ..و غير الأجازه يوم الخميس ..يعنى شوية شغلات مو كبيره بس تحرق الدم اذا تجمعت على شخص واحد بوقت معين :mad:

    على العموم :
    الراتب اكيد أعلى (على الأقل 50%) من راتبك الحالى ..
    وزياداتك السنويه ..على الأقل 40 دينار .. ولك راتب زياده (يسمونه الراتب 13) وكل مميزات الشركات النفطيه الكويتيه مثل التذاكر السنويه ...

    بالنسبه للأوفر تايم ..مافيه ..أنت تعتبر (سينير) يعنى يعطونك ساعات راحه بدل العمل الإضافى :mad:
     
  8. Q825

    Q825 بـترولـي مميز

    500
    0
    0
    شنو يعني ساعات الراحات (سينير) يعني يقللون مدة دوامي من 7 لي 3 وهل اخذ عليها فلوس بساعات الراحه

    وعندكم بالشركه هل يعطون ساعات استئذان وجم مره تكون بالشهر وجم مدتها ولا على كيف رئيسي بالدوام

     
  9. جابر

    جابر قــلــم بــتــرولــي أعضاء الشرف

    سينير = كبار الموظفين ، درجه من 13 فما فوق ...لا ماتأخذ فلوس ..
    يعنى ..اعرف واحد من الشباب ..كان يداوم تقريبا كل يوم ساعه أو ساعتين زياده ..طبعا العمل يتطلب هالحجى مو بكيفه....وبالأخير سوّاهم أيام ..وطلع فيهم أجازه ..

    ساعات الأستئذان ، حسب رئيسك ..ممكن يعطيك يوم وممكن يعطيك تأخير ويمكن يقعدلك على الدقيقه .. كله حسب الدائره و(نوعية) مديرك وأسلوبك معاه.
     
  10. Q825

    Q825 بـترولـي مميز

    500
    0
    0
    يعني لمن ادش بالشركه انا اعتبر من كبار الموظفين والله كشخه :)

    عالعموم يعطيك العافيه ومشكور وجزاك الله خير بصراحه نورتني بشغلات وايد اللله يريحك بالك دوم.
     
جاري تحميل الصفحة...

مشاركة هذه الصفحة