يامعود كويتي انت؟؟

الكاتب : خميس الخامس عشر | المشاهدات : 5,290 | الردود : 9 | ‏18 أغسطس 2008
  1. خميس الخامس عشر

    خميس الخامس عشر بـترولـي خـاص أعضاء الشرف

    السلام عليكم ورحمة الله وبركاته



    دخلت مجمع الوزرات لانهاء معاملة للوالد امس, فقال لي الموظف وكان كبير السن على ابواب التقاعد

    اوراقك ناقصه صورة واحده لم تضيفها مع الاوراق , فـقلت له :

    يا معود .. مشها وبعدين اجيب الصورة .. قال لي الموظف انا بمشيها بشرط!!!

    اسم عائلتك يدل على انك من داخل السور ( وهالكلمه ماحبها نهائي وتقززني) وابي اعرف منك كلمه( يا معود) هذه ! قلت له يا معود مع ابتسامه واحد محتار...صرت افكر و بصراحه أحرجني بسؤاله الذي لم اتوقعه يوما ما ان أسال عنه..

    ولم يكن عندي علم بتعريفها ومصدرها الا اني اعلم انها من كلمه كويتيه.. قلت مشها واذا عطيتني وصل المراجعه اقولك...


    رحت اسرح شنو هذا ؟؟ ومن وين طلعلي؟؟ شنو معناها؟؟ قمت مثل المسبه الناس تمر وتطالع تقول هذا شعنده عاقد النونه؟

    ياربي شسوي شسوي شسوي؟؟

    قمت ورفعت النقال على العم صالح الفضاله النائب السابق... واللي كان يطلب مني طلب خاص اوفره له من وقت لوقت بحكم تجارتي الصغيره في هذا المجال اللي يوفر طلبه...

    فقلت له ترا طلبك وصل واليوم المغرب بطرشه لك عمي.. استانس حده وقام يتشكر.. قلت له بس بشرط..

    قال هذه غمنده؟؟ شعندك ياولد الفلاني قول...


    قلت له قولي شنو معنى يامعود؟

    قام يضحك من قمه راسه وقالي ليش تسال ؟؟

    جاوبته وقلت له القصه مع الموظف واني محتاس بامره ..

    جوابه: قالي كلمة يامعود يعني اللي متعود على عمل الخير وكان يطلقونها الكويتيين على كل فاعل خير يعني انه معود على عمل الخير...

    شكرته وسكرت الخط وانا قلبي يقرقع متى بخلص معاملتي هذا الموظف..عشان اقوله وارفع الحرج عن نفسي..

    فلما انتهى من عمله... عطيته الجواب وقالي انا الحين تاكدت ان العولمه والتطور ماغير فيكم شي ولادشت عندكم..

    وروح معاملتك خالصه ولا ترجع مره ثانيه خلاص ماله داعي توفر لي الورقه النقصه انا اعتمدت المعامله وانتهت...

    وهذا معنى يامعود... بالكويتي
     
  2. dehen_3ood

    dehen_3ood بـترولـي خـاص أعضاء الشرف

    وعليكم السلام ورحمة الله وبركاته

    خوش سالفه يا معود وكثر من هالمواضيع الحلوة :)
     
  3. CatwomaN

    CatwomaN بـترولـي خـاص

    1,566
    0
    0
    Q8
  4. frfosha

    frfosha بـترولـي مميز

    753
    0
    0
    يا معود والله انها خوش سالفه بس من منا ما يعرف شنو يعني يا معود فعلا اهي كلمة يا معود على الخير الدايم وبصراحه بهذي الايام في ناس قامو يتجاهلون كلامنا الحلو والعسل الكلام الكويتي الاصيل ولك مني كل التقدير والاحترام
     
  5. عبدالحميد دشتي

    عبدالحميد دشتي بـترولـي مميز

    782
    0
    0
    يا معود توني اعرف معنى كلمة يامعود و كثر من هالقصص يا معود وجني قاعد املقها يا معود الخير :D
     
  6. ابوجمانه

    ابوجمانه بـترولـي نشيط جدا

    237
    0
    0
    معلومه حلوه
    والله العظيم تونى اعرف
    معناتها
    الله عطيك العافيه
    على القصه
    وطريقة صياغتها
     
  7. خميس الخامس عشر

    خميس الخامس عشر بـترولـي خـاص أعضاء الشرف

    مشكورين يامعودين ... على المرور وحسن التعليق
     
  8. brilliant

    brilliant المـراقب الـعـام

    8,477
    0
    0
    Engineer
    Kuwait
    خوش موضوع يا معود
     
  9. خميس الخامس عشر

    خميس الخامس عشر بـترولـي خـاص أعضاء الشرف

  10. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    و منك نستفيد يا معود :)
     
جاري تحميل الصفحة...

مشاركة هذه الصفحة