هل هناك كادر للمهندسين و المحاسبين قادم ؟؟

اخوي مهندس البورصة إدارة المؤسسة رفضت كادر التخصصات التي ذكرتها ولكن نقابة العاملين بمؤسسة البترول الكويتية رفعت قضية بهذا الخصوص لدى المحكمة الإدارية وللحين ما تم الفصل فيها

 

كلام أخوي Future man عدل ..
والمؤسسة ما اقرت الزيادة الا يكون في مقابلها التنازل عن الكادر ..
هذا اللي سمعته ..
وما اعتقد انهم راح يوافقون على الكادر ..
مع انه ظلم وحرام ..
وانا عن نفسي مو محللتهم

 

المفروض ما ينلغي بس للأسف الاتحاد والنقابات النفطيه شايله اييدها من الموضوع اما لانها تنظر لمصلحتها الشخصيه كما هو معروف او متكله على جمعيه المهندسين واذا اقر قالوا احنا سوينا واحنا فعلنا. انا اقول للنقابات ترا المهندسين جزء من المنظومه النفطيه ولازم تعطون الدعم الكامل لجمعيه المهندسين مو تشيلون اييدينكم -

ترا على فكره يا شباب لولا مطالبه الجمعيه المهندسين للكادر كان ما اقرت الزياده لانه مؤسسه البترول تبي تقطع الطريق جدام الجمعيه وتضعف موقفهم فأقرت الزياده على عجل وترا اهيا مو مستوى الطموح.

الشكر لجمعيه المهندسين

 

مااعتقد ان في كادر وهذا الخبر عرفته من رئيس النقابه وبعدين الزياده احسن من الكادر

 

لا والله اخوي همر نبي الزياده ونبي الكادر

الشركات الثانيه مو احسن منا ولا الوزارات

 

الكادر وللاسف خون فينا الديوان بقراره الثاني الي ماله داعي وخرب علينا القضيه بالمحكمة

 

ما عفسنا الا جمعية المهندسين وتأجيل اجتماع المجلس الاعلى للبترول الاول (شهر7) كان بسبب ان وفد من جمعية المهندسين راحوا للشيخ ناصر المحمد قبل الاجتماع وطالبوه بالكادر .. ورد عليهم : حاضر راح نمشيه اليوم ان شاء الله .. قالواله : لا هذى الزياده واحنا نبي الكادر ... طالعهم من فوق لي تحت وقالهم خير ان شاء الله .. وراح كلم الاخ/ سعد الشويب وقاله شنو سالفه الكادر ؟؟ قاله هذا قرار من ديوان الخدمة بتطبيق الكوادر بالقطاع النفطي واحنا رفضناه .. قاله ما راح اناقش الزياده اليوم ليما تفكونا من موضوع الكادر .. جم مره بعطيهم زياده ؟!!

جنى اشوف مجلس الخدمة المدنيه يصدر قرار يستثنى القطاع النفطى من قرار الكوادر بعد اعتماد الزياده !! واعتقد ان جمعية المهندسين المفروض ترفع القضيه مو نقابة المؤسسه (جزاها الله كل خير)

كافى انهم ما شرفوا بموضوع الكادر وفكروا يتحركون فيه الا بعد 6 شهور (بعد شهرين من ندوة نقابة المؤسسة بالشيراتون في رمضان 2006 اللى تكلم فيها عادل الخرافى ومحامى النقابة السدلاني اظن اسمه) ... وكان تحركهم في شهر 1 2007 والقرار من شهر 7 2006 وحتى تحركهم بارد الي اليوم ... حضرت جنابهم نزلوا 3 مناشدات بالجرايد وصارلهم اكثر من سنه ونص يقولون بنحط محامى حق الكوادر وبنقابل رئيس الوزراء .. وكله على الطل ... خلوا الواحد يطلع اللى بقلبه عليهم