نحن اخوانكم من الهندسه والصيانه

يا سعد غير النك نيم لأنه فاضحك اما بخصوص البصمة بالنسبة لعمال العمليات ما يهمنا لاننا ملتزمين بالدوام اما الذي يرغب( بالتتزريق )يا بن زريق اكيد يهمه امر البصمة

 

[align=center]أخي الكريم بن زريق ...

البصمه مطبقه في البترول من سنين ...

من أيام ما كان هاني حسين هو الرئيس ... و كان يبصم بنفسه ...

و جاء تقرير طبي إن البصمه ما لها ضرر على الموظفين ... و النقابه

قبلت فيه و ما تقدر تعترض عليه ... يعني ما فيه فكه ...

و حنا صار لنا أكثر من خمس سنين و حنا نبصم ...[/align]

 

انا من الناس اللي اعارضها بشده
1- نظام shift chang ماراح ينفع وياه النظام

2- لما يكون عندك موعد

3- راح تلغى التراخيص وهذا اللي بعض الاقسام ماراح ترضى فيه
وراح تقوم الدنيا وتقعدها


وشكرا

 

[align=center]السلام عليكم
يا أخوان بخصوص البصمه شلون تتطبق على العمليات ودواماتهم شفتات ؟!؟
مع العلم انه في بعض الظروف الشباب بينهم وبين بعض يضبطونها مثلاُ
اذا انا ابي اتأخر ساعه بدل لا اخذ سك او اجازه اطلب من صاحبي ينتظرني
وانا باليوم الي بعدة اعوضه بأني اجي قبل الدوام بساعه وبهذي طريقه تفادينا
السكات الي وقفت في بلعومنا مثل العضم لو حتى انت مريض لاسمح الله[/align]

 

الله يعينكم على البصمه واهل مكه ادرى بشعابها

 

[align=center]البصمه كما قلت مطبقه على نظام العمل الصباحي

في مباني الإدارات المختلفه ... و أعتقد أنها قد تطبق

على موظفين العمل الصباحي داخل المصافي ... و لكنها

ليست مناسبه لنظام الورديات .....و لا أعتقد أنها ستطبق [/align]

 

السالفه مو سالفة تزريق السالفه مثل ماذكروا الاخوان اذا واحد جاي مبكر ساعه لرفيقه توهيقه
او مثلا واحد بيروح السياره يجيب له حاجه
او مثلا رايح يجيب المطعم وغيره

 

لا اعتقد ان هذا النظام سيطبق على نظام الشفتات
ولكن لو حصل وطبق نرجوا ان تتدخل النقابه لمنع ذلك
فالكل يعرف ان بديلك ممكن يجيك ساعه بدري او ممكن ينطرك ساعه وهذا مافيه اي اشكال مادام العدد كامل
فكيف سيكون التعامل مع هذه الحالات لو طبقت البصمه؟

 

البصمة ستطبق على الجميع سواء موظفوا الصباحي أو الورديات ..
ولكن بالنسبة لموظفي الورديات لن يتأثروا يها إلا في حالة أن يرفع رئيس فريق المنطقة كتاباً في الموظف المتأخر إلى المحاسبة حيث ستكون كشوفات التحضير عند رئيس الفريق أولاً بأول ..
هذا حسب معلوماتي المتواضعة والله أعلم

تحياتي

 

ايكويت تستخدم البصمه وفي حال تأخير موظف مستأذن او شخص جاي مبكر المسؤول يكتب ورقه ويرسلها للمحاسبه

 

ما عتقد البصمه راح تضبط مع نظام الشفتات الا اذا كان فيها نظام كنترول

لعدة اسباب منها تقديم وتاخير الوقت مثل ما قالو الشباب والتبديل سواء بنفس اليوم او بيوم اخر

 

أعتقد ان البصمه راح تزيد الاجازات المرضيه اذا طبقت على نظام الشفتات لان نظام الشفت بروحه يسبب ضغط على الموظف

 

البصمه على ما اعتقد انها امور الامن عشان يعرفون من الداخل والخارج

 

كفو يا بو عبدالله هذا خبري فيك من يوم ما كنت لحيم في ميناء عبدالله

 

انا مابي بصمه ومرتاحه جذيه يارب الاجهزه تخترب يطق عليها مطر وهي يايه بالطريج ولا تنقص فيها قطعه ولا ماتشتغل
قولوا اميييييييييييييييييييييييين

 

السلام عليكم
من ناحية البصمه زين يسوون خل الناس يحللون معاشاتهم والا بس تبون درجات وزيادات !!
والسلام

 

هدي بوعبدالله ما هكذا تورد الابل بس موضوعك ممتاز

 

تعجبنى فيك صراحتك يابن زريق وطرحك للمواضيع الهامه