الموظفين بالسناتر مظلومين

الكاتب : SUCTION | المشاهدات : 1,082 | الردود : 8 | ‏12 أغسطس 2008
  1. SUCTION

    SUCTION بـترولـي نشيط

    90
    0
    6
    الصراحة الموضوع اللي ابي اطرحه حساس وايد يخص الموظفين اللي يعطيهم العافية الموجودين بالسناتر اللي هو يعتبر شريان دولة الكويت الحبيبة
    الشباب بالسناتر مظلومين واااااااااااااااااااااايد من كثرة الشغل اللي هم حاملينها على أكتافهم ياناس تعالوا شوفوا السناتر أشلون صارت كل سنتر أكبر من الثاني على شان يرفعون انتاج دولتنا الحبيبة بس ما في أي حوافز حك الموظف الموجود بالسناتر الصراحة لازم يعيدون النظر . المفروض السنتر الواحد يكون عليه مراقب واحد بس و اثنين اوبوريتر 1
    واحد يكون على الغاز كومبرسر والماء والثاني يكون على النفط والغاز مثل سنتر 27 + 28 لازم الشباب في السناتر يجتمعون مع النقابة لان الشغل زاد ومافي اي درجات او ترقيات او حوافز وارجو ( تثبيت الموضوع )
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    عزيزي suction

    موضوعك الصراحة جدا ممتاز وبنفس الوقت حساس

    للأمانة نعم صحيح جميع مراكز التجميع توسعت وتطورت وزادت بالأنتاج ولله الحمد

    ولكن المشكلة بالقوي العاملة غير كافية للحجم الهائل من هذا التوسع

    وطبعا ناهيك عن العمل المكتبي بمركز التجميع ( finder + mmms + hse files + permits) يعني هذي بحد ذاتها يحتاجله موظف بس يختص بهذي الشغلات

    للأمانة قابلني مهندس أجنبي من شركة ال sk الي متقاولة معها الشركة بمشروع توسعة مراكز التجميع

    وأنصدم من عرف أن موظفي المراكز الي بالمقوع والبرقان 4 مشغل أول + 3 مشغلين 2

    وقال المواصفات المطلوبة للقوي العاملة علي الأقل 5 موظفين لكل مركز تجميع

    وناهيك أيضا مراكز التجميع هي القسم الوحيد الي شامل لكل شي ( معالجة المياه + تكثيف الغاز غير البروسيجر العادي من فصل الغاز عن النفط والنفط عن الماء )

    ولكن المشكلة طال عمرك الأدارة القديمة كانت متفقة معا الدائرة حين تمت التغييرات الوظيفية بالسابق الموافقة علي المشاريع والتوسعات المستقبلية من غير المطالبة بأي زيادات أو درجات أضافية

    ولكن نسئل الله عزوجل أن يتم حل هذه المشكلة والوصول لحل أفضل

    فيه أخبار متداولة بالحقول وبقوة هناك درجة تميز لموظفي الأنتاج فقط تميزهم عن باقي زملائهم بدائرة العمليات

    وتقبل مروري عزيزي الفاضل
     
    آخر تعديل: ‏12 أغسطس 2008
  3. SUCTION

    SUCTION بـترولـي نشيط

    90
    0
    6
    الله يعطيك العافية بالنسبة للسناتر كل سنتر فيه 4 موظفين اوبريتر 1 واحد بس على سنتر انتاجه بالمستقبل راح يصير 150 ألف
    و ثلاث موظفين اوبريتر 2 المجموع 4 موظفين الصراحة ظلم وإجحاف في حك الموظف بالنسبة للتغييرات الوظيفية تلزم الموظف بالعمل على أي مشروع جديد داخل المنشأة ولكن تلزم الشركة بإضافة موظفين زيادة مثل سنتر 28 + 27 يوجد فيها اثنين اوبريتر 1
    و سبعة اوبريتر 2 وللامانة في حالة تشغيل السنتر 27 + 28 نتمنى المسؤولين يجون السناتر ويشوفون ما في أحد من الموظفين موجود داخل غرفة التحكم من كثرة الشغل
     
  4. ALI 07

    ALI 07 بـترولـي نشيط جدا

    326
    0
    0
    السلام عليكم بالنسبه لسنتر 27+28 انا من الموظفين سنه 2000 عند تشغيل 28 كنت موجود وفعلا السنتر كبير لكن لم تاتي هذه المطالب بالهون لما اشتغلت gas comp كان عليها s/up team لما مشت تمام فلما الاداره طلبت من الكنترولر انه يتابعمسؤلياته علي السنتر ومن ضمنها gas comp رفضو متابعتها ياما السنتر كله بدون 16 او تجيبون كنترولر ثاني علي المحطه وللامانه كان هناك وقفه من الاخوان الكنترولر (سعود بو خوصه +مشعل بن حثلين ) وبعض الاخوان ما تحظرني اساميهم فحطو 27 one area ,28 one area 16+17 one area وحطو 2op1 واحد علي المحطه وواحد علي السنتر ومع ذلك مازال هناك loodعلي الموظفين فامبالك الان في الوضع الحالي صراحه نحتاج وقفه رجال من الموظفين والنقابه لكي كل واحد ياخذ حقه من خلال القنوات الشرعيه اللي ما تااثر علي سير العمل ولا تضر بمصلحه بلدنا الغاليه الكويت ادام الله عزها (يعني بالمفاوظات مع اداره الشركه او طلب من النقابه بطلب زياره سعد الشويب اللي السناتر ( علي فكره تري طلب زياده man power for opreation+maint لان زياده السناتر تحتاج كذلك صيانه فنيه فكذلك مثل حاجتنا يا قسم الانتاج للمشغلين كذلك لابد من زياده اعداد قسم الصيانه وهذا لكم جزيل الشكر
     
  5. المشاكس

    المشاكس بـترولـي خـاص أعضاء الشرف

    998
    1
    0
    الصراحه ألي يشتغلون بالسناتر الله يعينهم صج .... وانا أقول حتى لو يميزونهم بدرجه عن باقي موظفين الحقول من عمليات الغاز والماي والصيانه هم شوي عليهم ....

    قبل لو تلقى فتحه بشبك السنتر يسوون لك سوالف ألحين السنتر شغال والشبك مفتوح من كل صوب غير السيارات ألي داخل السنتر تقول قاعد بشارع الخليج من كثرهم ....

    فعلاً الأخوان بالأنتاج محتاجين إعادة تقييم وهذا اقل شي يستحقونه
     
  6. شمشون

    شمشون بـترولـي جـديـد

    12
    0
    0
    والله كلامك عدل ياخوي والله يرحم زمان الاداريين الاوليين الى ما كان يهم هم الى راحة الوظفين بالسناتر والتواصل معاهم ولا الحين المسؤو يدش السنتر على الموظفين ما يقول شنو تحتاجون يقول انت ليش مو لابس جوتي عزكم الله او يقول انت ليش مو لابس بلسوت الشركه هم عزكم الله ابي زي موحد (الحبيب داش روضه) شوف شنو صار هم المسؤولين اكيد موظفين السناتر راح ينظلمون والله يعوض علينا , و ودي اقول كلمة حق في السيدة حسنيه هاشم والله انك تساوين 1000 مسؤول الله يكثر من امثالج .
     
  7. شمشون

    شمشون بـترولـي جـديـد

    12
    0
    0
    ازيدكم من الشعر بيت

    في احد السناتر دخل مقاول انجليزي سئل الموجودين انتوا كم موظف بالسنتر قلنا 4 , انصدم بعدين ضحك وهز راسه و مشى , وانت افهم يا فهيم ولا الحقوق ما قامت توصل اصحابها الا بالاضرابات؟؟:confused:
     
  8. بلاوي

    بلاوي بـترولـي نشيط جدا

    185
    0
    0
    Free Kuwait
    الكويت
    بس المفروض يكون بكل سنتر على الاقل من 4 الى 10 اوبريتر 2
     
    آخر تعديل بواسطة المشرف: ‏17 سبتمبر 2008
  9. كويتاوي

    كويتاوي بـترولـي جـديـد

    3
    0
    0
    اي والله ياجماعه الطريقه المتبعه بسنتر 28 و 27 حيل حلوه وفيها عالاقل تخفيف العبء على الموظفين شوي , اما باقي السناتر وخاصه 4 اللي في برقان وغيرها من السناتر الضخمه موظفين op2 بس 4 او 3 يعني وقت تشغيل السنتر حيل راح يكون تعب , المفروض مع تكبير السناتر اللي صار وزياده الانتاج يرفعون عدد الموظفين بالسنتر الواحد . .

    هم بضيف تعليق , بالنسبه لل wellserveice man في بعض السناتر مظلومين , الحين معقوله فورمان شفت يكون على سنتر واحد وكم عين مثل سنتر 16 = الشغل اللي يشتغله فورمان على 3 سناتر وكل سنتر مايقل عن 45 عين او مثل عيون الروضتين اللي ماادري شلون صايره لاني مااشتغلت فيها >>>> اكيد لأ

    المفروض يزيدون من عدد الفرامنه بكل شفت غير الموجودين بالصباحي لان هم تعب في حقهم . .

    وشكرا . .
     
جاري تحميل الصفحة...

مشاركة هذه الصفحة