شنو وظيفة ال security !!!!!!

الكاتب : عبدالحميد دشتي | المشاهدات : 3,346 | الردود : 13 | ‏8 أغسطس 2008
  1. عبدالحميد دشتي

    عبدالحميد دشتي بـترولـي مميز

    782
    0
    0
    سؤال خطر على بالي بعد ما شفت ان ال security الي وظفوهم ما عندهم لا شغله ولا عمله طايحيله سوالف على البوابه وشاي و قهوه !!!!!! و المصافط كل من هب ودب يدخلها , ذاك اليوم شباب متجمعين بالمصافط ولا بسين لبس عادي و أول مره أشوفهم و الأمن حتى ماتعب نفسه و راح سألهم انتو موظفين بالشركه ولا لأ !!!!!!! وكان هذا اثناء الزام يعني مو وقت بداية أو نهاية الدوام, اي نسيت السؤال :D شنو وظيفة ال security الي و ظفوهم بالشركه ؟؟؟
     
  2. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    يعطيك العافيه اخوي عبدالحميد على اسلوبك الراقي بالطرح

    واحب اوضح لك شغله ان السكيرتي تقدر تقول اهوا اللي موفر لك الامان بالمصفاة بعد الله سبحانه وتعالى

    وللعلم الشفت الواحد فيه اكثر من 28 رجل امن واتوقع اللي شفتهم ما يتعدون العشره يعني اكثر من النص متوزعين داخل المصفاة

    في دوريا وبوابات واللي يداوم بالمصفاة يعرف بالضبط جم بوابه فيه فا من غير العدل ان نحكم على السكيرتي انهم ما عندهم مهام

    يقومون فيها وبعدين اي واحد يشوف غلط على السكيرتي يقدر يراجع الضابط اللي موجود او رئيس الضباط بالمبنى الخارجي او يقدم

    مذكره لرئيس فريق الامن بمبنى الاداره وراح يتخذ الاجراء.

    وبعدين مسألة الجاي والقهوه حتى الاعضاء بالمجلس طايحيله جاي وقهوه وابشرك بعد بلوتوث يدزون حق بعض واللي يحضر الجلسات اكيد شاف بعينه

    فا ما اعتقد ان الشغله هذي حرام او عيب يمكن يكون منظر غير حضاري انا معاك لكن انت في مجتمع تعود على الشغلات هذي

    وتربي عليها يعني مو معقوله الواحد يداوم زام كامل لا يشرب جاي ولا قهوه ولا حتى يسولف.

    حتى السوالف يمكن تكون بمصلحة الشخص نفسه يعني يطرح سؤال عن العمل او عن الظروف اللي الواحد يعيشها وياخذ العبره والنصيحه من اللي له خبره بالموضوع هذا

    و قبل فتره كان في اسبوع الامن التوعوي والصراحه الحضور كان مشرف

    والكل استفاد وتم توزيع بوسترات وكتيبات عن قسم الامن .

    واذا حاب تعرف اكثر عن الامن تقدر تراجع قسم الامن وتطلب منهم كتيبات عن مهام و واجبات قسم الامن

    وشكرا

    ودمتم سالمين
     
  3. السراب

    السراب بـترولـي نشيط

    105
    0
    0
    الله يعطيهم العافيه والله الامن واكثرهم والله يرحب فيك اذا سالته ولا بغى يفتش يستأذنك و حيل محترمين ترى حالهم حال باقي الموظفين حرام عليهم الشاي والقهوه لا والله احترمهم واقدرهم ومسئوليتهم اخطر منا بعد
    والكل ترى مسئول بهالشركه من عامل النظافه الى رئيس مجلس الاداره والكل على مايقدمه من عمل والله خير رقيب وشكرا للجميع
     
  4. عبدالحميد دشتي

    عبدالحميد دشتي بـترولـي مميز

    782
    0
    0
    شكلك security :D

    شاكرلك على التوضيح اخوي
     
  5. عبدالحميد دشتي

    عبدالحميد دشتي بـترولـي مميز

    782
    0
    0
    شاكرلك على التوضيح

    بس محد قال حرام الشاي :D
     
  6. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    الله يعافيك اخوي

    واشكرك انك تفهمت طريقة عمل السكيرتي ومهامهم

    وشكرا مره ثانيه على طرحك الراقي للموضوع

    وتقبلك الرأي الاخر .
     
  7. قوة الأمن الصناعي

    قوة الأمن الصناعي بـترولـي نشيط

    146
    0
    0
    السلام عليكم ورحمة الله وبركاته

    أخوي : عبدالحميد دشتي

    مهمات عمل security : تبدأ بتوفير الأمن من البوابه إلى أصغر موظف موجود

    وقبل لا أبدأ وياك أنت تقول في ناس واقفين بالمصافط على ملابس عاديه ولا قام السكيورتي عشان يشوف هل هم موظفين أو لا

    هل أنت تتوقع أن هالأشخاص دشو عن طريق البوابه بدون تصريح أو عن طريق دفتر الزوار أو دفتر المراجعين

    أنا بسألك سؤال وأتمنى جواب صريح :

    شنو ردت فعلك لما أشوفك تسولف مع واحد من ربعك وأجيك أقولك عطني تصريحك إذا انت موظف

    أنا بمكانك راح أقول هذا شكله ماعنده شغل وجاي يقزرها

    فاا بكلا الحالتين راح تكون ردت الفعل وحده

    السكيورتي يعتبر الشخص الأول الرادع للمشاكل ولو تصير أى مشكله هو أول شخص أى موظف يستعين فيه

    لأنه مهمته ردع أى شي يمس أمن المصفاه أو غيرها

    وأتمنى أني كنت واضح معاك وأتمنى أن الى قلته يعطيك نبذه ولو صغيره عن الأمن

    تقبـل مروري
     
  8. جاكوار

    جاكوار بـترولـي جـديـد

    33
    0
    0
    وبالمكتب الرئيسي شنو مهامهم ؟؟؟



    والله مشكلة امن المكتب الرئيسي ....

    من الصبح يلحق الموظفين اللي يشتغلون بالمكتب الرئيسي وين هويتك ؟؟؟ على الرغم من انه يشوفهم كل يوم ،،، لا وشنو المشكلة اذا شافها موظفة ومو حاطه الهوية يتردد يسألها او ما يسألها !!!!

    أما اذا واحد موظف لا والله مستعد يدش بلعومهم والريال توه قاعد من النوم وياي الدوام ....

    المشكلة اسلوبهم مو راقي يعني شد معاه شويه تلقاه يبي يتهاوش معاك والله غريبة هاذي تصرفات امن ؟؟؟


    عموما : الله الحافظ وبالمكتب الرئيسي انا اشوف مالهم داعي المفروض يكون لهم مكتب عند بوابة المواقف مو داخل المبنى ...

    تقبلو رأي بصدر رحب ...

    ولكم كل احترام .......
     
  9. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    الامن والمكتب الرئيسي

    يعطيك العافيه اخوي الجاكوار على الاسلوب الراقي

    لكن صدقني المكتب الرئيسي اصبح مكان طارد للأمن

    طيب انت تقول ان كل يوم يطلب من الموظف او الموظفه

    انه يشوف التصريح

    يعني اذا السكيرتي قعد على الكرسي

    قلتو هذا ما يشتغل

    واذا طلب الهويه قلتو ليش يطلب الهوية

    صدقني اخوي لما اقول لك المكان اصبح طارد للأمن

    انا جاد بكلامي ولا ابالغ

    لان مثل ما قلت اي رجل امن يطلب من اي شخص انه يبرز هويته او يطلب تفتيشه

    يقلب قسم الامن كله

    انت شلون وشلون وشلون وشلون

    ماتدري انا منو

    المشلكه اللي بالكويت الكل عنده واسطه

    والكل عنده ضهر

    وانا اعلمك انت شنو اسمك منو ضابطك

    لا والحين هابين بسالفه يديده

    انت منو التيم ليدر مالكم

    بالله عليك هذا كلام

    وين هيبة الامن عند الموظفين

    يا اخي الكريم اذا السكيرتي طلب اكثر من حقه تقدر تشتكي عليه

    لان صدقني السكيرتي وراه وايد ناس تشوفه يشتغل ولا لأ

    وصدقني لمى السكيرتي يطلب من الموظف انه يبرز بطاقته

    ترى ما راح ينقص من الموظف شي بالعكس

    المفروض الموظف اهوا يبادر بالشي هذا

    وبالطريقه هذي يخجل السكيرتي ويخليه يحترمه

    وبعدين عندي نصيحه

    للجميع وانشالله تفيد

    انت لمى تروح و تتبلى على السكيرتي اول شي

    ابيك تفكر بشيين بس

    اول شي انك ضريت انسان مسلم

    ثاني شي انك ضريت انسان كويتي منك وفيك

    ولا شرايكم

    اخوكم عبدالله البلوشي
     
  10. Q825

    Q825 بـترولـي مميز

    500
    0
    0
    لويحطون حراس مصريين احسن واوفر فلوس

    لو هالوظايف نالت حراس الامن يسوون فيها وظايف يديده حق الجامعيين وايد ابرك
     
  11. عبدالحميد دشتي

    عبدالحميد دشتي بـترولـي مميز

    782
    0
    0
    بس عيال الديرة أولى من المصريين مع احترامي للجميع ;)
     
  12. بن زريق

    بن زريق بـترولـي مميز

    804
    0
    0
    يالدشتى

    اذا انت اللى فى مصفاة الاحمدى (وحشتنى الشاى والقهوه والريوق)والله انى فقدتها من زمان!!!!!!!!!!!!!!!!!!!!!!!!الورش
     
  13. touareg777

    touareg777 بـترولـي مميز

    641
    0
    0
    عروقها بالماي
    دولة الكويت

    خل يشيلونك ويحطون مكانك بنغالي اووفر لنا بوايد
    المشكله وحده من الثنتين

    يا انك تخاف منهم وانته من ربع ............؟
    او
    شاقينك بالنص


    يا ريال شلك فيهم قاعد تعطيهم راتب من جيبك ولا شنو خل ولد الديره يشتغل
    على طول نبي مصري تحب المصري لانه المصري يخشش عليك ويطمطم عنك

    بس ورويسك جان زين يغثونك اكثر واكثر
     
  14. بلبل عنقريزي

    بلبل عنقريزي بـترولـي خـاص

    2,187
    0
    0
    شفيكم على شباب الكويت

    هذا شغلهم ولا فيها شي

    ان قعدوا قلتوا مايشتغلون وان اشتغلوا قلتوا مايصير مايترس عينكم شي

    الكويتي اولى من المصري وغيره

    والله يعطيهم الف عافيه على شغلهم
     
جاري تحميل الصفحة...

مشاركة هذه الصفحة