انجازات النقابه

الكاتب : سياسي محنك | المشاهدات : 2,104 | الردود : 30 | ‏8 أغسطس 2008
  1. سياسي محنك

    سياسي محنك بـترولـي نشيط جدا

    السلام عليكم ورحمة الله وبركاته

    انا موظف امن تابع لشركة اوسكو كما تعلمون , وانا من حقي ومن حق اي موظف سواء كان في الأمن او في الاطفاء

    أن يعرف ماذا انجزت النقابه وما المواضيع القائمه عليها حاليا , لأن فيه مواضيع واجد من اولويات النقابه .

    واتمنى من كل واحد له درايه بما اتمت النقابه والمواضيع الساعيه فيها حاليا ان يخبرنا .

    والى الامام ياأسود النقابه .

    وتقبلوا تحياتي .
     
  2. شمال الكويت

    شمال الكويت بـترولـي نشيط

    148
    0
    16
    أرحب أخوي سياسي محنك ....
    الصراحة معاك حق في كلامك ومن حقك وحق أي موظف أو من أعضاء الجمعية العمومية إنه يسأل هذا السؤال وانتمنى أحد من الأعضاء الرد على سؤال سياسي محنك وبعد لازم نعطي فرصة لأخوانا بالنقابة والى الامام يانقابة وانشالله حنا متفائلين خير فيكم والله يعينكم .......
     
  3. q8security

    q8security بـترولـي خـاص أعضاء الشرف

    تم تثبيت الموضوع على أن يكون الطرح هادف وبناء

    ودمتم بخير وعافية
     
  4. سياسي محنك

    سياسي محنك بـترولـي نشيط جدا

    الأخ شمال الكويت .

    اشكرك على المرور على الموضوع والله يبيض وجهك , وكما تعلمون هذا حق من حقوقكم .

    وتقبلوا تحياتي .
     
  5. سياسي محنك

    سياسي محنك بـترولـي نشيط جدا

    اخي كيو ايت الله يبيض وجهك اولا على التثبيت .

    والله يبيض وجهك على المرور والمشاركه على الموضوع , ولااهنت على تعاونك معنا وجعل يدوم عزك انت وكل اهل

    المنتدى .

    وتقبلوا تحياتي .
     
  6. ما اروعك

    ما اروعك بـترولـي نشيط جدا

    455
    0
    16
    موضوع جميل وبديع

    بارك الله فيك اخي سياسي وتحياتي لك وللجميع
     
  7. سياسي محنك

    سياسي محنك بـترولـي نشيط جدا

    مااروعك .

    الله يبارك بعمرك ويرحم والديك , وانا احط الموضوع هذا للأطلاع على ماعملته النقابه , بس لا الحين ماشفا احد من

    اخوانا عطانا اي شيء سوته النقابه , وياليت يردون علينا بأقرب وقت سواء كان من النقابه او من احد العارفين بأنجازاتها

    وتقبلوا تحياتي .
     
  8. سياسي محنك

    سياسي محنك بـترولـي نشيط جدا

    في انتظار رد احد اعضاء النقابه الى الأن .............
     
  9. الحر العنيد

    الحر العنيد بـترولـي جـديـد

    35
    0
    0
    ما سوي شئ يذكر ولا راح ايسون وكذالك
     
  10. سياسي محنك

    سياسي محنك بـترولـي نشيط جدا

    الحر العنيد

    حنا بأنتظارهم ونبي نشوف انجازاتهم

    ولاهنت يالحر :d
     
  11. الصنفره

    الصنفره بـترولـي نشيط جدا

    198
    0
    0
    ساسي محنك


    الله يعطيك العافيه وكل الشكر واالتقدير لـ جهدك الطيب



    والنقابه لكي نكون صادقين وعادلين يجب أن نصبر عليها الى أن تتم سنه كامله على الاقل




    ومن أنجازتهم ونحن نطمح الى أكثر من ذلك تعديل قانون " التقييم السنوي " لموظفي شركة الخدمات



    وفمـان الله
     
  12. سياسي محنك

    سياسي محنك بـترولـي نشيط جدا

    الصنفره

    الله يعطيك العافيه على المرور والمشاركه

    وانا وكل الأخوان ودنا نشوف شنو سوت النقابه على مطالب رجال الامن والاطفاء

    وهناك مطالب مهمه وكثيره , اذا مااثبتت النقابه وجودها وسوت المطالب راح ينهضم حقنا اكثر مما هو مهضوم الحين

    واتمنى من الأخوه عرض مطالبهم هنا وأن يرد علينا احد ممثلي النقابه وان يجاوبنا بما انجزوا .

    وشكرا

    وتقبلوا تحياتي
     
  13. كل الشكر لك اخي سياسي محنك

    وحسب ما انا شايف بالمنتدى وذاكر ان في كم واحد من اعضاء النقابه معانا بالمنتدى او افراد لهم صله بالنقابه


    على العموم نتأمل خير وننتظر رد الاخوه بالنقابه
     
  14. سياسي محنك

    سياسي محنك بـترولـي نشيط جدا

    السلام عليكم ورحمة وبركاته .

    قرأت في جريدة الوطن عن البيان المنشور للأخ غالي العتيبي , وقرأت مضمونه وأعجبتني الخطوه وصحيح أن مشكلة

    الأجازات المرضيه مشكله كبرتها شركة الخدمات , ولكن هناك مشاكل اكبر واهم من مشكلة الاجازه المرضيه , ويجب

    على الأخوة اعضاء النقابه أن يقوموا على المحاوله لأيجاد حلول لها .

    وهذه أول خطوه للأخوه في النقابه ونتمى لهم التوفيق في يسعون فيه لصالح اخوانهم العاملين في شركة الخدمات .

    والى الأمام ياأسود النقابه ,

    وتقبلوا خالص تحياتي واحترامي .
     
  15. ابو الهنوف

    ابو الهنوف بـترولـي جـديـد

    2
    0
    0
    نقابه مش حالك

    يعطيكم العافيه علي الموضوع وموضوع مهم واما بخصوص النقابه

    ترا والله لو تجيبون وزراء سابقين وتحطونهم بنقابتنا وتجيبون اعضاء حالين وسابقين

    ماتنفع مع نقابتنا نقابه مالها حل وأول مره اسمع بنقابه مالها صلاحيات ماتهش ولا تنش

    وانا اقولها بالفم الملايان (ووجع راس ومعايا (يعني مناقشات حاره) وتخسر الرياجيل

    علي شي ماله داعي واكبر مثال فيه دوره سابقه رئيس نقابه ينفصل ويدور واسطه

    عشان يرد وانا ابيكم انتم الي تحكمون وبعدين نقابتنا معروفه بس بالكلام نقابة اقوال

    لا افعال ولاهنتو وشكرا

    وعلي فكره انا مش ولا مع النقابه السابقه او القادمه او الحاليه بس الادراه مش حالك ماتحب شي اسمه نقابه والله يعينا لين نتغلب علي الاداره

     
  16. سياسي محنك

    سياسي محنك بـترولـي نشيط جدا

    ابوالهنوف

    الله يعطيك العافيه على المرور والمشاركه , وانا شايف محد رد علينا من النقابه واعطانا الانجازات او المواضيع

    القائمين عليها حاليا , وانشالله انهم اخوانا قبل وبعد النقابه ونتمنى لهم كل خير وعسى الله يوفقهم لما فيه

    فائده لأخوانهم الموظفين .

    وتقبلوا تحياتي .
     
  17. مشمش_طري_مبلول

    مشمش_طري_مبلول بـترولـي جـديـد

    13
    0
    0
    اول شي السلام عليكم ورحمة الله وبركاته الصراحه موضوعكم وااايد حلو واشكركم على طرحه بس للاسف النقابه قبل لا يصيرون نقابيين ويفوزون بالانتخابات كان كلامهم مثل العسل ورفعوا بنفسهم فوق وقالو راح انسوي وراح وراح .......الخ وللحين من فازو ماشفنا الا العروض منهم والي يبط الجبد انه ودنا يركزون على المواضيع الطفوليه الي قاعد اتحصل في شتا الشركات وللاسف انه وااايد من النقابيين يداومون بالشركات الي صاير فيها بلبله وشاكرلكم ومع السلامه
     
  18. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    اول شي الشباب توهم جديدين على الساحه وخبرتهم قليله ..
    اتذكر انهم اجتمعوا مع ادارة الشركه وطالبوهم بشغلات اساسيه كثيره..
    يعني يبي لهم فتره ..وصادفت العطله الصيفيه بعد ..يعني يبي لهم فتره ترتيب اوراق على قولتهم .. واللي يبي شي يتكلم مع الاعضاء.بصفه شخصيه. مو ينزل موضوع بالمنتدى .. ترى مو شرط ان اعضاء النقابه يدشون المنتدى او الانترنت.ومايمنع ايضا انك تنزل الموضوع بالمنتدى ولكن لاتعتمد الا على المنتدى.ومو شرط ان العضو يعرفك عشان تكلمه بشي معين .. حتى لو انك ماتعرفه .. دق عليه واطلب منه اللي تبي ..لأنه مادخل في هالمكان الا لخدمتك.
    انا اعرف واحد من الشباب معاي بالدوام كانوا بيأخرون up grade ماله .. وبفضل الله ثم بفضل احد الاعضاء اللي ماقصر على طول عطوه up grade بدون تأخير ..

    نتمنى لهم التوفيق ..
     
  19. اخوي اطفائي

    لاهنت على التوضيح

    لكن سياسي يبي يعرف وانا ابي اعرف وابو الهنووف وشوف كم واحد دخل على الموضوع يبي يعرف شنو الانجازات انا مو طالب منهم واسطه او عطوني قريد

    لا ابي اعرف شنو سويتوا لما صرتوا نقابيين.... بس تخفيض اشتراكات نوادي.. خصم في شاليهات الهيلتون وبالدور انطر بعد اسبوعين,,,نبي مطالب الاخوان الى عطوهم الثقه ورشحوهم وينها؟.؟

    وعلى قولتك لا تعتمد على المنتدى النقابه كانت معتمده على المنتدى في وضع اسمائهم وارقامهم وتصاريحهم فترة الانتخابات واذا مصدق غير في صفحات منتدى الخدمات وتلاقي المواضيع كثيره فيه :)
     
  20. سياسي محنك

    سياسي محنك بـترولـي نشيط جدا

    اطفائي محترق

    احترم شدتك بالنقاش , واشكر ابونايف على الرد نيابه عني , ولكن مثل ماوضح لك ابونايف حنا نبي نعرف شسوت

    النقابه , وثاني شيء انت تقول دق عليهم انا ماادق عليهم مو قصور فيهم لكن المفروض هم ينزلون بالمنتدى او

    بالجريده شنو سوت النقابه وانا لو اعرف احد منهم كان مانطرتك تقولي دق عليهم :D ولااهنت على الرد الحــاد

    ولاهنت يابونايف . :D

    وتقبلوا تحياتي .
     
جاري تحميل الصفحة...

مشاركة هذه الصفحة