مظاهرات يوم الثلاثاء 12-8 أمام مجلس الأمة بشأن ترحيل الدوام حتى نهاية رمضان

الكاتب : MxXy | المشاهدات : 1,632 | الردود : 32 | ‏7 أغسطس 2008
  1. MxXy

    MxXy بـترولـي نشيط

    74
    0
    0
    بسم الله الرحمن الرحيم

    مـظـاهرات في ساحة الإرادة بشأن ترحيل الدوام لنهاية رمضان الكريم , المسجات و الرسائل الأكترونية والمنتديات والدردشات الكتابية جميعها تتحدث عن هذا الموضوع , في يوم الثلاثاء الموافق 2008-8-12 بعد صلاة المغرب معارضه أمام مجلس الأمة بحضور الشباب والشابات ضد قرار الدوام في رمضان ولن يوقفنا شيء والمظاهرات أكيده يوم الثلاثاء وهذه المظاهره ليس فقط لطلبة المدارس بل للموظفين بل لكل متضرر . البداية الخاطئه للمدارس تظهر آثارها حتى نهاية العام الدراسي وفي السنة الماضية ظهرت سلوك غريبه لدى الطلبه وهي الهروب من المدرسة أو عدم متابعة الحصص أو حضورها وعدم مراجعة الدروس في البيت , و أمور أخرى



    [​IMG]
    منقول ...
     
  2. Q825

    Q825 بـترولـي مميز

    500
    0
    0
    غير دلع هذا ...

    بكيفكم مظاهرات قرار وخلاص صدر وينكم من زمان ماتظاهرتو
     
  3. MxXy

    MxXy بـترولـي نشيط

    74
    0
    0


    أحنا عارفين ان القرار طلع لكن الي بنسويه الحين مو قرار ترحيل لأ , قرار نتخذه دائما لكن هم لازم يكون عندهم فيه علم , ان الطلبه وبعض الهيئات راح يغيبون أثناء الدوام الدراسي . والمظاهرات يمكن ولعلى وعسى يغيرون رايهم لكن لازم يعرفون لي وين وصلو نفسهم .
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    عند إقرار الحكومة لعدم تأجيل العطلة ،ذكرت أسباب منها أن العطلة الصيفية القادمة ستتأثر كثيرا خاصة و أن رمضان 2009 سيكون أبكر
     
  5. عبدالحميد دشتي

    عبدالحميد دشتي بـترولـي مميز

    782
    0
    0
    والله الكويتيين دلوعين حتى الصيام يبون يصومون واهم مرتاحين !!!!!!!
    غير شغله هذي لا يبا قعدوا في بيوتكم بلا مظاهرات بلا حجي فاضي وانشاء الله يفنقرونهم القوات الخاصه ههههههههههههه :D
     
  6. MxXy

    MxXy بـترولـي نشيط

    74
    0
    0

    ولد عمي احنا طلبة المدارس واكثر ناس عارفين المشاكل الي راح تحصل لا في تأثير ولا بطيخ بالعكس أصلا الفصل الاول دائما وكل سنه يزيد 3 أسابيع ونقعد بالحصص ومانسوي شي يعني ما عليك من حجي الجرايد الكاذب
     
  7. MxXy

    MxXy بـترولـي نشيط

    74
    0
    0

    أسمحلي أخووي هذي إهانه , خلني أوضح شي , أول الي كانوا يحاربون مع الرسول صلى الله عليه وسلم في وقت الصيام كان التعب معاهم وكانوا عارفين انهم يا يموتون يا يعيشون والي مات دخل الجنه والحي فاز بالدنيه والاخر ه والعلم عند الله عزوجل . لكن طلبة المدارس راح تحووشهم نكسه ولخبطه وما راح يقدرون يراجعون دروسهم . وللعلم تاجيل الدراسه ما فيها ولا مشكلة وهذا تبرير وعذر أقبح من ذنب . لأن مافي ولا مشكلة أبدا أبدا . لكن المشكلة لو ما أجلو الدراسه ورحلوها إلى ما بعد رمضان لو تعرف واحد من الطلبه سأله ويقولك عن المشاكل الي راح تواجه الطلبه النفسيه والجسديه واثارها توصل لي وين اثارها توصل لي نهاية العام الدراسي !!! ؟؟ . والمظارات مو حجي فاضي واحنا ناس نبي نصوم عدل ونبي نبدي المدرسه عدل ونوريه الصبيح ماتبي تتعاون علشان بتعاند القلاف والحربش لوووووووول
     
  8. عبدالحميد دشتي

    عبدالحميد دشتي بـترولـي مميز

    782
    0
    0
    انت قاعد تقول الي حاربوا مع الرسول (ص) مو الي رايحيين المدرسه بالمكيفات وطول اليوم قاعد على الكرسي والدوام من التسع لي الساعه وحده بس اقول ترى حاشنا صيان واحنا ندرس وحالتنا النفيسه ماتضررت بس الجيل الحين دلووووووووووع و يبون يصومون و اهم يطالعون مسلسلات تكفه صلى على النبي مو لي هالدرجه سويتلي فيها حاله نفسيه لا تبالغ وايد ترى كلنا صيام وانا اداوم بالعمليات وادرس بالجامعه يعني التعب علي دبل واذا تصوم بدون تعب عيل لي صايم خل يكون قدوتك ابو الحسن عليه السلام لما يكون احب شي حقه هو حرث الأرض أثناء الصيام خل يكون صيامنا صعب و بحر الصيف بدال مجابل الفضائيات والقعده بالبيت تكفه عليك الله منو احب الى الله بالنسبة لك الصايم واهو قاعد بالبيت لا شغله ولا عمله ولا الصايم الي شايل جنطته ورايح المدرسه او رايح دوامه بعز الحر !!!!!!!!!!!!!!!!!!!! اتوقع انك راح تجاوب نفسك يالي تبي تصوم عدل على قولتك

    انشاء الله ما يوافقون على قرار الترحيل والي يبون يسوون مظاهرات يفنقرونهم عشان لا يتعلمون على الدلع :D
     
  9. MxXy

    MxXy بـترولـي نشيط

    74
    0
    0


    كلامك على العين والراس , لكن انه هالمره ماني متكلم عن غيري علشان لا تقول مبالغه ومادري شنو . حجي انه واحد السنه الي طافت شاد حيلي وداش علمي أول خمسة أيام منتبه وقادر انتبه وطاقه وقاعد اراجع دروسي والكل يدري العلمي شنو سالفته وشلون نظامه وشلون طريقة دراسته حلو ولد عمي يووم صارت سبوعين لا والله ما قدرت وحسيت بتعب قمت ما اراجع لكن احل واجبات وحالتي النفسيه عصبيه والي يكلمني ازفه مو علشان انه صايم وابالغ لأ لأني حاس بأني قاعد اتراجع وماني قادر اوافق بين عملي وعمل الرمضان , صار الاسبوع الثالث قمت لا اراجع ولا ادرس ولا اسوي ولا شي وارد البيت تعبان ماني خلق اسوي ولا شي بس انطر متى اصلي علشان اتفطر , وقاعده اطوفني دروس انه وغيري من الطلبه يوم وصلنا للأسبوع الاخير وهو 10 الاواخر الاخيره ما قدرت أداوم أصلا لأن في قيام اهم من مادة الكيميا ء والرياضيات بوايد وهذي حالتي ويوم خلصنه قالو بعد العيد في اختبارات قصيرة رحت بدرس حق الامتحان شفت نفسي في بحر وانه في وسط البحر وماني قادر اسوي ولا شي تدري شنو سويت ولد عمي ( حـــــــــــــــــــــــــــــــــولت أدبي ) اخترت أدبي علشان انقذ نفسي مع ان العلمي احبه وكان اختياري وتخصصي وليش كل هذا علشان انت حضرتك تقول أباااالغ بالكلام هذا الحجي عن نفسي انه مادري الطلبه حالتهم تصعب على الكل . ولد عمي انه قلت لكم من البداية أحنا ما نبي العطله علشان نستمتع نبيها علشان نبدي المدرسه صح وعلشان نصوم صح .


    لكن الي إيده بالماي الحار مو نفس الي إيده بالماي البارد , لو في احد ياني وقال روح قاتل راح اقدر اقاتل وانه مو ماكل شي لأن الرياضه بوقت الصوم جميله والكل ينصح فيها . لكن الرياضه + العوامل الذهنيه + النشاط الفكري + المراجعه والشمس حاره وكل هذا بوقت الرمضان أسمحلي أقولك أنت ما أصبت ولي من رايك ما أصابوا بشي ومكيفاتك الي تتكلم عنها قاعدين يحاسبونه عليها
     
  10. عبدالحميد دشتي

    عبدالحميد دشتي بـترولـي مميز

    782
    0
    0
    اول شي انا مريت بكل هالأشياء وتخرجت ثانيوه عامه و علمي ونسبتي 79.8% والحمد لله وما أثر فينا رمضان عادي نرجع من المدرسه نروح انام و نقعد على الفطور و بعد الفطور اجابل دروسي لي الساعه 12 اتسحر وانام والوضع جدا عادي و على فكره الدراسه أهم من قيام الليل لأن الله يعرف ظروفك والاسلام دين اليسر وليس دين العسر بس انت كنت تبي سبب انك ما تدرس و حطيتها براس قيام الليل :D تخرج و روح صل على راحتك

    وارجع واقول انشاء الله ما يأجلون الدراسه لي ورى رمضان
     
  11. MxXy

    MxXy بـترولـي نشيط

    74
    0
    0


    حبيبي آنه مو ياهل لي هالدرجة ولا أثول علشان أحط عذر علشان ما أدرس ومحد طقني على إيدي وقالي روح دش علمي وانه تخصصي العلمي - آنه لأني حمدلله فاهم فحولت ونقذت روحي رحت الادبي أحسن من ما أكمل بالعلمي وأيب درجات مو زينه نتيجة للتوتر الي صار بوقت الرمضان وهذا مو كلامي كلام كل الطلبه والمعارضه الي بتصير مو انه الي مسويها ؟؟؟!!! آلاف من الناس راح تسويها , تقدر تفهمني وتقولي منطقيها منطقيا يا برفسور متى تنام ومتى تقعد ومتى تصلي التراويح ومتى تصلي القيام ومتى تتفطر ومتى تتسحر ومتى توضب جنطتك عدل ومتى تنظم أمورك عدل ؟؟؟ لكن خلني أقولك شي ,, تدري منو الي موافق الوزارة على عدم ترحيل الدراسه الي يعرف الرمضان على أنها يوم للأكل = القيمات والتشرريبه + تمثليات وحلقات جميله يندمج معاها وغير جو مره وحده بعد لكن الناس الملتزمين لأ الوضع ما يعجبهم وما يختلف أثنين أن قرار ترحيل الدراسه ما يأثر لكن بالعكس قرار صائب ومهم جدا ويخلي الطلبه منتظمين . بقولك شــي أنت من متى متخرج ها ؟؟؟ من 1000000 سنه حبيبي أنت شدراك شنو المواد الي عندنا الحين بالمدرسه الصف العاشر 12 ماده دراسه الصف الحادي عشر 14 ماده دراسه والصف 12 16 ماده دراسه مو حسبالك نفس أول فلسطيني يدرسكم ويفهمكم الحين كلا مدرسين خصوصين .

    أقولك شي تدري ان نسبة هالسنه سقوووط زياده عن السنوات الي طافت . وعلى فكرة هالسنه والي طافت والي قبلها نظام الموحد لوووووول نظام الموحد مو نظامكم أول
     
  12. بو حمود

    بو حمود بـترولـي نشيط جدا

    175
    0
    0
    انت وينك والدراسه وين ,,,,,,,,,,,,من قراء تعبيرك وشاف الاملاء عندك. والظاهر ما عندك اولاد توديهم المدرسه وتجيبهم في اول اسبوع من الدراسه والزحمه والازعاج مع بدايه العام الدراسي
    يعنى شنهو الفرق 10 ايام تاجيل الدراسه .الظاهر من الان الكل يقول نستلم الكتب ويبداء الغياب حتى نهايه رمضان
     
  13. عبدالحميد دشتي

    عبدالحميد دشتي بـترولـي مميز

    782
    0
    0
    انت تحب تسولف وايد و انا احب المختصر المفيد :D حبيبي والله في وقت حق كل شي و اذا ما عندك وقت حق العبادات ترى مو ضروري التزم بالفروض الخمسه بس
    وثاني شي انت عبالك انا متخرج قبل الغزو و عيالي ناطريني الحين بالسياره :D عمي مواليدي 1983 يعني كبرك يمكن وتخرجت 2001 ما كان اكو فلسطن ههههههههههه انا خبل قاعد اناقشك اصلا انت نفسك طويل :D انا ادخن مافيني حيل :p
     
  14. MxXy

    MxXy بـترولـي نشيط

    74
    0
    0
    حمدلله والشكر ... جيل غـريـب , صج العلم نور وهدايه , يا جماعة الخير شفيكم أنتو ؟ آنه أقولكم الطلبه كل سنة تضررو من الدوام في وقت رمضان ما يقدرون يركزون وقت الحصص وما يقدرون يراجعون وخاصتا أهل العلمي والظروف والطقس مو مناسب أبدا وظروف كثيرة وأمور لها توابع ولها مداخل ومخارج وألف مره أقول ( الي إيده بالماي البارد مو مثل الي إيده بالماي الحار ) يــا جماعه في ناس أهني ترد وأهيه أصلا مهمشه دوليا وعالميا :p ما تشتغل ولا تعمل ولا عندها ألتزامات وأصلا مو مهم عندها شي أسمه رمضان وما تحتوي الأمور من كل جانب . أرجو عدم التطرق بمواضيع أخــــرى آنه بلغت ... يوم الثلاثاء في مظاهرات أمام مجلس الأمة وبس ( هذا الشي غلط ، صح ، خرابيط ، فلسفه مو هذا موضوعي آنه اعرف شي واحد أن وزارة التربية يبيلها شحن يبيلها نزعة كهربا بعقولهم الغير مدبره وبس . نظام تعليمي فاشل - طلبه فاشلين - قرارات فاشله - تطوير فاشل - نظام فاشل كلشي فاشل بفاشل . الواحد يقول الحقيقه .
     
  15. Winchester

    Winchester المـراقب الـعـام

    الرجاء من الجميع الألتزام بأدب الحديث والحوار وأحترام الرأي الأخر

    والا ستأخذ الأدارة ما تراه مناسبا


    وشكرا
     
  16. MxXy

    MxXy بـترولـي نشيط

    74
    0
    0
  17. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ودي ابدي راي بهالموضوع ...

    اعتقد تأجيل العام الدراسي قرار خاطىء لانه راح يزيد التخبط اللي اصلا احنا عايشين فيه يعني ما يصير وزارة تنصاع لمجموعة طلبة و تعمل على لخبطة الجدول الدراسي اكثر ما اهو متلخبط و تكفي العطلات الموجود عندنا لانه بين كل يوم و يوم عطلة.

    اما مسألة انه الصيام يتعب الناس فوزارة التربية و مؤسسات الدولة تعمل على خفض ساعات الدوام في شهر رمضان .

    المعروف انه اول اسبوع يكون بداية العام الدراسي و ما فيه اي امتحانات سواء نظرية او عملية حسب ما اذكر.

    لا نعود عيالنا و انفسنا على عدم الالتزام و الكسل و مثل ما الدكتور و العامل و الموظف يشتغلون برمضان ما يمنع طلبتنا انهم يتحملون جم ساعة و يداومون..

    كفاية تسيب بالتعليم .
     
  18. CatwomaN

    CatwomaN بـترولـي خـاص

    1,566
    0
    0
    Q8
    كلنا داومنا في ارمضان و للحين انداوم .. مرينا مثلكم ابكل مراحل الدراسه و العمل الحين .. ما قلنا شي ولا حاشنا شي ؟!؟!؟












    اشهل عبو !!

     
  19. CatwomaN

    CatwomaN بـترولـي خـاص

    1,566
    0
    0
    Q8
    أول شي انت اهنيه قاعد اتكلم ناس اكبار .. ناس دارسه و فاهمه و اغلبهم علمي ..يعني سالفة جيل غريب هذي ما تنقال لنا احنا .. هذي احنا انقولها لكم يا الجيل اليدييد ..

    درسنا و خلصنا .. علمي و ادبي .. و كملنا دراستنا بل جامعه .. برمضان و باجي ايام السنه .. محد اشتكى .. و اشفييه الدوام برمضان و شنو لمتعبكم ؟؟؟ اشبتسوون لما تشتغلون ؟؟؟ ولا بعد بتطالبون اب اجازة الربيع و اجازة نص السنه عشان اتسافرون بعد نفس طلبة المدارس ؟؟؟

    و تتكلم عن الطقس مو مناسب .. ؟؟؟؟ شتقول حق اللي يشتغلون برمضان بل صيف في اماكن الحفر و الارياق و المصافي ...الخ ؟!؟!؟!

    و سالفة نظام فاشل .. انا معاك ابسالفة التطوير .. تطوير المنهج و النظام هذا اللي يبيله مظاهرات .. مو مشتطيلي على دوام ارمضان !!!
     
  20. عبدالحميد دشتي

    عبدالحميد دشتي بـترولـي مميز

    782
    0
    0
    صح لسانك :D
     
جاري تحميل الصفحة...

مشاركة هذه الصفحة