يا حظنا بصير عندنا قطار

الكاتب : الجوهرة | المشاهدات : 617 | الردود : 8 | ‏6 أغسطس 2008
  1. الجوهرة

    الجوهرة بـترولـي خـاص أعضاء الشرف

    3,136
    1
    0
    السلام عليكم

    سمعتوا عن المشروع والقطار يكون موصول بدول حلوة اكيد تتمنون تروحون لها مثل العراق وسوريا تصدقون ولهنا على الطروح والقيمر العراقى والبامية... وتكلفة المشروع بالمليارات تصدقون هالمشروع اهم من تطوير المستشفيات والتعليم والشوارع وخل يخلون البنغالية يروحون فية يمكن تخف الزحمة

    ومبروك على هالمشروع الحيوى والضرورى:(
     
    آخر تعديل: ‏6 أغسطس 2008
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    سمعت عنه من أكثر من سنة و هو من المشاريع المستقبلية اللي ممكن تخفف الزحمة و تفتح مجال السفر بأسعار أقل

    لكن تعودنا أن المشروع الذي يتوقع الإنتهاء منه خلال عامين ينتهي في 10

    و إن شاء الله اكون غلطان
     
  3. ياخساره

    ياخساره بـترولـي نشيط جدا

    والله اهو مشروع ناجح

    بس خلونا نتكلم بالواقع الي احنا عايشينه وعلى الوضع الي تعودنا عليه

    يعني على سبيل المثال الي ساكنين بالعاشره ودواماتهم بالديره راح يركبون قطارات؟؟؟

    والي ساكنين بالديره ودواتهم بالعاشره راح يركبون قطارات

    راح يقولون لا (( هاذا من وجهة نظري الخاصه ))

    يا جماعه احنا شعب ننظر للامور بنظره مادري شلون صايره

    مشروع ما راح يخدم الا فئه قليله على حد تصوري

    وفي الختام كل الشكر للاخت الجوهره على هالموضوع

    تقبلي تحياتي


     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    المشكلة مهب كذا

    المشكلة وين عاد له سكة بيحطونها ماعاد في مكان كل شي متسكر وبعدين يبغالة دراسة والدراسة عندنا يبغالها 10 سنين وبعدين يبغالة طرح مناقصة والطحر يبغاله 10 سنين وبعدين يبغاله تخطيط المشروع والتخطيط عندنا يبغالة 15 سنة

    يعني المشروع طولة بعرضة يبغالة 50 سنة بس دراسة وتصميم وعقبن تنفيذ

    أذا دوار جوازات حولي خذالة أكثر من 7 سنين تنفيذ فما بالك بسكة حدود مرتبطة خليجيا
     
  5. M7MD

    M7MD بـترولـي نشيط جدا

    فكرة القطار فكرة جميله بس الله يسامحج على الدول الحلوه اللي ذكرتيها
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    و الخوف ، واحد مرخص ربعه في غرفة تحكم القطارات و ما تشوف إلا قطارين يحبون خشوم ، الله يستر
     
  7. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    لازم نفكر و نخطط للمستقبل احتمال حاليا هالقطار ماله ضرورة ملحة لكن في المستقبل راح يكون ضروري خاصة اذا فرضنا انه يربط دول الخليج زائد الشام و له تأثيرات داخلية و خارجية ..

    داخلية اعتقد راح يسهل الربط بين مناطق الكويت كافة خاصة انه كل ما لنا ننشأ مدن بالجنوب و الشمال.

    السفر الى دول الخليج راح يكون ماكو اسهل منه يعني ممكن واحد يكون ضايق خلقة العصر يركب قطار و ما يوقف الا في ابها مثلا .

    ما اعتقد انه مفيد الا ضروري و بشدة .
     
  8. اندريللا

    اندريللا بـترولـي جـديـد

    39
    0
    0
    يقوللك بيخلون الديرة قطارات سيارات ماكو
    لابس بشتك راكب قطارك رايح فرضتك شاري خضرتك نوطك بو الف بجيبك راكب قطارك راد لبيتكم
     
  9. MAB12

    MAB12 بـترولـي مميز


    فكرة القطار حلوه بس متى راح تتنفذ ؟ واللي ذكرتيه عين العقل عندنا امور لازم تتصلح وتتعدل احسن من القطار ( تطوير التعليم . صيانة التكييف . حملة ترشيد . ...... الخ )

    ماشين على البركة :(

    تقبلي مروري
     
جاري تحميل الصفحة...

مشاركة هذه الصفحة