## عجــــــــــوز تحــــدت أبليـــــس ##

الكاتب : جونم جقرم | المشاهدات : 662 | الردود : 14 | ‏4 أغسطس 2008
  1. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    [​IMG]

    [​IMG]

    كان يا ما كان في قديم الزمان ………يحكى أن عجوز تحدت إبليس

    وقالت إن كيدها أعظم من كيده وتحدته إنها تسوي مشكله واذا ما قدر يحلها أنها راح تحلها وتفوز بالرهان .....

    راحت العجوز لواحد من هالعاطلين اللي ما عندهم شغل ويا كثرهم وقالت أنا بشغلك عندي فترة معينه بس……. اذا

    تبي فلوس لا تتدخل ولا تتكلم وافق الشاب لأنه طفش من البطاله ويبي فلوس.

    راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش

    العجوز: رخص يا بن الحلال …

    التاجر :اذا أنتي ما عندك فلوس خذي شيء أرخص

    العجوز : ما أقدر ….لازم ولا يصير شيء ما صار **** والعجيز تبكبك********

    التاجر :ليش ؟؟ …..لهالدرجه …..شسالفه؟؟

    !العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها

    وهو قالي أن عارضتي الزواج بأطردك من البيت وأمرني أني أشتري قماش غالي عشان يعطيها حبيبته ولا راح يطردني

    من البيت مع أن البيت بالأساس بيتي ولكني غلطت وكتبته بأسمه **** والعجوز للحين تبكبك ودموعها اربع اربع

    التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني

    العجوز طلعت مستانسه وقالت للشاب روح البيت

    بعدها راحت العجوز لبيت زوجة تاجر القماش وطقت الباب وطلعت الزوجة

    العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق .

    رحبت الزوجة ودخلتها وأكرمتها وجابتلها شاي

    العجوز:مشكوووووورة ما تقصرين ان شاءالله أردها لك تعمدت تنسى القماش وطلعت.

    الزوجة:حرام نست قطعة القماش …أكيد بترجع بعد شوي وتاخذها بروح أحطها بالدولاب..

    تاجر القماش رجع لبيته وتغدى ذاك الغدا السنع ونام شوي .

    قام العصر وفتح الدولاب بغير ملابسه عشان يروح محله ……مفاجأة قطعة القماش وعرف أن الحرمه اللي يبيها ولد العجوز هي زوجته يعني تخونه

    قام عليها وطقها وطردها بالشارع بالهدوم اللي عليها.

    العجوز كانت تنتظر هاللحظه في أخر الشارع فراحت لها تركض

    العجوز: وش فيك يا بنيتي ليش تبكين؟؟؟

    الزوجه : زوجي طردني …وما عطاني فرصه أتكلم .

    العجوز: خلاص أنا بأوديك بيتي وأنا بروح أحل المشكله

    راحت العجوز لبيتها ودخلت الزوجه في غرفة بينما الشاب كان في

    غرفه ثانيه وأمرته أنه ما يطلع منها

    راحت العجوز للشرطه تبكي وتقول :كنت قاعدة في بيتي وفجأة دخل

    رجل ومعه حرمه وقعدوا ببيتي حاولت أطلعهم ما قدرت

    أحتلوا بيتي

    ذهبت الشرطه وقبضت على الشاب والزوجه ….ورموهم بالسجن.

    العجوز: ها ها وش رايك يا أبليس ؟؟ دورك اللحين حل المشكله

    أبليس : لا لا ما أقدر أحلها السالفه تشربكت مرررررررة

    العجوز: أنا راح أحلها وكن شي ما صار . وراح أربح الرهان

    راحت العجوز تزور الزوجه بالسجن وقالت لها :أنتي ساعدتي مرة وأنا اللحين بأساعدك …..يلا ألبسي عباتي وغطي

    نفسك وأطلعي من السجن كأنك أنا وأنا بأقعد مكانك.

    الزوجة:مشكووورة ….لكن أنتي ؟؟؟

    العجوز: مالك شغل مثل ما طلعتك بطلع نفسي.

    تمت عملية الهروب بنجاح….

    الوالي أمر الحراس يحضرون المسجونين عشان يحكم عليهم

    حضرت العجوز والشاب وقال لهم الوالي :ليش قابضين عليكم وش مسوين؟؟

    ردت العجوز:احنا ما سوينا شيء كنا قاعدين ببيتنا أنا ووليدي ولا الشرطه

    طابه علينا وماخذينا للسجن .

    عصب الوالي وهزأ الشرطه وما عطاهم فرصه يتكلمون ويقول:غلطانين

    وتبون تتكلمون.

    طلعت العجوز من الوالي مستانسه وعطت الشاب فلوس وأنهت خدمته عندها.

    راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

    كثر التعب نست القماش عندها وأن زوجته بريئه

    وقالت خذ قماشتك لأن ولدي سافر هو و زوجته الجديدة.

    رجع التاجر زوجته وتأسف منها و عطاها ذيك الرضاوه اللي تسوى.

    العجوز : وش رايك يا إبليس أنا فككت السالفه سهله

    قال إبليس كفانا الله شرش




    منقــــــــــــــــــــــــــــــــــول
     
  2. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    بصراحه اشك ان العجوز اهي ابليس

    ان كيدهن عظيم

    مشكور يا مشرفنا العزيز
     
  3. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    كل شي جايز :rolleyes:

    لاهنت علي المرور يا شيخ
     
  4. Workers

    Workers إدارة المنتدى

    7,767
    30
    48
    ذكر
    الكويت
    هذي كأنها ام سعيد في مسلسل الفريج

    تبي تكاسره وكل شوي تقول آخر كم وكم آخر وآخر كم ... عطاها بلاش يبيها تطلع بس

    وشكراً لمشرفنا العزيز عالقصة الطريفة.
     
  5. ههههههههههههههههههههههههههههههههههههه

    لاهنت مشرفنا على القصه ان كيدهن عظيم

    لبى كبدك :)
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    عزالله منشفين السوق والبياعة لاشافوهم قامو يتعوذون من أبليس ههههههه

    لاهنت ع المرور يا بوعبدالله :)
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    ولانت لبي طراطيش قلبك :)

    لاهنت ع المرور يا الأمير
     
  8. 787787

    787787 بـترولـي نشيط

    62
    0
    0
    والله ابليس اهون منها

    اعوذ بالله
     
  9. غيوم

    غيوم بـترولـي خـاص أعضاء الشرف

    7,298
    1
    0
    تسلم ايدينك يا مشرفنا علي القصه الاكثر من رائعة

    ليش تعتبرون ذكاء العجوز خبث و كيد نساء

    أنا أعتبره ذكاء و حسن تصرف :rolleyes:
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    كلهم سيم سيم :)

    شكرا ع المرور
     
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    أهلا عزيزتي غيوم

    كل شي جايز يمكن يكون ذكاء أو خبث أو حيلة :rolleyes:

    ولاهنتي ع المرور
     
  12. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اووووه جونم متى صرت مشرف : ) و اخيراا لو انا من ادارة المنتدى اعطيك نص الموقع ههههههههه ما شاء الله مشاركاتك 5200 باقيلك 400 و تاخذك كامري:p

    الله لا يقول نطيح بوحده قشرة مثل هذي ... هالنوع من الحريم ما ايي بالعين الحمرا و لا الخضرا بعد :D
     
  13. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    كآآآآآآآآآآآآآآآآآآآآآآآآك

    أهلا صديقي شركة

    ياخوي ماتشوفني قاعد أتمخطر قدامك بالبشت وأنت ما تشوفني بس مانيب لايمك الي ماخذ عقلك يتهنابه :p

    لو عطوني نص الموقع أول عضو بضحي فيه أنت وعلي طول أيقاف عضوية :D

    ها النوعية الله يسلمك حتي بالعين أشعة تحت بنفسجية ما يجون :D:D:D
     
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    يا اخوي توني اشوف اسمك باللون الذهبي شوف انا قبل كل ما اشوف عدد مشاركاتك كنت اقول متى يبون يعطونه مشرف لما يصك العداد 10 الاف:mad:

    عاد نكك وايد حلو باللون الذهبي يذكرني بحساب الذهبي مال بنك الوطني عقبال ما يصير عندك واحد :D
     
  15. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    يا بعد قلبي محد يشجعني ويمدحني ألا أنت تراني جيكر مانيب مزيون :D

    أووف حساب ذهبي مره وحده والله طلعت VIP :eek:

    أعطيك رقم حسابي تحولي :D
     

مشاركة هذه الصفحة