موضوع هام وعاجل

الكاتب : سياسي محنك | المشاهدات : 1,460 | الردود : 27 | ‏3 أغسطس 2008
  1. سياسي محنك

    سياسي محنك بـترولـي نشيط جدا

    السلام عليكم ورحمة الله وبركاته .


    سمعت من واحد من الشباب الموظفين معانا بالخدمات انه شركة الخدمات تعاقدت مع شركة سيارات لرجال الأمن في

    شركة النفط وغيرها من الشركات الأخرى .

    هل المعلومة هذي صحيحه ؟

    واذا كانت صحيحه هل يوجد فالسيارات جهاز تتبع نفس الأجهزه اللي بالروضتين والمناقيش .

    وشكرااا
     
  2. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    عليكم السلام ورحمه الله

    الخبر هذا صحيح ونشر في جريده الوطن

    100 دوريه تنشر على جميع شركات النفط

    وعلى ماعتقد انه في جهاز تتبع

    الله اعلم
     
  3. سياسي محنك

    سياسي محنك بـترولـي نشيط جدا

    رجل امن الله لايهينك على الرد وعلى قولتهم مادام فيها جهاز تتبع ماطبنا ولا غدا الشر

    على قولة المثل : جاك الذيب وجاك ولده .

    وتقبل تحياتي .
     
  4. الصنفره

    الصنفره بـترولـي نشيط جدا

    198
    0
    0
    سياسي محنك



    أحببت أن انقل لك هذا الخبر من جريدة الوطن وهو :


    تزويد خدمات القطاع النفطي بمئة دورية أمنية

    وقعت شركة خدمات القطاع النفطي وهي إحدى شركات مؤسسة البترول الكويتية من خلال لجنة متابعة القرارات الأمنية التابعة لمجلس الوزراء عقداً يقضي بتزويد الشركة بمائة دورية أمنية مجهزة بالاتصالات السلكية واللاسلكية والتقنيات الفنية ذات الجودة العالية على أن توزع على المصافي والحقول النفطية وكافة المرافق الحيوية التابعة للقطاع النفطي.
    وقامت الشركة بتدريب رجال الأمن من خلال دورات تدريبية مكثفة لحراسة المنشآت النفطية كافة، وسوف تتسلم الشركة دوريات الأمن خلال ثلاثة أشهر بحد أقصى.
    ونسقت الشركة مع لجنة متابعة القرارات الأمنية التابعة لمجلس الوزراء في وضع كافة المواصفات الفنية ومسار تحرك الدوريات وأماكن توزيعها على المنشآت النفطية.
    وتقدم الشركة خدمة الأمن والإطفاء إلى كافة الشركات النفطية التابعة لمؤسسة البترول الكويتية من خلال رجال أمن ورجال إطفاء متخصصين في القطاع النفطي يساهمون بشكل فعلي في حماية الثروة الوطنية من أي تهديد أو عبث، بالإضافة إلى حماية الممتلكات والأصول التابعة للمنشآت والحقول النفطية ومراكز تجميع القطاع النفطي، وفق منظومة استراتيجية تعمل على أساس شركة خدمات القطاع النفطي.

    تاريخ النشر: الاثنين 21/7/2008
     
  5. الصنفره

    الصنفره بـترولـي نشيط جدا

    198
    0
    0
    وللعلم أجهزة التتبع



    الان اصبحت بيد نقابة اوسكو . . . كون السيارات تصرف من أوسكو




    وباذن الله نرى لهم وقفه جـاده
     
  6. سياسي محنك

    سياسي محنك بـترولـي نشيط جدا

    الصنفره

    الله لايهينك على وضع النشره اللي من جريدة الوطن والله يبيض وجهك .

    لـــــكن أنا عندي ملاحظه بسيطه على الجهاز , انا كان عندي كورس بالأحمدي قبل فتره وكان اللي يعطينا الكورس

    كبير مراقبي الصحه والسلامه , ولما سألته عن الجهاز وأضراره قالي مافيه أي اضرار من ناحية الاشعاعات اللي تؤثر

    على صحه مستخدمي السياره .

    يعني الحين السالفه سالفه وديه وحبانيه من شركتنا اذا ماراح تحط جهاز تتبع , ومافيه قصور بالنقابه والله يبارك فيهم

    ويخليهم ذخر انشالله .

    وتقبل تحياتي .
     
  7. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    السؤال هو لماذا لانريد وضع اجهزة تتبع لسيارات الامن ..
    اذا كانت الاداره تثق فيك انت وفي فلان وفلان هناك اشخاص مستحيل الوثوووق ...
    لماذا الخوف من وضع اجهزة التتبع .. انت راح تأدي عملك داخل المنشأه اللي انت فيها يعني ماراح تطلع برا .
    الدوريات اللي هي الدوريات التابعه لوزارة الداخليه فيها اجهزة تتبع ..
    ياخي هذي فيها فايده اكثر من الضرر ..
    فلنفترض انك طالع جوله مع زميلك وحصل اختراق من قبل ارهابيين او من يريدون زعزعة الامن في البلاد .. واطلقوا النار على احد من زملائك لاقدر الله .. وفقدتم الاتصال به .. كيف سيتم تحديد موقعه ؟ اكيد عن طريق جهاز التتبع ..

    هذا رأأي ..


    اذا كانت محافظ على عملك وتعمل بضمير وماراح تستعمل السياره في امر مخل بالعمل لماذا الخوف من جهاز التتبع ؟؟؟




    هذا رأأي ودمتم ..
     
  8. الصنفره

    الصنفره بـترولـي نشيط جدا

    198
    0
    0
    أطفائي محترق



    اولاً الداخليه والتتبع اللي حصل فيها الكل يدري انها مناقصات وتنفيع والكل يعرف فساد الداخليه والرؤس الكبيره





    ثانيا :



    اجهزة التتبع الكل يعرفها أنها مضرّه وتحمل أشعاعات والكل يعلم أنها منعت بالوفره وأن الموظفين أضربوا عنها





    ثالثاً :



    رجال الامن ملتزمين بـ بلاغات وجولات محدده بالساعه والدقيقه وهنا طبق الحساب والعقاب





    ورابعا ً :



    الثقه لازم تكون متبادله بين المسؤول والموظف أذا مافيه ثقه وتعاون وتعامل سلس الكل يكره العمل
    والتتبع تطفيشها أكثر من فائدتها



    واذا وافقنا على التتبع بكره بنحط كاميرات مراقبه على الموظفين وكاميرات بالسيارات والبوابات ....الخ






    والاختلاف بالاراء لايفسد للود قضيه




    وعذرا على الاطاله والسرد وكل أحترامي وسلأمي لجميع الاخوان




    وفمــــــان الله
     
  9. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    رأيك محل اهتمامي ..

    اعيد واكرر المسأله امنيه .. هذا اولا

    وثانيا هناك ضعوووف نفووس .. هدفهم العبث ..

    هذي هو المختصر المفيد ..

    وبالنسبه لضعاف النفووس والعابثين هذولا انا شفتهم بعيني ..


    غير اللي يمروون على ربعهم بالجواخير والاسطبلات على سيارت امن ال كي او سي ...
    وعلى فكره اذا على مضرة جهاز التتبع مضر .. والهاتف النقال مضر وغيره وغيره .. يعني وقفت على هالجهاز؟؟؟؟؟
    ارجو ان المعلومه وصلت لك ..

    وانا اعرف انه فيه ناس راح تكرهني لأني بطيت الجربه .. ولكن هذا الحق والصحيح

    والحق صاير يزعل هاليومين ..
    اصابعك مو سوى .. انت مخلص في عملك لكن غيرك مااخذ المساله لعب في لعب ..ولا شرايك؟
    ودمتم
     
  10. الصنفره

    الصنفره بـترولـي نشيط جدا

    198
    0
    0
    الراي طال عمرك




    التتبع مضره ولو انها غير ماضره كان عممّوا بكل مكان وبكل قســـم



    واما النقال فهذه حاجه ضروريه ( ولاتجيب طاريه أخاف الربع يمنعونه ترا بعض أدرات الامن بالنفط فيهم تخلف هههههه )



    وترا ماتستوي بين اللي يشتغل واللي يرزق





    والزرقات موجوده بكل مكان تقنعني مافيه زرقات بالمطافي والسناتر والمختبرات .........!!!




    ودام فيه بلاغات وجولات وجهاز للاسلكي وشغل مرتب ليه أهز الثقه باللي يشتغل عشان ناس تزرق




    وترا ظلم لاخلينا الشين يطغى على الزين
     
  11. abonasser

    abonasser بـترولـي نشيط

    82
    0
    0
    اطفائي محترق


    خلني أوضح لك شغله بسيطه


    رجل الامن عند تركيب مثل هذه الاجهزه وهو يعلم في قرارة نفسه انه غير موثوق به هل تتوقع انه بيأدي عمله علي أكمل وجه ؟

    أجزم انه لن يعمل عمله بالشكل المناسب


    مبدأ الثقه في العامل يجب أن يقام به


    في اجهزة لاسلكي يقدرمسؤول الشفت يحدد اماكن رجال الامن ويحاسبهم

    ليش أجهزة تكبت فيها حرية الجوالين وتقيد حركتهم ؟


    انا ما ألومك لان عايش بنعيم عساك بزود في الاطفاء ولكن مفروض انك تتضامن مع ربعك بالحق واللي يده في النار غير وانا اخوك
     
  12. سياسي محنك

    سياسي محنك بـترولـي نشيط جدا

    اطفائي محترق


    والله الصراحه ماادري شقولك لكن مشكوور على الرد الحلو اول شيء , وثاني شيء انت مو بقسم الأمن عشان تعلق

    وتحط أراء من عندك فديتك , وانا مااعارض انك رديت على الموضوع لأن هذي حريه بالمنتدى بس حاب اوضحلك أنه

    التتبع فكره فاشله وسياسة تنفيع لا وجات بشكل عكسي علينا , لأن قبل جهاز التتبع كنا نقوم بجولاتنا على اكمل

    وجه , لكن بعد جهاز التتبع صرنا نطلع جولاتنا وتحس انك مغصوب عليها وهذا شيء يخليك تكره العمل لأنك تحس انك

    مراقب من قبل بعض المسؤولين وهذي من اهم الاسباب النفسيه اللي تخلي الواحد يكره العمل .

    وقبل الجهاز ياأخ اطفائي محترق كنا نطلع جولاتنا وكانت ابعد جولة ناخذها بساعه بالكثير بس الحين منزلين جدول

    جولات يحتوي على جولتين وكل جولة مدتها من ساعتين ونص الى ثلاث ساعات , يعني على قولتهم سوو من الحبه

    قبه , وفيه شغلات واجد مايحس بمعاناتها الا ضباط ورجال امن المناقيش والروضتين .

    لكن مانقول الا عسا يفكنا منها , وعسى بالامر خيره انشالله .

    وتقبلوا تحياتي .
     
  13. السلام عليكم
    حبيت اوضح للأخ اطفائي محترق

    على فكره انت عندك بالامن جولتين ثنتين كل جوله ساعتين

    نفرض مثلا خلصت جولتك وفي الوقت المحدد وجا حرامي في فترة الراحه وقعد يقص البايبات او يسرق الحديد او يعبث بأي شي تابع للشركه لانه يعرف ان الفتره هذي فترة راحه للأمن يعني ماراح يجيه احد

    اما لو مثل قبل تروح جولتك على راحتك وعلى كيفك توهقهم ماتخليلهم وقت معين يفكرون يسرقون فيه

    اما الحين عارفين وقت الجولات وعارفين كل شي يعني الجوله الى ناخذها ما منها فايده بالمره

    وهذا اول خطاء لجهاز التتبع

    واسمحولي على القصور والرد الطويل ولا هنت اخوي سياسي محنك انها اشهد انك محنك :)
     
  14. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    انا أأأسف اني شاركت في الموضوع ..
    الظاهر انه مشاركتي ضايقتكم ( لأنه كلام الحق يزعل )



    لكن بالاخير رااح يحطون جهاز تتبع ,,, سواء شاركت بالموضووع او ماشاركت ..



    انتهى ............ ودمتم ,,,
     
  15. سياسي محنك

    سياسي محنك بـترولـي نشيط جدا

    اطفائي محترق :D

    اسفين اذا زعلناك وانا قلت لك المشاركه حريه شخصيه بس المشكله انك مو عايش اللي عايشينه بالدوام و صدقني

    لو تداوم معانا شهر بس بتحس اللي نعانيه مع جهاز التتبع , وجهاز التتبع صار الحين شغله روتينيه عندنا يعني عادي

    طالع طالع جولتك , واعتقد ان الربع كلهم وضحولك شنو الاسباب اللي مانبي فيها جهاز التتبع وان كل اقسام الشركه

    رافضين فكرة التتبع وماجات الا علينا , وانت احمد ربك على النعمه اللي انت فبها واللهم لا حسد قعده ووناسه

    وتلفزيون والله لا يغير عليكم ولا على جميع المسلمين .

    ودمتم ................................... سالمين .


    تقبلوا تحياتي .
     


  16. تبي الصراحه عااد

    والله ماعاد تفرق خلاص هذاك اول ايام كنا متوهقين وماندري شنسوي بس الحين عرفنا السالفه


    الحين اذا ضايق خلقي من جهاز التتبع استعمل السياره وبنص الوقت اتصل على الترانسبورت ويجيبون سياره بديله بحجة السيرفس او اي حجه واطلع اخلص مراجعاتي :)

    شفت يا اطفائي ان السالفه سالفة عناد :D


    يعني حطوها ما حطوها اخوانك الى بالامن ذيابه يطلعون الف الف طريقه وطريقه :D




    واذا على قولتك كلام الحق يزعل تبي الحق

    الحق ودك يعطونك دوريه وتفتر بهالشموس على العبدلي والرتقه وام نقا والمطلاع وهالمناطق البريه الجميله:D
    وسرعتك ماتتعدى 80 كيلومتر بالساعه وبعدها تعال قول كلام الحق يزعل


    والله الى يزعلني ان واحد دوامه حاط رجل على رجل ومو عاجبه دوام ربعه بالامن احمد ربك على النعمه الى انت فيها ترى النعمه زواله وانا اخوك لا يجيكم تيم ليدر والله يكرهكم بالدوام

    وبس انا قلت الى عندي مالي خلق افضفض زياده مكروف من الدوام وبنام

    تصبحون على خير
     
  17. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    الحمد لله على كل حال ...

    قول انه احنا حاطين رجل على رجل .. ماعندنا شغل ...

    وقاعدين نلعب سوني ولا نتابع افلام .. وفالحين بس أكل في هالمفاطيح وغيره


    لكن ياعزيزي اذا صار وقت الحريق احنا ندش في الحريق .. وانت قاعد تتفرج .. شفت الفرق عزيزي ..


    الاطفائي اللي يدش المركز يعتبر ميت ومن يطلع من المركز يعتبر نفسه مولود من جديد ..



    فقط للعلم .انت تطلع جوله بالسياره وطااق المكيف حده..لكن احنا نطلع جولات بالمصفاه .. ونفحص معدات الحريق .. ونفحص الطفايات اللي بالوحدات اللي اذا دشيتها كأنك داش جهنم الحمرا وغيره وغيره ..

    وتقول ماعندنا شغل ..


    يعطيك الف عااافيه يااغاااالي
     
  18. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    ومن ناحية التيم ليدر.مو مقصر بشي . ترى اللي في بالك مو شي مهم بالنسبه لنا . .. يعني ملتزمين بكل شي .. وبالعكس عسل على قلوبنا..


    تدري ليش ؟؟ لأنه احنا على قلب وااحد .. عشان جذي مانحاتي الدوام ..

    الشكاوي ماتطلع الا اذا تفرقت القلوب .. وانت فاهم قصدي ...

    اكتفي بهذا الرد..
    ودمتم
     
  19. Q825

    Q825 بـترولـي مميز

    500
    0
    0
    اذا هذي عقلية وتفكير حراس الأمن جذي المهم عنده يزرق من الدوام وتلومون الشركات ليش اتراقبكم انا مادري شنو الي يعجبكم لا معاشات تعجبكم لا اماكن عمل تعجبكم وتتحلطمون على عدد ساعات العمل وحتى طبيعة وظيفتكم عشان مسماكم حارس موعاجبكم على مميزات الي عندكم مادري شتبون اكثر ناس ماجستيرات بالحكومه وقطاع خاص ماياخذون معاشاتكم ومعنه شهايدكم ثانويه وهم اطالعون الي شهادته اكبر منكم يخي الي مو عاجبه فيكم يستقيل ودش الحكومه وادري فيكم محد يسويها عشان فرق المعاش بس تحلطم عالفاضي.
     
  20. سياسي محنك

    سياسي محنك بـترولـي نشيط جدا

    اطفائي قصدك الشكوى الجماعيه ماتطلع الا اذا صفت القلووب ,

    وأرد واقول الله لايغير عليكم ولا على تيم ليدركم , ولو مركبين جهاز التتبع بكل الاقسام قلنا ماعليه لكن انشالله

    مايركبونه , حنا وخلصنا :D يعني موفارقه والدعوه سهالات والموت ماراح يجيكم الا من الله سبحانه ومن مات مات في

    يومه فدييتك , وكويت 25 لايوجد رد اعتقد انك قريت المشاركات وعارف ردي وردود جميع الاخوه على الموضوع .

    تقبلو تحياتي .
     
جاري تحميل الصفحة...

مشاركة هذه الصفحة