قصة حب عشتها (( قصة حقيقية ))

الكاتب : شركة من صادها عشى عيالة | المشاهدات : 1,709 | الردود : 30 | ‏29 يوليو 2008
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بسم الله

    هذي القصة اول مرة اقولها عن حب استمر 13 سنه و انتهى:( ...

    كانت بدايتي معاها يوم شفتها عند جيرانا جمالها و سحرها و جسمها المصقول بعناية و الخالي من العيوب يزيده جمال لونها الابيض اللي يلفت انتباه كل من يراها هي ذات عينين حادتين جميلتيين كانت بصحبة شاب ثلاثيني اتى لزيارة جارنا , ضليت اراقب البيت الى ان شفت هذا الشاب يحرك معاها هني اخذت القاري و قمت الحقهم من شارع لي شارع و اطلع قطوع بين بيوت الاحمدي الى ان اختفى بسبب سرعته الشديده .
    ضلت صورتها في خيالي و ماني قادر انساها :(الى ان شفتها مرة ثانية بأفتتاح سوق شرق يومها تركت ربعي و قعد اطالعها و اتمنى لما اكبر و اتوظف تكون من نصيبي عرفت بعد ما سألت انها ساكنه بشويخ :eek: و لهم بيت ثاني على الدائري الرابع طبعا خفت يوم عرفت الفرق بين وضيعي المادي و وضع اهلها, مرت الايام و انا اراقبها من بعيد لي بعيد كنت خايف اتقرب منها لمعرفتي اني ما اقدر امن لها الحياة الكريمة , مرت اشهر و اسنين و انا على هالحال الى ان توظفت بالنفط و لما اقروا الكادر هني قلت لازم اروح لها و بالفعل رحت مكان اقامتها و بالصدفة كانت واقفة بره يلمع بياضها من الشمس كنت كل ما اقرب خطوه قلبي يدق اكثر و اكثر ابتسمت يوم صرت قريب عندها و ما عرفت شنو اللي صار فيني يتلي جرأة كبيرة لمستها :eek: و كلمتها مو خايف انه احد يشوفني و اهيا ساكته و ما عندها اي رده فعل طبعا تغيرت و صار مظهرها وايد اجمل من قبل حطيت رقمي عندها .

    ما ياني اي اتصال ضليت افكر و متضايق حتى دوامي كرهته و كرهت اني اسوق اي سيارة ماني عارف ليش الى ان صادفتها بالسالمية قريب من نادي السالمية تجرأت و اخذتها معاي و رحت اخذ فرة على الخليج ;) مره و مرتين و ثلاثة و كل شوي اعبي بانزين بعدين رحت معاها شارع الحب و قفت عند جمعية المنصورية و اخذت لي عصير :D بعدها وقفت مرة ثانية عند جمعية الشامية و اخذت لي سندويجة من صب وي .

    بعد ما تعشيت رحت معاها الاحمدي من خلال هالرحلة تبين لي اشياء كانت خافية عني 13 سنة لاني اكشتف انها جريئة بزيادة و انفعالاتها سريييعة :mad: و قوية هذا غير نظرة الناس لي ماكانت حلوه و انا معاها و سبحان الله هالحب اللي دام اكثر من 13 سنه شفته يتلاشى جدام عيوني :confused: هني عرفت انه المسألة مو بس فروق مادية لكن عرفت انه ما اقدر اعيش معاها فترة طويلة خصوصا اذا كنت افكر بالزواج تذكرت كلام الوالد يوم كان يقولي هذي ما تصلح لك مهرها غالي و اذا قدرت عليه ما راح تقدر على مصاريفها بعد هذه الرحلة اللي استمرت اكثر من 12 ساعة قررت انه:D البورش كريرا ما تصلح لي و انه حبي لها كان مجرد طيش شباب :Dههههههههههههههههههههه .:p


    ملاحظات :
    1_ وكالة بورش مكانها على الدائري الرابع
    2_ يوم التقيت فيها كان مكتب تأجير
    3_ وايد ناس يقدرون على مهرهاا يعني اهيا مستعملة توصل 17 الف لكن صعب تداريها لانه السيرفس يوصل 500 دينار

    اتمنى تكون هالقصة اعجبتكم و على فكرة معظم احداثها حقيقية لكن حبيت اقدمها بشكل درامي و مشوق :D
     
  2. القائد

    القائد بـترولـي خـاص

    2,089
    0
    0
    مشكووووووووور عالقصه الطريفه صراحه علقتني بس شمعنى الامل تجدد بعد الكادر انا اقولك ليش ؟؟؟؟ روح اي مصافط لشركه نفطيه وانت تشوف بعينك مشكور عزيزي وهاردلك لي :D
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    Porsche

    حلوة القصة و لو أن فيها بعض العبارات الدالة على الخربطيشن
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    يا اخوي عبدالله ترى ماكان قصدي الخربطاان :D ( كلمة اماراتية ) بس حبيت اضيف عنصر التشويق
    ;) .
     
  5. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اي مو قبل الكادر صعب اخذها لانه سعرها مستعملة ما يقل عن 17 و نص .... ههههههههه ما عليه يا القائد :p عليك واحد :D .
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    تصلح كاتب قصص و تشويق يا معشي عيالك :)
     
  7. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    تسلم يا عبدالله هذي شهادة اعتز فيها :) انا لي الحين ما صدت الشركة قريدي تحت 14 :D
     
  8. غيوم

    غيوم بـترولـي خـاص أعضاء الشرف

    7,298
    1
    0
    تسلم ايدينك علي هالتشويق الحلو

    بصراحة شفت العنوان قلت لأزم انقله إلي سلة المحذوفات

    بس لم قريت القصة للأخري شديتني لها

    ننطرك بقصة ثانية إن شاء الله
     
  9. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    :D
    بل و انتي على طول بتحذفين :D مشكورة على مرورج و ان شاء الله راح اكتب غيرها :)
     
  10. بسمة حززن

    بسمة حززن بـترولـي جـديـد

    35
    0
    0
  11. القحطاني

    القحطاني بـترولـي خـاص أعضاء الشرف

    4,717
    0
    0
    هههههههههههههههههههه


    خوش قصه روعع

    بصراحه صدمتني في ( البورش )
     
  12. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اي بس عيبها انها من طرف واحد و هالنوع من الحب يعور القلب :p
     
  13. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    الحمد لله انها اعجبتك ... عسى ما تعورت :D ( صدمتني بالبورش )
     
  14. زهرة التوليب

    زهرة التوليب بـترولـي خـاص

    لووووووووووووووووووووووووووووووول

    الله يوفق راسين بالحلال :p

    العرس بأي كراج :p
     
  15. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
  16. CatwomaN

    CatwomaN بـترولـي خـاص

    1,566
    0
    0
    Q8


    [​IMG]


    [​IMG]


    نفس قصت حبي لوول ..

    تسلم اييدك .. صج صج اسلووبك اد و حلو :) خلاص أنا من المتابعيييين .. بلييز اي قصه تكتبها أبي اقراهاااااااا :)


    [​IMG]

     
  17. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    كات هذي الشكل القديم ... هالسيارة اعشقها و اموت فيها لكن الشره على اللي يفكر بشكل منطقي خليتها و رحت حق الجيب بس مصيري ارجع لها .

    ما الحب الا للحبيب الاولي :D .
     
  18. CatwomaN

    CatwomaN بـترولـي خـاص

    1,566
    0
    0
    Q8
    لوول ادري هل شكل قديم :) بس حلوه الصوره :) :D
     
  19. MisS_BrOnZ

    MisS_BrOnZ بـترولـي نشيط جدا

    378
    0
    0
    عاطله عن السمع والبصر والنطق أيضا
    Lovely KuWaiT
    دائما يقولون انه السياره هي العروس الاولى للشاب

    وكذلك اعتبرها العريس الاول للبنت :p

    وعلى نياتكم ترزقون .. الله يكتبلك اللي فيه الخير مع غيرها ;)

    اسلوب شيق بالكتابه

    تمنياتي لك بالتوفيق :)

    تقبل مروري
     
  20. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أذا تبي الملا الي يملك عندي خوش ميكانيكي علي كيفك :D
     
جاري تحميل الصفحة...

مشاركة هذه الصفحة