الفرق الشاسع بين موظف المؤسسة والمقاول

الكاتب : عبدالله العوضي | المشاهدات : 735 | الردود : 4 | ‏29 يوليو 2008
  1. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    السلام عليكم

    احب ارحب فيكم وانا من المقاول بس لاني كويتي واخدم ديرتي بلقطاع النفطي دشيت وشاركت في هذا المنتدى واتمنى انكم اتقبلوني بينكم حتى لو اني مقاول وشكرا

    في مؤسسة البترول او اي شركة تابع لها غير عن الكويتي المقاول وغير بفرق شاسع مااتكلم من ناحية المعاش فهذا رزق الله كاتبة والحمدلله ولن المعاملة كلش غير ليش عشان بس مقاول انزين هذي ديرتي ليش يعاملونه المسؤولين بتكبر طبعا مو الكل بس الاغلب ليش يكلمونه وخشومهم فوق مو انا ولد ديرته ليش يهدد بلفصل بدال لا ينصح مو انا ولد ديرته ولا عشان انا ماعرفة ولا اصيرله يرفع خشمه علي اخخ يا القهر واحد من موظفين المقاول هندي وفوقي بدرجه وحده اهو اييب واسطة وينقل للمؤسسة وانا اراكض من شركة لين شركة للمؤسسة عشان يقبلوني بس انه ماعندي واسطة كله مصكرينها عندي خبره ومع العلم اعرف اكثر من واحد نفس شهادتي بس عندهم واسطة انقبلو وانا عشان ماكو واسطة ماانقبل معني انا فين نشاط اني اخدم ديرتي بس ابي تقدير ليش ماكو تقدير لي وحق غيري في صج انه الارزاق بيد رب العالمين بس القهر اني انا ولد الديرة ومرفوض بكل مكان وفوق هذا موظفين المؤسسة بعضهم طبعا مو كلهم رافعين خشومهم علينه لانه احنه قاول وغير هذا حتى مصافطنه بعيده عن الباب وصمتنه تمشي لين ينهد حيلك انزين احنه اعيال الديرة عطونه ميزة حلوه عشان نتشجع مو تبون الكويتي يشتغل ويجابل قدرونه مو مطنشينه قبل سنتين واعدوني يخلوني فورمن وانا للحين ماترقيت كل هذا عشان ماكو واسطة والقطاع النفطي اهم قطاع بلكويت ليش كل شغلك مايمشي الا بواسطة ماقول الا الله المستعان واحب اوجه كلامي للمسؤولين ترا احنه اعيال الديره خففو عنه الضغط الي ماله داعي وشجعونه مو تهينون فينه واحنه نسكت عشان بس لا ننفصل وشكرا
     
  2. Q8GAS

    Q8GAS بـترولـي مميز

    514
    0
    16
    اخي الحبيب ثق تماما ان الذي يعاملك بحترام تجده اصله محترم ومن بيت محترم وتربى على احترام الآخرين مهما على أو نزل، ولان ديننا الحنيف يحثنا على تلك الأخلاق الطيبه واما الشخص الذي لا يحترم الاخرين ولايقدرهم وهم قليل ولله الحمد تجده مريض ومرضه حب التكبر وبغض الناس وخاصة من هم انزل منه منزلة ولكن عند ( المسائيل تشوفه يتلزق وراهم ) والضحكه شاقه وجه شق ،
    وانا اخوك شد حيلك وحاول ترفع مستواك الدراسي وارجع مهندس او اي شي طيب والله يوفقك .
     
  3. Safety First

    Safety First بـترولـي خـاص أعضاء الشرف




    صح لسانك ياشيخ غاز الكويت:)
     
  4. Q8GAS

    Q8GAS بـترولـي مميز

    514
    0
    16
    يامرحبا بك يالحبيب، وصح بدنك، والله يوفق الجميع لما يحبه ويرضا .
     
  5. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    كلنا نعمل تحت شعااار


    ( نـــعـــمــل مــن أجـــل الــكـــويـــت )


    ولايوجد فرق بين موظف المقاول وموظف المؤسسه ...


    ودمتم ,,,,,
     
جاري تحميل الصفحة...

مشاركة هذه الصفحة