ابى الفزعه

الكاتب : ابو ريتاج | المشاهدات : 596 | الردود : 4 | ‏28 يوليو 2008
  1. ابو ريتاج

    ابو ريتاج بـترولـي نشيط جدا

    190
    0
    0
    الى اهل قسم التفتيش والتأكل فى شركه النفط ... ابى شرح شنو وظيفه هالقسم ياليت شرح كامل ..لأنى عندى مقابله فى هالقسم واكيد راح يسؤلونى شنو معنى التفتيش والتأكل ... وشكر ... لاحد يبخل علينا فى الاجابه
     
  2. المشاكس

    المشاكس بـترولـي خـاص أعضاء الشرف

    998
    1
    0
    انا ما اداوم عندهم بس راح أعطيك فكره عامه

    هذا القسم يختص في الكشف على الخطوط بشكل عام سواءً الغاز او النفط وذالك لتحديد نسبة التآكل فيها ومدى صلاحيتها ...

    هم يقومون بعمل أختبارات لعدت أمور مثل

    إذا في مشكله في ماء الشرب يشوفون نسبة التلوث فيه .... يشوفون نسبة غاز الh2s في الأماكن ألي تصير فيها شكوى من قبل بعض المناطق ..... كما يقومون بعمل أختبار وقياس نسب الغازات الموجود داخل الخزانات وغيرها عندما يتم فتحها من قبل الصيانه وقبل دخول العامل ... هذا ألي أعرفه وممكن تكون عندهم مهام ثانيه

    أرجو أن يكون الشرح واضح
     
  3. zeyad

    zeyad بـترولـي نشيط جدا

    256
    0
    16
    من تكلم في غير فنه اتى بالعجائب

    بسم الله الرحمن الرحيم


    الاخ ابو رتاج

    انا اشور عليك تنتظر احد من الاخوة الزملاء في قسم التفتيش والتآكل حتى يفيدونك بشكل صحيح

    انا ودي اساعدك بس من باب كرهي للقافة ما اقدر لانه مش اختصاصي ولااحب افتي في شيء ما اعرف عنه لانه هذا يعد كذب

    وبما ان الامر يتعلق بمقابلة يعني شيء مصيري فياريت تتركد وتنتظر احد من اهل الاختصاص
    او اثناء الدوام الرسمي تتصل على بدالة الكي او سي ويحولونك على القسم وتسألهم واكيد الشباب راح يفيدونك وماراح يقصرون معاك باي شيء
    والله يوفقك في مقابلتك واعلم اخوي انه الارزاق مكتوبة من قبل ان تخلق يعني كل شيء مفروغ منه بس انت عليك تتكل على الله ومن تمام التوكل الاخذ بالاسباب

    اخوك
    زياد من قسم الغاز
     
  4. Ahmad Alenezi

    Ahmad Alenezi بـترولـي نشيط

    53
    0
    0
    السلام عليكم...

    الاخ ابو ريتاج يعطيك العافيه اول شي وحياك الله طال عمرك

    اول شي حبيبي انت مقدم على خبرات؟؟؟ ولا تقديم عادي؟؟؟؟ لانك تقول مقابلتك مع هالقسم بالذات وهذا شي غريب انك مقدم عليهم و انت ما تعرف شي عن هالقسم

    المهم الله يوفقك يارب في اول كلامي و راح ارد و اقولك نفس الكلمه اخر الحديث ان اشاء الله.......

    التفتيش والتأكل من احسن و اقوى الاقسام بالشركه كشغل وكمعلومات و كخبره راح تجني ثمرتها مع الوقت لكن ماديا و مميزات مو ذاك الزود بصراحه يعني الاقسام الثانيه تستفيد منها ماديا اكثر هذا بالنسبه للميزات هالقسم لكن بالنسبه للاساله لازم تكون عندك خلفيه بالامور الكيميائيه وفي الصدا بعد القسم اسمه (inspection corrosion) يعني التفتيش والتأكل

    من الامور اللي يقوم فيها القسم هذا هو (internal corrosion & external corrosion & cathodic protection & chemical injection ...etc) يقومون باخذ عينات من اماكن كثيره بالكويت سواءا من التانكات او البمبات او البايبات او من مناطق الكويت كلها سواءا في مراكز تجميع النفط او البوستر ستيشن او الاماكن اللي في الصحراء يسمونها الديزرت لوكيشن......... بالانجليزي اقدر اشرحلك اكثر

    المهم اذا ماعندك خلفيه عن هالامور ماراح تقدر تستوعب كلامي لاني انا كنت اشتغل معاهم لمدة سنتين و اعرف شغلهم لكن انتقلت منهم واذا تبي افيدك اكثر انا حاضر راسلني و انا بالخدمه لاني لو بشرحلك يبيلي وقت واعتذر اني ما اقدر ...... بس اذا تبي شرح تقدر تراسلني و اعطيك رقم تلفوني و اكلمك احسن من الكتابه هني

    ملاحظه العينات مو بس على الاتش تو اس و نسبته هم على البكتيرا و شنو تسبب و هذا مشكله كبيره البكتيرا و طريقه معالجتها كيميائيا على العموم انا اسف على الاختصار لكن اتمنى اني فدتك شوي واسف والله اني مو قادر اطول اكثر بالموضوع

    ارد و اقولك الحين الله يوفقك يارب ونشوفك معانا

    تقبل تحياتي واحترامي يا بو ريتاج
     
  5. Mesk W 3nbar

    Mesk W 3nbar بـترولـي نشيط

    100
    0
    0
    الاخ ابو ريتاج

    انا مستغرب لاني ماسمعت عن شي اسمة مقابلة في القسم الى تنقبل فيه لحديثي التخرج؟

    اذا في علمونا عشان نستعد لها :)

    إلا اذا انت مقدم على طلبات الخبرات

    على العموم الاخوان ماقصروا

    ولو تبي تستفيد

    ابحث في قوقل عن التأكل او corrosion

    وراح تلقى مواضيع تفيدك كثير

    طبعا يغلب عليها مواضيع الهندسة الكيميائية وهندسة المعادن

    واغلب شغل الشركة عن البايبات والمضخات والخزانات والتفتيش عليها من التآكل وكيفية حمايتها

    وبالتوفيق
     
جاري تحميل الصفحة...

مشاركة هذه الصفحة